新龍城茶樓

營業中

休息中

之前都食過一次呢間大排檔，味道唔錯，好有鑊氣，價錢抵食仲要大碟！唔使擔心佢係有冷氣環境舊式都算乾淨。🍴拔絲黑豚肉 $98 (8/10)下面有冰鎮，外冷內熱，外皮更香脆炸粉唔會好厚，肉質都算彈牙唔會乾身，酸酸甜甜好唔錯！🍴胡椒鹹菜花甲豬肚煲 $198 (8.6/10)推薦大家叫呢個！花甲鮮甜冇沙，胡椒味香濃辣辣地非常暖身，豬肚都好腍，好好食！🍴椒鹽鮮魷 $108 (9/10)先有新鮮彈牙，炸得香脆炸粉唔會好厚，份量仲要好多添！🍴鐵板豆腐 $88 (8/10)好多台都有叫，豆腐嫩滑，加咗汁上去之後仲有鐵板鑊氣添。🍴雜菜海鮮炆伊麵 $78 (7.8/10)份量好多，海鮮有魷魚蝦仁白菜，西蘭花，伊麵好腍，超級掛汁，濕潤得來調味的剛好。🍴沙薑大雞腳 $88 (8/10)雞腳份量好多，炆得好軟腍腍，有沙薑嘅香味！🍴馬拉盞通菜 $88 (7.8/10)馬拉盞炒得好香口，唔會好鹹通菜都好爽！🍴涼拌豬手 $138 (7/10)豬手嘅份量好多下便仲有勁多青瓜，辣辣地好似蒜泥白肉咁嘅味，不過相對嚟講呢個比較普通唔算抵食！推薦指數: 8/10大排檔真係少見少有，一定要支持傳統小店！高質抵食，又有鑊氣，想食正宗

彩虹站出邊嘅牛池灣村，出邊有各式各樣嘅攤檔，街市檔。食方面就食燒鵝嘅”新志興”。不過今日嚟到未開門，就去咗更有上一代茶樓特色嘅”新龍城茶樓”。其實我細個住過一段時間彩虹，但係都未嚟過呢頭😅。“新龍城”同而家嘅茶樓一啲都唔同，冇環境(甚至係差)、冇服務，加水要自己去滾水間，所有點心要衝出去搶先有。不過另一方面睇，呢啲咁有特色嘅茶樓已經好少。點心方面，基本上一出就好多人排隊搶，雖然好麻煩，好迫，而且好危險，但好處係唔使tick點心紙之後等，一拎就食得，非常滾熱辣！另外有煎炸部煎糕同腸粉。最好食嘅分別有 1.煎腸粉 (驚人嘅香脆感) 2.鵪鶉蛋燒賣 3.鴨腳扎。如果只係以食物論，並唔係咩絕世美食，仲要冒着周圍滾水濕地嘅危險衝出去搶，加上烏蠅同冷氣機滴水，真係對環境有啲要求都唔好入去。不過呢度嘅氣氛就有着難以抵抗嘅魔力，周圍搭枱嘅食客都係笑容滿面，鬥搶完點心之後互望而笑，總算係一種另類體驗。食完，都係好滿足嘅😅。要注意佢嘅點心只係出到2點鐘就冇晒。

今年復活節看新聞說今天有差不多一百萬人出境外遊消費，我們今年決定留港消遣。聽說牛池灣2025年就要清拆了，那就要去探索一下了。一到埗，立刻有時光倒流去60,70年代的感覺，非常有feel, 當然和現代有些格格不入的就是衛生標準了。奉勸如果接受不了，最好不要來試，因為不是糸人都頂得住。招乎幾乎系無果隻，揾位糸要自己執生，冲水,揾食呀之類。不過，食物味道，還是有的。小弟試了最重要的虾餃，燒賣，還有失傳的魚翅餃，可惜我的最愛雞絲粉卷賣哂，雖然只糸有味道沒有裝潢服務，但能吃到懷舊的風味也是非常值得，何況價格非常親民，真的沒話說。

