旦王花 - 泰越鍾情

營業中

休息中

和朋友4個人食生日飯，諗住可以泊車較方便，這晚大概有6枱客，主要得一個侍應招呼，所以侍應態度都麻麻，經常不瞅不睬。因第一次來，不知食物份量，所以先叫了幾樣食物，其中牛扒煎得過熟，又乾又韌，向侍應反映，佢只回覆：是咁的，然後走咗去，其他生蝦、咖喱、蒜蓉包，炒飯都是一般，食食吓隔離水池突然湧出水，池水流到成地都係，我們的餐枱在池邊，其他顧客亦向侍應反映水池漏水，她大聲說會處理，最後，地下沒有人拖，周圍濕粒粒，侍應態度很差，雖然仲好肚餓，但都冇心情再留喺度吃飯，最後連自己帶來的蛋糕都沒有切，攞走了

聖誕節唔想同人迫，所以揸車去呢間泰國餐廳試下我地一行5人，都叫左唔少野食，餐廳除咗泰國菜之外，仲有印度咖哩，都幾多元化小食拼盤，份量都幾多，可以試到唔同小食，有串燒，雞翼，魚餅，蝦餅，春卷，蝦片生蝦刺身都唔平，有少少貴，味道正常椰子雞湯，飲落有少少酸酸地，幾開胃，天氣凍，飲少少熱湯，個人都暖返大蝦金邊粉，味道幾好鹹魚炒芥蘭，都不錯明爐烏頭，個擺盤都幾吸引，不過條魚唔算大條，所以都有少少貴🤣我哋叫咗蒜蓉包，為咗蒜蓉包冇咁單調，我哋叫咗牛油雞，呢個牛油雞反而好有驚喜，佢加咗好多蕃茄醬，食落去幾惹味👍另外，榴槤沙冰都好大杯，大滿足😋最後兩個甜品都中規中矩如果下次元朗搵唔到停車場，都可以揸車入嚟食飯

餐廳環境整潔，店員服務殷勤，十分友善！食物都好好食， 尤其是係軟殼蟹米米紙，口感清新，味道香脆. 冬陰公都好好食，唔會太辣。仲要主動送甜品同啤酒俾我哋💞 下次同屋企人食飯會再嚟🥰

疫情後第一次泥，味道keep到好食，份量足，安排左冷氣位比屋企人。服務態度好熱誠好nice有咩困難都可以幫到我，冇枱嘅時候都盡量幫我哋安排大家值得嚟試一下👍👍👍

第二次來的高質的泰國風情餐廳～ 分量足 味道好，係價錢少貴，不過除了食物，很大程度也是環境優勢佔多，黃昏時間嚟到可以睇日落，夜晚著咗燈都好靚好有feel，適合晚上多人gathering！.食物方面都好出色，最喜歡個咖哩軟殼蟹，咖哩溝咗椰汁同蛋漿好香，麵包外脆內軟好出色其他菜式都好正宗，不伏～.Staff很nice，最後替我們想盡辦法打包體積很大的咖喱軟殼蟹包，印象好好。.泊車費：$35/車消費滿$1000有得免費泊車

之前黎過感覺一般般今次再黎staff有改善態度同野食有好食左坐戶外位有篷有風機Staff轉左人Petfriendly左好多現場既姐姐都有過黎Yo下打招呼😆一見到我地黎又拎冰又安排風機 安排唔錯🐾我地兩個人食就叫左🍽️濕炒雞肉河粉🍽️芒果軟殼蟹米紙卷 🍽️泰式炸蝦餅🍹椰青&芒果沙冰🍮椰汁&芒果大菜糕個人比較推薦芒果軟殼蟹米紙卷個味道好fresh而且入面有好香既牛油果😍希望佢keep 住啦～

