旺囍車仔麵 (已結業)

💛食過幾次車仔麵無乜特別，估唔到原來幕後大boss係雞!誤打誤撞下經過團購訂左隻豉油雞，完全係驚!為!天!人!點都估唔到一間咁平凡既車仔麵隻雞係可以咁出色! 而且仲可以比我揀自己係屋企斬定佢斬埋，呢個真係影響深遠!首先一打開size都唔算細，豉油香味好出; 而且拎上手都唔太油，所以都幾好食落就更加出色，夠滑而且雞味夠濃，如果重囗味既人加埋佢地既雞汁+薑蓉又有另一番風味!最後因為太好味2個人都食左大半隻😂…查看更多

係付近番工，經同事介紹下試左呢間車仔面檔，入到去人唔多，坐位都坐得好舒服下，雖然我唔係係堂食，但叫完外賣都可以坐係到等下，鋪頭環境都幾乾淨下，比我感覺唔錯，d姐姐都好有禮貌，到講下d野食，價錢方面正常價，睇您叫得多野食定小野食架姐，所以唔講價錢，我自己鐘意佢牛腩，豬大肥，雞翼尖同蘿蔔，我唔會話超級好食，但我都會再食，但最正既，佢既沙嗲汁加腩汁，真係要加，溝埋岩岩好，而且外賣仲會分湯，唔怕麵索哂湯！…查看更多

五點幾嚟到旺囍車仔麵，食個下午餐當晚餐，呢個鐘數客人非常少😐，好彩我見仲有啲外賣單幫補下。呢度 QR Code 落單，叫咗迷你牛腩麵配咖哩魚蛋，另外再加多碟炸魚皮。牛腩唔算好入味，但係炆得幾腍，口感唔錯；咖哩魚蛋少辣偏甜，係我鍾意嘅味道。其他嘢就正正常常，質素對得起價錢。雖然叫「迷你」，不過食完係絕對夠飽嘅。值得一提，店入面嘅裝潢雖然幾簡樸，但係牆上面居然有唔少宗教主題嘅掛畫，每幅都有意思，真係估佢唔到。…查看更多

已經幫襯過兩次望落同普通車仔麵或者牛腩麵鋪差唔多但係其實佢係主打食唔同味道既雞就係朗豪坊轉個彎就到都算痴住個旺位不過每次都好彩有位坐口水雞 豉油雞 爆茜雞都睇落好好味不過今次黎到無爆茜雞唔知係咪稀有品種呢口水雞辣香，雞滑隨緣有雞脾更滑件數都幾好豉油雞甜甜咸咸幾好食餐廳推介撈出前一丁真係幾襯之後仲有唔少菜邪惡得黎帶點健康其實都有食過佢既車仔麵不過不失不過其實我都推介雞總結坐位分隔唔錯入冬仲賣埋蠟腸唔知又好唔好食…查看更多

旺角黎計食肆算多，但車仔麵鋪真係唔多選擇。呢間鋪頭十分旺場，但旺場不只堂食生意，甚至外賣平台生意都接到唔停手。由於外賣單唔需要佔座位，對於鋪頭黎講當然較有利，所以我落單後20分鐘佢地一直出外賣單，甚至有一檯等左30分鐘都仲未有任何食物。（留意番，堂食只有十個人。）當我開口問店員仲有大約幾耐先有野食時，點知店員話：「你唔等得就唔好等，我都無辦法。」其實生意咁好，停左堂食淨做外賣唔好咩？講番食物，湯底十分鹹，其中有兩舊牛筋係咬唔開嘅。（可以睇番圖）…查看更多

第一次食旺囍，啱啱好因為同整完牙嘅家人嚟食，但我又未飽完，苦惱食啲咩好。所以見到有唔un胃嘅鴨舌，就即刻嗌咗。個蒜香同滷水味好夾，好鍾意呢～所以上嚟見無人提過個鴨舌，其實我係有啲surprise 的～BTW,又唔覺個腩汁如某文寫咁偏咸，個牛筋軟軟咁啱啱好中咗老人家嘅心意…查看更多

