日常茶室 (MONTEREY Place)

營業中

休息中

住喺將軍澳一段時間，自己本身鍾意食茶記，已經將成個將軍澳站週邊嘅茶餐廳都食咗n百次，可以好負責任咁講午餐晚餐呢間一定係最好食，畀成日排曬隊嗰間更加好吃，，早餐可能就同其他差唔多之前餐廳唔派紙巾畀食客而家都派返，但晚市都仲係無餐飲跟，餐飲可是茶餐廳的靈魂， 可唔可以考慮加番呢，價錢都是咁上下如果一個人食可以考慮芙蓉蛋飯，肉餅飯，如果人多隨便點啲小菜都可以，我已經試過很多全部水準都很不錯，基本上沒有中伏的

幫緊你，幫緊你，打打氣早餐🍳，澳南終於 有貼地街坊茶記，每次路過，都見到全餐廳滿座， 今早的起心肝，就算落雨🌧都冇阻我去食早餐嘅決心， 裝修方面，日式風格🎏，感覺和諧🎐 ，2人點了✍1) 雪菜肉絲米粉🍲，腸仔煎蛋🍳， 餐包， 熱奶茶☕ $38感想💝: 份量十足，真係可以幫你打打氣，雞湯底 ，加上勁多雪菜肉絲， 食完呢個早餐 ，中午飯都唔使食，低晒，茶記最緊要係杯茶沖得好唔好飲， 我呢杯奶茶沖得唔錯! 最欣賞佢係用保溫杯沖呢杯茶，讚2) 沙爹牛肉公仔麵🍲，腸仔煎蛋🍳餐包 ，凍鴛鴦🥤 $43感想💝: 沙嗲味夠濃，牛肉夠淋 加埋雞湯底 ，好開胃， 凍飲用不銹鋼杯，可以 keep住夠凍， 鴛鴦味道夠滑 ，奶茶同咖啡比例啱啱好，正! 總結: 澳南終於有啲貼地餐廳，多個選擇，會再encor試下佢啲lunch, dinner 👌

前幾日行完Donki諗住搵啲嘢食，但係附近都係西餐廳或者Cafe，價錢都唔平見到依間餐廳睇落去都幾乾淨同埋好似係新開，就諗住試吓。我嗌左個鮮茄滑蛋牛肉飯，分量比我想像中大，正常女仔食量一定食唔晒。有好多大大嚿嘅蕃茄，啲滑蛋真係好滑同有蛋味。牛肉嘅份量都唔少，而且好冧。10分推薦同行朋友嗌左個椒鹽一字骨，加咗$16要個晚餐套餐，套餐有飯有湯有嘢飲，都幾抵食。一字骨雖然有啲辣，但係好有鑊氣。中湯都好足料。最後兩個人都食唔晒，因為份量實在太大，不過真心好好食

今日叫左個焗咖牛飯，食物質素ok但飯有鐵釘。一面天堂一面地獄。差啲可以入醫院🤔🤔我都唔敢再食了。。。大家要小心！To repeat in English, I found an iron nail in the baked rice with curry beef. Be careful before you eat!

早餐就成日食反而晚飯就第一次。叫咗咖喱牛腩飯，金銀蛋時蔬，同埋咕嚕肉。牛腩炆得好腍好入味，個咖喱汁有少少辣啱撈飯。牛腩唔多筋，小朋友都食到。咕嚕肉出奇地好食，拍得住出面酒樓嘅水準。啖啖肉唔多骨，層炸粉唔厚，份量都唔少。再叫多咗個金銀蛋時蔬，呢個就普普通通冇特別。其中轉左一個套餐有飯有湯有嘢飲。老火湯冇味精都幾足料仲有雞腳。嘢飲我揀咗黃金麥茶，出面街都未見過有得賣。兩個大人一個小朋友叫三個小菜，最後太多食唔晒要打包。

叫左2樣野食 質素同普通茶餐廳一樣偏貴小小 侍應態度極差 我已經唔太敢叫佢我個炒河黎左想要辣椒醬我都等埋另一樣野黎先順便講，點知佢成包車過黎、係車過嚟！叫佢拎杯水叫左3次 個場唔夠一半人 食到一肚氣

