新記美食

營業中

休息中

情意結的車仔麵檔 難得過到嚟銅鑼灣，做完嘢都差不多21:00，就梗係試下以前經常食嘅車仔麵檔。因為疫情關係，晚市堂食開到22:00，時間緊迫下就立即飛奔過去，入到新記，原來都仲有唔少食客，於是就問店員仲有冇得堂食？店員話可以，就嗱嗱臨入去坐低點餸。因為都夜喇，唔想食太飽，所以就叫咗個小辣豬大腸加八爪魚米線（2餸麵）。2餸車仔麵首先講豬大腸，滷得非常入味，而且食起嚟唔韌有嚼頭；而八爪魚，唔係唔好食，因為佢唔會入味，而且辣汁都已經融入湯底之中，所以食落冇乜味，真係好後悔冇揀豬紅😔重點係佢個秘製辣汁真係冇得輸，十分惹味，真係成碗麵嘅靈魂所在！不過比起以前嘅味道的確遜色不少，而且份量偏小，性格比唔高。

十幾年前好中意食新記，湯底香辣得有層次餸又入味，可惜近年一次比一次差，加價貴咗都算點解完全保持唔到水準？好似轉咗手咁？！唔怪得以前迫到搭晒枱都有人等位，而家冇人都唔見有人入去，買外賣都冇唔關疫情事唉只能回味

又係掃街嘅時間啦！今晚响銅鑼灣行吓行吓又到咗駱克道，心想有邊間舖好耐冇去過呢？眼見"新記美食" 就在眼前，就去幫襯佢，今次叫咗魚蛋丶魷魚及生腸。仍然只係街邊嘢食，特別好味不可又唔見得到，但係懷舊風味仍然可以留在腦中，特別要提就係嘅魚蛋，魚蛋並不是彈牙和有魚味，最重要的是以前童年回憶的魚蛋，再加埋佢的辣汁，並不是現在常見的咖喱汁，而係以前剪辣椒做的辣汁，現在已經很罕有了。味道其實係好似沙嗲汁，但有辣椒碎在內，汁底是似茨汁這樣，回味無窮👍現在都難找到的童年回憶。

在銅鑼灣想食街頭美食， 我都會諗起謝家車仔麵。它位於銅鑼灣sogo後面，地鐵行幾分鐘就到，交通方便。店舖面積不算大，放了大概五六張枱， 牆上貼著老闆和很多明星拍的照， 相信以前很多明星也會半夜過來這裏吃吧。魚蛋咖哩魚蛋河粉我們點了魚蛋咖哩魚蛋河粉，還有豆卜通菜腐皮瀨粉。 這裏的咖哩魚蛋很出名， 果然名不虛傳，咖哩汁有一點辣， 魚蛋不算爽口彈牙，不過配咖哩汁也很好吃。豆卜通菜腐皮瀨粉另外那個豆卜通菜腐皮粉，我選了中 辣， 通菜很新鮮，腐皮加上他們的秘製辣椒醬，很惹味。

每次來銅鑼灣幾乎都會食新記的串串小食，這碗點了陳皮魚蛋，牛丸，牛柏葉，魷魚，雞腎，食材新鮮，加了辣汁令所有食物都更惹味，但真的很辣，每次食完都要飲好多水解辣，下次會試下車仔麵

每次食車仔麵都係食三餸，湯底濃口，辣汁野味，但係份量太少，食完返到屋企又要再食多碗飯加食多塊麵包先至啱啱好。銅鑼灣來講有呢個價錢已經覺得好抵，但係如果份量再多啲會更加好

新記車仔麵一向係我食車仔麵嘅首選，我食新記比較悶，來來去去都係叫嗰幾樣餸。基本上每次一定會有嘅膽係滷水雞翼、白菜仔、粉絲、同埋一定要加嘅秘製辣汁。有陣時就會拖埋豬紅落水。佢嘅辣汁，辣得來夠香，係成個車仔麵嘅精髓，唯一就係唔同人𢳂辣汁個份量都唔同，有時小辣會唔辣，有時小辣會好辣，全部要做阿姐手神。粉絲浸左佢嘅辣汁之後，索晒啲湯，簡直啖啖精華。佢嘅雞翼，基本上都係有返咁上下大隻，唔會係冇肉，味道都幾好。白菜仔次次都着得生熟程度啱啱好，唔會太生，亦都唔會過老。