傳統酒樓越嚟越少，有點心車的數量更少，但這並不意味著它們完全消失。這間酒樓仍然保留著傳統的酒樓文化。現在的酒樓很少有雞絲粉皮和糯米包，點心車還有即叫即煎的腸粒和糕點，真吸引。雞絲粉皮中加入椰菜帶來更豐富及有層次的味道體驗。糯米包的味道麻麻，調味不足，味道較淡。餡料選擇不當，用了粘米。蝦米腸煎出外脆內軟的口感，外皮金黃酥脆，內部腸粉柔軟嫩滑，蝦米的香味能夠融合在其中。環境一般，服務很好，需要自己出去叫點心，價廉物美，古色古香。

久違了的大包：不是每間茶樓都有大包。近日在網上見到牛池灣茶樓有大包食，所以今早特別行去撞下運氣，－入去點心站就問阿姐有冇大包，阿姐即回應，係度食定攞走？我話攞走！佢就叫我入去比15蚊！15蚊？我5年前食過雞球大包，當時係$30。三年前在土瓜灣亦試過一個$18。 今天這個包竟然係$15，驚喜價，心想一定係中碼包，點知原來都好大個，性價比其高。包部份鬆厚帶甜，中間肉地瀑汁，可能大清早，所以感覺新鮮滾熱辣，可惜趕返公，所以唯有邊行邊食，如果可以坐定定品嚐，會更好！

舊式茶樓真係買少見少，點心車無疑是一個賣點，呢度雖然無流動點心車，但呢度有嘅係環境、氣氛同人情味，新鮮點心會不定時拎出嚟，跟住大家會一窩峰排隊拎，點心味道唔錯架，價錢大約廿蚊左右，而茶錢每位$3-5，不過呢度衞生就好一般，兩隻碗都殘留點心皮，哈哈！🥢排骨⭐️⭐️⭐️⭐️排骨份量唔少，肥瘦參半，蒜蓉豆豉夠香，底仲有芋頭，好正。🥢棉花雞⭐️⭐️⭐️⭐️抵食夾大件，整體味道正常，太耐無食好想食下。🥢魚翅餃⭐️⭐️⭐️我印象嘅魚翅餃係有素翅响𥚃面，但呢個魚翅餃就只得豬肉，味道比較寡，但熱食都係ok嘅。🥢燒賣⭐️⭐️⭐️⭐️有蝦有冬菇响入面，豬肉比例多過肥膏，真材實料，好好味。🥢煎腸粉⭐️⭐️⭐️⭐️⭐️响車仔即叫即煎，條條都輕煎到金黃色，外脆內軟，有葱有蝦米，連豉油都好好味。二人共消費：$125

喺牛池灣發現舊式茶樓，茶錢按冷氣位收費😂有冷氣$4/位，無冷氣$3/位。點心係放喺點心車自己行去睇有咩啱食。點心keep住會有新鮮蒸出黎，無既話就要等一等。入面環境算闊落，其實都好多位，不過人一樣唔少有傳統既糯米包，幾乎每枱必點，牛肉球同燒賣一律都係$21，新鮮熱辣又夠大粒。排骨就普普通通，雞扎份量十足👍🏼價錢合理，又有懷舊feel，不過始終舊式地方，唔好expect會好似出面酒樓咁乾淨企理

