旦王

營業中

休息中

街頭風味經典港式小食集中營拎住一碗碗企街邊食，又系另一番風味重慶酸辣粉酸辣湯底夠曬醒胃！薯粉滑溜又掛湯， 辣度可以自選，食到鼻尖微微出汗先過癮～ 生菜魚肉湯魚肉彈牙唔會粉，湯底清甜生菜爽脆，凍冰冰天時飲一啖暖入心！ 韭菜豬紅＋豬腸蘿蔔豬紅滑溜,豬腸清洗得乾淨冇異味， 蘿蔔煮到超淋甜，加上韭菜香味～絕配！ 碗仔翅傳統做法唔馬虎，好料足， 木耳絲、肉絲、冬菇絲、粉絲一樣唔少，加麻油胡椒粉更惹味！泡椒鳳爪酸辣爽脆超開胃，鳳爪醃得入味又唔會太咸， 泡椒好夠辣，送啤酒正🍻 魚肉燒賣＋咖喱魚蛋魚肉燒賣軟糯唔會得層皮，魚蛋彈牙咖喱香濃， 食得辣嘅可以揀麻辣魚蛋

平時去開弼街嗰間，今日經過先知原來山東街都開咗分店，一場嚟到梗係要試吓🥢 招牌酸辣粉 + 肥腸一上枱就聞到酸香撲鼻，粉條煙韌得嚟唔會過火，辣度啱啱好，唔係死辣，而係層次分明嘅麻香。肥腸處理得乾淨又入味，咬落去爆汁，完全係靈魂配角變主角！🌶️ 惹味（韭菜、豬紅、肥腸、蘿蔔）呢個真係重口味愛好者嘅天堂！韭菜爽脆、豬紅滑溜、蘿蔔吸晒湯底精華，肥腸再次登場都唔覺得重複，反而係味道嘅延伸。每一啖都係重慶街頭嘅味道。🍛 咖喱四寶（豬皮、魚蛋、魷魚、牛柏葉）港式咖喱香濃得嚟唔膩，豬皮入口即溶，魚蛋彈牙，魷魚夠爽，牛柏葉吸晒咖喱汁，啖啖都係回憶。

「旦王」酸辣粉介人氣第一🔥平日經過弼街本店都見到排哂長龍，懶排隊嘅我遲遲都未試到😛 見到啱啱喺同區新開咗間分店，終於的起心肝去試吓～今日7:00pm 去到，店舖有3個人手，排隊3-4個人就買到🤪試咗其中兩樣招牌：👉🏻 正宗重慶酸辣粉💰 31叫咗少麻小辣，一拎到碗粉，已經覺得好香！再食一啖，喺好正宗嘅重慶酸辣粉🤩🤩🤩 終於喺香港搵到我最滿意嘅酸辣粉啦！！！入面配料份量都好多（花生、肉碎、芫荽）小辣程度等於譚仔十小，下次會再試吓叫中辣再過癮啲😌👉🏻 惹味韭菜豬紅蘿蔔大腸（細）💰34個湯好味👍🏻重蒜味 ，大腸清理得夠乾淨冇異味，蘿蔔好淋好入味😚 但豬紅食落冇彈性、口感欠奉😅 因為豬紅麻麻地，所以呢碗我未必會再encore⋯