新錦園大排檔

營業中

休息中

今次嚟到大角咀嘅「新錦圍大排檔」，晚市時間依然坐無虛席，人氣非常旺，明顯係附近街坊嘅晚飯首選。主打鹽焗雞，果然係招牌菜之一。雞皮金黃薄脆，雞肉嫩滑唔乾柴，每件都唔會太細，配埋薑蓉鹽同豉油，點極都唔厭。睇得出係用心處理嘅功夫菜。蒜茸炒白菜仔令人有驚喜。唔止炒得香，菜嘅爽脆程度啱啱好，唔會炒過火變腍，仲保留蔬菜原味，配搭得宜又健康。椒鹽鮮魷係整得最出色之一。炸粉夠薄唔會厚重，魷魚外脆內彈牙，味道鹹香入味，加埋小量辣椒提香，唔會嗆喉，反而好開胃。價錢以大排檔嚟講中規中矩，但食物份量實在。最鍾意佢無收加一，仲有折扣優惠，CP值高。店員服務態度都唔錯，會主動收枱，親切有禮。推薦比鍾意港式小炒、家庭晚飯、朋友聚餐嘅食客。

🤩🤩《大癲· 12位生日宴 $1100 十道餸》🤩🤩今次真係大癲‼️ 屋企有人生日 意外發現宜間 $1100 12位生日宴 10道菜 人均都只係$99蚊 😍有🐣雞 🦐海鮮 🐟蒸魚 湯 麵 菜 小炒 咩都有齊 ｡雖然係位於食宿中心可能環境會有啲噪雜 　但真係勝在 夠抵 抵到黐線 絕無僅有。食物質素都幾高質每道菜都幾好食｡每碟都超大碟 幾足料 ｡ 清蒸魚好大條 霸王雞都幾有雞味 但肉質有點韌 炒蝦都好夠味 蝦都幾大隻 豉油王炒麵全部都好食 又份量超大 ｡一圍12人真係飽到爆 😋

小炒王份量十足，蒜心嫩滑，腰果食到尾都有，燒鵝叫咗個例牌，望落去以為叫咗半隻，樣樣都份量十足，極力推薦墨魚咀，爆汁嫩滑。現場環境氣氛很好，服務員勤快有禮，九成入座。

之前同朋友嚟過，今次就帶屋企人一齊嚟試吓，順便團年呀🧧我哋一行二十二人，book 咗兩圍，佢有一個適合12 人的$1188 生曰餐，我哋預早叫咗兩個，去到即起，唔駛煩啊😎大排檔嘅鑊氣真係好夠，佢炒嗰個豉油皇炒麵又大碟又好味👍🏻👍🏻值得推介仲有椒鹽鮮魷，真係好鬆脆同肉質爽嫩👍🏻👍🏻個餐嘅整體都好唔錯，人均消費$100， 有這個質素，真係值得推介👍🏻👍🏻補充: 小朋友食完仲可以上返六樓有個免費室內遊樂場放電，分時段的，小朋友都玩得好開心😁廁所：一般，可以接受（六樓個廁所乾淨，唔怕煩可以上去）

大角嘴市政大樓新錦園大排檔，4個人叫咗椒鹽鮮魷，豉椒鵝腸，生炒骨，豉油皇炒麵，1個白飯。共378元。未食之前感到好貴，但d餸上枱就覺得抵食，份量係出面大排檔份量一倍，差不多一碟等於二碟。接近一百張枱大排檔起餸速度幾快，十分鐘就上齊食物質素不錯，份量又大。最驚喜是有85折，本來378元，但85折後收322元，我覺得值得推介。下次唔要白飯，將豉油皇炒麵改揚州炒飯，300元多d埋單可以

細細個住大角咀，已經識得過去食，佢嘅環境真係相當一般，但係味道相當地。我有朋友外地黎，都會帶佢哋去試吓，價錢嚟講都算幾抵食。份量又較大。今次係四個人食，叫咗5個餸1椒鹽九肚魚佢個外皮炸得好乾身，入邊啲肉都好有水份，外脆內軟。2 魚香茄子煲非常地道嘅廣東菜，味道幾惹味，唯一缺點係食唔到鹹魚味3豉椒花甲味道一般4蒜蓉炒白菜正正常常5麻辣牛蛙呢個做得真係幾好食，我朋友係重慶人都話唔錯四個人食埋單$630人均$160香港嚟講真係算係咁