餐廳設有室內及室外用餐區，主人同毛孩可以喺室外用餐🌤️，用QR code落單好方便📱～ 呢度嘅裝修充滿泰國風情🪇，入到嚟見到半露天白色玻璃屋🤍同小象石雕塑噴水池⛲️，我米蘇蘇同小象影咗幾張相🐘，似唔似去咗轉泰國旅行呢🥰✈️🇹🇭？🫔泰式春卷春卷炸到好脆口，一啲都唔油膩，入面係素菜🥕，好清新🌱～ 仲好貼心切左一口一件，點上甜酸醬，好好味🧡！🍳清邁鐵板蠔仔蛋蠔仔同蛋嘅份量都好多😍～ 邊位煎到有香脆感，雞蛋重蛋香味同好嫩滑🥚，仲有唔少蠔肉係入面🦪，粒粒飽滿多汁，配上秘製醬汁🥣食更惹味😋！🥘黃咖喱牛肉牛腩炆到夠腍身同入味🐮，黃咖喱濃稠度剛好，帶有濃郁椰奶味🥛，如果唔想食辣嘅咖喱，超級推薦嗌嘅款❤️！🫓蒜蓉烤餅烤餅即叫即整熱辣辣，質感柔軟，食落有煙靭感，仲好香蒜蓉香味添🧅，配上黃咖喱食🥘真係好美味阿🤩！☕️凍泰式咖啡係戶外吹住風扇再飲啖凍咖啡真係好嘆⛅️！泰式咖啡一啲都唔苦，係奶味重，之後再慢慢浸出清爽嘅咖啡味，好襯呢到咁靚嘅裝潢✨！🧋凍泰式奶茶好飲嘅泰式奶茶，奶香同有少少香料味，茶底唔係港式奶茶果種，啖啖茶香加上奶香☺️，好有泰國風味🇹🇭！店員姐姐話嚟緊過嚟食嘢嘅毛孩🐶，都會送一份寵物小食，大家快啲叫爸爸媽媽

我們到達餐廳是由一位男職員招待，我們說因為食煙想坐戶外，男職員說坐戶外都唔可以食煙㗎，你們是煙鏟來的嗎？（當時覺得這男職員態度麻麻，或者佢習慣當客人係一般朋友態度）我都不以為然之後再叫佢幫忙俾多張凳我們擺袋，佢一腳伸張凳過嚟，險些撞到我，佢自己都有些愕然，但冇任何表示，我就話嘩！你咁大力㗎！他說張凳太輕了懷疑這人係皇親國戚，但建議管理層留意吓這男同事的工作態度，服務態度如有不足之處真的要加強培訓，這樣做服務性行業這個態度真係太差了其他女職員大致上都Ok食物大致上都Ok,冬陰功湯，咖喱軟殼蟹，大蝦沙律都幾好食好飲，但拼盤嘅串燒和雞翼就略為硬身，過了火侯,價錢偏貴，職員態度麻麻，這餐廳我就不太推介了

呢間位於錦上路嘅泰國菜就真係要揸車先可以食到，平時自己都好鍾意食泰國菜，見過唔少餐廳嘅裝修，呢一間啲裝修寧捨吸引，特別係中間幾隻象仔。餐廳好大間，如果覺得出邊太熱嘅話都有冷氣房可以坐，但係我就覺得坐喺戶外就比較有度假嘅感覺，真係諗返起喺泰國放鬆玩嘅日子。‣ 越南燴牛尾煲 $168牛尾煲嘅醬汁調配得唔錯，唔會話太過甜膩或者太過鹹，食落去覺得啱啱好，配白飯食就真係一流。平時都唔係點樣食牛尾，但係今次都忍唔住食多咗幾嚿，美中不足嘅係我覺得牛尾可以再煮軟腍少少，再吸收多啲醬汁嘅香味就會更加好食。‣ 泰式燒乳豬 $488淨係嗌燒乳豬其實已經好飽，呢度淨係半份嘅份量已經好足夠四個人甚至五個人食，特別係乳豬都幾肥膩，乳豬仲有搭配糯米飯。其實去到最後我哋都冇乜人食糯米飯，一開始食覺得乳豬好香，咬落去啖啖肉好爽，但其後都覺得有啲肥膩，賣相一流，但係未去到話覺得好想再嗌多次嚟食。‣ 招牌星洲咖喱蟹 $368幾乎每次食泰國菜我都會嗌咖喱蟹，我覺得旦王花嘅咖喱蟹好出色，幾次食過都唔會覺得啲蟹肉好霉，啲肉都唔會話好痴殼，好鍾意佢嘅咖喱有一浸蛋嘅香，又唔會好辣，配飯或者薄餅食真係一流。‣ 炭燒魷魚筒 $158魷魚

