新竹園軒

營業中

休息中

食物精緻不在話下，更難得是5星級的服務員如果全港的從業員如他們有禮有內涵香港飲食業必能起死回生罕有令人賓至如歸的食府推介竹笙豆苖餃及甘旬鹹水角唯一洗手間設施有待改善

昨天，我朋友突然話好耐冇食點心，想食點心，午餐都唔知道吃什麼，就決定帶她去吃點心。之後佢上網揾到e間點心店，要我帶佢來這裡試試。這間點心店有特別嘅風格，睇起來很乾淨簡單，又有d高級的感覺。我朋友叫了一盤雞翼，煮得金黃色，上面撒咗芝麻，看起來就好好味。雞翼香甜，咬下仲好酥脆我們仲點咗炸蝦春卷🦐🦐🦐 佢哋d蝦煮啱啱好，非常Q彈，咬起嚟彈牙，好正！外面d春卷皮都做得很脆，夾在裡面嘅蝦子嚟吃，口感豐富，超美味。我哋仲點咗蒸排骨，滿滿嘅肉加上旁邊嘅汁，睇到就流口水。排骨吸收咗肉汁嘅精華，咬落去鮮嫩多汁的肉質非常嫩滑。已經有d飽，但仲再叫多一個雞絲翅。湯汁好鮮美濃鬱，味道十分誘人。我哋兩個一陣就成碗清哂。 👿👿👿我哋好滿意今日嘅午餐，聽日可能會再嚟。😙😙😙

今日媽子唔想煮飯就約埋一家人去左新竹園軒食晚飯😊難得齊人可以叫多幾款小菜一齊食👍招牌小炒皇嚟酒樓就一定會嗌小炒皇嚟食😂呢間嘅小炒皇用左韭菜、菜甫爆香油鑊再加蝦米🦐蝦仁落鑊炒😊鑊氣十足👍真係食到停唔到口🤟瑤柱蛋白炒飯😊炸得金黃色😊炒飯炒得乾身得嚟又唔油👍飯粒粒粒分明而且調味啱啱好🤟秘製欖角骨外層炸得好香口😊秘製醬汁焦香有脆皮☺️甜甜地好好食🤩排骨肥瘦適中😊好食鮮蟹肉扒露筍賣相好靚😊蟹肉搭配蛋花同清爽鮮甜露筍🤩蟹肉份量好多😊食到我地好滿足呀😍呢間服務正常正常👍上菜都算好快👍唔錯

今日同屋企人過嚟飲茶，呢間我係第一次嚟，見咁多人寫食評講到咁好就嚟試吓。點知開頭就俾職員話。話說我填完點心紙交俾職員，我見個職員睇都唔睇張點心紙，我就同個職員講我叫左四款點心、一款炒烏冬。跟住個職員同我講「唔使同我講咁多野」，我當堂呆左，究竟係咩態度？老實講，我呢個level 4已經好耐無同人寫食評，但你迫到我要特登寫食評，你呢位職員都算世一。其實去到呢個位，基本上我介紹啲食物都沒意思，因為心情一定唔多唔少都有影響。但我都要公平啲講，食物方面有一定質素，特別係個芝士蝦球烏冬，芝士味濃，蝦球肉質彈牙，夠滑。蝦餃、燒賣夠大粒、足料，味道唔錯嘅，再配埋枱上嘅XO醬，更加好味。其他食物都不過不失，整體食物質素都係唔錯嘅。但想問大家究竟一個職員態度惡劣會唔會影響到你對呢間酒樓嘅觀感？你問我嘅話，我就話一定會，就算食物質素唔錯，但我要受職員氣，點都有影響，好難有下次。

午餐同屋企人嚟食中菜，已經回訪呢間中菜館好多次啦，佢哋嘅餐牌有好多種菜式，非常豐富🥰 每一次嚟都必點以下幾道菜～▫️香煎蘿蔔糕由細食到大嘅一道傳統小食～ 蘿蔔糕每一塊都好大，外皮煎得好香脆，食落去內餡好軟糯，而且調味啱啱好😋 蘿蔔糕嘅清香，再點少少辣椒醬一齊食味道更加豐富👍🏼▫️豉汁蒸鳳爪呢個真係每次嚟都點，鳳爪蒸得好軟好爛，入口一吸就脫骨！獨特嘅醬汁令鳳爪充滿咗鹹香味，仲有少少微辣嘅口感，非常入味好食🤤▫️椒鹽鮮魷鬚呢道菜要趁熱食！外衣已經炸得好金黃酥脆，魷魚鬚新鮮彈牙🤩 椒鹽嘅香味非常濃郁，一上菜冇幾耐我哋已經食晒😂▫️蠔油芥蘭最鍾意呢度嘅蠔油芥蘭，一點菜苦味都冇，反而帶住一股新鮮嘅清香味🤤 芥蘭口感爽脆，配搭簡單嘅調味料已經鹹香味十足～ 簡直就係米飯殺手！🙌