這家店從他開業至今幫襯了很多次了， 他們的味道在茶餐廳來說一直都算是高水準，而且十分穩定，是我會一直光顧的原因，但之後應該會減少光顧了餐廳在開業兩三個月餐牌應已轉過兩三次，餸菜款式是越來越多但價錢也加得蠻快的，但價錢的事是你情我願，唯有一點不開心的是這餐廳有些調整不是很好， 例如晚市一個椒鹽排骨要99元，肯定不算是便宜了，轉套餐有飯有嘢飲要加16元，他從開業至今已是這樣， 但以前起碼有一杯凍餐飲，現在點水吧飲品要正價， 百多元食個小菜餐只能飲汽水， 仲有而家連紙巾都唔畀張，唔記得帶紙巾就要油淋淋咁戴口罩，百幾蚊食餐飯你使唔使同我咁慳皮

每日都會去食早餐，日日一杯熱奶茶滿足曬。但近兩日去，熱奶茶變咗又苦又淡呀，真係人生飲到最差的奶茶！今日轉登問左收銀，原來真係換咗衝茶師傅。一個茶餐廳連基本嘅奶茶都衝唔好，仲有乜嘢吸引力

柔和的裝修一改茶餐廳俾人的印象，以為係食cake ， 原來係茶餐廳，見差唔多晚飯時間咪坐底食囉。餐牌晚市就有熱炒、麻辣煲、蒸餸咁啦，兩個人食飯，叫左芝麻西檸雞、同麻辣雞煲，一上來熱辣辣，勁大碟，兩個人食，叫碗白飯, 真係好夠。賣單都係168，澳南來講呢個質素同價錢好抵呀會再去試下午市的常餐

去探剛剛搬咗去將軍澳嘅朋友，陪佢試吓附近嘢食，見到間餐廳新開張，入面乾淨企理決定試吓佢啲晚飯小菜。叫左土魷蒸肉餅，蜜椒薯仔牛柳粒，鮮茄焗豬扒飯，西擰雞，沙拉骨，麻辣雞煲，老火湯。寫咗最好味嗰兩樣先：。土魷蒸肉餅：混合左肥瘦豬，手剁肉餅口感鬆軟又唔會太淋。土魷細細粒好有咬口。豉油香同埋甜度剛剛好。。西檸雞：賣相吸引，雖然連汁上但係啲雞嘅batter外層依然十分酥脆，雞肉嫩滑。同埋超級鍾意佢嘅batter厚度適中，唔似平時食嗰啲咬落去一啖粉咁。味道酸酸甜甜更帶點清香，真係好好味，期待下次去將軍澳再食過😋。鮮茄焗豬扒飯 - 味道OK，豬扒肉質好，煮得剛剛好，唔會好淋或韌。鍾意佢新鮮蕃茄粒比平時多，多啲嘢食🍅。沙拉骨 - 味道OK ，沙拉醬可以少dd都得。佢個冇msg老火湯都好入味足料（飲晒先記得記得冇影相）。蜜椒薯仔牛柳粒 - 戒緊牛冇得食。麻辣雞煲 - 唔食辣所以都冇得食。總括嚟講性價比高，每碟分量充足，埋單好飽。

同老公落樓下海旁散步順便試吓間新茶餐廳，裝修得幾靚簡約風。晚市唔多人，所以有梳化位坐👏🏻我哋叫咗兩個小菜跟飯中湯同凍檸茶蜜椒薯仔牛柳粒: 好夠鑊氣，一上枱香到隔離位都望過嚟😂薯仔粒粒外層好脆，牛柳粒冇根唔韌有黑椒味😋唔會太油好食過大排檔芝麻西檸雞：碟雞份量幾大，影完一輪相都仲keep到好脆😋😋層炸粉算薄唔會一咬就甩。個檸檬醬啱啱好送飯一流見餐廳試業中本身冇太大期望，點知個樣得啲食物仲得👍海旁餐廳黎講，CP值高，抵過自己屋企煮。下次試埋常餐先🌟老細幾靚仔超Nice好用心教夥計，feel到啲姐姐都做得好開心

昨日經過將軍澳海滂附近, 行過見到新開左茶餐廳,  裝修企理 ( 似日本簡樸風 ), 門口有個餐牌價錢又平 , 一於入去一試下午 茶,  食物份量幾好, 服務都唔錯, 味道OK .今次叫左3個下午餐, 另外隔離台叫左個芝士豬扒撈丁,,.... 睇落好正, 下次一定要再去試.