新泰東南亞餐廳

營業中

休息中

這間泰國菜館地方很大，環境輕鬆舒服，門口的一架TukTuk 最岩打卡。好彩時間尚早不用等位，大約夜晚7 點多就已經爆場。食物款式多，價錢合理，上菜速度快，食物熱度十足。豬頸肉沙律的份量頗多，烤過的豬頸肉，香氣十足，仍然保留到肉汁，口感爽脆，味道充滿酸辣鹹甜，配上新鮮生菜包著來食，開胃好味。馬沙文咖哩雞，甜中帶微辣，香氣十足，雞肉份量都頗多，配上薯仔，洋蔥，三色椒等，叫一客蒜蓉包來配撘，正。貴妃苗都炒得脆綠嫩口，無渣。

🔥香港人嘅口味其實都好多元化，我相信除咗日本菜、粵菜之外,日常gathering最受歡迎嘅其中一種肯定就係泰國菜。🍢早幾日同屋企人喺k11買完嘢行完街，落到樓下見到對面馬路呢一間開咗好多年嘅泰國菜，對上一次過嚟食都應該係十幾年前喇，反正兩個人都咁肚餓就入去試下有咩午餐好食先。一入到去門口接待嘅係泰國人，裝修好靚！門口有一架tuktuk車模型，有一啲流水嘅設計擺件，充滿泰國風味🥰食屎嘅堂食位置喺下一層落到去感覺到裝修好豪華係充滿宮廷風嘅裝修🥰🥰侍應帶到我哋坐低，同我哋介紹午餐只係75蚊，仲有大menu裏面嘅其他食物。🐔泰式無骨海南雞首先必須講下佢嘅海南雞汁真係好有喺泰國食到嘅風味！海南雞都係行嫩滑路線，有椰香嘅油飯同埋野菜，野菜係用蒜蓉炒過㗎，唔係是但烚下就攞嚟跟餐👍👍🐷豬肉串燒配糯米飯青木瓜沙律青木瓜沙律最緊要就係新鮮，咬落去爽口清脆！呢度嘅豬肉串燒做得非常之好火喉恰到好處，唔會燒得太燶保留到裏面濃厚嘅肉汁，配上特製嘅串燒醬料，仲要每串都係大大串，絕對唔會係食三四碟都唔飽嗰種🥰🦐泰式炸蝦餅呢度炸蝦餅份量一啲都唔少，一共有八大件，每件都好厚好大粒，值得一講嘅係佢麵包糠係用超細嗰款，放入口

今日同同事嚟食泰國嘢，嗌咗一個lunch set，嗌咗laksa，有少少淡味，如果可以再濃啲會更好食買咗無骨鳳爪$28嘅小食，就細細份都幾好味。個椰子冰加$8就可以由嗰個好好味，下次嚟仲會再嗌

二訪尖沙咀依間「新泰東南亞餐廳」，一如既往覺得佢嘅炒粉麵飯真係好出色，好夠鑊氣，仲要今次食嘅串燒幾有驚喜。*此餐廳收取加一服務費。泰式生蝦（單點$118），生蝦肉質肥美，食落好新鮮，配以蒜片、指天椒、泰式酸辣汁食用，食落好惹味。冬蔭功海鮮炒飯（單點$108），鮮蝦口感爽口，味道鮮甜，青口好大隻，食落好Juicy，魷魚口感彈牙，略嫌欠缺鮮味，飯粒口感粒粒分明，最難得嘅係居然做到每一粒炒飯都係上色嘅、裹滿住冬蔭功醬汁，味道酸辣、帶有金不換、香茅、南薑味道，配料包括有草菇、秀珍菇、洋蔥、芫荽。泰國街邊豬肉串（單點$88），豬肉串食落啖啖肉，肉質肥瘦均匀，肉汁飽滿，味道甜鹹、帶有焦香味道，特製沙嗲醬味道微辣、帶有香料味道，個人認為不用蘸點醬汁，直接品嚐豬肉串嘅原汁原味更加好味。泰式凍奶茶（單點$48），茶味濃香，甜度適中。

