新源粉麵飯茶餐廳

同家人得半個鐘食早餐，隨便搵一間茶餐廳就入去一試。環境油煙好重，員工態度差到極點，餐牌冇價格！我哋叫左兩個面，員工話點心好食又加埋一個點心，點知埋單268，點心$148，嚇死人......湯冇味，好似清湯，牛腩冇香味又咸又硬。真未食過咁差嘅餐廳，食完冇下次。呢間垃圾食肆，價錢不平，環境細，食物爛，食物份量又唔多，員工態度差，仲開係鬧市區，丟晒香港食肆臉面。仲有notice寫住「不准攝影，後果自負」！真係垃圾！真唔應該冇睇食評就隨意入去食。…查看更多

嗌左個班腩飯，難食到呀媽都唔認得，仲要凍既。啲飯都唔知咩飯嚟，痴埋一舊，啲水份多撚到。舊魚啲粉多到痴線，成碟野根本好似亂煮咁，極度懷疑連基本廚藝都冇，難食到要我專登開account寫衰呢間垃圾你就知係咩程度。員工態度差到極點，好似前世欠左佢咁，成間鋪頭啲員工嘴臉串到癲，好似唔憂做咁。價錢又唔係平，完全係貼錢買難受。呢間垃圾絕對係人生食過最差頭三之一。香港有呢啲咁既食肆真係可悲，仲要開喺旺區，俾外地人食到真係丟晒香港人假。香港地真特別多呢類垃圾食肆，根本要直程抵制佢地，俾呢類垃圾食肆生存到真係好可悲。…查看更多

星期六睇完醫生想食少少午餐才回家，到對面的新源看到入面好多人，以為好，入去叫左牛腩麵和凍咖啡，等了很久，遲過我入去的客人都已經食緊飯，我的麵還是未到，最後伙記終於送來牛腩麵，但是麵和湯都是凍的，麵的質地也太軟，湯有很多油，牛腩好少又好肥，從來沒有食過咁差的牛腩麵，店內的坐位也不夠所以坐得很迫，伙記態度也麻麻，雖然收費＄56一碗麵＄20一杯咖啡也是適中，但是水準咁差，真是要不得呀，沒有想過尖沙嘴可以有這種低質素的飯店！…查看更多

舖面簡陋，門口有服務員攬客，入去發現都是講普通話的內地人多。叫了個切雞飯，出品的色同味都好唔得見搭台的食客的湯麵都唔得，覺得沒回頭客咯⋯⋯怪不得需要在門口攬客啦⋯⋯…查看更多

40蚊一碗雲吞麵，難食雲吞只係一舊實的的嘅豬再包一塊雲吞皮，食哂4粒雲吞都搵唔到一隻蝦，又無蝦味又無肉味。麵都已經無味，仲要煮到淋哂，近乎爛咁樣。湯底更加不知所謂，求其有d顏色有d咸味，完全唔似係煲出嚟。綜合嚟講一句：好難食成間鋪細到無論，圓枱d坐位背脊貼背脊，d伙記就係我地d背脊中間穿嚟穿去，成餐飯就係咁俾人撞住背脊嚟食。d伙記又無禮貌，落單好似鬧交咁，由街尾嗌去街頭，真係耳都聾埋。間鋪仲要開係遊客區，香港真係多謝哂你地。…查看更多

冇仇冇怨, 落完單, 個伙記都要串你, 俾說話你聽冇晒心情食好多枱客人去後, 伙記都會話人地兩句氣氛好差, 好似要睇住佢臉色咁食物水準差個飯有鍋燋份量較細價錢都要$48一個飯環境又細千萬不要去…查看更多

好少寫食評，今次真系唔寫心入邊都唔舒服。首先系服務態度非常差。同兩位外國友人來到，我坐低叫左個魚蛋米走青，來左一碗雲吞墨丸面，之後話換但冇米線，我話換魚蛋河，摞左碗雲吞河來。我話我冇叫到雲吞河，我唔中意吃雲吞一定唔會叫。三個員工過來，指住我個鼻鬧我，話我頭先一定系叫左雲吞河，鬧左我5分鐘，最後唸住算數，話得啦認自己衰仔咯，距地直頭踩人上面話‘系呀就頭先肯定就系你嘅錯’。真系第一次吃一餐飯吃得咁火滾。第二系d嘢勁難吃。因為已經11點幾，冇吃晚餐，已經懶得同距地吵，唸住忍下吃個雲吞河算了，點知，從來未吃過咁難吃嘅河粉。粉太軟，雲吞梘水味太重，湯底完全唔系湯只系面水，難吃到連日本友人都震驚點解會有咁難吃嘅湯底。朋友叫左一個炒牛河，油淋淋，又系吃左幾啖就已經放棄。連個灼通菜都完全冇味但又油淋淋。總之，呢d餐廳嘅存在簡直影響香港形象，如果有遊客來到都有咁嘅遭遇，簡直覺得丟曬香港嘅架。…查看更多

