新興棧食家

營業中

休息中

本來想去翠華食早餐, 不過去到門口郤撞啱全鋪停電, 所有食客嘩然, 好彩未叫野食!!!諗住去別處搵食, 郤見同街整列食店都無電, 惟有另作打算.忽然間想起這粥店就在附近.早上十時半只有半滿, 於是大踏步入內, 找一張大枱坐下.這裡以魚粥馳名, 當然要食魚啦, 於是要了魚較粥, 三十大元.等候時, 一大班自由行殺到, 分開坐, 我的枱也坐了六人, 搞到我要等成十多分鐘先有得食.他們財大氣粗是一定的了, 拼命落柯打, 吃不下也叫, 聽他們的口音是順德人, 怪不得喜歡食魚粥!我的魚較粥是想不到那麼多料, 幾枝魚鰭走了出來, 簡直落胡椒粉也無位. 煮粥的師傅控制火侯也到家, 是僅熟.魚肉很滑, 不過郤有淡水魚的缺點, 有少許泥味, 這是先天性的, 無法改變. 不過粥很足料, 有四件魚較, 在別的食店是絶無僅有的. 真的是過足癮. 粥底不錯, 味精不多, 要彈的是魚太多, 粥太少.與同胞共食的感覺也很特別, 他們財大氣粗是難免的了, 談話大聲, 叫食物量多, 樣樣都嫌便宜, 叫了浪費都抵.偏偏是魚粥, 又熱又多骨, 要慢慢吃, 好不容易吃完結賬走人.

去帮衬了三次，第一次要了鱼嘴粥+凉拌鱼皮=30+20元第二次+第三次要了遇难牛肉粥=40元一碗量好大，最主要鱼腩，鱼嘴都很多啊，牛肉也可以的（很能，不塞牙）这家店是全九龙+香港最好的皖鱼鱼粥店了，料足质素好，价格也不过分，真的好好食，一点也没叫的贵。没试过的“饭友”可去试一试了.

去油麻地買東西，行耐了肚子有點餓，突然想食粥! 行去廟街揾食，發現有好多粥店，但好多價錢不便宜，分分鐘$50,60一碗突然經過這間沒什裝飾的粥店，很有懷舊味道，價錢合理，就走入去了。其服務style都很隨意，見到客人可以自行取碗，去廚房門口添一大碗蔥，再返埋位繼續食粥款式不算多，好多款都是併併合合的，但不多魚部位都可以食到，如魚咀，魚尾，魚雲等，最後我叫左魚咀粥一上台，真的大碗到嚇到我呢! 我立即打定輸數: 食不完!算喇，盡力啦，好彩有爸爸同行，可以請他幫口食究竟魚咀粥是怎樣的? 馬上用匙尋底，原來所謂的魚咀，就是平時在家吃的鯇魚頭，還以為是其他魚種、似軟骨的魚咀呢! 是有點失望，不過收$30，有4,5大舊魚頭，真係好足料! 而主角粥，幾咸，有鮮味，但卻只是濃稠的粥水，我還是較喜歡食到有粒粒米較濃稠的粥，帶丁點咸而非味精死咸粥，而這間的粥不知是有味精還是過咸，吃了會口渴!總括而言，我想是吃她的懷舊感及食客自己的回憶，多於真心為其粥品特意去?

