新蒲崗餐室

營業中

休息中

呢間餐廳淨係做星期一至五嘅生意，星期六日都係唔會開嘅😞而平日午餐時段係人頭湧湧，無論係外賣定堂食都好多人🤨😋常餐B 香煎豬扒撈公仔麵 煎雙蛋 牛油多士 熱奶茶先讚一讚佢個多士係即刻烘嘅，所以係脆口既🤗因為平時出邊嘅茶餐廳多士好多時都係唔知隔咗幾多夜日嘅包，所以食落口會比較淋同梅😬所講我通常都走包😝之後又要讚一讚佢塊豬扒好大塊，而且好鬆軟😃最後係佢個公仔麵😀因為用瑞士汁嚟撈所以係甜甜地嘅😊舔舔脷指數👉🏻6😋/10😋滿分 值得一試😋

叫咗個蝦仁炒伊麵（午餐），$50左右啦，味道正常，唔難食（而家喺香港食嘢唔難食都已經贏），一貫茶餐廳作風，一食完就係咁趕，咁碟伊麵食唔晒就梗係打包啦，個外賣盒收我兩蚊，膠袋仲要話另外收多一蚊其實都係唔想浪費啫..跟住問我要唔要，咁我仲有得揀咩食淨大半碟我同我同事講個盒應該係鑲金嘅，點知我聽到個唔鹹唔淡廣東話嘅扎馬尾女人話唔係鑲金㗎你可以唔要…好有態度呀你後記：跟手見到執枱嗰個帶住隻金撈，我明晒了

想點阿？叫小炒王， 竟然用西芹炒.. 冇韭菜冇蝦乾冇菜脯。 呢啲叫小炒王？ 叫幾個餸西芹炒豬頸肉+小炒王.. 一開西芹. 灰到呢.打去問 佢話係咁架 用西芹冇問題啵有人用豆炒小炒王都有啦.. 完.

喺新蒲崗返工，附近食嘢都算幾多選擇。早排有同事係咁推薦呢間”新蒲崗餐室”，一試之後變成左我哋日常嘅飯堂🫢🫢。其實中午一點過嚟人流都幾多，不過見啲店員都好用心幫大家調動位置。通常都係等一陣就好順利有位坐🙌🏻🙌🏻講吓嘢食，覺得呢度係性價比好高⭐️⭐️，所有嘢食都係大分夾抵食。我通常都係幫襯佢嘅常餐，蕃茄湯底好濃郁🤤🤤，唔想食通粉仲可以轉米粉(唔使加錢)。跟餐嘅蒜蓉包仲非常厚切，不過個炒滑蛋就一時時炒得靚🫠🫠。跟埋杯凍餐飲，成個餐都係$50。呢個都係幾推介女士們食👍🏻👍🏻！另外我哋都有嗌下佢啲炒粉飯，全部都好有鑊氣，同埋都係好大份啦，自己都食唔晒，要分享埋比身邊啲同事一齊食😬😬 炒烏冬/炒公仔麵都好入味好好食！之前都仲嗌過個菠蘿海鮮炒飯，原隻菠蘿咁上，賣相好吸引，啲飯粒都炒得好乾身，略嫌就係比較dry啲🤏🏻🤏🏻整體嚟講啲食物都唔錯嘅。都係會繼續嚟幫襯佢😬

路過見到下午茶有菠蘿雜錦炒飯$39，所以入去試下。個炒飯好有穫氣，入面有菠蘿，火腿，蝦，生菜絲同叉燒，叉燒夠瘦無肥肉，味道咸甜適中。而飯的質感偏軟，亦唔會太油個人覺得幾好👍🏻餐飲熱咖啡味道偏苦。另外，外賣點了一個乾炒豬頸肉烏冬，自備餐盒去買。烏冬都好有穫氣，材料主要有芽菜同豬頸肉，豬頸肉肥瘦適中無腥味，整體味道很好。店員服務好好，唔會逼人搭枱。我自備外賣盒，亦好樂意幫忙，同區茶餐廳來說算是高質。如果餐廳凍飲可轉用紙飲筒/可分解飲筒就更好更愛地球了。

誤打誤撞在新蒲崗覓食，試咗一間不錯的餐廳，呢間餐廳很特別，平時餐廳名都會在門外看得見，呢間餐廳既招牌大大隻掛在餐廳內，要透過外面既玻璃窗先睇到招牌。進入餐廳內，有卡位、有圓枱，餐廳既櫈都有軟墊，非常舒服。水煮鱸魚片：我地叫咗小辣，辣度辣得嚟有麻感，味道係我鍾意既麻辣味道，鱸魚口感滑嫩，份量足夠。燒薯仔炆雞煲：燒汁鮮甜味很出，配菜仲有很多洋蔥，雞既肉質嫩滑多汁。整體餐廳既食物滿意，店員服務態度都幾好，享用了不錯的一餐。

