新香園 (堅記)

營業中

休息中

小分享: 差👎！話說今日放左工，本來諗住番歸煮個一丁食，但係攰到阿媽都唔認得唔想煮又唔想洗，而且又想懷緬下兒時味道就落車貢左2個街口去深水埗新香園(堅记)茶檔買我兒時最鐘意食、佢地又最出名嘅蛋牛治。唔食尤自可，再食把鬼火！以前我最佩服哩間野蛋牛治d牛唔似人地出面茶餐廳用免冶牛，佢地係好用心、好有誠意咁用新鮮牛兼一大大片，宜家……都係用新鮮牛，不過……切到免冶牛咁嘅Size, 只食到其蛋味，但吃不出其牛味，完全揾唔番兒時味道，飽肚而已，總之番歸煮一丁好過 😠😩

久仰左堅記嘅蛋牛治好耐，終於的起心肝同朋友去朝聖。早上十一點左右都差唔多坐滿，環顧四周沒有人客食蛋牛治，不過我都叫左，仲要烘底。事後當然知道這是一個錯誤，普通白麵包索咗D汁先至會仲好食。蛋牛治好快就送到，第一個感覺就係點解咁細份。打開塊麵包，睇清楚仲失望，因為真係好少料。啲蛋剪到好薄，味道ok啦，香噴噴，牛肉粒有醃過亦都好嫩，不過我只會俾B-, 唔係真係咁有特色。係Openrice睇其他人客嘅相，比我個份吸引好多, 又厚又多汁，我唔制呀！題外話，收銀果個唔知係唔係老細，同個friend吹水大聲又多粗言穢語，環境有少少影響了我對堅記的first impression.

是夜路經深水埗,恰巧未食晚飯,於是open rice 一下,看這店多好評,便決定在此用膳!南乳豬手面豬手夠入味,而且很淋,不錯呢~只是面底份量比較少, $20一碗的份量都能接受吧！蛋牛治烘底招牌之一呢…果然有意外驚喜!多士夠脆,蛋牛有汁,十分好味!臨走前還想encore呢～最後是菠蘿冰, 甜了少許,不過味道也不錯,至少菠蘿佔了半杯呢！

今天晚飯完全食唔落其他野,於是去這間出名有西多士的店鋪。來時脹卜卜的西多士以為很多料,一切, 即肩, 中間沒有什麼花生醬!當然西多士即叫即整, 新鮮熱辣是正常的.但這碟要$17 而無料的西多, 我覺得有點貴!當然如果不是今日無胃口, 我想是不會食的,或者其他有料的西多, 還要貴過$17都未定。不過, 唯有好的是, 想食即想這間, 可能方便得很是其優勢。

每次經過深水埗,我好自然就會黎左呢到搵食呢到既蛋牛治，有幾出名唔駛講,雖然佢價錢越黎越貴,但真係好好食我每次都會叫多士,因為佢烘到又熱又脆,加埋份量十足既蛋牛(啲肉同蛋整到岩岩剛熟,唔會太生OR太老,仲好有肉汁)，真係最好味既三文治!另外我仲叫左豬手麵,啲豬手大大隻,炆到好淋好入味,正!雖然佢唔係最平,但佢既食物質素真係好好,一定會再黎

一年都食四五次, 但多數食豬手面。今次下午茶食 西多+紅豆冰。西多炸 得剛好， 不是乾晒。紅豆冰是我喜歡的碎冰， 撈埋味道不太甜， 紅豆軟硬適中， 不明為甚麼很多餐廳都做得唔好!!要講唔好地方只有迫， 一張細枱坐六七個人 ， 我當特色來

呢檔野，絕對係半夜收工一族既食堂。早幾年已經間唔中過黎食，睇住佢 d 蛋牛越黎越細，個價就越黎越貴，不過水準依然保持到。最緊要係既叫即整，新鮮熱辣，蛋牛夠鹹香，配上大可樂絕對係收夜一族既人生一大快事。

來到新香園，我的第一印象就是新香園是一間老店，客人絡繹不絕。我是打算來嘗嘗「馳名蛋牛治」和紅豆冰。喝了一口紅豆冰後覺得很涼快，當中的紅豆不像其他市面上的紅豆冰的，一碰就變得爛爛的，而是有咬勁的。然後再嘗嘗蛋牛治，牛肉十分嫩而食完不會有渣，味道十分濃郁。

大家食堅記都會知一定要叫佢既蛋牛治, 但其實除左蛋牛治外, 佢仲有好多食物都係十分美味是日大胃王既我由於好肚餓所以一次過叫左兩個面, 豬手面  嘩!豬手好林呀, 林到骨肉分離, 面又冇鹼水味! D豬手既汁入哂茖個湯入面.! 推介!!!另外叫左一個比較少人食既麻甩之選, 如果鍾意食豬什既人係必叫豬什面  超正.首先湯底充滿豬肉味., 豬什何其新鮮. 而且落充料, 有腸, 肺, 胃,肝等等.成碗整體計好香又好入味!!