🍴椒鹽九肚魚 $88九肚魚炸粉好薄，揸得好香脆，新鮮熱辣辣，食落去魚肉非常嫩滑，有味又唔會腥！🍴馬拉盞炒通菜 $88炒得好爽口，非常鹹香，入邊有啲鹹鹹魚蒜頭，好有鑊氣！🍴咕嚕肉 $88炸得好香脆，炸粉好薄，酸酸甜甜，肉質比較紮實少少，但係一啲都唔乾，用咗冰底令到咕嚕肉冰凍之後再更香脆！🍴小炒王 $88有韭菜，新鮮魷魚，蝦乾魚仔乾，三色椒，腰果，炒得非常香口，口感豐富，好好食！🍴水煮魚 $178非常豐富，好足料，枝竹，豆卜，雲耳，芽菜，值得一提嘅係佢用咗新鮮鯇魚，唔係急凍魚片，雖然比較多骨，不過肉質好滑好有鮮味，食落去係小辣，香辣麻香，完全係好輕鬆，配料吸晒水煮汁都好香！推薦指數: 9/10非常地道，港式大排檔，價錢好抵食分量又好足又有鑊氣，真心推薦，唔使驚冇冷氣，全場都有冷氣㗎！

今日唔想食茶記早餐，知道呢邊有幾間地道茶樓，最後揀左呢間試一試。點了蝦餃，燒賣，鮮竹卷，雞絲粉卷同雞扎。呢間點心全部一口一件，大小適中，蝦餃燒賣都好好味，蝦餃皮薄爽口，食得出自家製作。鮮竹卷的高湯十分鮮甜，絕對比得上大酒樓的點心！雞絲粉卷在酒樓幾近絕跡，但呢度嘅餡料比較多菜，菜味重咗反而食唔到其他味。最後真心推薦雞扎，所有配料都好入味，出面食開嘅竽頭通常偏硬身，呢度係淋而且好入味，實在難得！要留意返呢度環境真心麻麻，d碗筷需要自己再清洗。另外呢度人流不絕，基本上2人都要搭枱，亦有機會與寵物同枱，我個枱就有狗仔，另一枱有鸚鵡。d服務其實幾好，出到去拎點心d服務員會主動問你要咩，亦會告知某一啲點心蒸緊要等。總括來說食物一流，但環境就看個人接受程度，或者考慮自備盒嚟外賣啦。

這家位於牛池灣村的小酒家很有風味。午飯時間去飲茶一盅兩件都幾過癮。糯米包唔係好多地方有得食，呢度竟然有就梗係要叫啦，不過味道只屬一般，佢入面嘅糯米飯唔夠香，所以味道會差少少。蝦餃嘅皮同餡味道都可以，入面隻蝦唔係唔新鮮，不過如果隻蝦可以再新鮮d再彈牙d就會更加美味。鴨腳扎味道都唔錯，舊芋頭好粉好靚，入面夾住嗰嚿肉質素都ok，腐皮都OK。碟煎腸粉好食，煎得夠香夠脆，煎到少少燶好正。山竹牛肉嘅牛肉質素都唔錯，起碼有牛肉味而唔係一嚿無肉味嘅肉團。雞絲粉卷比想像中好，不過同以前細個食過嘅味道都係有一段距離。

放假約左朋友嘆下一忠兩件又唔想咁單調 於是就搵左呢間比較古色既新龍城茶樓 佢係彩虹地鐵C2岀口向右手邊行大概5分鐘就到 唔難搵入到去已經好多公公婆婆飲緊早茶 好快我地都坐底左 想食咩就岀去點心檔到叫 不時都會聽到有啲咩點心新鮮岀爐 我地叫左燒賣 鳳爪排骨飯 煎腐皮卷全部黎到都夠哂熱 燒賣好食唔會係啲好實既豬肉 有小小冬菇粒 增加左口感同香味鳳爪排骨飯係小時候食既味道 有兩隻鳳爪，排骨份量都多 充滿住飯香味煎腐皮卷大大呢個係推介大完試 佢加左喼汁上 加埋酸酸地 食食下好快清哂呀！我地兩個人埋單都係$71

概覽：一試地踎茶樓風味。衛生環境不太好（侍應不著重防疫措施、餐具不太清潔、設施不見完全清理乾淨）。不少熟客似乎習慣長坐休閒睇報紙，人流唔算少。不需對食物味道有高期望。室外座位冬凍夏熱。香煎腐皮卷：新鮮煎起上碟，但唔太香，料算足。糯米雞：料算足。