呢日限聚令由2變4，加上Happy Friday,所以出左去銅鑼灣搵老公行街食飯本來諗住食餐好，平嘅貴嘅，間間餐廳都勁多人等，淨係搵餐廳都搵左成粒鐘😢腳都攰，最後決定快速食碗頹麵就算行經附近，諗起呢間多年無食嘅車仔麵，先望望價錢，以地區黎講$40包3餸1麵都算係咁啦，就呢間啦我揀左牛腩汁底河粉，菜都比得幾多，不過另外2款餸就少d喇；牛腩汁都好入味，加上河粉索汁，所以食落都覺得幾飽下；老公就叫左幼麵底配滷水汁，碗麵明顯比我果碗深色同濃味，係正嘅，不過食完就覺得幾口渴下大腸、豬紅份量都係偏少，得幾舊，加上幼麵餅個size固定左，所以相比之下呢碗就顯得有d縮水喇不過念在呢個地般、呢個價、比返呢個份量，都明白嘅，我個人可以接受，覺得唔算太過份

I always eat cart noodles because it's yummy, cheap in price and simple. I ate noodles here for many years. It's a famous cart noodles shop. In the past the shop is always crowded. As there are more good choices of cart noodles in Hong Kong nowadays, or may be due to the social movement and covid- 19, it's very obvious that the business here is not as good as before. I still like to eat noodles here because food is fresh and yummy. The size of noodles is just right for a lady, but not for an or

之前聽人介紹過呢間新記d辣醬好正，呢日咁啱去開銅鑼灣就一於試下佢d辣醬車仔麵餸都幾多選擇，款款都係$10，唔算平小弟今次就揀左牛丸、腩肉同埋齋小弟唔係成日去食車仔麵，覺得有齋都幾特別😂面底就揀左河粉牛丸都唔錯都幾彈牙腩肉就正正常常啦，反而齋都幾好食，索左d湯底好有味車仔小食就需要自己行出門口揀同比錢，選擇都好多，多數都係$10串～整體黎講款款都幾好食，而朋友推薦既辣醬果然有驚喜真係好惹味同埋辣得好過癮雖然價錢唔算平，但係味道都算唔錯，下次再黎食佢d辣醬

我地間中都會幫襯下佢一向都知佢哋態度唔好應該話算好係差劣又孤寒～都算～因為附近冇一檔辣汁嘅呢類型魚蛋燒賣牛丸嘅小食檔！咁有時想食咪局住食佢但話說早兩日係佢度買幾碗車仔麵叫唔辣嘅就比碗辣嘅仲要串串共用個好樣衰嘅樣話我哋全部都辣㗎喇冇唔辣服務態度極度差劣又貴份量有小平時叫佢加少少辣汁都話要加錢又唔撚好係好好食我記得五六年前都仲好食嘅辣汁都唔撚同左車仔麵裏面溝辣粉唔係加出面嗰啲辣汁老闆娘孤寒到爆佢哋生意唔優做所以好Q串又多大陸人幫襯Black list 了