每次來新香園都只理會蛋牛治及其他粉麵。今次來一點新的試試看: 炸麵不消30秒，竟然奉上一碟油炸鬼。可能服務員見我和男朋友望住碟油炸鬼 o晒咀，逐解釋 炸麵 = 一舊麵團放鑊炸原以為一餅粉麵炸了就是炸麵。我們哭笑不得。不過，錯有錯著，平時多吃新香園的食物，從未試過堅記的粥品，唯有點一客豬潤牛肉粥，之後再放些炸麵一起吃，不致浪費。豬潤非常爽口，真的有爽口感，粥底好滑，粥品整體好味道。

之前聽朋友講過話深水埗有間鋪食蛋牛治好好味，所以有日唸唔到食乜既情況下就入左去試。本身我份人都唔係話特別對呢d三文治有興趣，因為平時都唔會叫腿蛋治、餐蛋治食，又唔飽肚，又唔特別。但係今次食完新香園既蛋牛治，我真係覺得原來兩塊多士夾野都可以好好味。新香園既蛋牛治，入面既材料絕對無偷工減料，份量十足，而且熱辣辣出晒湮，食落去d肉汁同蛋汁既味道憑住佢既熱力出晒黎，完全非一般茶餐廳既三文治，所以真係無得彈 。另外，好多時茶餐廳既多士烘完都係唔脆而且唔熱，但係今次食既蛋牛治既多士又熱又脆，同食平時個D多士比，已經分左兩個層次。炒蛋同牛肉其實呢兩樣野估唔到夾堆一齊食會咁特別，牛肉既肉汁會比炒蛋鎖住，一咬落去蛋汁同牛肉汁都會一次過享受得到，同平時夾奄列無得比，牛肉既口感、同鮮味實在太好。所以去新香園記住食蛋牛治!!

今日同相公去深水埗睇電腦, 順便試下呢間咁多好評既餐廳~下午茶一去到叫左一個烘底蛋牛治, 一個豬手面個烘底蛋牛治面包脆botbot,  入面既"蛋牛"煎得啱啱好, 唔會太dry, 仲保留住少少肉汁! 相公大讚係世界級既三文治! (但係我覺得dry左少少如果加d sauce會更好)個豬手面係相公食的, 佢話有少少淡, 但係呢個價錢絕對抵食!之後我地繼續行深水埗睇電腦.........到左晚飯時候!因為相公對蛋牛治念念不忘, 咁晚餐再去食多次先啦!估唔到晚餐時段的蛋牛治會有驚喜!今次的蛋牛治應該係即刻整好的! 拎到上手仲係熱辣辣的! 而且今次的肉汁多到流出黎!我諗下午茶果份蛋牛治應該係放左一段時間因為果次只係微暖同埋得好少肉汁....除左蛋牛治, 我地仲叫左牛腩面,雲吞面同紅豆冰結論係...呢間餐廳的蛋牛治絕對係世界級但係佢既面就稍遜... 同下午茶食的豬手面一樣, 呢2個面都係無咩味...紅豆冰就正常味, 無咩驚喜價錢: 蛋牛治  $17 (烘底加$1)        豬手面  $20        牛腩面  $19        雲吞面  $19        紅豆冰  $16好味指數

黎到深水埗，連地膽朋友都話"識食一定係食新香園蛋牛治" ，吾試過都吾會心息。假期日子，出名小店等位是常識吧。話說本人真係等到"餓餓好肚餓 我地餓到就黎傻"，今次都係食左先講，相機後食！原本已經對厚厚嘅蛋治有偏愛，配以吾洗加錢嘅烘底同滑牛肉，講起都想食。如果返工有佢做早餐，配返杯吾係到到有嘅唂咕，甘就真係Good morning！添食指數: 7.5/10

說到新舊交匯 深水埗可說是完全體現是兩者的完美結合這邊箱有二手電器電子零件的地攤那邊箱有最新款的電腦產品 一間二間科技商店抬頭看見大型的西九龍商場和食肆窄巷又藏著不同的馳名小食店看完醫生後走到附近的人氣茶記說的是新香園堅記雖是茶記 但室內環境夠光猛 坐得舒服跟男友事不宜遲就點餐選了蛋牛治烘底 西多士 豬手麵 還有紅豆冰和菠蘿冰飲品先到 紅豆大粒 有咬口但兩杯飲品都有點過甜 等冰塊稀釋後 就好喝多了這裡的名物 蛋牛治烘底幾乎每位座上客都會點看起來有多吸引也不用多解釋了但由於有傷在身 不吃得蛋又不吃牛眼光光看男友把整份蛋牛多KO了因為覺得自己好唔抵 所以忘了什麼是罪疚感晚上都點了一客西多士多士炸得金黃 加上牛油和蜜糖是我小時侯的至愛西多士入口鬆軟 如果表面能做到更鬆脆就更完美豬手麵有兩塊大大塊的豬手輕輕一咬就能咬開 火侯足但略為淡味 南乳味再濃一點就更引人入勝反觀這裡的麵充滿蛋香又彈牙更讓我鍾情男友見我這個麵包迷沒得吃蛋牛治好像好可憐於是多點了一客餐牛治烘底 把餐肉那邊分給我(其實我話係佢為食就真-_-)多士烘得乾身又脆 配上薄切餐肉 熱辣辣又是一個必勝組合牛肉都是蛋牛治所用的碎牛兩者比較

見好評幾多,想去試試. 叫左豬手麵及蛋牛治. 隔座都係聞風而來.豬手麵豬手很軟,應該是高壓鍋煮既,但無南乳味(重點),還有一點腥,完全失望,如果我在家煮更好味.個湯底很鹹.如果個豬手夠味,湯底不應該很鹹.蛋牛治(忘焙底),牛肉不香,很普通,要食去九龍城食吧.