係新蒲崗做完野， 朋友帶咗我去一間餐室 晚餐， 諗住普通一間茶記， 點知好有酒樓水準🤩因為我地唔想食太多飯，所以只點咗一個晚餐 A馬拉盞芥蘭炒斑球有老火中湯、餐飲、白飯另一款散點 🍍鮮鳳梨生炒骨餐廳店員好好人，送多個老火湯比我地😁2個餸都好大碟，鮮鳳梨生炒骨賣相好靚😍 有個雀巢伴碟，好有酒樓質素😋味道好有鑊氣馬拉盞芥蘭炒斑球,成碟夠辣，斑球都唔差喎，唔係梅囉未夠7:00已經坐滿客，附近屋苑街坊應該係常客，依度食物真係唔差，可以再來😋

工作關係又過左去新蒲崗，見到呢間茶餐廳新開，門面幾士正，光猛，心思思去食個lunch。叫左個常餐，係「瑞士雞翼撈公仔麵」，雞翼入晒味，煮到好林，麵又唔會乾，個炒蛋好滑，個烘多士先正，佢係落左蒜蓉去烘，好香好脆，再歎返杯凍奶茶，好香奶味，唔會有澀味，呢間新開既餐廳唔錯，我又多一個lunch落腳點了😉

行過到呢間餐廳就外賣早餐回家食念唔到咁低食，價錢平又好食。份蛋治，好有蛋味明顯係無溝浠而且兩份早餐都係滿滿咁裝入盒到再加兩杯飲品都係65蚊，第一次食，會再幫襯😀😀

前事 日前系該餐廳買左下午茶咕嚕肉飯（好食）結果打開得咕嚕肉無飯 個日有時間 煮個面順便煮埋菜 廢是再出街同佢拎個飯到今日晚市買外賣 油麥菜炒豬頸肉 等左25分鐘 比我預計既時間多 個餐應該有餸 飯 湯 可樂 四樣野 我見膠袋得三樣野跟住我要番夜班 唔會有時間再去餐廳拎飯 所以我同（？）老闆確認一下有無飯 佢一直話 點會無飯 我岩岩包 你相信下人啦 然而我第一次就係相信你間餐廳 所以先無飯食 期間我有同佢講之前試過系該餐廳少左一盒飯去到最尾拆開膠袋 佢話咪有飯囉 你應該相信下人 其實你一開始同我講湯送哂 所以得3盒 就ok唔洗教我相信人今次個餸比起下午茶普通 唔知係咪因為成肚氣 無咁好食 希望大家用餐愉快

今日試咗樓下呢間新開嘅茶餐廳，裝修好企理，枱都有好多，環境都算好乾淨。叫咗個雞扒餐，配炒蛋同埋煎午餐肉。牛油多士入邊啲牛油溶溶地，好均勻。雞扒都好大件，$35來講都算係幾抵食。

今日我由於曾經乘坐港鐵去其他地方，所以晚上遲了一點點食晚餐，為免太遲光顧錯過了「牛腩飯」晚餐，所以先享用「牛腩飯」之後，才慢慢決定在哪裡，在什麼食店享用「雞肉」粉麵食品。由於我實際上真的太遲回到「新蒲崗」，所以也都不是太敢跑回「采頤花園」，看看平日享用「雞扒蛋包飯」晚餐食店還有否開門營業，還是已經關門休息，我怕我再折返「新蒲崗」，「新蒲崗」食店已經差不多關門。所以我改為光顧跟「萬迪廣場」一樣，同樣位於「大有街」，「大有街」旁邊工業大廈地下的港式茶餐廳「新蒲崗餐室」裡面，享用「雞扒出前一丁」配飲品「凍檸水」。「新蒲崗餐室」飲品「凍檸水」裡面已經加入了很多「糖漿」，加上「凍檸水」裡面有三大塊切片「檸檬」，所以「凍檸水」裡面的整體與酸味跟甜味都十分充足。至於「新蒲崗餐室」廚房製造的「雞扒煎蛋出前一丁」麵食品實際製成品份量也都不差，目測「雞扒煎蛋出前一丁」裡面至少有兩大塊「雞腿扒」，然後再切成四、五塊左右的「雞扒」。至於「雞扒煎蛋出前一丁」湯底鹹味感覺尚可，鹹味沒有超出上限，而且我還能夠直接從「出前一丁」麵湯底裡面，喝到明顯的「麻油」香味。「出前一丁」麵條還未被湯底浸到變腍，所以麵條實際口感感

雖然位置係新蒲崗工業區 位置有啲偏僻 但星期日都開有營業 真係好 因為唔想係商場食連鎖茶餐廳 啦 😂 星期日lunch time 都好多人食哦 新開張 所有野都好係好新同乾淨 👍🏻👍🏻 常餐有牛油蒜蓉包簡 比其他茶餐廳既普通牛油方包更吸引 🤩😍沙嗲牛肉麵 啲麵有啲太淋 因為方包同蛋係先到既 食完個包 再食麵既時侯 個麵就浸到更淋😂叫左杯茶走 但比較甜 所以叫茶走少甜會更加好但環境真係幾好 成間茶餐廳有一張圓枱 最岩一大班人食飯 👍🏻👍🏻我更欣賞佢有個位置比員工工作 呢啲位置其實真係可以整多個卡位 　仲有open kitchen 成個感覺更加互動 亦都令空間感更大 茶餐廳亦有洗手間 是男女分開既洗手間👍🏻