小弟我喺尖沙咀返工，已經幫襯咗佢七八年，無論早午晚都会去食；但我首選食魚粥係旺角道街市熟食內嘅「妹記」新興棧絕對坐得唔舒服，迫夾、衛生情況頗差、無招呼、不時漏單。全店坐膠圓櫈，客人咩人都有，啲店員阿姐連煮粥嗰個都唔會落單或睇order整嘢，全部口噏用個腦記，事頭婆又成日大大聲呼喝，所以喺呢度食嘢要成日催住，否則隨時等極無得食呢度啲料保證新鮮，但炒麵及油炸鬼就唔使試，炒麵無味無道；油炸鬼「淋」嘅唔好食。通常我係order魚腩豬心粥 ($36)，然後去門口夾一大碗葱絲埋位慢慢等，嚟呢度食粥可以訓練耐性每次碗粥都大碗到滿瀉，再自己加多啲葱加胡椒粉，...已經好香。粥底鮮甜，唔似附近幾間同類型粥店咁死咸，魚腩亦鮮甜爽口無腥味，一食就知新鮮；豬心係全港粥店整得最好，除不過熟外亦無陣豬臭味，而且爽口彈牙，百吃不厭呢由於啲魚一定新鮮，所以我好多時會叫多碟由細我舅父喺澳門帶我食到大，而家無咩人敢食嘅中式「生魚片」嘞，撈大量胡椒粉及薑葱絲食 (亦有殺茵功效，亦可拖一拖碗滾粥至食)，嘩嗰種鮮甜味喺條脷不斷游走，慢慢細嚼後，鮮味上腦...噢...好好味呀！亦令我回味好多童年回憶，比起日本魚生不知鮮甜幾

一想起吃魚粥，人在對面海就必然會到上環畢街的"生記"。至於在九龍這一邊呢，就非從小吃到大的，在垃圾站對面街的"新興棧"....過了早上人流高峰期，可以悠哉悠哉地歎碗魚粥，實比吃甚麼鮑參翅肚，更來得快活得多...魚腩食落啖啖肉，鮮甜得來一點也不腥；魚卜食落帶煙韌但卻絕無橡膠feel，兩者皆是小弟吃魚粥時的首選配料搭檔。今天在此老店吃到的，全是極鮮美之作。每次來，總不會叫人失望而回.....粥底不算綿，但贏在夠鮮甜。此時就算叫了碟像隔了夜的油條放粥浸來吃，亦登時變了上品.....在這裡吃了那麼多年，水準就算是比多年前退步，但與時下的生滾粥舖相比起來，水平仍是大超班.....

很香充滿鑊氣魚鏢沒有多餘嘅粉係靠燒紅嘅鑊帶出美味, 但係就係咁簡單, 先食得出真功夫調味恰到好處與啤酒最佳配對環境就唔好有咩要求, 衛生都係麻麻, 反正如果佢啲嘢夠熱, 應該冇嘢啩 服務就同大排檔咁, 預左冇咁囉

天寒地凍的日子，究竟吃什麼好？人少少吃不到大大煲的羊腩，不如，吃一碗窩心魚粥。個人對粥店，心裡已經有清單，港島區，上環畢街生記是我心水，九龍區的話，論魚粥，我最愛來佐敦寧波街的"新興棧"。昔日的新興棧，歷久失修，環境極之簡陋，來光顧的，像我這輩麻甩居多。年前曾經略略裝修過，已經比以前光鮮。如今連影視界/飲食界的名人，也在電視節目上推介該店，今時不同往日了。吃得多魚粥，今次來個豬心粥，不過，也是來個魚卜來併，豬心口感爽脆，不過沒有生記的大件，而且味道也不夠鮮。魚卜則爆得外層有焦香，入口爽而帶膠質，全沒腥味。一心不能二用，吃豬心粥，去生記，吃魚粥，新興棧，涇渭分明。

今早我家大婆休息, 本懷著很好的心情去食早餐, 找一家有肥仔食神推介的粥本來吃, 去了此粥店"新興棧食家", 入到去原來主要是吃魚粥為主, ok, 我不喜歡吃魚, 所以order了他們的"招牌炒麵" 及 "白粥", 食物來到, 賣相極差, 一食之下, 勁失望, 炒麵超難食, 用料不足, 芽菜蔥極少, 麵不夠熱, 白粥似鹽水, 只吃了數啖, 差不多完封不動, 怒氣沖沖的走, 不是我細食, 而是太難食, 肥仔食神真的好介紹, 以後此肥仔食神介紹的不去了。

