新羅寶韓國餐廳 (利舞臺廣場)

營業中

休息中

一路食一路思緒好混亂明明上次去果間x羅寶尐韓燒明明好大碟架喎點解今次細得咁緊要既呢仲騙左四個朋友仔過海黎食真係唔好意思喇唔通果間係金羅寶???我真係唔多記得添今次叫左燒既韓國牛柳同埋普通既豬同雞每樣一人得兩三件當然唔夠飽啦但係燒出黎又真係好鮮甜食得出唔係普通野喎最得意就係唔知點解檯面無油其實到宜家我地都唔知究竟係咪真係用果舊牛脂肪黎做油架喎全場又得兩個姐姐幫客人燒肉真係等得佢地黎又辛苦晒佢地喇要留意多數侍應既中文水平唔高記得要用英文另加牛排骨窩我覺得要睇一間韓國料理既質素呢道菜都可以算係指標今次肉質軟滑做得唔錯不過個汁唔夠濃拌飯唔夠味另外海鮮葱餅一般啦送既kimchi份量好少如果要食既要俾40蚊份…後尾送既麥芽糖水都唔多識欣賞食出黎又唔係好貴不過要飲茶飲飽囉真係攪到我愛恨交纏唔知俾個咩grade佢好不過之前係既莊園正宗尐又抵食尐囉Anyway 多謝各位對性別與性格既獨特見解真係要睇返金枝玉葉先得咯

今年隊波成績不錯，成班波友的聖誕聚會及慶功大會，好在今次輪到我主持，如不是又係食自助餐。十八人，在聖誕節期間為方便訂檯及拿房，就安排了吃韓國菜。來這裡因為地點就腳，泊車及散水都較為方便。店方安排了間有電視的房，一張長檯上擺著三個韓烤爐，大家排排坐，幾適合聚會。叫了不少的東西，有幾款烤肉、烤餅、石頭飯、鍋等等，食完又叫，叫完再清，都食左好多野。前菜是例牌的八碟十款，這裡的泡菜夠鮮夠辣，論味道不算最好，不過都添了幾次；幾款烤肉先到，例牌一定以牛肋骨做膽，拖雞肉、羊肉、排骨及魷魚。烤牛肋骨仍然出色，醃得入味肉質又軟腍，用高麗菜包著吃更見滋味；其他以魷魚較合口味，魷魚肉厚身又幾新鮮，具口感又鮮甜，烤起上來又香氣四溢，都食得過；小吃方面，叫了辣醬炒年糕，這個不是在餐牌的菜色，除了年糕，還有地道的韓式小吃魚片，用上銀杏、菘子等去炒，加上米糕煙煙韌韌的，味道不錯，頭尾都叫了三碟；綠豆蓉煎餅煎得幾香又夠乾，都不錯，不過一客六小件，不太夠分；海鮮煎餅就大大個，夠晒分，可惜味道一般，叫了兩大個，最後也有剩下來的；什錦石頭飯及海鮮石頭飯各要了兩個，相比之下，是什錦﹝圖示﹞好吃得多，配料豐富飯又乾身好味，但當

之前去過美麗華分店, 覺得麻麻地, 但見銅鑼灣真係無咩korean餐廳, 所以去番呢度啦, 今次叫左個烤羊肉, 一個洋蔥牛肉, 一個生牛肉拌野菜飯, 雜菜炒粉絲, 再加一個casa啤酒待應先為我地煮個羊肉, 雖然唔算大塊, 但係起碼都唔會係碎濕濕個d, 肉味帶甜,, 肉質薄且唔會un, 口感唔錯, 但係無咩羶味同羊味, 始終雪藏羊肉都係無咁正. 生牛肉拌雜菜飯好多生牛肉, 飯入面加左菜同雪梨條, 食落甜甜的, 牛肉飯的香軟加上梨的爽甜, 好fresh, 令人忘卻燒烤的熱氣, 唔駛次次都食石頭飯咁悶啦, 生牛肉飯我真係要推介喎!! 雜菜炒粉絲無咩驚喜, 但都算少油, ok啦! 之後個伙記幫我地換個煲去食烤牛肉, 原來個烤牛肉係濕食, 個窩係有湯係度的, 之後就將佢成碟牛肉加埋洋蔥同冬菇放晒入去, 一陣就有得食啦! 個牛肉真係好碎喎, 碎到唔係好接受到, 但係就好腍同甜甜地好易入口, ok囉.Service麻麻, 佢地好似鐘意serve佢地d同鄉多d, 有種族歧視成分啊, 不過食物好食, 坐得又闊落, 如果可以靜番d重正啊

