新牛車水扒房餐廳

都有十幾年無黎食野，內外裝修都無咩點變，但係感覺非常污糟，衛生情況極惡劣﹗地下多垃圾又濕又潺，到底咩黎架，好驚呀﹗張枱黐笠笠，餐具起晒漬又油淋淋，唔該比另一把刀我啦。小插曲，係大家耐心等候食物既時候，嘩﹗有同事大叫，嚇死人咩﹗大強呀！8 個人一齊彈起身！有巨曱甴呀﹗有翼既大曱甴呀！爬左去我地枱底，搞到我地成個 lunch 都忐忑不安。救命 ﹗相都唔記得影底添 ﹗海南雞例牌，三格調味碟只裝左兩格，薑蓉及甜酸醋，係咪漏左黑豉油呀？定無晒呀？menu 寫住係馳名海南雞，信您啦。雞肉又乾又鞋又無味，薄薄雞皮但靭到似橡膠。鐵板黑椒牛柳 5 成熟配意粉，最初想食 T-骨扒架，又無。港式鐵板牛唔食太生喇，熱騰騰送到，淋上黑椒汁咋咋聲好有氣氛，夠晒 high！煎到外層香口微脆，質感乸到軟棉棉無筋又無渣，滑嘟嘟沾上大量甜甜黑椒汁，港味都的可口。全熟意粉質地都還可以，不算粉亦不算過熟，但係無味既？紅色只係顏色黎架乍，而且凍冰冰，淋上微暖黑椒汁都無補於事。羅宋湯，main course 上左個湯先到，甜甜稀稀的雜菜湯，大路茄味濃，洒點胡椒粉合格。公司政策展覽前後一星期唔比攞大假？都痴筋，火都黎！點都要出出去食 lunch，食辣野減壓﹗一班同事原諗住去食辣雞煲，點知遲去一步無位。最搞笑個操不純正廣東話既女侍應只講一句 8 個無位喎，就走左去無理我地。即係叫我地等位還是叫我地走呢？唔希罕我地生意無所謂，閃！…查看更多

中秋節的下午茶來到得一枱客叫左個朱扒炒公仔麵同冬咖啡吾夠五分鐘全部送到朱扒已經切條，夠淋身有苦澀味，也許有少許梳打粉味公仔麵份量就好少，味道偏淡洋蔥同葱段份量都配合幾好可能我喜歡食呢D香口野冬咖啡勁大杯（香，濃，有啡味）地方都好大下，坐位舒服下午茶冬飲加2元合共30元下次都會再幫襯…查看更多

夜晚唔煮飯唔知食乜好...今日又唔想食任食.行到一間叫新牛車水餐廳...見d扒有A+B...試下啦叫左一個...紐西蘭牛柳+芝士田螺 $60- 牛柳"林"但冇乜牛味好淡... - 煮得太熟個心熟透.外邊好燶..- 田螺怪怪地.芝士好干...焗豬扒飯 $42- 豬扒比較肥.咬落好油...- D飯有炒過.不過好乾.好硬...兩樣野都唔掂.唔會再來食....2個人都食左$104...貴又唔好食! …查看更多

今朝同女朋友去食早餐，叫咗兩份早餐，共四隻煎蛋．作為一間茶餐廳，煎蛋，除非明言，否則就係太陽蛋，但係佢煎出嚟，四隻蛋得一隻係太陽，而且仲要係比較熟既太陽，連煎蛋都煎唔掂，咁可想而知質素會去到邊個程度至於個麵同牛油方包，不予致評，因為牛油多士同公仔麵基本上都唔會對個烹廚技術有咩要求．早餐個雞扒就OK啦，不迥啲蛋真係扣分扣凸…查看更多

朋友在4月中生日,但因之前我忙著做part-time,要等到復活節期間才有機會和朋友出來吃飯補祝.朋友仔真的太維護我了.她知道我之前失業兩個多月,所以也不揀選一些高級或特別的餐廳,揀選一些距離我們家不遠而且簡簡單單的餐廳,就是這樣普通地來了-紅磡新牛車仔扒房餐廳.記得約在五年多前也試過長沙灣的牛車水,感覺像花園餐廳般.不知什樣,今天來了新牛車水,環境完全改變了,不是一間中下級的餐廳,而變成了茶餐廳了.難道新牛車水是次等呢? 環境下降不緊要,最緊要食物的質素及服務態度.今天,我揀選的便是雙拼西餐.價錢也和新扒王里或花園餐廳差不多.而我今晚便揀選以下的雙拼1) 紐西蘭西冷牛扒+焗芝士田螺-$60講真,我對茶餐廳的西冷牛扒要求十分簡單,只要不"韌",有牛肉味就合格了. 而今晚這一碟紐西蘭西冷牛扒尚算合格,最起碼不會""韌"的感覺,加上沒有想到有焗芝士田螺.講真part b有焗芝士田螺,芝士腸,,珍寶腸,雞翼等等,我當然揀焗芝士田螺啦. 不過,真的不要期望太高,因焗芝士田螺的味道,都是和這一個餐的價錢差不多.問心,這一個紐西蘭西冷牛扒+焗芝士田螺+湯+飲品.晚餐價錢來說,真的可以再減少少,加上湯真的是淡淡的. 不過,如果下一次再來這一邊吃晚飯的話,$60其實還有其他更多更好的選擇.…查看更多