環境：每次去完尖沙咀，回程去搭地鐵時都會經過呢間餐廳，門面泰國風擺設好吸引眼球，有泰象、有木椅、有植物、有篤篤車🛺 用餐之前打個卡，簡直恍似置身泰國！不過每次我都匆匆忙忙無入去食，今日終於有時間去食個午餐！食物：冬蔭功海鮮金邊粉湯底酸酸辣辣，味道好正宗，蝦、魷魚、魚片、肉丸、雜菌好足料。炸春卷好香脆，馬拉盞通菜炒得清脆爽口。泰式青咖哩雞，椰奶味香，辣度適中，雞肉嫩滑無骨，角切薯仔粒好有咬口！印度酥餅，香口而不油膩，鬆鬆脆脆，混搭青咖喱一起吃，口感更佳！泰式奶茶，茶香奶滑。青檸梳打，清新酸甜，消暑必飲。服務：門口的接待員看似不是本地人，應該是泰國或東南亞的，笑容很好，很有禮貌！店裏大部份員工是熱情的泰藉/東南亞藉人士，在這裏用餐很有外遊feel，可惜幫我哋下單的是一個本地男員工，態度就不太好了，言語間很沒有禮貌，一個員工影響整間餐廳的形象，太可惜！

如果你鍾意泰國菜，又唔想破費，尖沙咀有間抵食泰國菜。小食揀了泰式炸蝦餅呢款蝦餅炸到金黃色，夠香脆。配埋泰式甜辣醬，更香口。香芒軟殼蟹米紙卷呢款米紙卷好有特色，外皮薄，內裡包住香芒同軟殼蟹，口感豐富。主菜揀了焗奶油大蝦伊麵，大蝦爽口，再加上濃郁嘅奶油醬汁，大滿足。另外冬蔭功海鮮金邊粉，湯底酸辣開胃，海鮮新鮮豐富，有蝦、魷魚同魚片等。飲品方面，椰汁冰同檸檬茶都係清新解渴嘅好選擇。午餐$75起抵食呀！！

同為食姊妹喺尖沙咀買完嘢，行過呢間門口咁有特色嘅舖頭，見午餐價錢相宜，於是入去試試、環境寬敞闊落、 店員親切有禮打開餐牌，午餐都有好幾款選擇，點了泰式炒金邊粉、金邊粉咬落煙靭，加上蝦仁，蛋，芽菜用微酸的醬汁一起炒，再撈上花生粒，食落十分開胃星馬咖喱雞飯、咖喱汁濃淡適中、咖喱雞肉質鮮嫩，配上三色椒和洋蔥白飯，美味小食就點了泰式紙米春卷和馬拉盞炒通菜、紫米春卷內包上大量蔬菜，清新好味，通菜碧綠爽口，加上濃味的馬拉盞十分惹味天氣太熱，很想吃沙律，就再點了酸酸甜甜的大蝦柚子沙律、一梳梳的柚子清甜多汁，配上酸微微的醬汁，非常開胃，簡直是夏天之選還有清涼的青檸梳打和椰汁紅豆冰、兩者都甜度適中，紅豆冰軟熟得來又口感，椰香味濃

和同事一行三人午膳, 當時大把空枱, 午餐$75份, 三人75 x3 加一, 埋單247.50, 但由於我們食量細, 不想浪費食物,  所以柯打二人餐, $228 加一, 金額$250.80, 侍應態度與服務應對不行, 要我們再加一人餐,  老實講, 金額上我們沒有少也沒有虧負你, 你作為侍應, 可以態度好少少, 或建議我們再多叫一份甜品或小食, 但侍應冇囉! 講野又掘! 所以我們唯有選擇離開! 其實我們都光顧過很多次, 這樣就以後少了幾個客人, 可能呢間餐廳唔志在啦,!

