方榮記沙嗲牛肉專家

營業中

休息中

重遊舊地手切肥牛這東西不是人人鍾意食鍾意的認為夠肉味不喜歡的則認為太韌象拔蚌夠新鮮,不過今次切得很碎機切肥牛-麻麻黑柏葉-好食,不過好難掌握煮的時間,好易變韌鵝粉腸-又是一種不是人人喜愛的食物日本黑豬肉-好味當然要讚下個沙爹湯底,加多次水,味道也不淡服務一般同場加映:隔座客人對其中一碟不太滿意,侍應立刻幫佢地換過一碟

方榮記個大名平時聽得多，一本便利又吹噓老細朝朝出市場揀牛肉，冇靚牛肉情願唔入貨咁有職業道德，結果呢？......好失望。一入門口就聞到勁香沙嗲味，唔駛諗即叫沙嗲湯底，湯底一到，跟手又靜雞雞擺底碟菜，即係唔聲唔聲攝o係低一Ｄ個張檯仔度，我問佢：我地冇叫菜喎？佢就答，檯檯都一碟架啦！你自己睇下勒！，我仲以為咁好服務每檯送碟菜？埋單先知中計，原來每碟菜十五蚊喎，碟生菜同佢地面口一樣黑黑地，早知十五蚊碟我一定叫佢欏走啦。見佢地最貴有明星牛肉同頂級牛肉冇分大、細同樣百五蚊一碟，問佢邉款牛肉「林」Ｄ？佢答頂：明星牛肉就靚Ｄ，頂級牛肉就肉味濃Ｄ，下！（妳答乜呀？）咁有幾大碟呀？佢答：總之兩個夠食啦！唉，答左衰過冇答，既然唔知有幾大碟咪叫多幾款囉，象拔蚌一份$128，少少地，都叫抵食，四寶丸，魚蛋幾好，魚皮餃還可以，墨魚丸係街市交黎既「粉」丸貨色，牛丸仲衰，係「林pat pat」唔彈牙既山竹牛肉，不過算啦，黎呢度都唔係食呢Ｄ$28 貨仔，終於，都捱到頂級牛肉出場勒，散收收堆成一個山仔，睇得出係新鮮牛肉，肉味OK，切得幾厚下，所以好好咬口，又唔係話韌到趙唔爛，不過趙到牙都軟，（我都係欣賞「大邊爐」百二蚊

服務差、地方逼、食物污糟。去食明星好明顯都係傻。上年年尾去，有個阿姐面口差到離奇，好似我爭佢錢咁。菜老到生晒根。總括講係不知所謂。

本第係九龍城同九龍塘讀書，”落城”係我地成日所講既．對上一次去方榮記，我估有１０年．．．今次去到真係唔同左，當年係一間細鋪，依家就大左好多．．．野食，冇想像中咁正，亦不過不失，想試手切牛但因為太飽冇叫．．．

我就覺得名過其實, 明星去又點? 沙爹湯實在不算出色, 牛肉亦被金牛、鴻福等比下去。而且, 打邊爐來說, 它的選擇也不夠多, 我實在看不出它有甚麼優點。

九龍城火鍋選擇甚多，但價錢以這家較為合理。湯底每個$20，配料大部份$25。沙爹湯底必試，味道濃郁，只放入豆腐金菇也變得非常可口，其他配料只是不過不失。

天氣乍暖還寒, 便到方榮記打邊爐, 9:30pm去到, 立刻叫左個出名的沙爹湯底($20)先, 跟住想了一會, 點左細手切肥牛($60), 本地生蠔6隻($25), 黑柏葉($25), 脆鯇片($25), 土魷魚($25), 一碟老屈的菜($15), 另叫了4隻亞姐話特價既新鮮有殼帶子($25)手切肥牛, 黑柏葉同脆鯇片仍是新鮮可口, 和沙爹湯係絕配, 生蠔亦算不錯...都幾大隻, 土魷魚就一般啦, 而帶子很鮮甜, 食得出係新鮮野(因為有些少海水味), 不過可能我煮得太耐, 所以比較韌....另叫了2樽可樂($6x2), 埋單連加一$267, 湯底正而且食物新鮮, 算係非常抵食!!