新竹園軒 🎋 位於尖沙咀 🥢 主打中菜 ⛩️ 環境舒適 服務幾好 💫🐔凍藥膳鳳爪 軟糯嫩滑 豐富膠質 藥膳清香 🐥濃郁不澀 滲透入味 鮮美可口 🫘🐟 鹹魚蓉煎肉餅 總共六件 外表金黃 煎香酥脆 🐣鮮嫩多汁 配上鹹魚 鹹香四溢 🌊🐄 沙茶芥蘭炒牛肉 鮮嫩牛肉 份量不少 翠綠芥蘭 🥬脆嫩爽口 沙茶味道 微辣惹味 🌶️🍖 秘製欖角骨 酥脆外皮 肉質嫩滑 醃製入味 🐖欖角香味 微酸鹹香 油而不膩 🌱🐦 紅燒乳鴿皇外皮酥脆 肉質細嫩 嫩滑多汁 💫又有彈性 醬香入味 鮮美濃郁 🤎

嗰日我阿媽嘅遠嫁表姐返咗嚟香港，我媽就book咗呢度同佢一齊食晚餐。自從我開咗工，我好耐冇同阿媽一齊嚟新竹園軒食嘢啦，所以嗰晚就湊熱鬧一齊食。我哋點咗佢哋幾道招牌菜，特別係紅燒乳鴿皇同埋招牌小炒皇。 佢哋燒嘅乳鴿皇可以話係我食過最好食嘅， 外皮脆脆，但係肉質好juicy，而且仲食到肉原本嘅味道。佢哋嘅招牌小皇炒睇落去就好吸引我，裡邊有蝦，有江魚仔，肉絲等等，所以顏色非常鮮豔。裡邊嘅料全部搭配到超好食，超送飯。接落嚟就係我從以前到依家都鍾意食嘅蜜椒雞翼同埋黑椒脆薯牛柳粒，味道冇變過。蜜椒雞翼嘅味道仲係一樣甜甜嘅，最鍾意佢哋炸到雞翼外脆內嫩，好食😋 黑椒脆薯牛柳份量十足，黑椒嘅味道好香，而且牛肉柳的口感唔會好難咬，唔會驚老人家食唔到。仲有我特別記得佢哋嘅秘製欖角骨嘅味道，無知如何形容，但係係好食嘅。食入口嘅口感唔錯，肉搭配豆豉同芝麻味好香，好入味。椒鹽鮮魷鬚就一定唔使講，酥酥脆脆，椒鹽調味都啱啱好，佢哋知我鍾意食就卑晒我食😆 做細嗰個真係好，哈哈哈！

一家人去尖沙咀飲茶，發現咗一間性價比超高嘅餐廳。餐廳裝修唔單止優雅，環境舒適，食物價錢公道，仲好美味。首先食咗蟹籽燒賣皇，口感好鮮美，外皮柔韌而有咬口，入面嘅肉鮮嫩多汁，加上蟹籽嘅點綴，食落去令人覺得脆脆地，非常爽口。之後仲有蜜汁叉燒腸粉，食一啖首先感受到蜜汁嘅微甜，咀嚼後口感肉質軟嫩，香味四溢，而腸粉皮滑溜嘅口感一下就滑入喉嚨度。再嚟就係豉汁蒸排骨，排骨蒸得又嫩又滑，仲帶住豉汁同骨頭嘅香味，豉汁味道鮮美濃郁，鹹香回甘，屋企人好鐘意。之後食咗蜜椒雞翼，甜甜地嘅雞翼，帶有一絲絲嘅椒辣味，雞翼咬落去好有彈性，咬口十足，充滿肉香嘅滋味，好食。我哋仲食咗山竹牛肉球，牛肉球口感滑嫩，充滿咗牛肉嘅香味，咀嚼之間仲有清甜嘅味道，真係一流。最後叫咗蛋撻仔嚟食，蛋撻酥脆可口，鮮甜好食，食落去成口都係蛋香味，完美咁結束我哋嘅午餐。

