新景園咖喱小廚

營業中

休息中

第一次去食，星期一中午12:30。門口排隊等外賣（大約$60左右），坐底吃$96，奶茶另外+$21。個個都叫咖喱豬扒，乾炒牛河。我比較反骨，試個咖喱牛腩飯。值得一讚，飯好大碟，牛腩由四至五舊，三舊牛筋，半個薯仔，咖喱汁香濃有水準（有少少辣），我自己食得辣，覺得幾好，奶茶少甜都唔錯。不過服務態度唔耐煩。大佬吃$100一個飯，5星級酒店都差唔多價錢。貴唔貴就見仁見智。地方比較細坐到20人到，環境同茶餐廳差唔多，時間忙需要搭枱。食物大份，價錢中上。建議組團去食（2-4位）試過一次就OK。

呢間餐廳一到食飯時間就排晒隊，個個黎食定價差唔多100蚊一碟嘅碟頭飯😂份量大到可以分兩餐食，以份量取勝。其實咖喱又冇話驚艷到一定要黎食，如果經過唔洗排可以試下😂.🥘咖哩豬扒飯 $96豬扒超大份，剛炸起，外面微脆，肉質軟腍。咖哩少少辣，唔係有椰奶味果種，望落有層油係面，幾惹味👍.🍛咖喱牛腩飯 $96牛腩份量亦好多，炆到入味，牛腩帶少少筋，較落軟腍👏🏻.📍 新景園咖喱小廚 (灣仔)灣仔春園街20號地舖

超級巴閉，你唔打電話去預訂，現場等位應該啲人話要等九個字一個鐘，我打電話都打咗10分鐘先至通有人聽。查實唔洗留電話，會唔會唔打去叫定，隨便行過話叫左1300 一盒咖豬飯，照比$一樣得呢😂其實用返個系統，一條隊等糖食一條隊做現場落單，再另一條隊就係電話預先落單的外賣自取，😵‍💫其實係咪方便以及有系統得多囉？遲黎先上岸，唔分先後，1300 三四個一齊叫，報到比$先繼續等，麻煩。🤢飯有啲人講到好好，但其實我覺得冇乜特別，都只是普通飯盒那種，沒有什麼有粒粒飯分明嘅質地。👹豬扒的確是非常大塊，啲人話外賣已經少咗一半，都有8至10件，大大塊，佢最好嘅就係因為唔算太過厚身，😲內裏有沒有大量用梳打粉醃過，因此不會是鬆化但沒有肉味那種質感，😏脆炸又沒有太多炸粉，因此外皮不算太厚；不過起初， 食開平時嘅日本豬扒，你都會覺得佢有少少乾燥以及鞋身，不過食落習慣咗，才醒起這才是真正的豬扒。 炸粉不太厚身，😀因此旁邊那些位置，比較香脆，薄薄一層炸漿，顯得更為香脆。咖哩汁份量都夠多，因為旁邊的飯以及咖喱豬扒其實不算太少，如我這種喜歡撈汁的人，🤣竟然也食完成個飯都仲有咖喱汁剩下，簡直難得，多汁好過少，因為太少汁就會乾

呢間舖頭一直都好想試！因為太多人介紹同講！今次趁真係喺開灣仔做嘢，特登早少少去排隊，佢6:30先會正式開門，但係去到嘅時候已經前面排住10幾個人，嗰陣已經諗究竟佢個咖喱豬扒飯真係咁好味？入到去安排好座位之後，即刻落呢一個咖喱豬扒飯，一到左個豬扒飯，我唔小心好大聲嘩咗出嚟！因為我自己想像中都係好基本一塊豬扒配個咖喱，點不知佢個豬扒大到多到個份量係嚇親我😧佢係真係即叫即整！全部都脆香嘅豬扒，配上小小辣嘅咖哩，外脆內軟，真係名副其實終於知點解佢咁出名！🥹另外佢有套餐，配一個菜心加汽水🥤👍🏻而且啲姨姨叔叔話好態度好好人，全部都勁有禮貌🥰真係要再去😍

真係好少會去食需要排隊嘅舖頭，但係呢間新景園咖喱小廚嘅咖喱豬扒飯睇到有好多人推薦，今日係特登過嚟要食呢間嘢㗎，工作日中午12點嚟到呢度，但係門口已經排晒隊，特登過嚟食，所以就跟住排隊，起碼要排半個鐘以上，但係唔係好推薦囉，叫咗個招牌咖喱豬扒，豬扒出邊係乾身脆口嘅，仲要出邊個皮呢係比較薄啲，入邊好嫩，霖埋佢哋嘅特製咖喱汁，淨係個豬扒炸得比較好食啲，咖喱汁香料味好濃，如果唔係好鍾意香料味嘅話呢，應該唔會鍾意佢哋個咖喱汁，齋香料味唔係好夾，個價錢叫呢個豬扒其實都唔係好抵，仲要係要等好耐，唔係好明點解仲會有咁多人排隊去食，食完今次冇下次啦。