上星期五一家人到方榮記食飯因為本人老爸非常喜愛到方榮記打邊爐所以很久以前已有到此店習慣但近年比較少去了想不到水準依然冇乜點變食物夠新鮮手切肥牛一樣咁靚沙嗲湯底依然香濃好味鍾意打邊爐的人士而又未去過既真係要試下必食推介:沙嗲湯底手切肥牛黑牛百葉桶豪生麵

久聞方榮記大名,今晚終於有機會試吓,沙爹湯底十分香濃,無得批評,滿分!手切牛肉肉味十足,加埋沙爹味,完全停唔到口,同坊間d沙爹湯底高出幾班,鵝腸唔肥又夠爽又有味,正!韮菜餃、珍珠、豬腰十分鮮味,連羊肉卷也十分"羊"味,松茸菇菇味濃烈,好!蔬菜也肯定揀過一手好貨,可惜兩個人唔可以試得太多嘢,埋單$338,價錢合理,全場無嘢值得批評,唯一係要坐"圓凳"囉!

一味得個沙爹湯夠濃, 其他火鍋料, 除左豬肉, 一啲特別都冇.坐得又迫, 價錢都唔平, 一定唔會encore ~

年二十七晚上9點幾行完維園花市, 女友想打邊爐, 但係謙記, 新星, 金海閣等火鍋店都無位, 把心一橫, 不如去九龍城方榮記啦, 試下佢地既牛肉和沙爹湯底...去到差不多10點, 入面仍有七八成檯坐滿, 大家高談闊論, 不亦樂乎!! 我地叫左鴛鴦湯底(沙爹+清湯), 一籃無叫又屈人的蔬菜(細,$15). 細手切肥牛($68), 另外全部20幾30蚊既本地生蠔, 黑柏葉, 四寶丸(唔係手打) , 脆肉鯇片, 另叫一支可樂和一樽夏枯草.....肥牛和脆鯇不錯, 和沙爹湯底係絕配...個湯加幾次水都仲係咁濃!!! ^_^埋單$260幾, 咁既味道和食物質素都算合理啦! 不過找數時發覺湯底$40既???明明食任何湯底$20...原來係一種湯底$20, 鴛鴦就係2種湯底..??!! 真係有d搵笨!!!!

次次去打邊爐一定會黎呢度, 因為佢地既手切肥牛同沙嗲湯底真係無得頂!! 肥牛必叫,但因為天氣太乾燥,所以今次就叫清湯同bf兩個仲叫左: 手切肥牛(大), 一片片既羊肉, 鴕鳥肉, 魚皮餃, 桂花(旁), 枝竹, 菜(局要的), 除了肥竹外其他的都普普通通, 兩條友食其實足夠有餘, 但臨尾bf死都仲要整碟味道比以前差左沙嗲牛河, 結果飽到好似有左3 個月咁... 埋單好似$34xps. 以前無加一, 依家電腦化後乘機多左個加一, 即係加足10%價?! 都幾貴喎老細!

一個多月後再幫襯過，今次要了沙嗲和芫茜皮蛋湯底。那個沙嗲湯底加極水也是一樣儂郁，好犀利~料子一樣不錯，手唧烏冬、餃子、魚餃、菜特別好味。價錢真是非常相宜！

20051026 8pm友人C從CA回港探親, 一行6人3男3女邊爐飯聚. 早慕名想吃方榮記的手切肥牛, 借此機滿足一下饞嘴的自己.環境一般, 尚算光猛清潔.要了兩窩湯底, 一莧茜皮蛋一「店自慢」沙嗲湯底, 鍋兒造型淺淺的, 跟吃盆菜的盆子挺像, 粉有趣.點的不算太多, 座上客都不是胃口大的人(除了我).要了大的手切肥牛, 珍珠蠔仔, 駝鳥肉, 黃鱔片, 四寶丸拼, 脆肉鯇, 炸魚皮, 魚皮餃, 金菇, 及硬食蔬菜一籃. 個人最欣賞肥牛及蠔仔, 牛肉新鮮味濃, 難得的是並無因手切而韌. 蠔仔鮮甜肥美. 魚皮餃也很不錯. 整體來說十分滿意, C對那碟手切肥牛連聲讚好. 唯四寶丸拼竟不是鮮打, 失望.另飲料要了7支可樂.因久聞此店常有計錯數之情況(連男友也特別交帶我這一點), 埋單時仔細的check 了一次單. 才$460. 便宜得很.

D牛肉一早切好晒，再慢慢鋪，成堆牛肉，見到打折扣。食落果然鞋，兼且肉味唔夠，睇尼一年內不用來。