供應超過50款配料的車仔麵店招牌車仔餸包括陳皮魚蛋、魷魚、雞中翼及牛孖筋等亦可以點十全十美麵，有齊所有特色配菜但係老闆煮雞仲出色過煮車仔麵招牌老闆豉油雞, 響鈴配車仔麵識食黎呢度係叫雞既,因為呢度老闆煮雞竟然出名過車仔麵招牌豉油雞,雞香肉滑名滿旺角,雞脾同雞胸位都比佢煮到超嫩滑啖啖肉,豉油既香味同甜味都滲透了雞肉之中~又嫩又香非常好味!因為叫左雞肉不就加配料食麵了 單點淨麵加響鈴浸湯食下!Shop 4, G/F, Manly Commercial Building, 11-17 Soy Street消費$120…查看更多

供應超過50款配料的車仔麵店，招牌車仔餸包括陳皮魚蛋、魷魚、雞中翼及牛孖筋清遠雞配河粉 係雞胸肉，但一D都唔鞋仲好嫩滑，好重雞味 非常唔錯 河粉仲搭多2條菜 河粉夠滑溜生菜魚肉 清湯配打到彈牙起膠既魚肉 鮮味又好食 加少少辣仲好食咖哩陳皮魚蛋 又香又辣仲食到陳皮味 一份有8粒 味道唔錯平均消費$77評分8Shop 4,  Manly Commercial Building, 11-17 Soy Street…查看更多

32度，個冷氣一啲都唔凍，非常環保，只係啱啱好，再加埋碗熱麵。。。然後杯凍檸水，第一杯係暖檸水，有粒不明黑色物體，所以換佐第二杯第二杯講明要凍就黎杯室溫檸水豬耳木耳尤魚麻辣湯底小辣啲麻搵唔到，基本上係又油又淡既辣木耳正常，豬耳無味尤魚ok但份量好少豬紅蘿蔔九菜豬腸加腩汁個腩汁又係無咩味蘿蔔無味有渣（我人生第一次食清水蘿蔔，係好raw既蘿蔔水味）九菜老到應該過佰歲好彩豬紅同豬腸ok好耐無食過一碗咁難食既車仔麵…查看更多

💛旺囍車仔麵💛啲雞如何呢.......🐔🐔🐔喂，真係幾好食喎，唔係普通咸雞咁簡單，佢果啲汁再配埋滑滑既雞，好好食，我好想勁食，但我減緊肥，要忍下口🤦🏼‍♀️😭而藥材味其實都好好食，只係我返到屋企太懶，無再整返熱，因為車程都成個鐘，已經凍凍地，所以有啲失色，如果我將個藥材湯倒出嚟煲返熱佢再淋返上雞度一齊食，應該會再好食啲😅係我既錯，下次我一定會整熱㗎啦😝一個餐60蚊，有雞有飯，啲雞個份量都唔算少，好食又抵，其實佢地有半隻/一隻咁買既，但我又懶得煲飯，所以叫餐算數🤣🤣#旺角 #車仔麵 #雞#旺囍車仔麵…查看更多

相信車仔麵檔第一下比人嘅感覺就係頹😂😂😂但其實試過幾間良心麵檔，已經發覺原來車仔麵都可以好好食架👊🏻今日去到旺囍，其實已經唔算車仔麵，似米線/粉麵舖多啲。主因佢勁多餸㨂，除咗經典港式餸，仲多咗好多小菜小食類嘅食物可以當一個餸。最正當然係切雞系列，個清遠雞車仔麵一流，雞肉嫩滑調味恰到好處，仲附送一大堆手打薑蓉比你撈麵又得點醬都得🥰🥰勁抵嘅價錢食到一碟例牌雞加碗麵真係不得了，下午茶$48咋碟雞高質，唔怪之得坐低一陣已見到好多人專程過嚟買隻雞外賣👏🏻👏🏻…查看更多

午飯時間，有個同事帶我哋去食，初時都唔覺得嗰度會有啲嘢好食，入到去睇到門面10分乾淨，舖頭雖然細，但好有車仔面店氣氛，職員友善，之後嗌咗一個牛柏葉，魷魚，豬皮同埋幼面，少少辣，味道不錯。其他同事食嘅餸，賣相也不錯，佢哋都覺得呢間車仔麵幾好，價錢也相當合理。發現相當唔錯，啲餸嘅質素非常高，面又剛剛好，40幾蚊嘅價錢，喺旺角的中心地帶，物超所值！再加$10有一杯凍檸茶，呢餐總共$55。呢一間真係一間良心又地道嘅小店！加油！…查看更多

