新記冰室

營業中

休息中

We found this cha chaan teng restaurant on the way. We ordered stay beef macaroni only to find out that this place is actually famous for their cheese cream instant noodle. The neighbour table ordered this and it looked tasty as well.The interior tries to catch the retro cha chaan teng restaurants vibe with the neon logo and the old b/w tv. It‘s okay, but maybe a bit too hard trying.The stay beef macaroni was good. I added chili sauce to round up the taste. The meal was accompanied by cold lemon

評論話員工態度差，食物唔好食。唔知啲人係咪用酒店既準則，去食茶餐廳，我就覺得員工態度無問題。野食好味！下次會再食！*特別見到牆上有警告紙 叫人不准在店內大小便*-明就明

之前係度翻工，好中意過黎食lunch。平時食開常餐，今次就試下呢個川椒牛肉煎蛋飯。川椒牛肉好入味呀，唔會好辣，牛肉好嫩滑，伴碟仲有d 雜菜，煎蛋又係流心蛋😆送飯一流呀！

今日泊左架車係路德圍，經過見到裝修懷舊諗住試一試。叫左個沙嗲牛肉麵同五香肉丁米粉，d肉一pat野，個沙嗲完全只係得生抽既味。杯熱奶茶好似1:99稀釋完杯，唔知想點。無下次真係

好無禮貌，想黎試下，我排緊隊等位，等等下都係唔想等，買外賣，我入去問佢，我話買外賣，佢態度勁差叫我去排隊，出面啲人都排緊隊我都知，但人哋係堂食。。新記班員工係咪未訓醒？唔好怪啲人北上消費，自己態度咁就算啲野幾好食都唔會有人再去，比錢你做生意原來係要受氣！唔好講咩藉口好忙就態度唔好呢啲笑話，我係消費者，係咪一定要受你地啲氣，無消費者買野你地點生存？公道講啲野食係唔差，但係都係果句客人唔係比你地咁樣對待，唔該搞好啲態度！

今晚同媽咪係荃新天地睇完戲，見想食既餐廳都收左鋪啦🙂‍↕️咪唯有由荃新天地2期行返去路德圍搵餐廳食飯媽咪見到呢間冰室想試咪陪佢食囉我記得好耐之前黎係一d大約30歲既男侍廳為主果陣時仲因為某個YouTuber推介所以去試，第一次食真係幾好食架當時亦冇咩冰室係香港呢間都可算係符合香港人口味😃點知………過左幾年姐，侍應變曬人變曬幾個當餐廳係遊樂場既後生仔女去做…….食物亦隨即變差…………..咸到爆炸…………………….同當年已經冇得比真可惜！呢樣都唔緊要當填肚算！比錢既時候，個女仔一眼都冇望過我比佢既錢剩係掛住望住前面同佢講野既呀叔！唔知以為佢中意左個大叔好耐tim🫢唔怪之得d食物都咁重口味🙂‍↔️

新記芝士麵，呢一間係我那些年的回憶及味道。那些年果陣時「新記」係灣仔起家，當時我最鍾意食他們的豬頸肉芝士麵。今時今日佢地開到黎荃灣，當然要一試啦！今次一行4 人，係食宵夜，叫左豬頸肉煎蛋撈麵、西多士，紅豆冰及奶茶紅豆冰。味道依舊，仍然有那些年的味道。值得讃👍

次次食完新記 之後嗰幾日都要限制自己飲食😂豬頸肉煎蛋芝士撈丁 $62🧀超濃超多嘅芝士豬頸肉煎得香 唔會太難咬開🐖一篤爆個蛋黃撈埋芝士同出前一丁超邪惡 常餐B 沙嗲牛肉通粉 配 炒蛋腸仔多士 $50🐄沙嗲唔係好多 沙嗲牛肉中規中矩所以夾埋通粉食就沙嗲味唔係好出炒蛋都炒得靚 腸仔同多士都係正常 🥚炸薯條 $30 🍟幼身嘅薯條 同出面茶餐廳嘅炸薯條好大分別有黑松露醬 似沙律醬同黑松露撈埋一齊鮮油奶多 $22🧈一大嚿牛油夾住塊啱啱烘好嘅多士牛油偏凍 少少溶溶地 咬落去係成嚿牛油裏面仲要有煉奶 超邪惡🍞但係好好食