Book左呢度同屋企人食飯+慶祝生日，估唔到可以咁令人失望！叫左個椰子湯，已remark少鹹但都仍然好鹹！個柚子大蝦沙律，係我每次食泰菜必叫，但從未食過咁難食！成兜野係暖既，個醬又唔知咩味，又唔新鮮豬頸肉個汁千祈唔好淋落去！又係勁鹹！「炭燒」羊架仲難食過茶餐廳！完全冇羊味！個印度咖哩鹹到可以去洗腎！鹹都算，可以做到完全食唔到咖哩味！最後呢個椰汁糕，我見到個刻真係呆左！個樣好似放左成個禮拜咁！仲要連碟去蒸熱，再直接拎出黎上枱！$58呢4舊野？成餐飯成千蚊！除左個米紙卷同炒飯係叫ok正常⋯其他真係不知所謂！可以全部做到淨係食到鹹味，但原全食唔到本應有既味，真係好出色！仲有全部野食都係純翻熱，包括個炭燒羊架！除左甜品，Total叫左9樣野食，但全部可以係10分鐘內出哂環境都ok既～但比成千蚊食呢堆翻熱既垃圾，真係好後悔揀左呢度！見到之前咁多好評，究竟係轉左廚師定比錢搵人做假？

今次係我第一次食覺得味道都好好食，價錢有少少貴，但係個環境係好舒服嘅。食泰國一定要叫冬陰功湯🫕🫕🫕今次叫咗小咸，覺得啱啱好夠味，而且裏面嘅蝦都好彈牙👍🏻👍🏻你記住一定要叫小咸啊😝😝推薦：🩷🩷🩷🩷🩷然後叫咗串燒，豬牛雞各兩串🍢🍢呢個菜式就中規中矩啦。推薦：🩷🩷🩷‼️重頭戲黎啦‼️叫咗青咖喱軟殼蟹，另外自己加咗個印度薄餅😍😍😍咖喱又唔會好辣，而且軟殼蟹都脆，唔會勁軟身。再用印度薄餅沾咖喱食超正👍🏻👍🏻推薦：🩷🩷🩷🩷仲有叫咗椰青水，但係就比較清淡冇咩椰子味🫢🫢

📍旦王花 - 泰越鍾情 (元朗)元朗錦上路148號地舖Openrice訂座襯天氣未算熱 於是今日中午嚟試試地方寬敞 露天玻璃屋+大象噴泉職員安排我同朋友坐戶外座位餐廳無提供lunch set 全部都要散叫✨黃咖喱牛腩泰式咖喱有黃綠紅三色黃咖喱 帶椰香微辣較甜 牛腩軟嫰✨Garlic Naan香蒜印度烤餅 味道一般 不夠香蒜味亦不夠薄不夠脆✨馬拉盞炒芥蘭 賣相一般 芥蘭鮮甜爽脆 略嫌太多油✨泰式鮮蝦炒金邊粉有蝦 豆腐乾 勁勁勁多椰菜 賣相一般 味道亦一般整體用餐體驗✨味道(2/5)整體食物味道一般✨環境(2/5)坐室外 瘋狂俾蚊咬✨服務(2/5)QR code落單 無乜服務
✨抵食(2/5)沒有lunch set

