旭川日本料理

營業中

休息中

今晚參加活動，九點半後喺西灣河搵堂食有啲困難，呢個時候就會諗起旭川。入到去，見餐廳一半以上座位的仲有人。我同巴士迷朋友比安排到二人檯，餐牌選擇都唔少：我地唔好生野，都係叫咗定食。日式漢堡扒定食 $72包一小碟前菜、一碗麵豉湯同甜品仔，汽水就要加$8巴士迷朋友好欣賞呢個飯，佢話：米：日本珍珠米，good。麵鼓湯：唔錯，不會很咸，鮮甜。蛋：技術同日本做法差唔多，半生熟幾靚，真係做到半生熟蛋。漢堡扒：雖然細細舊，但厚身，燒汁份量剛好。忌廉汽水：加八蚊，可以再平少少，最好五蚊。牛肉壽喜燒鍋定食 $88包一小碟前菜同甜品仔味道黎講就真係冇乜特別。呢個鍋係冇爐跟嘅，黎到時啲餸就熟晒，牛肉就係半生熟咁啦。食飯食到咁上下就可以叫佢比甜品，因為覺得粒雪米滋要溶溶地先好味。留意返夜晚會收加一，未過二百蚊都可以碌卡。服務同食物都OK，係多人時大家講野大聲啲同埋座位迫啲，但咁晏搵食旭川係OK嘅。

冬天好凍，好想打邊爐，對面馬路快餐店人太多，於是黎咗旭川搵食，真係冇黎錯。我同姪女兩個拎住好多野，店員好好人，安排我地坐四人檯。我地分別叫咗：。香辣豚肉粉絲豆腐辣湯定食 $118。香辣海鮮豆腐辣湯定食 $128呢兩個定食其實啲料都好似，我同姪女一開始時交換咗啲野食。仲有呀，係可以叫小辣。定食黎嘅時候食物未熟，佢地會比個GAS爐你，咁就可以慢慢烚下烚下。由於太開胃，我同姪女基本上都係清晒啲野。最後甜品係雪米滋，可以睇準時間問店員拎，大概等十分鐘再食好融得啱啱好。可能節日關係，間店都好旺場，員工都幾有禮貌。今晚可以同姪女係度食飯，真係好開心，我會等佢再返黎香港一齊食～(佢住咗西灣河十幾年而家先知有間旭川～)

最近去咗西灣河的旭川日本料理，真係一個唔錯的選擇！我哋點咗幾樣菜式，包括半磅三文魚、雜錦刺身定食、清酒煮蜆、燒牛舌同燒油甘魚鮫，每一樣都好正！🍽️半磅三文魚新鮮得黎仲要係厚切，肉質滑嫩，食落啖啖肉口感極佳，搭配少少醬油，食落去真係好滿足🍽️雜錦刺身定食每款刺身都好新鮮，魚味十足，又抵又好食🍽️清酒煮蜆蜆煮得剛好，吸收咗清酒的香氣，味道鮮美，湯底清淡又開胃🍽️燒牛舌外脆內嫩，肉質鮮美，烤得剛剛好，搭配少許鹽帶出咗牛舌既鮮味🍽️燒油甘魚鮫烤得香脆，一上枱就嗅到好香既燒魚味，令人食指大動

搬走以後，很久也沒來這間小店。偶爾經過再品嚐，一如過往的好。首先魚生飯及麵鼓湯，色彩繽紛舖著滿滿魚生的魚生飯，使人食欲大增，分量十足，沒有將價就貨。吉烈豬扒拉麵，豬排分量也多，炸得恰道好處，不會太濃，拉面也頗多海帶。這樣經濟的日式午餐，實在是小資族首選。

今天我要分享一道美食，那就是三文魚蟹籽飯。首先，讓我們來談談飯的部分, 米飯的質地恰到好處，這道菜所使用的三文魚是新鮮的生魚片，口感極柔軟。每一片三文魚啖啖的鮮味，帶來無比的滿足感。這道菜的亮點 - 蟹籽。蟹籽具有鮮嫩的口感和濃郁的海洋風味。撒在三文魚和飯上，為整道菜增添了豐富的口感和風味。蟹籽的鮮味與三文魚和米飯的結合，正！