牛肉球🐮$20蝦米腸😄$20糯米雞😉$22茶芥🍵$3/位睇完醫生之後就走咗去附近飲茶🫖舊式茶樓，可惜遲咗去到😂基本上想食嘅嘢都已經賣晒😅煎腸粉即煎嘅，所以比較好食☺️其實點心食物質素就較為普通😐傳統舊式茶樓，環境亦一般🤣但勝在方便，點心亦都蒸好，隨時隨地可以食🙂新龍城茶樓 (彩虹)彩虹牛池灣龍池徑67號B地舖

今天又是拍vlog天，星期日有咩好做，緊係飲個茶食個包啦，就係咁，我5:30就起左身準備 (你地冇睇錯，係5:30) 點解去飲茶？因為朋友都係返通宵更，捉佢地去就fit曬，不過我地去到都已經7:00，正宗天黑去到天光😆今日去到拎左好多野食：- 蝦餃🦐- 燒賣- 牛肉球- 鳳爪- 雞扎- 炸雲吞- 鹹水角- 煎腸粉- 叉燒腸粉- 叉燒餐包- 鹹魚肉餅飯呢到唔係畫紙仔，係要出去門口拎，所以坐低洗完野後，就即刻衝左出去🤣所有野食都好好食，但特別想講係個蝦餃同叉燒餐包，蝦餃因為係新鮮熱辣食，所以夾起既時候，塊皮已經俾我整爛左🤣咁証明個皮超薄，粒蝦size唔算大，但食落去冇霉，爽口，好好食👍至於叉燒餐包係我私人極到推介，因為細細個阿爺就好鍾意叫俾我食，佢亦都話送孖精1流，所以好懷念，依家真係冇地方食到🥲好多時食餐包你會食到好多空氣🤣但呢個包大得黎，唔算多空氣，重要有好多叉燒餡🥰，搞到我地爭包食🤭，好彩佢地好快就有新鮮出爐，所以我地先冇爭野食🤣最後講下炸雲吞，由於拍片既關係，我地擺左枝咪係衫領，睇返條片，雲吞片係脆到入曬咪🤣新鮮又脆，真係唔係到到有架😆總結：呢到飲茶好有童年回憶，要搭枱、要衝出去拎

嚟到彩虹食大排檔，呢間大排檔好出名夜晚都好多人，一於就試一試佢哋嘅小炒啦！總括而言份量都算嗎價錢都唔貴，但味道可以再惹味啲香濃啲。🍴椒鹽九肚魚 (7/10)即叫即炸，外脆內軟，唔會太油膩，肉質好嫩滑好淋，有魚味。🍴欖菜骨 $88 (6/10)唔係話好熱辣辣，欖菜同埋甜味都比較淡，肉質比較嫩滑，好在冇乜雪味，ok la。🍴醬皇鐵板乾爆鮮魷 $98 (7/10)魷魚好厚肉，淋身有口感，微微嘅豉汁味，洋蔥好甜，都幾香口。🍴馬拉盞通菜 $78 (6/10)香口有蒜蓉，一啲都唔辣，通菜勝在爽口，但略嫌未夠香濃。🍴水煮牛肉 $168 (8/10)好足料好大煲，要三至四個人share先食得完，有腐竹豆卜芽菜同埋牛肉，有金菇秀珍菇木耳。辣辣地，屬於比較香辣，屬於辣到會出汁嘅中辣，但唔會食得好辛苦，唔算好麻，牛肉都幾多，有十幾舊，都嫩滑，唔會好硬好韌，其他都好掛汁幾好食。推薦指數: 7/10大排檔有冷氣坐得都OK ，環境都算整潔，小炒都有鑊氣但略嫌比較淡味少少🤏🏻整體來講價錢性價比都OK嘅，都可以試吓。