灣仔酒店入面嘅日本餐廳，環境高貴又唔拘謹。大廳以宮廷式深木色設計，仲有靚靚露台花園戶外用餐位置，氣氛好啱約會或者朋友聚會。最近餐廳每逢星期三晚推出嘅「ᴛʜɪꜱ ɪꜱ ɪᴢᴀᴋᴀʏᴀ」任食任飲餐單，$368 就可以 90 分鐘內無限追加日式菜，另外仲可以加埋飲品ꜰʀᴇᴇ ꜰʟᴏᴡ 套餐，飲品選擇好多，除咗啤酒、紅白酒、ꜱᴀᴋᴇ、ꜱʜᴏᴄʜᴜ 外，連各款 ᴄᴏᴄᴋᴛᴀɪʟ、ᴍᴏᴄᴋᴛᴀɪʟ 同氣泡茶都有提供，誠意十足。.食物方面選擇豐富，由小食到卷物、串燒一應俱全。前菜有三文魚他他脆筒、香辣枝豆、紫菜薯條等幾款都幾開胃。卷物用料新鮮，最印象深刻係炸蝦配柚子辣椒、鹿兒島豚腩卷同火炙 ᴀ5 和牛卷，味道層次分明。串燒部分水準不俗，雞翼帶微甜酒香，豚腩肉油脂香濃但唔膩，帶子亦厚身鮮甜。整體水準高，出品用心。.當晚去到現場座無虛席，見不時有人 ᴡᴀʟᴋ-ɪɴ 但都試唔到，可見受歡迎程度。配合現場 ʟɪᴠᴇ ᴍᴜꜱɪᴄ 表演，氣氛放鬆又有情調。對比起同類酒店餐廳，呢個價錢可謂極具性價比，啱晒想 ᴍɪᴅ-ᴡᴇᴇᴋ ᴄʜɪʟʟ 一下或者一班朋友輕鬆聚餐嘅人。唯一要留意係呢個任食只限星期三舉行。…查看更多