最近朋友介紹一間係屋企附近既日式餐廳， 平時經過都冇留意。原來都幾好味。可以一解平時想食刺身既癮🤭😋三文魚刺身半磅 （約8片）$108😋珍寶紅蝦 （2隻）$68😋赤貝 （1隻）$38😋帶子😋燒牛舌（2串）😋雜錦燒物 $68😋燒白鱔 😋炒野菜 😋清酒 300ml $138三文魚厚切好肥美鮮甜，只愛食大隻既紅蝦，好甜美，大滿足。再食埋帶子同赤貝， 好爽口，讚👍🏻再叫埋燒白鱔，燒得好香口，牛舌都好爽口夠味。日式街坊店黎講都算唔錯。又多間飯堂可以成日黎。⭐️⭐️⭐️⭐️（5星為滿）旭川日本料理 (西灣河)西灣河筲箕灣道80號地舖飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #日式餐廳 #香港特色餐廳推介 #吃貨 #西灣河美食 #打卡餐廳 #三文魚#yummy #hongkong #hongkongfoodie #hkfoodie #hkfoodblogger #dinner #lunch #brunch #bar

星期六下午，同侄仔補完習，我就同佢黎左旭川。大約三點，竟然冇人客，座位任選，真好呀！我地兩個都唔係話好肚餓，於是叫左兩碗拉麵。叉燒拉麵$48身為中學生的侄仔話，食落無乜特別感覺，就係典型港式拉麵。佢亦都話覺得好重麻油味同有好多芝麻。佢又問我點解咁多昆布同栗米，食極都食唔完咁。吉列豬扒拉麵$48好搞笑，碟豬扒同碗麵隨左幾分鐘咁先後上。我一食拉麵，就有種久違的感覺，呢碗麵直頭就係我本人N年前在吉之島food court食的拉麵味道！！侄仔當然聽唔明我講咩！豬扒非常乾，好難入口，我食唔晒，分左比侄仔。整體而言，呢餐不過不失，冇期望就得。價錢合理，店員服務態度OK，唔駛加一，算係咁。

今次就嚟到旭川日本料理試下啲人氣美食啦🍣！一入到去就覺得店員勁友善，環境係無乜特別，但都算整齊清潔。我嗌咗個雜錦魚生飯，料真係新鮮到喊，魚片切得好有誠意，厚薄啱啱好，賣相一流🌟，每啖入口都嘩啦嘩啦，新鮮海味直接係舌尖拉風靚圈。我仲啱啱俗辣試咗佢哋個照燒雞扒飯，真係好出色，雞扒皮脆肉嫩，白芝麻撒上加咗分，當啖啖肉咬落去嗰下，幸福感爆燈咩！伴菜嘅黑椒炒野菜都係另一亮點，帶住啲辣香，好夾飯。但食咗咁多仲肚餓？點會！定食仲有啲烏冬湯面幫腳，軟糯滑溜嘅面條，游水嘅日式湯頭，睇落簡單，食落卻好味道滿分。嗰粒香芋味嘅雪米糍，完美收尾我嘅午餐—— 冷得嚟，略帶QQ彈牙，香芋味又岩岩好，唔會太甜膩口，真係食完仲想再食！整體嚟講，旭川日本料理真係笑口棠之選，各位食友想食好野記得要過嚟一探究竟啊！👍

朋友嚟電話話搵倒一間日本餐廳好正，我心諗：「又係咁喇唔會太期望。」點知一落筷，我個嘴角就冇得收口喇🍣！我哋叫咗幾款招牌：旭川丼飯、燒三文魚腩同活赤貝。每樣都唔錯，用心烹調嘅味道，真係少見！旭川丼飯真係驚艷到我，其實食材簡單，有鮮甜海膽🐟、肥美甜蝦同蟹籽，但就係個配搭之巧妙，令全部食材嘅味道層次分明，又唔會亂嚟。燒三文魚腩烤到啱啱好，外層微微焦香，內裡肉質保持濕潤。青瓜絲嘅加入，爽口得嚟中和咗啲油膩感，啱曬我口味。活赤貝呢，真係難得一試。口感爽脆得嚟，完全無海水味，透明度足以見到新鮮。今次食得好滿足，完全冇間斷咁讚口"噢，好味呀..."我好鍾意呢種質樸又鮮美嘅美食體驗。對於想試下地道又唔肉赤嘅食客嚟講，真係一個實在好選擇👍！下次我仲想再嚟一轉，可能會試下其他嘢喎，睇吓仲有乜嘢驚喜未發掘😋！