在大角嘴市政大樓附近，有一家別具風味的大排檔——「新錦園」。這裡的環境雖然有點嘈雜，但卻充滿了熱鬧的氣氛，非常適合與家人或朋友聚餐。我這次與親戚一同造訪，點了不少小菜，體驗這裡的美食 😋😋👍🏻首先要提的是咕嚕肉，這道菜的酸甜口味恰到好處，外層的炸肉球香脆可口，裡面卻保持著豐富的肉汁。🥩 豆豉蒸鱔也是一大亮點，鱔魚的新鮮與豆豉的濃郁味道相互融合，蒸制的手法保留了食材的鮮味，讓人忍不住多吃幾片。另外，霸王雞肉質鮮嫩，搭配特製的醬汁相得益彰 🐔✨椒鹽魷魚則是這次用餐中的另一个必點菜式。魷魚的口感彈牙，椒鹽的調味讓它更加提味，每一口都散發著香脆的風味。這道菜的分量也很足，適合與大家分享 🙌🏻雖然環境有些嘈雜，但這也正是大排檔的魅力所在，在這裡，啤酒是餐桌上的必備伴侶，與美食搭配，讓整個用餐過程變得更加輕鬆愉快～🍻🍺 性價比方面，「新錦園」的表現相當不錯。菜品的份量充足，價格合理，特別適合家庭聚會或朋友聚餐。無論是口味還是分量，都能讓人滿意而歸！😌❤️

天氣終於開始涼又係食羊腩煲既時候😋今次3個人係大角咀街市2樓熟食中心既新錦園食嘆住冷氣食大排檔 真係人生一大樂事羊腩煲🐏味道好好，羊肉唔會好大陣騷味，而且連皮肉+腩位都多👍🏻👍🏻👍🏻唔會全部瘦肉，入曬味，點埋腐乳醬好好食細羊腩煲，份量好足，3個人都食唔曬😂😂😂油浸筍殼魚🐟🐟🐟成條荀殼魚炸到脆卜卜，仲有好多蔥，勁香口唔係間間大排檔都有得食🤫🤫🤫佢都整得幾好🤌🏻🤌🏻🤌🏻夠曬脆

今晚係大角咀睇完500尺LED長龍就搵野食平時都少黎呢頭既（爸爸搵既呢間係）就係市政街市樓上熟食入面（好似得一間架姐）咁味道係幾好嘅，係嗰個魚球同炆魚兩味就一般般，同埋多咗少少打汁嘅芡第一個上菜係椒鹽鮮魷（個粉唔厚👍🏻👍🏻）味道不錯潮蓮燒鵝（食咗幾嚿先記得影）西蘭花炒球（屋企住家菜feel）龍躉兩味嘅炆頭腩（枝竹正～係魚肉就冇乜）可能係啲位置嘅問題其他都OK嘅咁樣計埋啤酒食咗七百幾都OK我哋都有成六個人👍🏻小炒皇唔記得影，不過都好食嘅

位於奧運熟食市場嘅大牌檔成間大排檔佔左成層 以大排檔黎講都算幾乾淨今日突然間想食中式海鮮 <例牌白灼蝦>唔好睇少個白灼蝦 灼得時間啱好係好重要 以我今晚食左果碟就煮得啱啱好 蝦肉好爽又唔會過老 <蒸桂花魚>碟蒸魚喺個面淋上熟油加蔥 鮮嫩得黎又好香<蒜蓉蒸扇貝>蒜蓉粉絲加扇貝哩呢個組合無得輸<蒜蓉芥菜膽>第一次食芥菜膽 好嫩完全冇渣 加埋少少蒜蓉味 個芥菜膽顯得更鮮甜整體黎講都覺得唔錯 雖然室內大排檔係比較嘈 但係呢間還可以接受 如果又係九龍 又想食下排檔 呢嗰係一個唔錯嘅選擇