位於尖沙咀嘅新泰東南亞餐廳，地方特大勁闊落！菜式出品質素穩定，上菜快，而且價錢相宜，所以頗具人氣！🥘馬沙拉咖喱豬 $108｜蒜蓉包 $42香料味溫和討好，充滿菜甜嘅馬沙拉咖喱，質地濃稠，同嚟配蒜蓉包就fit晒！內含大量蔬菜同埋軟嫩嘅豬肉片！🌿香草肉碎炒飯 $98炒到啲飯粒粒都均勻上色，辣度適中，唔覺意就會食咗好幾碗！🤩💚飛天通菜 $98🇹🇭泰式炒通菜，以辣椒、蒜、同埋麵豉帶出香口惹味嘅感覺！👍🏻

係正K11門口既新泰, 經常人氣滿滿,, 以為只係近商場所以多人食, 原來環境, 食物服務都好有質素。餐廳門口有架大篤篤, 落樓梯就有泰國人店員等住帶位講sawadeeka, 一下子真係好似飛左去泰國central world咁, 幾好feel!哩度既食物味道好有當地既味道, 唔會係港式口味既泰菜! 好似我咁中意食泰菜個種酸辣刺激就岩哂!!!冬蔭功落足哂D泰式香料好似香茅, 南薑, 蔥頭咁, 煲到勁香濃, 酸辣有勁, 仲有開邊大蝦, 好正~鐵板蠔仔炒蛋蛋香突出脆卜卜，蠔仔飽滿鮮味, 加埋爽甜既芽菜仔, 沾少少辣醬仲香。香草肉碎炒飯炒得好香好惹味, 都幾重辣下, 就係要哩D食泰菜辣既過癮!!飲完個TOM YUM加食埋個辣肉碎炒飯之後, 個口好需要解辣!! 哩個椰青大菜糕就係恩物, 做甜品一流, 原個椰青超大隻, 兩個人share岩岩好。大菜糕質感有D似jelly, 好清甜既椰子水味溶係口, 成個口即刻冰涼舒服哂~~價錢亦比我想像中貼地, 人均二百零蚊有哩個質素, 值得回頭。

這家店不但位於尖沙咀的寸金土地上，而且下了重本裝修，裝潢非常漂亮，門口有泰國特色的大象雕像和裝飾，從樓梯下去有盆景，用餐區有各種規格的枱，而且燈飾和花飾都美輪美奐，很適合打卡。最有趣的還能見到機器人送菜，真是高端，很推薦大家過來嘗美食的同時一睹為快！芝士香芋焗海鮮飯芝士的香濃與大蝦等海鮮的鮮甜交織在一起,為這道菜增添了奢華感。軟嫩的香芋增加了舒適柔順的口感,咬下去時能吃到獨特的芋香和絲絲香甜，令人口齒留香！ 星洲喇沙蝦米線喇沙湯底香醇濃郁,有蝦肉，豆芽，豆腐泡，魚肉餅和雞蛋，融合了東南亞多種特色元素,既有馬來西亞喇沙麵的濃郁鮮香,又帶有一點泰式酸辣的特點,簡直就是難以忘懷的美味佳餚！椰汁西米糕外層鋪上香甜柔滑椰奶凍，奶香濃郁四溢，下面是Q彈嫩滑的西米露和栗米，更加獨特是加了香芋，口感更加豐富，令人流連忘返！椰青班戟外皮煎得焦黃，咬下去有鮮甜的椰青肉,整體口感香甜軟糯！泰式炸蝦餅外皮酥脆金黃,咬下去能感受到鮮美彈牙的蝦肉餡料,搭配泰式辣醬吃更加提味！貴妃苗沙律新鮮脆嫩的菜苗配上泰式酸甜醬汁,清爽可口好開胃。龍眼冰中的新鮮龍眼果肉好清甜,清涼順口,夏日消暑的最佳選擇！紅豆冰是我中意的椰汁甜

