新金榮小廚

營業中

休息中

好耐冇食大排檔，今晚心血來潮去試下，兩個人吃不了太多，叫左一個豆腐魚雲湯，再+一個菜心炒牛肉，一碗白飯。魚雲湯端上枱熱辣辣奶白色，已經食欲大振，飲落鮮甜冇腥味，高水準！菜心嫩牛肉滑，正！👍👍埋單2百有找，抵食又好味！👍👍

呢度開得夜，好適合夜收工的上班族收工過黎飯聚。西鐵站過黎都唔算行太遠，附近有停車場，如果有車過黎都方便，但車位唔太多，晚飯時間過黎泊車相信要碰運氣喇。有食開嘅同事推介，佢地發板我負責食。滷水拼盤上菜最快。不過不失炸蠔餅無乜味，但炸得香脆juicy嘅，只係要靠點魚露先夠味豉椒炒蜆/魚香茄子煲豉椒炒蜆幾乎係大排檔必食，好惹味。茄子煲都唔差，要叫碗白飯送呢兩個餸😂跟住一次過黎好多餸黃金炸魷魚/炸豆腐/避風塘炒粟米唔知做咩今次失準，3個餸都無乜味，（後尾避開賽馬日再黎食有好返少少）喺呢間我第一次食避風塘炒粟米，炸蒜+辣椒十級惹味，穌脆得來粟米又甜甜地，幾有趣蜜汁炒牛柳個人幾喜歡蜜糖入饌，樣樣餸都鹽，加個甜甜地中和吓嘛。馬拉盞通菜煲呢個都係好好食，個煲勁保溫，有個遲黎的同事成個鐘後先到，黎到個個餸凍哂得呢個仲暖。食飽飽仲可以過隔離行donki消化完先走～

新金榮真係由細食到大 大時大節 同學聚會慶祝 都會去食大排檔 味道依舊好味 每次諗吾到食乜 同朋友一齊話去新金榮 打冷 可以比我地坐好耐食好耐 又吾會趕人走 食得好開心 不過間吾時都有醉酒搞事 但同朋友都食得開心😁😁

星期六放假突然好想食大排檔，行過呢區見到好多間小菜店，諗唔到食邊間好，有個阿姐行過嚟好推介我哋試新金榮，之前都喺另外一間分店食過新金榮，所以今次就去試吓呢間好多朋友都介紹。好彩坐得快，過咗10分鐘左右已經所有室內冷氣位都滿晒, 然後阿姐就開始喺出邊開好多枱,但係天時暑熱36,37度坐出邊我真係接受唔到.個餐牌真係好多選擇，而且仲而家多咗滷水食。最後決定咗必食既滷水鵝，然後要咗個辣菜花，依個係係新菜式嚟。 之後見到隔籬枱叫豉椒鵝腸，見到個賣相都幾好就叫咗碟，最後叫左大排檔必食嘅椒鹽鮮魷，本來想試埋九肚魚可惜休漁期。椒鹽鮮魷超級新鮮而且炸得好香口，辣菜花味道調得啱啱好，唔算好辣但係好惹味，滷水鵝超級滑而且好入味，又唔過鹹，配埋啤酒食到停唔到。

講起屯門何福堂打冷，通常都係去新金榮，事關左右兩邊巷都係佢地嘅舖位～疫情前同屋企人去新金榮堂食，每碟小炒份量都比較少！ 今次外賣反而有d驚喜，竟然比以往去開堂食嘅份量多咗！😲沙拉骨 $78豬扒煎得幾香口，有大有細，計埋有7-8嚿，沙拉醬又唔會太酸，都唔錯！滷水什錦 $98(鵝腸+大腸+生腸)原本什錦仲有墨魚、香腸、腎片、豬耳同豬頭肉，不過因為屋企人只想食潮式滷腸，所以落單時表明只要鵝腸+大腸+生腸呢3款～！😂唔入味，滷水汁亦好稀好淡，不過3款腸都無任何臭味同怪味，而且都算爽口～ 因為無味，所以小編會習慣沾上附有的辣椒油 / 白醋提味～_______________新金榮小廚 (屯門)屯門麒麟徑3-8號地舖_______________

1️⃣滷水什錦份量多而且款式齊全，有豬大腸、墨魚、豬耳、鵝腸、腎片、紅腸及芽菜等。滷水味突出，全部都滷得好入味而且有咬口，配酸辣汁或辣椒油，更添滋味。2️⃣韮菜豬紅份量非常大碟，豬紅軟滑彈實沒有腥味，韭菜爽嫩，食起來味道濃鬱特別惹味，醬汁配白飯一流。3️⃣啫啫通菜煲通菜份量好多，炒得爽口但依然保持鮮嫩翠綠，有少許肉碎和蒜蓉，微辣惹味。4️⃣黃金鮮魷起沙鹹蛋黃，每塊鮮魷都被鹹蛋黃覆蓋著，魷魚肉質鮮爽，非常惹味，一件接一件停不了口。5️⃣蜜椒薯仔牛柳粒薯仔粒外脆內軟，牛柳粒煎至軟腍惹味，每顆薯仔及牛柳粒均滿佈蜜糖和黑椒汁，唯蜜糖味不夠。6️⃣椒鹽蒜香骨皮脆肉嫩，保留到肉汁，加上個風沙蒜香，惹味十足。