自己比錢！自己自費同屋企人去食呢間酒樓屬於九龍區酒樓好大間一眼關七一去到十分之熱鬧我覺得好多人都好鍾意食呢間我見到就覺得好靚呀佢哋有個種類型嘅唔同美食價錢我覺得相當合理份量有十足，所以我都幾滿意同幾鍾意呢一間同埋我覺得佢嘅服務質素好好好有親切感會主動同你傾偈完全係舊香港嘅感覺仲有呀佢哋唔需要等好耐就自己有得食我哋嗌咗幾個點心都食得津津有味再飲番杯中國茶完全係中國菜式嘅感覺如果有機會嘅話同屋企人再嚟去酒樓度食嘢，其實都好唔錯

邊個話午餐一定要食飯或者麵呀？好似我有時只想食啲輕盈嘅嘢，唔想食太飽，就會嚟呢間輕鬆解決我嘅午餐。朋友們信我，以下推薦嘅呢幾樣係我每次都必點嘅系列~🥒 手拍青瓜夏天最適合食嘅清爽解膩拍青瓜，低脂又開胃，呢間嘅青瓜食起嚟卡崩脆！唔係嗰種蔫蔫嘅，非常入味掛汁。🦐 招牌蝦餃皇新竹園軒嘅必點招牌蝦餃皇，4粒渾圓飽滿嘅蝦餃單睇就已經金盈剔透，薄薄嘅水晶皮包裹住鮮嫩多汁嘅Q彈蝦球，鮮味十足！🥬 蠔油芥蘭健康美味嘅蠔油芥蘭被佢哋拿捏得好準確，簡單汆燙得恰到好處，食起嚟非常清香爽脆。中途就需要呢道菜嚟平衡一下口感，先唔會覺得好油膩。🥕 香煎蘿蔔糕外酥內軟，雖然色澤睇起嚟白白嘅，但係食起嚟嘅味道絕對會令你驚艷！

今日同朋友聚會嚟咗呢間老字號食午餐，中餐館其實有好多間，但係呢間一直都係我首選🥳 唔論係食物味道、環境、服務仲有價錢都係一流水平👍🏻我哋得三個人所以點咗四樣菜咋，份量已經好足💛蟹籽燒賣皇：口感紮實嘅肉餡，鮮嫩多汁🤤 食落去超滿足，上面仲擺咗蟹籽點綴，食落仲會喺口入面爆開！皮薄餡足，入口肉餡鮮香濃郁，感覺超級過癮❗紅燒雞絲翅：知呢度出名雞絲翅，所以一定要點！湯底質地好濃稠，而且好鮮甜😋 一碗入面好足料，每一啖都係翅～ 放少少香醋味道更加香濃，好飲🤤蜜汁叉燒腸粉：最鍾意就係一道啦❣️蒸得晶瑩剔透嘅粉腸仲可以望到入面嘅料，叉燒經過調味已經好入味🤤 肥而不膩嘅叉燒同米香味嘅粉腸一齊入口，令我地食得停唔到口😍蒜蓉蝦春卷：金黃色嘅外皮已經炸得好香脆，餡料亦都好豐富～食得出蝦仁係好新鮮嘅，香脆嘅皮同鮮嫩嘅蝦肉好夹‼️記得要趁熱食～🤤

之前朋友同屋企人一齊嚟到呢度家庭聚餐，佢就介紹我嚟呢度食粵菜點心，因為環境舒服，食物好食。所以我就帶咗老婆一齊嚟呢度食午餐，確實如朋友介紹咁，食物真係好食。我哋叫咗一台點心嚟試一試，每一道餸都非常好食。其中叫咗一碗肉球，真係出乎我所料，以為牛肉丸只係好普通，冇諗到肉質特別鮮嫩，香氣十足，入面仲有一啲山竹，味道特別好食。仲有蒸排骨都係唔錯嘅，蒸出嚟嘅排骨特別入味，香氣十足，而且豉汁非常香，排骨嘅味道增添咗一啲風味。鳳爪都唔會輸，蒸嘅外皮一動就脫落，好軟好滑，唔需要咬就化開咗，特別好食！個人最鍾意仲係佢哋嘅春卷同燒賣，春卷入面包住美味嘅蝦肉，仲有蒜香，每一啖都係味道上享受。燒賣加上蟹籽，口感多樣化，肉好香甜，蟹籽再帶一啲鮮香，好好味！！我哋都食得好飽，跟住好多謝朋友介紹我哋嚟呢度食飯。