星期六晚路過此店， 見其餐牌所示價格，一碗粥最平都要$29。  原本沒有意思幫襯， 但見店內人氣旺盛。 店外又貼有食家照片， 心諗一分錢一分貨。 如果味道好， 價錢不是問題。  況且有食家撐場，應該不會太差。加上很久沒有吃過粥，兼且怕骨不吃魚的友人又沒有異議，於是入店一試。 不過店員姐姐們很忙， 所以不會有招呼， 要食就自己搵位。  皮蛋瘦肉粥 － 皮蛋份量都OK， 但瘦肉好嚡口 第粥 －豬潤夠爽脆、豬心冇味、 豬腰有啲異味、 粉腸夠腍滑、肉丸都可算鮮甜。 魚片要算係全碗粥最好嘅材料，有鮮甜魚味。但只得薄薄两片(其實所有材料都係得两件)。 豉油皇炒麵 － 一早炒定，所以唔熱兼且淡而無味，非常非常普通。 唯一優點係有啲芽菜。 用$17吃一碟放涼無料嘅炒麵， 可能係我們唔識門路， 叫錯食物。 縱觀而言， 雖然粥底夠熱， 但唔夠綿，稀如水， 當然唔會有米香。 仲有落師傅，吃後勁口渴。 漏單情況都頗嚴重， 要追先有粥食。若然食材夠真材實料，有賓至如歸嘅服務質素，價錢幾貴都係值得。相反，雖然外表吸引到路人入店光顧，但食品質素與收費不成正比，服務欠奉，再加上環境衛生麻麻。 要消費者再度光顧，似

因乜解究新興棧啲粥貴咗咁多,上年年尾都仲係廿零蚊碗粥,今年升到去35蚊搭多條油炸鬼成五草嘢咁濟,夠我去太興食燒味飯.魚卜粥沒有了,不過都無所謂,魚卜放粥不嬲都唔係太好食,啲卜唔點胡椒粉豉油更加有啲難入口添.新興棧最正幾時都係佢哋啲魚骹.點了一碗魚骹牛肉粥.碗粥嚟到啲骹照舊大舊到撐哂出碗外,選魚骹係貪佢郁動多,啲魚肉又滑又結實.無魚腩咁腥同埋有泥味,亦無乜細骨.嫌齋食魚粥單調,所以併了牛肉,新興棧的牛肉醃得剛剛好,又嫩又有肉味,一流!最重要嗰粥底永遠稀杰適中(其實算偏稀),米花爆開,綿滑又有米香.調味較得亦好,味精一定有,呢點唔駛詏,成大支味精水楝係灶頭.唔想食味精可以試吓叫佢唔落,我就無試過嘞.其實唔怕骨的話新興棧個魚雲粥又係好正,魚味係超級特濃.唔信的話大可以點一碗魚雲粥,一碗魚腩粥,每碗試一啖就即刻知個分別係邊.順便推介埋粉腸,我唔併牛肉的時候多數都係併粉腸,又淋又粉,點少少豉油食又係超正.新興棧,永遠係我九龍食粥嘅首選

好耐都冇嚟過呢間粥舖食粥嘞，好開心，今日去完醫院，老公就帶我嚟重回舊地，同老公喺車度已經講好咗今日要食咩粥，好期待呢！點知，原本我想叫o既魚卜粥，唔比落單，因為啲魚卜而家唔夠賣、又貴，所以佢哋就只賣薑葱炒魚卜囉！最後我就叫咗一碗超勁好味、又大碗o既魚腩、粉腸加肉丸粥嘞！老公叫咗個及第粥，一碟炸面(即係油炸鬼)，重有個重點推介炒魚卜啦。我碗粥啲魚腩多到瀉，肉丸又甜，係啲粉腸唔係太夠腍，差啲啲，同埋冇咗以前嗰種風味囉，老闆除咗喺而家近門口個位煲粥之外，重要喺巷仔近門口度煲o架，攞比客人上枱時啲生菜多到喺碗粥上面好似一座菜山咁，你話嗰陣時點會唔多人食粥呢！我老公以前好鐘意食嗰度啲魚皮，但今次就冇食，唔知水準有冇變。啲粥都重係好好味道，當然有些少師傅啦，所以食完都有少少頸渴，不過難得一次，冇所謂啦！

我地一行三人, 原先係打算去和味生滾粥的, 但行行下見到呢間, 又見門口有好多雜誌的剪報, 所以轉軑一試環境 : 一般粥檔的格局, 無乜特別招呼 : 一般般, 通常要叫兩次先應你, 而且隔離台有上錯野的情況食物 : 是晚沒有魚卜, 有點失望, 還好魚腩粥非常足料, 魚腩大大舊兼有魚味, 但個粥底唔夠厚, 亦有點味精炒麵, : 一旱炒定放係度的, 但份量算多, 2-3個人都可以分來食魚尾粥 : 好大的一條魚尾, 無偷工減料三個人埋單 HKD12X, 平均@ 40蚊, 價錢合理, 但下次入來之前, 要先問句有無魚卜先..