旺囍車仔麵 驚喜既平民車仔麵呢間餐廳自家製既辣醬辣得好過癮，有咖哩香味牛坑腩唔會太肥，帶有牛根，咬落有嚼勁魷魚好彈牙又大粒，唔會煮太耐而縮水甘，特別推介！雞翼尖滷得夠入味，食落有豉油既甜味雖然唔夠肥美，但一碗有8、9隻雞翼尖，好抵食！麵條質地煮得比較淋軟，小編偏向硬小小爽口d既麵質P.S. 小店仲有菜脯提供，不過小編今次就冇試到…查看更多

openrice睇到收凌晨2點，晚上10:52去到見到好似收野收得七七八八，所以禮貌地問一句：「想問係咪收舖啦？收幾點呀？」，費事阻到人收工。然後，有個帶眼鏡講野唔鹹唔淡既女員工就問食乜。我諗佢可能聽唔到我問所以我就問多次收幾點，之後佢就已經燥底唔耐煩話：「你食乜呀直接嗌啦！外賣定堂食呀！」見佢咁既態度仲要根本無答過我問題，我都自問燥左咁答佢：「堂食呀！睇都未睇點嗌呀！」之後佢就講句類似堂食就坐啦睇完快啲嗌啦既說話，我就正式燥左咁答佢：「就係問你地收幾點，就快收我就唔嗌啦！」最後另外個女同事就打圓場，都算幾有禮貌咁答我收11點，睇下你想堂食定外賣就盡快落單啦。最後我無食到就走左。希望貴店可以對員工既服務態度進行下檢討同反省。本身見係黃店先捨近求遠過黎幫襯，都未遇過黃店可以咁差既服務態度。可能因為想收工所以想趕人走特登咁既態度啦，你咁既態度又真係成功趕走左我既。但其實好多時啲客問得收幾點其實都係費事阻到人收工先問，特別係後生仔女(唔係歧視成年人，只係以前返飲食，後生問得既通常都係)。希望貴店既員工唔好見後生見係手足就覺得對方一定會盲撐，服務幾衰野食幾差都無所謂，覺得一定唔會比手足投訴或負評。貴店既食物質素好唔好，我無機會品嚐，亦唔打算再黎品嚐。我亦無機會體會員工質素有無改進，但希望真係檢討下啲服務態度，否則長久落去再告急真係唔係無原因，因為真係唔只會得失一兩個客人咁少。最後希望睇到食評既大家記得：依間收晚上11點。建議唔好10點半後光顧了(外賣都係)。一來費事你地比人趕你走(未知我堂食定外賣已經開始態度差)，二來阻人收工真係唔太好。…查看更多

