新羅寶韓國餐廳 (利舞臺廣場)

營業中

休息中

第一次嚟食，總共五個人，嗌咗五樣肉類燒烤同埋哈海鮮煎餅，翠玉瓜韭菜煎餅，仲有牛尾湯。海鮮煎餅真係唔係幾好食，好粉，我試過好多地方好食過佢好多。翠玉瓜煎餅好淡，唔知係咪應該係咁樣，牛尾湯就幾好味。呢度主要係未試過同埋貪佢有得免費泊車，openrice 9折。可惜我哋平時好鍾意食嗰啲一條條嘅小菜，但呢度款式少到令人覺得奇怪，而且我哋五個人叫五樣肉，可以有多啲唔同嘅款式咁會好啲。而且另外一個問題係醃製好嘅肉類本身啲味都唔夠，甚至乎好似豬頸肉嗰啲係一啲都冇醃，燒完就咁點豉油食我就覺得唔係好好食。所以星期五晚都唔係 full, 我覺得除咗價錢，水準都好有關係。

餐廳位處高樓層，窗邊有開揚景觀。套餐三式前菜，麻油菠菜味道好香，泡菜偏酸帶薑味，爽口開胃，煎蛋捲就比較平庸，冇乜味道又比較實淨。辣汁煮雞味道頗辣，裏面仲混合咗雞蛋花，超級送飯，上面鋪滿咗滿滿切絲生紫蘇葉，趁住砂鍋上枱熱辣辣，即刻就撈勻，辣雞汁頓時加添紫蘇葉嘅獨有香味紫蘇葉絲焯得半生熟，逼出香味之餘又保留到清爽口感辣八爪魚輕輕焯過，爽口鮮味重，部分觸鬚末端位就比較硬，韓式辣醬味道都好豐富，撈勻蔬菜絲同白飯，好味又營養 牛肉菜湯（醒酒湯）， 對比起嚟就比較普通，牛肉煮蕨菜湯都好出色，本身蕨菜粗硬纖維都煮得好易入口，原來湯品類定食就唔會跟海帶牛肉湯，有啲可惜

Ordered takeaway Samgyetang. Price was $176, definitely not worth it. There is nothing to eat. Where did half of the chicken go???Don’t order takeaway chicken soup, they will trick you with the portion. Never coming back here, food and service quality all went down.

平日唔算多人唔使等位就入得兩個人食淨係嗌咗海鮮煎餅已經好夠味道不錯 非常足料另外餐廳比嘅前菜都食得出好有心機 有好多唔同款嘅選擇餐廳仲安排咗每台都有飯後水果非常貼心不過建議呢間餐廳都係人多先選擇因為份量都比較大多人食先適合試唔同嘅菜式

平日食開晚市，今日嚟試下佢哋lunch set，都係一樣咁出色～價錢around 70-150，今次我哋三個人試咗三個餐。有三款小菜、湯同橙，本身嘢食嘅份量都頗大，亦都係好正宗嘅韓國風味！好值得一試

餐廳喺2011年、2013年收錄於《米芝蓮指南- 香港、澳門版》，更係第一間被列喺《米芝蓮指南》嘅正宗韓國餐廳📖🫢泡菜豬肉炒飯石窩套餐 ($85) ●●●○○套餐小菜有雞蛋卷、泡菜、菠菜，另外有橙同紫菜湯 非常豐富👏🏻可惜個飯食食吓覺得還好，層次感唔豐富，豬肉頗細嚿個飯偏軟身 炒得唔夠香炆牛排骨套餐 ($125) ●●●●○牛炆到好腍，索晒香甜嘅湯，「骨肉分離」easy啦 如果追求牛味，未必係你想要嘅嘢🥘但係我覺得秋冬季食呢個暖胃不錯 ✍🏻 沙律菜、南瓜粥免費任添！推介試南瓜粥🎃，可以當糖水

自從朋友介紹過一次比我之後，呢到就已經變咗做我哋飯堂😂餐廳係利舞台，地鐵站一出就係。佢哋嘢飲我試咗韓國啤酒&梅酒，兩隻配佢哋料理都好正，梅酒更加係好開胃！同朋友一次飲咗兩支😂佢哋嘅海鮮薄餅好邪惡，香脆無比，好開胃。而下面呢個鍋我哋通常會嗌extra spicy，配上白飯真係一百分！

呢度嘅炆牛肋骨係全香港最差🥵🥵份量少不特止，未開始食已經得一半，炆牛肋骨係冇汁，得好似水一樣嘅湯，碗飯又係得一半，原啲蘿蔔係未炆熟，仲酸酸地，粒紅棗硬實實，係恐怖😤😤

疫情剛剛緩和，喜孜孜出外搵食。叫左一客A1韓牛，單價$585，佢係餐牌上最貴一道菜，埋單時竟收$858。問個阿姐，佢重串咀話尼D係韓牛，你吾知貴架！再問下，佢仲話可能加重左份量！頂唔順佢囂張D樣子。如果單寫個價，同你出黎個價不同。係咪應該問下個客先。根本就亂來。最後，要個部長改番啱。今時今日，咁既服務態度，仲可以開到店。期望尼間店舖自求多福！