星期天到這裡吃午市自助餐。Ｄ涼拌菜真係好正，將簡簡單單嘅蔬菜做到非常美味，kimchi好就唔使多講，其他唔辣嘅拌菜好似蕩平菜（唔知係乜菜但好好食）都十分合自己口味；所以成餐幾乎全部素食。我太太和仔仔試了煙牛脊肉，話十分正；但我太飽所以冇食到。可惜冇左辣嘅牛什窩，所以有Ｄ略有所失嘅感覺。希望下次嚟有得食啦！

記憶中的新羅寶牛肋骨極之美味, 是夜OT後, 老公陪我去「補充體力」, 可惜...牛肉冇牛味, 蝦得個大字, 已經係叫貴的二人set ($5xx), 都係失望. "唔通真係比神戶牛寵壞了? 大獲..."老公都搖頭嘆氣.幸好, 最後的鮮牛肉窩麵, 加了味粉之後, 尚算合格. 我又再order多一個白飯, 泡在牛肉湯中, 自製韓國朋友教我做的牛肉湯泡飯, 總算有點安慰.

新羅寶在周日,有一個brunch buffet,價錢唔記得確實幾多,大約$100一位.有興趣可一試.如果想食生牛肉就會失望,牛肋骨牛肚腸,還是有的.

因為有某間電訊公司的價惠, 所以與友人到餐廳嘗試,這次是我第一次食韓國料理,我們order了:前菜成吉思汗鍋辣椒抄年糕煎蠔餅白飯起初以為會唔夠食,相中都看似很細碟那樣,但我們都吃到很飽。味道也算是不錯,只是成吉思汗鍋比較普通,煎蠔餅係勁新鮮!!看見很多雜誌在介紹辣椒抄年糕,但就比較失望,因為一點都不辣,還有點甜得濟!!服務態度反而我覺得不甚好因為我們等了很久叫野食也沒有人理會我們,雖說佢會幫你放野入個鍋到,但想再叫野食,叫左幾次都唔幫你跟。原本期待會聽到幾句韓文,(食日本野都會聽到日文),但入到去,清一色講英文,除左門口果個!!唔識英文的人入到去都唔知點算!!價錢我覺得ok呀!!一人都係一百蚊左右,有優惠之後只不過係80蚊有找!!會再去嫁....

雖然不是首次在香港吃韓國菜，不過新羅寶的職員服務卻是最好的，他們不但細心而且有禮貌，令人食得舒適!食物質素都不錯，若然能夠相約三五知己一齊在此吃飯的話，除了可以品嚐多些款式，而且還可以平易點呢!

今日老細請食lunch, 有同事就提議去利舞台間新羅寶. 都聽過哩個名好耐, 知道都幾貴. 我叫o左個人蔘鷄, 有同事叫o左牛尾, 有個就叫o左3個辣o既豬. 先講我個人蔘鷄, 乜味都冇, 好似飲水咁, 我落晒佢比我兜鹽先似番小小湯(因有咸味丫嘛), 個牛尾又唔"林", 牛尾湯一樣冇味. 而個炒豬得果四五片仔(我諗份量大約一條煙肉再切四五片), 底部就墊大量o既菜. 話就話3個辣, 個同事本身麻麻地食得辣都一D都唔覺辣. 我覺得最好食係出面枱任拎o既奄制生菜囉. 老實講, 我唔會再去食.

十年八年前是韩国烧烤的FANS，最喜欢去的就是尖沙嘴的“满拿”。（不知现在还有没有？）新罗宝的消费相对来说比较高。去了几次都是因为收到某大电讯公司的现金券。星期日再去，烤肉胜在醃料味道适中，不太浓不太淡。但那道成吉思汗牛肉SHABU-SHABU和泡菜都比上次失色。牛肉不够肥美，泡菜的醃料不够香，也不够辣。

與好朋友相約食飯,佢想食韓菜又想食烤肉,就提議同佢黎新羅寶試試. 尖沙咀同銅鑼灣店我都去過好多次,一向都覺得佢係本地韓菜中水準較高同穩定既一間,特別係烤牛肋骨係永冇失手的. 今次當然亦有叫,另外仲試左"長今餐"菜牌中既魚饅頭同豆腐海鮮湯飯. 八碟前菜水準不俗,特別係甜魚乾同醃紫菜,很開胃,但旺菜泡菜就比唔上梨花苑. 先黎牛肋骨,肉質仍然鬆化,味道香甜,水準依舊,同事亦讚不絶口. 魚饅頭是以魚肉包著切成幼絲的蔬菜同菇類以清蒸的方法製成,魚肉蒸得剛熟不韌,滑滑的魚肉包著爽口的蔬菜配以醬油,是頗鮮美又清新的一道菜,個人就幾鍾意. 豆腐海鮮湯飯就相當普通,整鍋佔八成都是豆腐,其餘都只是幾隻蜆而已,絶對談唔上係咩海鮮,湯鮮紅色但辣度只屬一級,愛辣如我當然覺得唔夠喉,係比較失色的一味.埋單後侍應照舊送上薏米菘子糖水,而家天氣開始熱,每次飲呢碗糖水都覺得有透心涼既感覺,如吃完烤肉飲就更正,可以滋潤下喉嚨. 食得好開心既一餐~