我本來想在星期日光顧位於「旺角」「缽蘭街」的某間台式咖啡餐廳，可惜我來到「砵蘭街」才發現那餐廳原來已經滿座，就算我算是願意等候空位剩餘出來的人，最後也是不得要領。於是我被迫把星期日晚餐裡面的場所，改為光顧其他的「旺角」食店，結果我發現位於「砵蘭街」旁邊「豉油街」裡面的港式車仔麵「旺囍車仔麵」仍然有開門營業，沒有中場休息，只是我要等到六點才享用車仔麵晚餐而已。結果我始終還是按捺不住，急着立刻進入「旺囍車仔麵」店舖裡面，立刻觀看研究「旺囍車仔麵」裡面，用可清潔物質製作而成的手寫自助點餐紙兼餐牌。原來「旺囍車仔麵」手寫自助點餐餐牌「麵底」一欄裡面，也可以自由選擇享用「白飯」，我忽然感到自己又後知後覺，光顧「旺囍車仔麵」之後才發現有「車仔飯」可以享用。可惜我當時遲遲沒有發現「旺囍車仔麵」自助手寫餐牌裡面，原來可以選擇享用「車仔飯」食品，命中註定我跟「旺囍車仔麵」的「車仔飯」緣慳一面，擦身而過了。結果我還是遵從自己平日享用「車仔麵」的習慣，選擇我的指定港式「車仔麵」組合：「粗麵」加「牛腩」，再加「雞翼」和「粗麵」麵底。今次我的「旺囍車仔麵」「車仔麵」食品跟平日最不同的地方，就是沒有選擇平日最愛的「腩汁」湯底，也沒有選擇味道相對比較辣的「辣汁」湯底。因為我曾經問過「旺囍車仔麵」店員，想知道「腩汁」湯底的實際味道。結果「旺囍車仔麵」侍應回答我的答案，讓我感到有點失望，因為她們回答我，「旺囍車仔麵」的「腩汁」湯底實際味道，感覺偏向有少許的鹹。所以我還是決定放棄享用味道可能偏鹹的「腩汁」湯底，改為選擇味道相對拿比較甜的「沙嗲」湯底，作為我的「旺囍車仔麵」食品裡面的湯底。「旺囍車仔麵」的廚房店員製作「車仔麵」食品實際速度，比我原本預計的速度快得很多，我原本預計至少需要等候十餘分鐘，才食到「車仔麵」。結果「旺囍車仔麵」廚房店員，只是花了很短，近乎「光速餐」的出餐時間，我只等候了大約三分鐘左右，就已經見到「旺囍車仔麵」廚房裡面的店員，把「三餸車仔麵」食品順利製作完成。結果我為了能夠在星期日晚餐時間「下午六時」之後，才正式享用完星期日的晚餐，被迫不斷放慢自己平日偏向急速的用餐速度和節奏，慢到半條麵條也不敢貿然直接放入口裡面。說回「旺囍車仔麵」裡面的「沙嗲」湯底，「沙嗲」湯底的實際味道，一如剛才我詢問「旺囍車仔麵」裡面的侍應，侍應回答我「沙嗲」湯底味道偏甜。相對於「沙嗲」湯底裡面的「甜味」，我原本曾經以為「沙嗲」湯底裡面的味道，會偏向比較鹹，以及偏向有少許辣味，結果我又再次猜錯「旺囍車仔麵」「沙嗲」湯底裡面的實際味道。因為「旺囍車仔麵」的「沙嗲」湯底實際味道，原來還是偏向比較預計之中的「甜味」。而且「沙嗲」湯底實際味道裡面，還有一陣很濃厚，來自「花生碎」的香味。「旺囍車仔麵」「沙嗲」湯底裡面的濃厚「花生」甜味，甚至把「粗麵」麵條的實際味道都完全染色，令我從「粗麵」麵條裡面意外食到甜味。不單只是「粗麵」麵條的實際味道，被「沙嗲」湯底裡面的濃厚「花生」甜味所感染，就連原本軟腍口感「蘿蔔」偏甜的味道裡面，也意外地食到感覺，有點像「沙嗲」醬裡面的「花生」甜味。至於「旺囍車仔麵」裡面屬於「牛肉」的部分，「牛腩」和「牛筋」的實際口感，都比我原本預計的口感來得更加軟腍，「牛腩」裡面的軟腍肉質和口感，屬於我食過口感最腍的「牛腩」之一。「旺囍車仔麵」的「牛肉」實際口感，除了「牛腩」煮得非常軟腍之外，就連浸在甜味「沙嗲」湯底裡面的「牛筋」也受惠於「旺囍車仔麵」的製作過程，「牛筋」口感軟腍得幾乎入口即化。由於「旺囍車仔麵」廚房使用體積相對比較大，有點像「日本拉麵」裡面的大型「湯碗」，令「沙嗲」湯底原本偏甜的味道效果也被放大。由於我沒有選享用飲品，所以「旺囍車仔麵」裡面的甜味「花生」「沙嗲」湯底，成為我享用「車仔麵」直到最後，變成我在食店裡面，唯一可以解渴的「飲品」。經過今次光顧「旺囍車仔麵」的體驗之後，「旺囍車仔麵」現在唯一令我感到後悔的地方，只是我忘記在「旺囍車仔麵」自選點餐牌裡面，選擇享用「車仔飯」而已。…查看更多