早前看過飲食節目嘅介紹，又經舅父極力推介，咪一心走去試吓，結果有點失望，比想像中差好多，粥底稀，唔夠綿，冇米香，有少少燶底，最衰係重味精，對味精過敏嘅我，食完有少少頭痛同勁口渴，就算再好味都冇用,何況味道仲唔見得特別好，我諗自己唔會再來幫襯了。今日叫了兩款粥，一碗係魚尾牛肉粥，魚尾滑溜但冇魚鮮味，而且多骨，食時要小心，牛肉腍就腍，不過醃料太勁，冇哂牛味。另一款係魚嘴及弟粥，有少少搵笨，實際上係比魚頭最多骨嘅部份，都唔係比魚嘴，早知叫魚雲好過,及弟有豬肝、豬心、豬腰、粉腸同肉丸，味道同囗感一般，豬肝同豬心薄切，煮得有點嚡口。值得一提，此店老闆娘同員工嘅臉頭，同啲粥一樣燶底，莫非來得幫襯就要預咗受氣嗎？

媽味一向對食野都無咩興趣, 點知睇過少年食神既飲食節目有一集介紹呢度既魚粥, 鍾意食魚既媽咪就話好吸引好想去試下! 甘難得媽咪主動話要出去食好野, 我當然要做個孝順女帶佢黎試下la!七點幾去到, 好多人呀, 坐到出面tim! d呀姐做到踢哂腳, 無人得閒理我地~ 最後我地都係自己搵位搭枱其實坐出面衛生真係麻麻, 對住條又黑又多垃圾既巷, 好彩見唔多到老鼠…就算坐低左都唔代表食到野, 因為呀姐根本唔得閒理你, 揮極手都無人理…最後我都係自己走入鋪頭落單要左個魚片粥同個炒麵, 點知轉頭就話炒麵賣哂la! 好失望 見到隔離位個薑蔥爆魚腩好似幾好味甘, 甘就要呢個代替la魚粥先到, 粥吸收左魚既鮮味, 所以好鮮甜! 粥煲得啱啱好, 唔算好棉但無水汪汪, 唔食魚齌食粥都好好味! 魚既份量好多, 味道可以, 但唔夠滑兼有d鞋! 加上我地兩個食量都唔大, 所以最後都係食淨左d響度至於薑蔥爆魚腩就真係好好食la! 份量多, 舊舊都好大件! 有金黃賣相, 聞落去仲好香! 食落去皮脆肉嫩, 真係 “魚有魚味" !!! 但呢個魚好多幼骨, 食既時候要好小心!見媽咪都食得好滿意,甘我就開心la

以前說過,在港島食粥,自已會選上環生記,九龍就會去妹記,不過後者未到四點就收工,想食碗靚粥,一係落油麻地,去生記分店,但夜少少要係附近睇波,加上之前係元朗已經食左麵,一於食碗粥啱啱好.新興棧賣粥幾十年,最出名一定魚粥,但個人卻認為牛肉粥都不錯.再加碟炒麵就夠了.講真,十五蚊一碟豉油皇炒麵,做得好既,一點都不貴,但睇賣相同用料,真係十蚊貨色,充饑可以,有點要求的話,還是放棄好了.粥底是廣式粥底,偏向綿,開花米,水準幾十年如一日,好得沒話說,牛肉醃得不過份,至少不會無肉味無肉色咁離譜,放粥面的生菜絲給滾粥一灼,混在粥內,夾雜少許菜香,美味.粥舖何其多,好的大概一區沒有一間,可惜!