香港不少市政大廈都藏有滄海遺珠，今日就試吓新錦園大排檔先。12點幾去到，全層都係新錦園的座位，在場只有幾名客人，不用等位。一坐低，姐姐先送上兩碗例湯，叫我哋慢慢揀。例湯唔覺得係味精湯，仲有湯渣，都算有誠意。我哋嗌咗兩個午市特價餐$53 (凍飲+$3)：🆗乾炒牛河大大碟夠兩個人食，熱辣辣有鑊氣，河粉入味，唔算太油膩。河粉份量的確多，不過牛肉片比較少。👎🏻星洲炒米事關乾炒牛河炒得唔錯，對星洲炒米都有啲期待，點知食落發現冇乜味。雖然份量係多，但係唔好味嘅再多都冇用。感覺新錦園的晚市比午市受歡迎。兩個套餐入面，一個OK一個唔掂，感覺水準唔穩定。以午市嚟講，我會視佢為糧尾之選，唔可以對味道有太高要求，勝在大份價錢平。

同事話要食開年飯，有人提議新錦園大排檔，夠煱氣又好食喎。我點左菠蘿生炒骨，椒鹽墨魚咀，XO西芹炒鮮魷， 金牌霸王雞，豉油王炒麵，紅燒豆腐。墨魚咀真係好爽口又好食，唔怪之得係招牌菜，大家都食得好開心呀！

上湯魚肚浸勝瓜$105得三條魚肚，詢問一下佢哋，惡到黐線，大大聲話收返你唔好食。態度惡劣。雖然大排檔都應該有普通嘅服務態度，完全唔問就先發惡，覺得自己啱，過份。

【大角咀•新錦園大排檔】πππππππππππππππππππππ性格比高 喺大角咀政府合署入面嘅2樓 晚市時間高朋滿座爆滿咁濟 主打各類大排檔等特色小炒 有室內冷氣 鑊氣十足 送飯送啤酒一流 同三五知己共聚歡暢都唔錯🌻｜黑椒牛仔骨｜HKD 120每嚿牛仔骨都大大塊 肉質嫩滑唔煙韌 每嚿都索曬黑椒汁 同埋少量辣椒仔 週邊仲有大量洋蔥配料 用嚟送飯一流🌼｜豉汁蒸大鱔｜HKD 150大排檔式經營嘅蒸白鱔認真抵食 大大碟 每舊白鱔好似樽蓋咁大舊 豉汁同豆豉混為一體 都比白鱔吸收曬所有精華 但記住食嗰陣小心啲 因為會有啲幼骨🏵️｜蝦醬通菜｜HKD 62通菜獲氣十足 蝦醬炒通菜 每條通菜都相當出色十 分發揮到蝦醬嘅淋漓盡致 真係唔會食淨🍁｜白飯3碗｜HKD 36見我嗌咁多碗飯就知道啲餸用嚟送飯必不可少餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD368✨✨✨✨✨✨✨✨✨✨✨✨✨#大角咀美食 #新錦園大排檔新錦園大排檔大角咀福全街63號大角咀市政大廈2樓

本篇食評，已是「香港情懷 - 大排檔」的第三篇。上兩篇的食評是兩間有點名氣的食店，裝修和店舖位置都別具特色。然而本篇的食肆卻大有不同，它位於土瓜灣市政大廈2樓，沒有特色的裝修，食物大眾化，非常貼地。到土瓜灣市政大廈的交通亦算方便，下車後只需步行10分鐘左右，電梯🛗到達，電梯門打開，見到玻璃門窗後，大大小小數十張排列井然。四周張望，似乎整層所有單位都同屬「新錦園大排檔」。下午6點的食客稀少，只有三枱有客人。店員門沒有打擾，只遞上熱茶，給我們時間慢慢點選食物。椒鹽墨魚咀作為頭盤，一粒粒球狀包住軟中有硬的墨魚咀，外脆內熱又不油膩，好味😋。下一道菜生炒骨是平民美食，多年來未曾嘗到高水準的。甜椒和鮮菠蘿的鮮艷顏色拼起來非常悅目，菠蘿與甜椒的味道互相交錯，加上醋的酸味，享受複雜的味道。生炒骨外層脆脆的口感，內裏肉汁包圍著淋淋的肉，有驚喜👍🏻豉汁蒸大鱔用料新鮮，鱔肉脆而不實，豉汁沒有蓋過魚味，而且配搭得好，一字「鮮」