今次夜晚去咗一間好耐冇嚟嘅餐廳🇹🇭，之前喺嗰度都食咗好多次㗎喇。但係發現今次嚟嘅時候啲價錢好似加咗，仲要有少少離譜，環境舒服嘅，可能因為未到夏天所以都好涼好舒服嘅感覺，因為每次嚟都係坐玻璃室內位置都係假日嚟，隔離有個燒烤爐成日都漂啲煙出嚟都幾過癮㗎😊 。不過今次就選擇坐喺🐘大象池邊嗰邊。我哋首先嗌咗個 冬陰功蝦湯，因為之前冇試過，又見到網上啲人讚過冬陰功（鮮甜）諗住今次嚟試下啦 點知一試 XX 太鹹了。之後就嗌咗 泰式串燒 之前嚟食都聽到微波爐叮！一聲㗎啦，咁就冇為意，但係今次屋企人行上海鮮區嘅時候，發現佢哋的串燒似乎真係用微波爐加熱，就即刻叫侍應退咗佢，咁侍應就同我哋講其實佢哋已經同廚房溝通咗好多次㗎啦。咁我都冇咩好講👎🏻仲要嗌生蝦同埋焗農夫包配軟殼蟹，不過生蝦 ，應該就真係唔太新鮮，口感唔係爽口係滑曬曬，食完之後感覺唔係好舒服🤢。價錢仲要賣$199 認真唔值焗農夫包配軟殼蟹，就OK幾好食嘅🤤，算係正常嘅食物。總括而言，今次係呢間泰國餐廳的用餐體驗 有啲起伏。食物方面有一啲問題，應該都唔會再有下一次。服務態度方面，希望餐廳能夠改進食物的品質，並提供更符合餐廳的服務，咁就可以俾顧客提供

今日咁啱喺屯門嗰邊收工，車媽咪去試一間佢朋友推介嘅元朗泰國菜，如果唔揸車最好搭巴士或者小巴，或者由錦上路站轉的士。------------------------------一去到已經好有feel，位置好大，有好多白色帳幕同閃閃燈，有室外同室內位置，中間仲有一條小河有一啲小象同佛嘅裝飾，感覺幾寫意。------------------------------餐廳係用QR code落單，望咗望個餐牌，價錢中上，天氣凍凍，我哋就叫咗一個椰子雞湯，可以選擇辣度。煲湯都幾大份，四至五個人飲都得，我哋兩個人就每人飲咗三碗左右。值得一讚嘅係，呢個係我飲過嘅椰子雞湯入面最好飲嘅一次，甚至比喺泰國飲嘅更好飲，因為佢嘅酸甜到好適中，唔會搶味，飲落口好滑又濃，加上微微嘅辣度，超級保暖，湯入面仲好足料，有好多舊嫩滑雞肉同各式各樣嘅菇菌類。------------------------------主食方面我哋叫咗一個紅咖喱豬肉，媽咪叫咗一碗白飯，我叫咗一個果仁雜果印度薄餅。紅咖喱好重椰奶味，係我哋好鍾意嘅杰杰質感🤤 最正嘅係入面仲有好多菠蘿粒同荔枝果肉，咬落去好爽甜但係又有紅咖喱嘅香味，好特別。成餐飯令媽咪

🛣️元朗錦上路公路旁有間渡假風泰國菜🇹🇭🙈位置偏僻, 駕駛人士會較方便🚗🚙🅿️餐廳外有停車場, 約8-10個車位消費🈵$1,000免費泊車, 否則$35一架🤓中庭的白色水池⛲️同泰象雕塑🐘裝飾, 有種去咗泰國feel😆✅設有室外及室內座位, 室外的餐具早已擺放好🍽️, 但因靠近公路🤥所以枱面及餐具難免有沙塵😵‍💫,有點髒, 衛生欠奉😥如客人入座才擺設餐具和抹枱會更好🙈🌜天黑後會有蚊🦟, 好彩店員會放置蚊香(起到少許作用)📱用QR code自行落單服務態度都OK, 不過當中有位姐姐態度較差劣😕🙋🏻揮手多次想搵店員幫忙, 冇人理🤷🏻要客人企起身, 先慢慢走過嚟🥸🔸冬䕃功蝦湯🥣 $128 8/10🍲一大煲盛上, 份量約4-6人🉑自選酸度及辣度🌶️有鮮蝦, 草菇, 香茅, 檸檬葉等配料🥣湯頭濃郁, 酸辣比例平均, 不錯👍🏻～🔸鮮蝦金柚沙律🥗 $108 7/10金柚份量都算多, 全部大大舊, 新鮮冇苦澀😋🦐大蝦約有6-8粒鮮甜金柚配搭醬汁, 味道酸甜, 好開胃🥳🔸越式香茅牛油雞翼(半打) $108 6/10外皮有點厚, 唔夠香脆🔸炭燒海鮮拼盤🦪 $288 5.5/10扇貝｜蟶子｜蠔每款各3件因為全