中午跟同事來到新泰吃泰國菜，說實，個人蠻喜歡這家餐廳，全因它的CP值極高。午市套餐價錢一律HK$75，已包咖啡或茶，再另+HK$28點升級價惠。泰式干炒牛河 牛河炒得挺夠鑊氣，牛肉軟嫩入味，河粉滑溜，加上紅蘿蔔、蔬菜及蛋絲等配料，口感豐富。泰式海南雞飯 雞件挺大份，雞皮爽滑，雞肉嫩滑，雞皮與雞肉之間有一層薄薄的啫喱層，蘸上醬汁味道更鮮，隨飯伴上蘿蔔湯及蔬菜，感覺既豐富又健康。泰國街邊豬肉串豬肉燒烤過後，外層帶有點點焦香，內層嫩而不柴，而豬肉早已調味，味道甜甜的，配上自家製醬汁，推介。 飛天通菜 通常份量足，口感脆嫩爽口，味道辣辣的，非常惹味。咖哩芝士焗青口 青口大大隻，漲卜卜，非常飽滿，入口有淡淡咖哩香，配上香濃的芝士，超讚。椰汁冰及鹹檸檬七喜椰汁冰香甜冰涼，椰香味突出；鹹檸檬七喜味道鹹鹹甜甜，非常消暑解渴。

個個都飛泰國post美食， 哈！我今晚就去食泰菜，好有泰國風味呀，員工都是泰國人 「sa wa de Ka 」🥻🥻「香芒軟殼蟹米紙卷」咁熱的天氣最好就是食冷盤，這款冰涼米紙卷內有香芒，配上特秘醬汁，十分開胃🤤「冬蔭功」 我們揀了細size, 味道唔錯，不辣！仲有隻大蝦，如果叫大size有埋個爐預熱，相信會更好「泰式柚子蝦沙律」 這款是我的最愛，柚子甜美而且開胃，令我食個不停呀🤓「蝦醬炒飯」 平時食開菠蘿炒飯，今日我揀左蝦醬炒，好野味呀，仲有配上一片片的台灣腸👍🏻備註：🔺場地雖大，但食客比較多，預早訂位是好方法😉🔺員工是泰國人，仲可以同佢交流下泰文😂

跟家人行完街就到餐廳吃晚飯，餐廳佈置充滿泰國情懷，食物水準也不錯，當日叫了以下食物:蒜蓉包 - 法包烘得香脆，充滿蒜香味。燒鮮菠蘿 - 菠蘿燒過後更加香甜及juicy。泰式炸蝦餅 - 炸蝦餅鮮味彈牙，點埋雞醬甜甜酸酸就更好味。泰炒椰菜仔 - 椰菜仔及椰菜苗食落爽脆，食到陣陣蒜香味。肉碎生菜包豬 - 豬肉碎加埋魚露及乾蔥頭同炒，食落辣辣哋，好惹味，夾埋生菜一齊食就更清爽。越式蟹肉炒粉絲 - 蟹肉粉絲炒得有穫氣，條條分明但又唔油膩。芒果糯米飯 - 芒果香甜，糯米飯分別有黑白糯米，食落口感不同，再淋埋咸咸甜甜嘅濃郁椰汁，好好味。珍多冰 - 椰汁味香濃，加上煙韌嘅綠色粉條，豐富了口感。泰式奶茶 - 奶茶味道正宗，奶味香濃，但又不會過甜。#香港 #香港美食 #香港探店 #香港泰國菜 #東南亞餐廳 #尖沙咀 #新泰東南亞餐廳 #新泰 #咖喱 #尖沙咀泰國菜

泰式木瓜沙律，是最考一間泰菜的菜式，每次食泰菜餐廳必點，酸辣可口，十分開胃，而且師傅攪拌得好地道，好好味！燒春雞釀香茅黃薑飯，雞肉鮮嫩，雞肚裏釀滿香噴噴的黃薑飯，香料十足，超級好味，好滿足！香料十足，超級好味，有驚喜！辣椒糕炒大蜆，大蜆新鮮辣度剛剛好，辣椒汁可以辣椒糕炒大蜆，新鮮辣到剛剛好，辣椒汁可以半黃薑飯食，非常惹味，拌黃薑飯食，非常惹味！泰式炒椰菜，驚喜不大，一般菜式！冬陰功賣相一般，可惜辣到重手左，中規中矩! 總體而言，係一間可以再encore的餐廳，我仲有很多嘢未試！