呢間位於麒麟徑嘅妹姐打冷小廚其實即係隔離新金榮啲分支，睇佢個餐牌就知。每次一嚟就係為咗佢個鐵板薑蔥魚扣，佢地用嘅係烏頭魚扣，魚扣即魚胃，需知一條魚只得一個，所以同魚鰾一樣要儲儲埋埋留起一堆先炒到個餸。很好此物，大概小童彎起嘅尾指咁大，個樣白潺潺但入口係極爽口又唔腥，而且店家用薑蔥爆佢直情係絕配，每碟雖然蔥蒜較多，但都有廿幾個魚扣算係咁，極好送酒又滿足嘴饞。講完我心目中嘅主角，其他綠葉都有一定份量，否則點可開舖多年。怕全碟炸大腸太滯胃，拼炸豆腐就啱哂，大腸底下墊左幾片菠蘿，又解吓啲油膩。黑椒魚雲茄子煲、䜴油皇炒麵都係夠鑊氣之作，尤其炒麵落好多洋蔥去兜，冇一般大排檔嘅令人皺眉嘅過鹹，又係三扒兩撥食哂。

次次見佢排曬隊！今日終於會一會佢！真心好吃！鵝翼，大眼雞味道剛好！假日過嚟真係要預早嚟攞位！價錢⭐️⭐️⭐️味道⭐️⭐️⭐️⭐️位置⭐️⭐️⭐️推薦⭐️⭐️⭐️⭐️電話：67730227 陳先生(可外賣或個別詢問可否訂位）正常假日不設訂位，請預早等位😂😂

食物整體都唔錯，又大大碟👍🏻欖菜肉鬆四季豆鹵水魚腸豉椒炒蜆，野味又唔會過咸乜乜魚卜黃金鮮魷，鮮魷都仲系好嫩🤭啫啫通菜煲蒜蓉蒸開邊蝦，蒸得時間剛好👌🏻椒鹽九肚魚👍🏻👍🏻 必食

入開屯門搵朋友..平時幾年都唔會嚟一次梗係要試吓朋友介紹嘅地道小菜勁鍾意食小菜最好係大排檔風味夠晒鑊氣呀嘛薑葱魚卜非常惹味，薑同蔥仲有洋蔥蒜都爆到好香魚卜彈牙有咬口重點係魚卜唔係度度都有得食好考功夫椒鹽九肚魚炸得非常香口，魚肉嫩滑，我地連上面既炸蒜都食埋。好惹味豉椒炒蜆一般，蜆肉食落有小小霉，可以不試...清炒油麥菜京都豬排，豬排肉滑，最鍾意食面頭啲菠蘿..個汁食落酸酸甜甜好開胃，用嚟送白飯真係一流

去左屯門做野，諗起附近有間好出名好多人既大排檔，於是就去買外賣返屋企食🙈 呢間大排檔真犀利，成條街都係佢既，而且好多人排隊，突然覺得好期待😂潮州靚鵝片 $118每次食潮州打冷一定要叫鵝片，啖啖肉炒雞滿足！除左鵝片下面仲有豆腐同花生，都好好食😋細蠔餅 $68呢個‘細’蠔餅個size真係唔話得，足足有兩大塊！炸到金黃酥脆，正！蠔仔肉碎粥 碗$58又係比想像中大碗好多，應該有三四個飯碗既份量。而且超級足料，有土魷、肉碎、蠔仔等等，味道濃郁🤩西蘭花炒班球$78味道係好嘅，班球份量都誠意十足豆豉炒花甲$88花甲肥美惹味，可惜有一兩個有沙，如果唔係可以比9分😂其實潮州打冷的確幾適合外賣，返到屋企都咁好食！

happy friday 約左幾個屯門友，夜晚放工吹水飲酒😝😝酒水早已準備，有人表示要食新金榮大排檔，十幾廿年老字號，質素特別有保證！都好多人排隊喎！不過佢哋都好快！好多職員好殷勤好nice鹵水鵝片係必點嘅🥰🥰分量好多路得好入味一啲都唔係下面仲有好多豆腐花生墊底師傅到工一流鹵水雜，送酒非常之fit👍👍仲配埋辣椒油，又香又辣好開胃！我腸大腸紅腸魷魚豆腐芽菜好多好多，譚仔米線外賣碗咁大超抵食88蚊椒鹽鮮魷拼九肚魚又酥又脆外脆內軟，少少微辣，仲好大盒添福建炒飯呢個好有驚喜超大盒而且材料好豐富，炒飯底又乾身又香口總括分量真係好多呢度外賣自取八五折後三百蚊鬆啲夠曬五個人食超值之選！