係銅鑼灣返工既人應該都有試過新羅lunch set~ lunch set 選擇超級多， 大概$80-$120 ， 而且仲有送好多配菜同水果， 再加埋可以出去任添南瓜湯同沙律。 今次去叫左一個拌飯， 如果唔想食牛仲可以轉豬肉或者雞肉拌飯， 通常一個lunch set 佢地送三款配菜， 每個配菜都真係好傳統韓國餐廳味道， 食完真係令人好掛住韓國， 想去韓國去旅行。 lunch time 有時都比較full, suggest 可以係openrice book 定枱先

突然想食韓國野，小仙子話不如去米芝蓮推介既新羅寶！因為同小🐷去到餐廳已經好夜，而韓燒太趕，所以今次散叫。點左：石鍋雜錦飯($13x): 上菜時熱辣辣🤤waiter會幫手將材料攪拌均勻，如果鍾意食飯焦，放多陣就得啦😜炆宮中牛排骨($28x): 好有名堂架，係明火《食神爭霸戰》金獎食品😂即管試試有幾勁！用雪梨醃製既宮中牛排骨，好香甜好淋，仲有年糕，好煙韌😋泡菜豬肉煎餅($14x): 煎餅煎得好香，夠晒薄，唔太辣👍🏻質素都唔錯，地方寬躺，又坐得舒服，下次可以試燒肉😙尖沙咀都有分店㗎！

一入到去就覺得好友傳統韓國餐廳嘅感覺，佢嘅裝修大部份都係用咗木，所以枱之間嘅距離，疫情之下都唔使擔心太近👌👌👌👌我就揀咗一個豆腐蜆湯，諗住呢啲凍嘅天氣飲啲湯個身體會暖啲，個湯唔算好難，香港人都食得到嘅但係講真味道就麻麻哋啦，而且海鮮嘅份量得好少，全部都係得豆腐同埋菜😅😅😅成$125一份，就覺得好唔抵喇😅😅😅😅

最近多左睇韓劇所以就揀下d韓國野食呢間location唔錯 （都有其他分店） 而且網上book位有9折就try try 佢由於最近都比較熱氣 所以今次就無食到炸野同燒肉 反而叫左人參雞湯 辣牛肉湯同炒年糕 （2個人食）餐廳環境都乾淨企理 注意番店員只係識英文唔識中文人參雞好食 份量都夠 不過價錢都要番200蚊到炒年糕竟然唔太辣 反而偏甜d煙煙unun 好好咬 不過份量唔算多個人黎講幾鐘意個味 岩哂唔太食的辣既我不過之前響韓國食過就辣好多 睇個人口味喇辣牛肉湯又係比想像中唔辣expect佢再重口味會好d呢個湯既牛肉份量偏少 你睇圖都見無咩牛肉咁整體黎講埋單500幾蚊 坐得都舒服 算係質素ok但未必一定要翻兜既餐廳 不過如果再黎可能會試下燒肉 當日見好多人食緊呢

身為香港其中一間最有名的韓國餐廳，新羅寶的食物質素確實與一般韓國餐廳不同。無論是烤牛肉還是大醬豆腐煲都非常好吃。他們的薯仔煎餅也挺特別，材料humble但味道好，也沒有在其他餐廳吃過。我也欣賞他們送上的飯後橙，非常貼心地輕輕在每一塊連皮的橙𠝹一刀，方便我們吃。但可能是星期五晚上特別多客人的關係，送餐時間很慢，我們舉手時侍應很多時也沒有時間理會我們。而吃韓國餐一般會有的金屬筷子，他們聲稱也沒有，只給我們端上即棄木筷子，雖然我們看見其他枱的客人都有金屬筷子。雖然是小事，但餐具的使用也是整個用餐體驗重要的一部分。對於金羅寶這間有名氣的韓國餐廳連餐具都未能處理好，我是有點失望。

好耐無食韓國嘢咁不如放工去食新羅寶啦，都算係香港老字號（韓餐）好彩有訂位，門口逼滿人2個人唔好叫太多嘢啦一個牛腸鍋（我哋要少辣）：唔知係咪叫少辣，所以唔算原汁原味；主要都係牛雜；如果中意食牛雜嘅人係唔會有問題。。。但口感方面，我覺得似乎燒牛腸好食d；放咗入鍋就無咁有咬口。。冬天送飯食會更好~唔怕肥嘅話；臨到結尾 可以飲啖湯；都幾好要多個海鮮煎蛋包伴盤：呢個就真係見仁見智；雖然佢係即時整嘅；夠熱；有蝦有魚；不過我就覺得偏油；可以送泡菜解油膩要多個覆盤子酒（貪佢夠fruity, 酸算甜甜的）；解膩得黎又容易入口~其實我果日下午有散水餅食；所以就無叫到starch; 2個人都夠食；但如果肚餓的話，真係建議加個starch....