日日見麵

營業中

休息中

位置話就話叫何文田，其實就似旺角邊陲多啲。 位置模糊，連搵嘢食都有啲模糊。 開咗間幾好食既車仔麵同小食，夜夜地想搵啲嘢食下都多個選擇，算唔錯。冰火魷魚，冰凍爽口既魷魚上面加上秘製辣汁，好啱夏天食。墨魚卷炸得香脆，加埋個酸辣汁，香口又開胃。碗仔翅同粟米魚肚羹都好足料，濃度適中唔會太稀但係亦都唔會變咗粉漿，調味亦做得唔錯。外賣小店，老闆娘好有心機推介各種食品。見到餐牌上面仲有好多小食既選擇，要逐樣試晒，應該要嚟多好多次先至得啦。

今次係第二次食，第一次食無油麵，今次終於有啦湯底唔係重口味重味精，我覺得可以接受，我仲飲左幾啖添腸仔勁有誠意！佢切開再炸過，未食過車仔麵咁有心機搞咁多野牛丸好食雞翼有兩隻陳皮魚蛋，好似有五六粒唔太記得希望多啲街坊幫襯小店，呢個價錢我覺得唔錯WhatsApp 落訂方便，店主好快覆機

一直覺得附近欠一間車仔麵。記得之前自由道有一間，雖然好食，但係亦好貴，最後執咗。而家終於有間好食、價錢又親民㗎喇！佢舖仔細細，主要做外賣，但亦有幾個堂食座位，方便你叫啲可以即時食嘅小食。除咗一般嘅車仔餸之外，佢仲有啲期間限定嘅特色炸物、小食、糖水。今次試咗最基本嘅三餸麵：蘿蔔腍甜又入味，韭菜好靚冇渣，咖喱魚蛋大粒彈牙，三個餸都有水準。湯底我揀咗沙嗲，配滷水汁，好味！見佢仲有期間限定嘅龍蝦湯底，好特別，下次有機會試吓先！