有一日入去食早餐都覺得唔妥,冇咩人。之後叫咗沙嗲牛肉麵。沙嗲牛肉麵底冇問題,但係沙嗲汁非常少,牛肉唔係嫩滑嗰種係嚡熠熠。服務態度不好,黑口黑面嘅女待應，問你食啲乜嘢,落單冇表情。我見唔到佢門口寫住只收現金，但係呢間餐廳唔收支付寶,唔收八達通。佢夠膽唔收兩個五毫子，話俾你聽個態度亦都串。我得一張$500大紙,咁問佢收唔收？最後佢竟然收，咁我就就咁算！ 我記得好耐之前已經食過佢一次所謂招牌嘅芝士撈麵,根本真係唔好食,得個鹹字,又普通完全冇咩技術可言。

今（3-8-2024 Sat）朝瞓晏咗，我哋去送回收物前食個“早餐”，去邊喥食，台蔡滷肉(https://www.openrice.com/zh/hongkong/r-%E5%8F%B0%E8%94%A1%E6%BB%B7%E8%82%89%E9%A3%AF-%E8%8D%83%E7%81%A3-%E5%8F%B0%E7%81%A3%E8%8F%9C-r757502)啦，應該都開咗門， 點知嚟到係冇開門佢話所有食材都賣曬聽日先至有 咁嚟到呢度我哋又食第二間啦，睇吓隔離呢間叫黔知味牛肉米線（https://www.openrice.com/zh/hongkong/r-%E9%BB%94%E7%9F%A5%E5%91%B3%E7%89%9B%E8%82%89%E7%B1%B3%E7%B7%9A-%E8%8D%83%E7%81%A3-%E9%BB%94%E8%8F%9C-%E8%B2%B4%E5%B7%9E-%E7%B2%89%E9%BA%B5-%E7%B1%B3%E7%B7%9A-r832879）嘅，主打牛肉米線，而其他嘢又未有興趣試住，於是老公就話嚟呢間。啊，好啦。嚟到時都只有兩枱客，我

今日15:00左右入左去食個下午茶。一開門，就撞到个阿嬸員工攞個衹皮箱掉出去門口，見到我入去都冇出聲。入左去裡面淨得一個客，跟住我隨便坐左張近門口嘅卡位。望下個下午茶餐牌，跟住開聲:唔該，要個西多士，凍奶茶少甜少冰。個阿嬸就唔出聲走左去打單。攞過來都係唔出聲掉喺檯面。個西多士上左來試左味道算中規中矩。奶茶味道都ok。就係服務態度太過差。

每次經過都看見門外有很多人排隊等候，而且又不是住在附近，只是行經荃灣便順路看看情況。今天在荃灣工作，中午到海壩街碰碰運氣，看見門外沒有人在等候，想也不想就衝進去。有好幾個坐位可以坐，但要搭枱，沒有所謂，吃完就走。侍應大聲叫我隨便坐，於是便坐在門口位置那一張枱。隨便坐嘛，有空位咪坐囉，都未坐低，侍應叫我坐另一張枱。唔緊要，咪坐旁邊一個空位，剛行到枱邊，侍應又叫我坐另一張枱。我好客氣問侍應，我應該坐邊張枱，侍應好不耐煩地說 ："隨便坐啦"正題，叫了芝士煎蛋豬頸肉撈丁，因為很多評論都說很好食，自己又喜歡食芝士撈丁。大概兩分鐘就到，外表如圖，都幾好。先將芝士撈勻，香氣撲鼻，口水直流。第一口吃下去，哇，很鹹，是不是撈得不夠均衡？再撈一撈。再吃一口，真的很鹹。吃一片豬頸肉，都很鹹。勉強吃了幾口，要放棄了。