去了叫了一個壽喜燒，一個生薑燒定食壽喜燒上面層油1cm 厚生薑燒半碟係洋蔥，肥肉又半碟肉又硬真係肉少過10%成餐最好得個雪米遲，但係買返來環境暗，廁所污糟收我差唔多$180要加一

其實幫襯左呢間小店好多次,貪佢選擇多,價錢唔貴,而且就腳。至於味道方面,我個人認為對得住個價錢,唔算性價比高嗰隻囉。你話唔好食咩,又唔係。好次今日兩個人去食,叫左一個雜錦刺身飯定食,有紫菜豆腐麵豉湯,又有前菜,刺身飯冇花冇假,有三文魚、油金魚、大甜蝦、蟹柳、玉子、青瓜、蕃茄仔,我覺得合格。飯腳叫左牛仔骨定食,好幾塊大大片牛仔骨,仲有炒到香噴噴嘅洋蔥,雜菜同粟米粒,一樣有湯有前菜,食到飽飽。最後,仲例牌奉上雪米糍,滿足!小店買少見少,經開就幫襯一下,支持一下啦。

一直都想試下呢間日本料理，因為同區可以堂食嘅日本野選擇不多，終於有一日來試。呢間野價錢都唔平，一個拉麵set $80，一個魚生飯$100左右，仲有加一。我叫左一個壽司便當$108，冇飲品都要加一，內容有刺身三款、壽司5件、三文魚蓉飯同冷烏冬。睇落都幾豐富同價錢合理係咪?點知一上枱就出事! 果三款刺身，係三文魚、玉子同蟹柳!係!!!!!!你冇睇錯! 係玉子同蟹柳!邊有人刺身係比玉子同蟹柳?????????你收我$108 ，個刺身比玉子同蟹柳?????????可能有人會話，D壽司係咪比高級料呀?錯呀! D壽司係比一件三文魚、一件熟蝦同三件加州卷呀!你問我加州卷入面有D咩野? 係玉子同蟹柳呀!!!!!!!!!我唔係唔鍾意食玉子同蟹柳，但係你收我呢個價，比呢D野我，我覺得唔應該比蛋同蟹柳呢啲平價野囉，同埋呢啲真係唔係一般人認知嘅刺身。三文魚蓉飯同冷烏冬份量少，但個味道不差的。如果個刺身同壽司比返正常少少的款式，或者個set係$60，咁我都會比正評，但而家咁樣，真係忍唔住要比個負評啦....希望餐廳會改善/有人睇到我呢個評論會可以避免中伏啦...

同男朋友兩個人叫左一個鰻魚飯，一個牛肉壽喜燒轉烏冬，一份三文魚腩刺身，一份燒雞軟骨，一份大蔥燒雞肉鰻魚飯正正常常，味道份量對得住個價錢刺身都好厚，串燒都無咩特別，正常味，雞軟骨加少少7味粉食會好味啲最失望係壽喜燒其實我係經過見到有壽喜燒先入去正常壽喜燒係燒左肉再落汁，之後先放d菜同湯落去我一直以為係有個爐仔比我自己整點知佢一鍋牛肉火鍋上枱無錯係牛肉火鍋所以好失望，因為係兩樣野黎味道麻麻，個烏冬個湯既味仲好過壽喜燒個湯環境方面，枱凳都係偏窄燈光有少少暗不過都算乾淨唔錯

我簡報重點：野食就性價比高，唯獨環境衞生欠奉新鮮味美，賣相不俗鴨胸份量少，但醬料配搭的確唔錯無油益味道，絕不油膩，可以一試牛柳粒相當韌，份量多都扣曬分了，係全日最差，敗筆叫2人套餐有2碗烏冬，質素頗佳

2021年8月24日 晴難得去開呢邊, 平平地就試下呢間日本餐廳鐵板牛油蜆 $79, 好香牛油味, 蜆唔老冇沙, 份量都多, 抵食上壽司定食 $85, 8件壽司2件卷物, 仲有烏冬同麵豉湯。壽司唔錯, 當然同幾百蚊千幾蚊仹d 冇得比, 但以呢個價錢同呢個質素係超值平平地可以滿足一下壽司癮呢牛肉壽喜燒鍋定食 $68, 餐廳冷氣比較凍, 食返個鍋就arm arm 好, 牛肉好多唔老, 入面仲有金菇、菜、豆腐 etc. 配白飯, 唔錯有時唔一定要食貴野, 同朋友一齊share 食, 平平地都可以食到好滿足