咖喱豬唔錯 超大份 但門口個阿姐唔知係咪見有熟客 大家都係一位 排我後面幾個人既一位竟然打左我尖 我已經舉手表明左我係一位 勁唔公平 體驗好差 入坐前話左佢一句 sorry都冇一句 唔肯認錯

成日經過都見到好多人排隊，所以冇機會試，今日見到唔係好多人排，所以扚起心肝去排隊成條隊中有好多遊客，有講日文、普通話、韓文、英文嘅遊客我排到去冇幾耐，就截隊啦排左一段時間,終於可以入啦～咖喱豬扒飯落單嘅時候，可能已經就嚟閂舖，所以講明咖喱已經冇晒薯仔，但係排咗咁耐，冇理由因為冇薯仔而唔叫㗎嘛上到枱,好大碟阿咖哩辣辣地,好惹味豬扒都炸得好香～乾炒牛河又係好大碟,好足份量,牛肉份量都好足

好多年冇食新景園了，以前閒閒哋都要等一個鐘， 今日因為過來灣仔工作，專程來到灣仔春園街，未夠11:30已經門口排滿人😳 餐廳雖然唔大，裝修簡約有點陳舊，侍應都殷勤有禮， 亦充滿一份人情味❤️🥢乾炒牛河乾炒牛河份量十足，超大碟，即叫即炒熱辣辣，牛肉份量又夠多， 醃得入味，河粉條條上色，乾炒牛河很夠鍋氣，加上辣椒醬，口感油潤，香辣，而且醬香濃郁，真係好值得試👍🏻講真，新景園的份量確實很多， 我食咗三份二已經很飽，建議留肚享用。 .

灣仔著名港式咖喱茶餐廳！！！中午lunch time 過到去…門口已經有長長嘅人龍👯‍♀️👯‍♀️👯‍♀️…一條排外賣… 一條排堂食…但係都無阻我都依間招牌咖喱豬扒飯嘅熱愛💞💞💞🐾新景園的咖喱豬扒飯係必食嘅菜式👍🏻👍🏻…成塊面咁大嘅豬扒炸得金黄酥脆…肉質鬆軟…搭配香濃的咖喱同粒粒分明嘅白飯🍚🍚🍚…簡直係一道回味無窮嘅美食！！！如果各位朋友唔想等咁耐嘅話….可以預先打電話嚟order 外賣先…價錢平差唔多一半架🥰🥰🥰…不過就要番office 食～🤪

呢間又係一間大排長龍既餐廳 樣樣野都大大份叫左咖喱豬扒飯 $94❤️❤️❤️❤️❤️佢一上枱我被佢既份量嚇死😨😨超大碟 可以2，3個人share都無問題😆😂不過佢地有最低消費所以一人要叫一個飯 我地揀左2個都係呢個😂😂勁努力咁食先食到一碟半🤣個豬扒係屈機👍🏻👍🏻炸皮勁鬆軟，而且豬扒都好入味 再加埋佢嘅秘製咖喱汁佢係嗰種港式咖喱辣辣地好開胃，唔怪得咁多人去排隊😂😂希望下次可以食乾炒牛河五個心心為最高分新景園咖喱小廚 (灣仔)灣仔春園街20號地舖#food #foodie #foodphotography #wanchai #灣仔美食

今次終於帶大家來到灣仔超人氣嘅新景園咖哩小廚🥘‼️呢間真係𝐛𝐨𝐨𝐤𝐦𝐚𝐫𝐤左好耐😍呢間係我每次經過 都係好！多！人！排！隊！今次我係平日下午𝟏點半去到 𝟐點左右安排入座 如果唔想排隊嘅話可以叫外賣 無最低消費同埋價格都平好多💰一間咁細嘅鋪頭入面聚集左健人士、學生、夫婦、旅客可想而知佢幾受大家歡迎😂呢到啲食物份量比較大 所以價錢亦會相對上比較貴🫶🏻我地叫左：❶ 咖哩豬排飯🥘 💰𝟗𝟒大家可能會比個價錢嚇親 我一開始都係😂但來到之後發現原來豬扒份量係巨多加埋啲飯 應該𝟑個人食都得😂難怪對面嗰對夫婦走左飯 齋食豬扒🤣🤣不得不讚佢地嘅豬排真係好出色😍調味適中 外脆內嫩 仲有肉汁添！仲要一啲都唔油👍🏻配埋帶辣味嘅咖哩汁一齊食 好惹味😋最後當然食唔曬打包左 最𝐬𝐮𝐫𝐩𝐫𝐢𝐬𝐞嘅係返到去啲豬扒淋曬都仲好好食😂😂推薦大家食阿！🤤👍🏻❷ 乾炒牛河🥩 💰𝟖𝟗乾炒牛河份量又係超大 好足料👍🏻牛肉香口嫩滑🐄最值得一讚嘅係佢地炒得一啲都唔油 配上辣醬一齊食一流😋👍🏻❸ 凍檸茶💰𝟐𝟎茶味偏重嘅檸檬茶 但要加$𝟐𝟎就貴左少少整體嚟講都好推薦大家試阿！🤩店員服務態度都好好！個日見我攞住個手袋分別有兩位店員都問我洗唔洗要張