噚日（22-6-2024 Sat） 朝，同老公落荃灣食個早餐，順便買嘢先，食邊間？光榮？我已經嬲咗佢喇 ，咁行遠啲，去新記冰室。去到都重有最後一張卡位坐，睇完menu後，老公決定要$35.00嘅沙爹牛肉麵，配煎蛋餐肉牛油多士，$3.00飲凍奶茶。我要$39.00嘅蜜糖雞扒，配牛油多士，牛乳炒蛋同茄汁焗豆，要熱奶茶。飲品到齊，熱奶茶茶味唔濃亦唔夠甜，想落糖，但都係唔落喇。然後老公嘅嘢食到嚟，我嘅就要等多陣到齊，好，開動。來貨室溫茄汁焗豆冇問題；牛油多士牛油好夠，好香同脆；牛乳炒蛋係全熟，面上淋啲蛋汁；蜜糖雞扒呢？𠲖o家唔睇返menu都唔記得話係蜜糖，食落根本就冇蜜糖，雞扒就外脆同內裡juicy，亦唔會太鹹。至於老公嗰份，牛肉係滑，但沙爹味唔夠濃，比舊年喺西灣河，同樣食到淡味沙爹牛肉麵嘅和記餐廳差（食評係2023年10月22日刊登嘅呢篇：https://www.openrice.com/zh/hongkong/review/yeah-%E5%94%94%E9%82%AA%E6%83%A1%E5%98%85%E6%B2%99%E7%89%9B%E9%BA%B5-e5086689）；午茶肉係煎

今日特登嚟咗荃灣 呢間新記冰室之前一路聽人哋話好好食 自己都book mark咗 今日嚟開荃灣 特登走過去呢間新記冰室到試吓 佢都真係幾多選擇 而且每樣嘢食都好邪惡 食完都唔知會肥幾多 但係個個名睇落都好正 我就嗌咗個XO醬豬扒炒公仔麵 美麗之前已經見到隔籬枱聞到好香 一上到嚟果然冇令我失望 香味俱全 果然係recommend 佢啲豬扒好彈牙又Juicy 而且份量都幾多 炒公仔麵 簡直係冇得彈 食落好香口 而且味道啱啱好 完全唔會話過鹹 果然係星級推介 會再嚟試吓其他

早排收工去醫院打針💉，食得飯都夜晚10點，如果係荃灣我地會去路德圍搵食。「新記冰室」主打係港式邪惡茶記食物😈，價格親民，裝修都係新潮啲嘅茶記feel。我細細個幾鍾意坐呢啲雅座，不過要搭檯就迫啲，咁啱個晚撞著個鼻涕男，真係未食已經先反胃🫣，好彩我哋自己消毒下，最後都係食到Lam Lam脷————————————————👅 豬頸肉煎蛋芝士撈丁（$59）👍🏻極級邪惡之物！芝士醬多到連麵都睇唔到，睇到隻太陽蛋就知正🍳，掀開就見到豬頸肉，件數都幾多，撈丁真係不知不覺就食晒
👅 滑蛋叉燒飯（$54）👍🏻見到油亮亮嘅叉燒就流口水🤤，可惜啲蛋唔夠滑同熟咗啲，青蔥同豉油汁幾送飯👅 奶油豬仔包（+$10）👍🏻跟餐加10蚊，咁我地加咗一份，見到有兩件包以為店員幫我地加咗兩份，原來一份有兩件，我真係比尖沙咀嘅物價嚇怕😦。豬仔包又脆又鬆軟，重點係吸晒勁多煉奶同牛油，一咬就滲出香甜滋味————————————————🚩總結：邪惡新派茶餐廳🍴———————————————— 🌟注意：繁忙時間要搭檯————————————————📍 新記冰室地址：荃灣海壩街83-93號荃好景大廈地下D號舖🗺地區：#bem荃灣📥分類：