放工找吃的，最近因為疫情，晚上都是外帶回家吃。聽聞同事最近常幫襯一間位於屯門的小菜館，作為「無飯」主婦的我，當然發現有好的小菜館，就視為飯堂。店面好大，可惜疫情晚上6點不能入座，否則應該都坐得幾舒服。點了三個菜！德國脆皮鹹豬手 $138皮脆肉滑的德國鹹豬手,久不久就嚷着要去再吃。德國豬手與啤酒簡直是首選美食。而豬手的肉質會更嫩滑，外層可做到又脆又煙韌。外皮香脆如燒肉，肉質彈牙、肉汁豐富，上枱既時候已經切哂啲肉出黎。潮州煎蠔餅（細）$68潮州打冷必點的菜式，又香脆又鮮美，鬆化香脆的蠔餅。魚露係呢一菜餸嘅精髓，再點魚露食都好好味架。吃時不妨蘸以少許魚露，提升鮮味，吃起來更加滋味。 潮州蠔餅又稱為蠔烙，除了鮮香清甜的蠔仔，還鬆化香脆的口感。潮州靚鵝片 $118份量好多，做得有水準的滷水鵝，色香味俱全。靈魂當然是滷水汁，味道適中。香料的味道平均，突出滷水味又不涸喉。鵝肉香滑有彈性，鵝肉入味，薄厚適中。刀工恰如其分，不會太厚或太薄。發現有好食堂，以後會多光顧！

叫外賣都可以有大排檔小炒風味🔥想食中菜又唔想自己煮於是叫咗幾個外賣小菜😍外賣自取而家仲做緊八五折餐廳都炒得好快 唔駛等好耐.🔥椒鹽鮮魷拼九肚魚 $98每次大排檔打冷都要叫！餐廳即叫即炸🔥熱辣辣脆卜卜🔥好有避風塘風味🤤🤤呢個必叫！！.🍍菠蘿咕嚕肉 $68咕嚕肉炸得外脆內軟😇咬落仍然充滿肉汁🤤非常juicy😋醬汁酸酸甜甜好開胃🤩.薑蔥魚雲煲 $78超夠鑊氣嘅一道菜🔥魚雲非常滑溜😇鋪上滿滿的薑蔥！薑又夠晒滋補！冬天食到暖笠笠好正.紅燒乳鴿 $58乳鴿外皮燒得香脆可口肉質尚算鮮嫩😌略嫌味道淡身了一點不過餐廳亦都有配上淮鹽和喼汁😉整體來講價錢咁抵又大份真係好經濟實惠!!會再幫襯

新墟麒麟徑兩旁有好多大排檔，住咗喺元朗八年都只係試過兩三間，今日過開嚟呢頭搵食，又搵一間嚟試下。受害於疫情嘅關係，晚市只能夠買外賣；但係另一方面亦都係受惠於疫情嘅關係，宜家喺新金榮小菜外賣自取有八五折，姐姐好細心咁樣包得好靚，仲配上好多醬料，難得拎到返屋企都仲係熱熱地，發泡膠盒保留到應有嘅鑊氣，為冬日帶嚟一絲暖意。馳名鹵水鵝，鹵水鵝鹵得入味，係非一般嘅入味，鵝肉軟嫩，好耐無食過咁高質素嘅打冷，墊底有鹵豆腐同花生， 鹵水花生用嚟送啤酒一流 ，點埋隨附打冷必備嘅蒜蓉辣椒酸醋，無敵。菠蘿咕嚕肉，咕嚕肉炸得夠脆身，揀咕嚕肉唔揀生炒骨就係想入口啖啖肉，新金榮嘅咕嚕肉肥肉唔多，更加見食，味道酸甜，十分開胃，配菜有青椒、紅椒、菠蘿同洋葱，好多人都視之為下欄摒棄，但係我就鐘意用佢地同啲肉夾住食，so refreshing。避風塘粟米， 大排檔嘅避風塘系列最能夠表現出功架。新金榮嘅避風塘系列除咗應有嘅炸蒜、辣椒同香葱之外，仲有炸米粉，炸米粉令到整個菜式份外酥脆，粟米嘅清甜，夾埋炸蒜辣椒嘅惹味，佐酒一流。西蘭花蝦仁花枝片，蝦仁夠哂大隻又夠爽， 花枝片火喉啱啱好， 少少彈牙，又爽口， 點埋蝦醬更添咸鮮香氣。