今日有啲事出佐尖沙咀，行去海港城途中就揾佐呢間食牛雜嘅坐低，叫佐個牛筋牛腩米加個凍零茶，等野食嘅期間已經比啲飛來飛去嘅烏蠅搞到頭都暈埋，啲客食完野走，啲伙記執完啲碗碟又唔抹檯，總之個環境就真係差過街市熟食檔。咁啲野食黎到，其實味道唔係太差唔係太好，個牛筋都幾淋，但味精偏重，比較鹹。咁我好快咁食完埋單，估唔到嘅事就呢一刻發生，張單收我76蚊，56係個粉，20係凍零茶。今時今日，一間無裝修，無環境，無衛生，無美食，無招呼嘅食店，只係靠做旅客同盲毛(本人) 生意維生，香港旅遊業真係要多謝晒「新源」呢類食店唔少。…查看更多

紅豆冰 is just milk with a few red beans. 炸雞比係鹵水雞比浸凍油。干炒牛河soaked in oil. I paid $120 for this at 4pm where other places charged only $70 included 2 drinks! never ever again! worst Hong kong tea cafe I ever had in my entire lift! Also they have signs everywhere saying "No Photos" I wonder why…查看更多

因為加班至晚上11點幾，無選擇下黎到呢間食，同事一齊，一碗牛腩河，一碗四寶河，一碟油菜，兩杯凍飲，埋單191，眼都突....牛腩鞋口，唔掂，四寶(魚餃魚片魚旦墨丸各一粒)，咁就四寶.....河粉，只能用一pat pat黎形容，唔好話我知就黎收舖所以買淨...淥油菜，係淥過龍嗰種，我地仲係叫菜心，收咁既價錢比D咁質素食物，無下次，情顠啃老麥....…查看更多

2月3日和朋友到尖沙咀漢口道新源茶餐廳吃下午茶，叫了1個雲吞米，凍檸水，鮮牛蛋治，熱奶茶，共131元，他們的解釋是新年沒下午茶餐，樣樣加5，加7，仲要侍應的態度極差，最後仲要寸寸咁話係人都知現在是新春啦！…查看更多

今日叫左個鳳城水餃湯麵..間鋪無寫價錢..原來比間離個間貴多十幾蚊我都算...純粹諗住試下好唔好食啦!！！想加個芥蘭要四十幾蚊傻的嗎...？？後來問佢碗麵有無落醋..其實無落米無落囉...我自己落都ok...有必要罵個客人？d醋好貴咩？其實入面又唔係好多人啫..得個小猫三、四隻...好忙咩？講真丫～其實味道真係麻麻地..又唔係特別好好食..又貴..最最最緊要係又要咁既服務態度....點解佢總未倒閉既...…查看更多

一入去, 侍應已經帶我地去一張細枱, 仲叫我地坐埋一邊等下一班客搭枱, 得冇問題, 我都冇講嘢, 都唔使加一句, '係咁架嘑, 食就食, 嫌迫就去第間' 唔睇餐牌就點咗牛肚麵同油菜, 點知侍應寫單至知原來共$90碗麵嚟到原來係橡膠牛肚, 餿牛肺, 冇註明粗麵又俾粗麵, 仲俾埋拉麵師傅手部揸住實的的嗰舊麵頭, 唔怪得唔俾影相.食食下, 後面侍應講粗口 -   內地人唔順一拳還以顏色, 粗口男中拳後倒地詐死, 見冇人理佢又彈番起身, 不過面部有紅印, 但應無大礙, 跟著店方增援兇 內地人, 你推我撞, 場面混亂, 隔離枱女客花容失色, 為免城門失火, 殃及池魚, 從後門溜之大吉. 食咗橡膠牛肚, 餿牛肺, 死死實實粗麵, 仲要嚇餐死, 唔走有鬼.對面北園食飽飽只係$90有找.本土派見到都要為強國人歡呼!…查看更多

服務態度差 食物難食 無味 價錢貴死人 一碗得2粒魚蛋 2粒雲吞既河粉要45蚊 完全冇優點 又勁趕人走 一食完就即刻同你講出面有人等緊 間接叫你快啲走 有個客叫左3聲都冇人幫佢落單 聽到之後仲話等陣拉我好多野做呀咁樣…查看更多

第一次去哩間店食麵，食物出品極劣及價錢極不合理，貴過酒店，服務又差。中了一次伏，絶對不會再去😡😡👊🏻👊🏻雲吞個心凍嘅，湯又唔熱，牛肉丸又冧又冇味，牛什唔入味，啲麵又難食。絕對冇一樣可取。…查看更多