新貴記粥品店

營業中

休息中

前篇文章講粥，這篇亦是，所說更鮮味的就是這裡。座下，左度右度，點了餐牌上沒有的豬雜粥多薑絲及蔥花，汲取上次熱氣的經驗沒有點到炸兩，只要了腸粉，況且時值下午，怎樣看都沒有新鮮出爐的炸麵供應；三數個人客，但都需要等一陣子生滾粥才能上檯，証明不是隨隨便便滾幾滾的貨色。先評腸粉，是預先切好放在蒸櫃內，客人要才加醬油奉上，不能說很好但都算滑漏；回到這碗粥，是杰身粥底，米粒已經熔化掉，而說的豬雜，當中有肉片、豬肚、豬粉腸和豬潤；肉片是十分十分滑漏，豬肚夠腍夠香，豬粉腸沒有噪味及咬落有豬粉腸獨有的粉香，豬潤是幫襯其他粥檔這麼多年首次嘗到很有鮮味的，生熟程度掌握得很好；另外豬雜的香味真的熔入粥底內，加上大量薑絲及蔥花，兩者的香味跟豬雜相當，羨仙也！亦都是廿大洋，這裡的超值很多；店員們都客客氣氣，亦見到很多街坊來到買外賣，老板娘跟她們及小朋友們言態甚歡，一派街坊小店溫情洋溢感覺；地方乾乾淨淨，碗筷杯碟都是；下次路過都希望能抽空再嘗。題外話一：嘗過最好的豬雜粥是在番禺，是新鮮豬內藏烹製，飲食節目都介紹過，不過這裡亦能比得上；題外話二：通常粥檔有兩窩粥底，一窩是純白粥底，米皇是也，只添加腐竹或白果；另一窩叫

近排經常食粥做早餐...今朝天朗氣清，順步行嚟呢度整個豐富早晨全餐...滑肉係明符其實嘅"滑"，非常新鮮，好耐未食過咁鮮甜嘅肉片；豬潤亦係新鮮貨，切得大大片，淖得火喉剛好，爽得嚟又一D苦味都冇，perfect..粥底偏杰，啱晒我。雖然落咗msg，但對我呢個味精大王嚟講就真係濕濕碎la..炸両新鮮滾熱辣做起，油炸鬼炸得脆卜卜，又夠大碟，正...完美嘅早餐，又係另一日好日^_^..

吃罷毓民牛肉麵後,在旺角打個轉後,乘車回長沙灣,想起麵包兄之前題過,在營盤街的"新貴記"粥店,身為長沙灣長大的人,之前聽都未聽過,諗起都慚愧.兩個人身體狀況麻麻,牛肉麵過後,依舊無起色,點都係來多碗粥,整理下腸胃.一碗豬潤牛粥,粥底很濃厚,略咸,咸味應源自味精,牛肉很滑,豬潤不過老,生熟程度剛好.之前牛肉麵下來,已吃不下其他腸粉,眼見沒有剛炸起的油條,此個時候來吃炸兩,應該不合時宜.論水準當然不及佐敦幾間,單見沒有生銅煲,煲出來的魚腩粥,一定遜色.這是個人觀感.不過比其他$10碗的粥店,又好得多.趁友人傾電話時埋單,一人一餐,打個平手.步出門外,友人搖指遠處的英記,又係老字號,下次可來試試.

見到麵包讚呢度d粥唔錯趁今朝早起黎食個早餐要左及第粥走腸($14)加新鮮炸兩($6)及第粥～粥底綿,而且因為即叫即煮,成碗粥都好熱,食到尾個人成身汗咁滯,但料唔算多,得兩件豬潤,一件滑肉同三小件豬肚,幸好滑肉同豬潤都好好味,反而豬肚有一陣味,所以放棄左,忘記左叫阿姐多蔥多薑,唔係仲正炸兩～話明新鮮炸兩,等左差唔多十分鐘先有得食,但唔知點解粉皮都唔覺熱,好在油條仍然脆口,粉皮唔算特別滑,但加埋豉油,甜醬同麻醬一齊食係幾好！豉油default會落得少d,唔夠可以自己加檯面o個d；麻醬太稀,一加落粉皮上面已經溜開左；但以只賣6蚊一碟既炸兩,就有成3條半節既油炸鬼,份量足又好味,抵食老闆眼明手快雖然多人但你一舉手佢已經會問係要咩唔會要你呆等感覺即時加分食食下聽到有唔少人叫魚片粥要白粥底下次路過可以再試下