今日屋企冇煮飯，就帶咗弟弟妹妹嚟新竹園軒食晚餐，呢度已經係我哋屋企最常光顧嘅粵式餐館，唔理係點心定係中菜，都係呢區數一數二嘅。 可以參考下我哋平時食到嘅呢啲菜，瑤柱蛋白炒飯⭐⭐⭐⭐⭐ 妥妥嘅粵式風味非呢道莫屬，炒飯粒粒分明唔係嗰種黏黏地嘅，細細品嚐瑤柱蛋白炒飯仲可以感受到滲透住瑤柱嘅海鮮香氣，其混合使炒飯增添咗更豐富嘅口感。 黑椒脆薯牛柳粒⭐⭐⭐⭐ 呢一道基本歸功於特製黑椒醬汁，酥脆嘅牛柳粒包裹住香濃醬汁，一口食落去綿密酥脆，仲帶住微微煎香嘅味道。 秘製欖角骨⭐⭐⭐ 香脆多汁嘅秘製欖角骨鹹度剛剛好，秘製醬料有啲微辣，令肉食起嚟更難以抗拒，一口接住一口。 菠蘿咕嚕肉⭐⭐⭐ 酸酸甜甜嘅愛好者必點，非常開胃嘅一道菜，咕嚕肉嘅肉質亦都好鮮嫩多汁，酸甜汁嘅混搭令整體口感更提味，仲好適合下飯噢。 鹹魚蓉煎肉餅⭐⭐⭐⭐ 非常Q彈嘅鹹魚蓉煎肉餅，外層煎得剛剛好，一口食落去可以感受到爽脆口感加上鹹香嘅肉質，油脂分佈均勻，充滿嚼勁感。

今晚嘅家庭聚會嚟到呢間粵菜館，鍾意餐廳嘅裝修雅典，而且環境寬落，好啱朋友聚會或者家庭聚餐～ 粵菜都做得相當地道，菜品多種類而且分量都唔少😍沙茶芥蘭炒牛肉牛肉經過沙茶醃製已經超入味‼️再加埋新鮮嘅芥蘭好爽口，仲食得出花生嘅醇厚味道😋 牛肉食落去好鮮嫩，加上沙茶醬味道好正宗，簡直就係送飯神器🤩椒鹽鮮魷鬚炸漿包得好薄身，已經炸得好香脆😋 食落去外脆內嫩，脆漿入面嘅魷魚鬚新鮮彈牙～ 香脆同鮮嫩嘅口感同時存在，仲帶住微辣嘅口感，食落去椒鹽香味好濃郁🧡🧡招牌小炒皇呢道係一道味道層次好豐富嘅小炒～ 有韭菜、蝦米、蝦仁、菜甫等等，好足料～ 而且師傅火候掌握得好掂，鑊氣十足❗咸魚蓉煎肉餅我都係第一次食煎炸嘅煮法，以前食嘅肉餅都係用蒸嘅，用煎炸嘅反而多咗一層豐富嘅口感🤤 外皮已經炸得好香脆可口，咬落去啖啖都係鹹香味❗肉餅嘅肉質鮮嫩入味，調味得啱啱好👍🏼

約咗喺附近返工嘅舊同事喺呢度飲茶，呢度環境闊落，可以容納唔少顧客。我哋兩個人一共叫咗4款點心，始終人少食唔到咁多嘢。即叫即蒸嘅蟹籽燒賣皇梗係酒樓嘅必點之選，入面用咗蟹籽，好香，一咬落去漲卜卜好飽滿，肉質彈牙，無得彈💯 蜜汁叉燒腸粉，佢一上枱就香噴噴，仲要啲叉燒多到凸晒出嚟，足料到咁真係良心之作。腸粉皮夠滑夠薄，叉燒每一啖都會食到。仲有山竹牛肉球：鮮嫩多汁嘅牛肉混入馬蹄增加口感，肥豬肉份量適中唔會過分肥膩，口感滑溜無渣，又多腐竹👍 我最愛嘅蛋撻仔，熱辣辣新鮮出爐，外形好靚仔，蛋漿飽滿，味道唔會太甜，蛋軟呼呼d，酥皮鬆而唔油，食完唔會油淋淋！地方乾淨，點心都好精緻，價錢又合理。點心姐姐仲好細心，見我哋有咩需要，即刻反應，服務值得一讚。唔好成日話香港無好嘅服務員工喎。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️⭐️【5】服務：⭐️⭐️⭐️⭐️⭐️【5】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】