今天和朋友來到銅鑼灣逛街，由於剛剛血拼完畢，晚餐當然需要吃便宜一點，所以她便帶我來到這間車仔麵檔吃晚餐了No.1【魚蛋.魚腐.蠔油冬菇米線】$40本來我點魚蛋是想吃得比較清淡，健康一點，但沒想到餐廳所謂的魚蛋，竟然是咖哩魚蛋它不單止完全蓋過了牛腩湯底的味道，更令到整碗米線都充滿著濃濃的咖喱味，而且味道亦非常辣，怕辣的朋友千萬不要點另外個人認為餐廳應該把魚蛋，改稱為咖喱魚蛋，因為它們根本是兩種截然不同的食物！至於魚腐的口感則軟綿綿的，蠔油冬菇亦味道咸咸的，香香的，咸香四溢，香飄十里，最後配上香滑柔順，微微煙韌彈牙的米線，味道都算相當不錯的可惜的是，雖然一碗三餸車仔麵索價 $40一碗，但是份量卻少得驚人，正常人應該兩三口便已經吃完了，這應該是三歲小孩的份量吧！？男生至少需要吃 3~4碗，而女生應該都需要吃兩碗才夠飽肚最過份的是，餐廳竟然連一杯清水都沒有，而是只有罐裝飲品出售！你正常去茶餐廳，一入座立即便有一杯常溫的清水給你解渴即使是去譚仔米線，至少都可以要求一杯熱水但是在這間餐廳，為了讓我們光顧他們的飲品，竟然直接說餐廳並沒有清水提供，為了賺錢真的是無所不用其極！價錢方面，三餸車仔麵 $4

美少女咁啱過開來銅鑼灣做facial，放工又未食嘢，所以就醒起呢間好多年歷史的新記，食下篤篤。原本諗住食兩串就企出邊食，點知老細好好咁叫咗我入嚟坐低食😂🤭 咁個汁果然好惹味，我亦都叫咗吸得最多汁啲麵筋！極度邪惡！

早幾日師傳一支公喺老銅，諗緊食乜好之際，忽然醒起呢度有間車仔麵，都算歷史悠久。從前師傅都黎唔少次，係近期少左，可能少左喺呢區，又可能因為附近開多左間車仔麵啦，而師傅對呢間食點印像一向都係普普通通，不過既然寫得車仔麵又點少得佢呢?入到食店，人又唔多，唔知關唔關呢期少遊客呢? 不過師傅一於少理，入到去坐低，就攞張紙出黎埋頭苦幹咁劃。於是一口氣劃左六個餸，先叫米粉，餸就揀左辣豬紅，辣豬皮 ，豬腸，牛筋，牛柏葉同埋墨魚卷，配上腩汁同埋中辣，跟住就將張單交左比伙計。等左唔使好耐就有得食，呢間食店向來出位嘅都係個辣汁，所以如果唔食辣，其實真係倒不如唔好黎，所以先試湯底，湯底香香濃濃，味道不俗，再撈埋佢個辣醬汁，簡直係非常惹味，中辣都真係有一定辣度，唔係講玩笑嘅。再試下個辣豬紅，點解叫做辣豬紅，因為佢真係用辣汁滷豬紅，坦白講坊間有豬紅嘅食店都唔少，但係講到明自己係辣嘅，呢間應該係其中一間。豬紅本身都幾滑口，一粒粒的豬紅，入口都算舒服，唔會一夾就散，加上辣口幾鬼惹味，所以次次師傅黎都會食呢個辣豬紅。至於辣豬皮都係同一道理，坊間真係好少有地方會整辣豬皮，雖然佢嘅辣豬皮煮得唔爽，係腍口，但係唯一欣賞佢嘅地

為咗配合今晚嘅行程，雖然時間尚早 #小秘書 唔係太肚餓，但係點都要食啲嘢先出發💪🏻 咁啱對面就係 新記美食，見到門口個 #車仔檔 咁吸引🤩 今晚我哋就去食 #車仔麵 啦🥢 以往人山人海嘅場面，今晚出奇地冷清，不過對食客嚟講當然係好事🤪而家食 #車仔麵 都唔平㗎，$40三餸一麵，飲品另計🤷🏼‍♀️ 而且 #配料份量 每樣都係得少少，大食啲嘅一定要加底😅🤣 #小秘書 其實唔係好食得辣，但係就錯手點咗「大辣」湯底🔥 每注麵夾起都見到 #辣椒碎🌶️ 辣到 #小秘書 猛咁流鼻水... 失哂儀😅 不過為咗之後可以去食 #甜品，我堅持✊唔要叫 #汽水 嚟解渴... 係咪堅先？🤣