早前看到KC兄說起這裡的粥幾好，見最近食得幾溜，便決定清清腸胃來這裡試試。在門外剛看到正在炸油炸鬼，心想一定很好味，但試過上次的失誤，今次便說明要新鮮的炸兩，老闆一口答應，來到的炸兩，果然是新鮮炸起，香脆無比，腸粉雖然唔算太薄，但都是即叫即做，當然非常美味可口。另外我們還叫了滑肉鯪魚球粥、豬潤鯪魚球粥和蘿蔔榚。滑肉鯪魚球粥–滑肉一試便知係新鮮肉片，鯪魚球也很香鯪魚味，加上少量胡椒粉，就更加好食，粥底混合了生菜絲，增加了不少口感，粥煲得很綿又好味，真係一間幾出色的粥店。豬潤鯪魚球粥–豬潤薄切，肉質爽甜美味，一試便知道是新鮮貨，但我自已一向唔多喜歡豬潤的味道，所以只試了一件。蘿蔔榚–大大件，如果要自已一個人食完，一定飽死；只有少量蘿蔔味，蘿蔔絲也只有很少量，比較上粉，只是份量多，但就唔多好食。見還可以食多少少，便再叫多次炸兩，但就沒有叫要新鮮炸起的，這就失敗了，來到的炸兩，一試便知道是返炸唔新鮮的，脆還是幾脆，但就偏韌，真失望。看來想食新鮮貨，真係唔好偷懶，還是要講多句：老闆，唔該新鮮炸兩！

往蘇屋探朋友，又順手去廟街走了一轉，總覺得那裡是充滿活的地方。近日吃了不少膩滯的食物，雖然天氣熱，但也想吃碗粥。記得這裡的食評不差，就一試。來的時候，店內一個客人也沒有，店員也在閒休。要了碗鯪魚球豬潤粥，見有個大炸鍋，但油器像已出爐九年，下次合時才叫。粥是杰底，粥料也很多，有5/6粒鯪魚球及5片豬潤，幾豐富。如LI兄所言，粥底是又綿又厚，有一點點味精的感覺，相信非來自粥而是來自粥碼的醃料，果然不錯；鯪魚球不算彈牙，但都有陳皮及蔥粒在內，醮醬油加胡椒粉，都美味；豬潤薄身，但吃落都爽脆甜美，是新鮮貨，都吃得過；粥還混了不少生菜絲，整體而言，很滿意。街坊小店，服務是滿有人情味的。如發覺蔥粒不夠多，叫阿姐加，她說一小碟的拿來，還問夠不夠，一讚。埋單21蚊，已算是餐牌上比較貴的一款粥。吃得滿意，值得一試。

以前係附近讀書成日都會黎~今日第一次帶媽咪黎試下~ 我要左最鐘意佢名符其實~滑~肉~,肉好淋又好彈牙,粥好綿,真係好好味~媽咪要左伯伯推介的~好多料,試左件豬潤,好爽~但今次d就失哂水準..一d都唔新鮮好淋,所以唔好食..而就好大件,味道就不過不失啦~黎e度食就會諗返以前讀書時試過一個星期黎四日lunch~過左都有一段日子,再黎e度食,粥既水準十年如一日都係咁好味!!共$40

又係mom 買俾我o既dinner~ thx a lot!~我唔係好pro o既食粥人啦, 所以唔識好pro o甘去評, 但係我feel 佢d 豬紅粥好好味ar, 我唔要蔥, 要薑絲, 好味10 倍!d 粥ok 杰, 都好綿ar! 好味! 味精味都ok 啦, 可接受!d 豬紅應該係雞紅, 仲好, 我仲buy! 而且都幾好味~

今朝晨早彈左起身,去左深水埗食粥,一丁友叫左白粥$5,蝦米腸$6.白粥吾錯,夠綿,稀杰度適中.但腸粉就完全吾掂!乾過柴皮!食左幾舊就放棄左.環境方面呢間都算乾淨四正.

mom 買俾我食ga! thx mom!~$8 一碗, d 味一般啦, 好在無陳皮味! 都唔少豆, 沙就唔夠沙啦, 不過都唔會豆, 水分離, 算ok 啦, d 豆都煲到淋哂ga 喇!~

6月19日，14:30在食店目錄發現此店，趁到深水步，便一試。雖然是老店，但很整潔，招呼好。要了魚腩粥：粥底：夠綿又夠杰，米花粒粒盛開，混合了那魚的鮮甜，(加分)。魚腩：件數多，但不算肥美。配料：極多薑絲，但蔥花太少(扣分)。這店會繼續試。

呢度d生滾粥絕對值得試下首推滑肉粥鮮甜得難以形容此店乃老字號每天六時準備點解我知因為我住係佢對面

呢間粥舖連茶餐廳都有得供應, 可能因為逆市中的做法, 都係講翻d粥, 粥品普通啦, 無咩特別, 不過d蘿蔔糕的確係好好味, 因為好smooth, 亦有食到有d蘿蔔絲, 證明粉的比例不會過多, 不過d豉油通常落得少得濟, 要講明多豉油先得, 另外環境都算乾淨衛生

員工態度友善，所有粥都係即叫即整，保證新鮮; 油條脆而鬆化、腸粉夠滑夠通透。另外，我最鍾意食呢度d 蘿蔔糕，糕本身散發濃濃的蘿蔔芳香。(but winter 才有得買) 因為係蒸得軟綿綿、唔會好似其他粥鋪煎到乾水硬拙拙。但可惜唔知係o米因落味精關係，食完粥有少少口喝。