新景園咖喱豬扒飯，是香港馳名的經典茶餐廳之一，不少遊客也慕名而來。我們在店門口排隊等候約40分鐘，終於輪到我們了。我們點了招牌的咖喱豬扒飯和乾炒牛河。豬扒外皮炸得金黃酥脆，肉質鬆軟，內裡保持著豐富的肉汁。咖喱香濃，稍微偏辣。搭配白米飯，完美吸附咖喱，回味無窮，份量方面，非常足夠，絕對能滿足飢腸轆轆的食客。干炒牛河份量也是非常之大，醬油的顏色包裹著每條河粉，炒得油油亮亮的。剛上桌時微微冒煙，新鮮熱辣。牛肉片經過醃製處理，入味而軟嫩。這裡的價格稍就，但份量大，相對合理，可能是我吃過最好吃的茶餐廳炸豬扒。為了好吃的炸豬扒，排隊也是值得的。

新景園咖喱小廚 Sun King Yuen Curry Restaurant 📍灣仔春園街20號地舖對上一份工嘅office係灣仔春園街附近，每次近lunch time同收工，總會見到一條長長嘅人龍，排隊等食新景園。一直都知佢好出名，但無奈我返上一份工嘅時候無心情亦無時間排隊，所以一直都無機會食。轉咗工之後，居然又係返灣仔，同樣喺灣仔返工嘅朋友專程接我放工，然後好有神心咁等6:30新景園開門，誓要食到人氣咖喱豬扒飯！雖然我哋未夠6:10已經去咗排隊，但已經有成十幾日排喺我哋前面，最終我哋排咗超過一個鐘先入到去食。話雖如此，我哋食過之後都覺得呢個幾鐘排得好值，好彩我哋堅持排落去，如果唔係就會錯失呢次5星食評嘅機會！點解會俾5粒星？因為佢嘅性價比真係好高，雖然一個咖喱豬扒飯要接近$100，但佢真材實料，而且份量好大，要一個人食晒全碟，有如挑戰大胃王，身邊好多男食客都食唔晒呢！再者，就係佢哋店員嘅優質同貼心嘅服務態度，店員姐姐細心又隨和，多次提醒食客，以免佢哋俾啲嘢食辣親，真係估唔到生意咁好、咁多人排隊嘅老店，居然仲keep到咁高質嘅服務，真心抵讚，令我同朋友食完再有衝動去幫襯！ 💰$96

一入到店，啲香味撲鼻而來，單係聞都已經超正！👃我點了招牌咖喱豬扒飯啦，材料真心唔錯噃。🍽️成塊豬扒炸到金黃色，外皮香脆，肉質又嫩滑，啖啖肉汁，超滿足！🤤咖喱汁濃郁得嚟，又有啲微辣嘅kick，香港式嘅好滋味！🌶️飯嘅話，吸晒豬扒同咖喱嘅精華，食落真係有層次，透真香口。我仲試咗件糖醋排骨，啱晒鍾意糖醋平衡嘅人。甜中帶酸，排骨烤得啱啱好，肉質又mou哂汁！飲品部分就點咗杯凍檸茶降降火，清涼提神。🍋欣賞佢哋用心整食嘅勁，而且無論係服務定環境都算唔錯，算係性價比高嘅一餐！下次要約埋其他朋友一齊再去試下啦！

呢間餐廳有幾出名就唔使多講，因為舖頭入面只可坐到20人左右，同埋兩款招牌都係即叫即整，所以平日lunch時間排左45分鐘先食到🥺—🍽️咖喱豬扒飯（$94）一上枱好震撼，兩塊豬扒非常大份😱豬扒外皮炸得好薄，係似由煎去到啱啱炸既程度，火候拿捏得好好👍🏻最重要係兩塊豬扒都有一定厚度，同埋肉質實得黎但夠腍，絕對唔係普通茶記乸過粉既貨色❗️而咖喱亦都好出色，香辣又帶少少甜味😋我覺得以心機同質素黎講，呢個飯對得住個價錢👏🏻好味值：9/10CP值：8/10—🍽️干炒牛河（$86）另一個招牌干炒牛河，絕對符合你對於好食牛河既定義😆牛河大塊有咬口但唔韌，睇圖都見到夠油潤，但又無油溢味，係平均水準以上👍🏻但未算好驚艷🫢好味值：7.5/10CP值：7/10—🍽️咖喱牛腩飯（$94）呢個其實係為左湊夠堂食最低消費而叫既🙈重點都一樣係個咖喱汁，夠曬惹味💕牛腩亦夠腍，但同一價錢，同豬扒飯相比，CP值差左啲…好味值：7/10CP值：6/10—˗ˏˋ 𝓜𝓮𝓶𝓸✍︎ ˎˊ˗要講呢間餐廳既缺點，除左多人排之外，就係啲飯太乾同有啲凍，但以一間小店堅持即叫即炸、即叫即炒黎講，絕對值得去支持👍🏻👍🏻👍🏻📍新景園咖喱小廚 (灣仔)灣仔春園