依間餐廳我食過幾次~都係叫外賣~都係食咖哩吉豬飯(因為我冇外賣紙係身~依樣係老闆介紹~memu係冇ge)如是者食左幾次之後~今日再叫外賣~以下係今日ge對話~唔長~但係態度超差!!!!!!!店員:@!!%^%&我:請問係咪牛車水???店員:係ar!!!!!!要d咩ar!!!!!!!!我:一個咖哩吉豬飯ar~唔該!店員:我地冇依樣野wo!我:但係我叫過幾次都有wo!店員:memu都冇!!!!點俾你ar????店員:你真係想要咪送d咖哩汁俾你low!!!我:好~~唔該(xyxzzz!)店員:係咪要ar咁???我:係!!!唔該!!!店員:跟住呢????我:熱啡ar~唔該!店員:跟住呢????我:係咁多ar~唔該!店員:餐湯唔要ar!!!我:要~~~中湯ar!店員:跟住呢???(正當我諗緊跟住仲有d咩~大約2秒)店員:你快d la小姐!!!!係咁dum我時間!!!!!!!我:你好忙咩???店員:係ar!!!!!!咁你就叫快d la!!!!!!!!係咁dum我時間~~~~我:咁我唔阻你la~88最後:個度d野食唔係太差~但都唔係好low~!順便一提~個度d外賣係非繁忙時間都要等大半個鐘，繁忙時間我真係唔夠膽試啦…查看更多

叫左外賣,聽電話個啊姐已經超無禮貌,剩係"嗯...嗯....嗯",聽我講完地址就CUT線!!等左20mins都未黎我就打去問下,個男人又係話出左喇就cut線!!個外賣卒之到左...個星洲炒米,碎到可以用匙羹食....個熱咖啡,冇幫我落糖,又冇比糖我囉...想點....就算下午茶咁抵食我都唔會想叫~!!!…查看更多

上次食午餐時都無咁衰, 起碼食得落肚, 自問都唔係要求高啦, 但係今次應真唔掂! 叫左碟司華力腸配薯條下午茶, 條腸外暖內涷, 表面肥淋淋, 重有"益"味, 唔知係"油"定係"條腸"問題, 薯條重離譜, 深啡色, 又係油淋淋, 用隻鐵匙噤落去, 擠晒的"油"出嚟, 明顯係放左落個"唔夠熱"的油裡炸, 好耐未見過咁求其既食店! …查看更多

食佢既原因，只因：（一）背脊崇潔街食街是日日休；（二）想食既雲吞麵舖是日日休；（三）佢個名令我有新加坡或者深水步區內某連鎖店的「范達西」。最後，佢俾我既同我想像的大相截逕。靚姐比我想像中更helpful 同informative。「我想問個鴨胸可唔可以跟沙律？（餐牌寫鐵板扒餐可跟飯/湯/薯菜/沙律，鴨胸午餐則無寫）」「有呀。」「唔...。」（望緊個下午茶餐牌）「唔洗望啦，午餐抵食D，就咁啦。」覆都無覆就行開o左兼落埋order。午餐抵食D，是因個量多D 嘛。上主菜既時候，變o左鴨胸意粉。無覆order 既後果（基本上都唔係我落）。轉，轉o左。仲送多舊飯俾我（如白圈示）。不過我無怪佢，因為佢煎過D 鴨胸俾我：之前D 意粉係茄汁意粉，鴨胸沙律上既鴨胸一D 茄汁色同味都無；同埋，佢俾o左爆多鴨胸我。多謝阿廚：多謝你煮過咁多鴨胸過我...雖然個沙律賣相真係成pat 野，但係爆鍾意你將佢整成中式醃青瓜咁既味，同用沙葛撈沙律...呀，仲有你杯港式奶茶色既芋香奶茶。我諗呢間店係福建幫既聚腳點：o係我食緊野既時候，俾後面卡位既食客，右邊既靚姐，同前面坐緊櫃位既老闆娘，視若無睹咁「語言轟炸」...附送hyper 緊既靚姐狂搖我張卡位櫈。註：此食評之食物分係創意分，服務分係俾阿廚既。…查看更多