今日特登同屋企人黎呢度食長今餐,因為父母都係長今迷.黎到發現原來有自助餐食,不過我地都係選擇a la carte~我地叫0左魚饅頭,炆春雞,燴豬肉煲,仲有個海鮮煎餅,另外叫0左個牛肉,同辣雞排骨黎燒烤.炆春雞賣哂,試唔到,但個魚饅頭就唔錯,我地4個人食,就4件,用魚片肉包住d肉餡,餡有d肉碎菇同菜,個汁好好食,加埋一整食好得呀!個豬肉煲原名係咩唔記得0左,但都係長今餐0既一度菜.一排豬肉上面舖0左d合桃,紅棗,仲有人參,呢几樣食品都係醃過,有蜜糖同醬油,我覺得紅棗同人參都好好食,醃到入哂味又好腍~豬肉就一般,冇咩味.海鮮煎餅ok啦,我覺得梨花園的好味d,但佢煎得唔算油,如果個汁再香濃d會好d.呢道菜個汁同魚饅頭一樣,但呢道菜濃d,個汁應該再調過,有時醬汁對道菜影響都好大,不能馬虎的.個牛肉係一煲上,有菜跟埋,有湯,鍋係可以煮埋湯,個waitress就幫我地放哂d菜落湯,而d牛就放頂俾佢燒.牛醃得好食,好入味,香香甜甜,配菜就少0左dd.辣雞好辣,而且菜多過雞,醃完之後,雞味冇咩只有辣味,呢道菜都係麻麻地.呢間餐廳用長今賣廣告, 長今餐几道菜都並非全部好食,唔係長今餐0既都只係一般,仲有

星期六，在銅鑼灣會合shopping完畢的太座，原本去試試樓上的壽司私房菜，但途中她忽然改變主意，想來這裡食韓國食物。七時半來看，門口至少都有十多人在等位，何等墟埳。本來甚少食肆值得我去花時間等位的，但有了上次「大長今變印度人」的經歷，今次她說什麼也要吃到韓國野為止，所以就唯有一路看「一叮」一路等。幸好二人位也不用輪太久，半小時不到已可以坐下來。呢度幾大，但又真係幾多人，所以就算侍應不少，好多時都要等一等至有人來招呼。食咩交由太座發辦，佢二話不說，就叫了個384 的二人套餐，加兩支Cass啤酒。先來前菜，十樣食物。先吃泡菜，這裡的鮮味十足，比尖沙咀那邊的同名店好好多。其他幾味亦有水準，尤以一味海帶最好味及特別，所以連泡菜在內都添吃了；套餐包炒粉絲、一豬一牛的烤肉、石頭飯，都算幾多野食。炒粉絲是太座的至愛，不過我就不太喜歡，所以每次都找個籍口不叫。這裡的幾多料，粉絲幾彈牙，麻油味十足，都不錯；烤牛肋骨是連骨上，份量當然比大肋骨為少，但兩個人都夠吃的了，加上甜美的醬汁醃得入味，肉質又好，味道都可媲美上次吃的；豬肉樣子普通，味道卻甜美入味，肉質鬆化，都掂喎；上次在尖沙咀新羅寶的石頭飯麻麻地，

因大長今熱，就走到這間韓國餐館嘗嘗。食物方面：牛肉很鬆化，豬肉（貊炙）很鮮味，葱油餅餡料十足而不油膩，魚曼頭特別及清新，雜錦石頭窩飯一般（太清淡跟其他菜不太配合，要較醬汁才能帶出味道）最後來了一碗甜湯，湯內有些米飯（我想是燒烤後消除熱氣之用吧！）服務態度：這間餐館不採用派籌方式登記，如沒以電話登記就得以姓氏及人數輪候。當晚我們正是輪候著大檯的第一張，並站在櫃檯的不遠處看著殘酷一丁。一小時過後，其朋友上前查問後結果是：已經過了兩張，而當時沒人回應，所以請你們再等下一張大檯了！服務生說。我們只好無可奈何地乾等著。好不容易才能進內品嚐長今菜了，但是服務員一點笑容也沒有，點菜時更心不在焉，不曉得是否患上思鄉病！*匯豐信用卡有九折優惠

上星期天到這裡吃buffet lunch。百多元一位。大多數是韓國人幫襯，食物都幾地道。我最喜歡那些前菜如魚仔，辣牛什㷛也不錯，但食物不算名貴，連燒烤也是限量供給。不過整體水準OK，值得一試。