新志興至尊燒鵝大王

營業中

休息中

今早（16/2/2021）入西貢前，先來這食店飲餐茶，九點幾到，居然無位，比大酒樓還要旺場，全自助，無人理，等咗一陣，有個食客話比我哋知，這枱客已走，但未執枱，搵人執枱又等咗一陣，終於可以坐低。二個人，點了4個點心新志興鮮蝦餃，好味，皮有彈性，蝦好爽口豬肚雞燒賣，得一塊豬肚，唔夠分志興大包王，爆餡之作，餡有一件雞，一件叉燒，一隻鵪鶉蛋，好多肉，食一個，飽晒。乾蒸牛肉，都好味。點心還可以，服務就麻麻，可能人太多，好亂，有點心紙，劃咗四個點心，只來二個，另二個點心，叫侍應跟，又話無落單，入番單，又話一早已入單，總之就係亂。埋單$91。

每次去西貢玩，一定會黎彩虹食嘢先！不過商場就無咩好食，所以通常都係去牛池灣村或者熟食中心😋雖然環境唔算話好好，但係夠晒風味～今次去咗新志興食，基本上七、八成位都係喺室外👇🏻而且行人路😹就好似大排檔咁，不過可以放心，係乾淨嘅！鋪頭亦有少量室內位置！好似普通茶樓咁，有點心卡👇🏻～我地喺點心紙剔咗嘢食之後，啲姐姐就會送點心過黎🥰既然鋪頭名叫得燒鵝大王，當然叫碟例牌試下啦～皮燒得幾有光澤👍🏻亦都唔燶～而且啲肉唔鞋，幾juicy～配埋酸梅醬非常夾😹👆🏻蝦餃、👇🏻燒賣、👇🏻腸粉都係茶樓正常水準😋腸粉唔會一pat pat，全部勝在夠晒熱辣辣啊👍🏻👇🏻鮮蝦炒米粉🍲呢個就普普通通，不過都幾多隻鮮蝦🦐🦐🦐幾夠鑊氣～

真係唔可以睇小大排擋的力量，現在佢差不多都已經成條街咁長啦！人流非常熱閙！菜式夠和味又地道，尤其生炒骨及燒鵝味道也很好，疫情快d走，就可以再去吃和味晚飯！記得打電話去訂位呀！

就嚟入冬，梗係食燒味飯，暖下個胃咖啦！燒味簡直係香港地嘅平靚正不二之選，仲別具香港特色。今日嚟到牛池灣街市就試下新志興至尊燒鵝大王。🍛單拼燒味飯$45/雙拼$48✨好味指數：🌕🌕🌕🌑🌑畀餸畀得好闊綽，菜都畀咗幾條。鍾意食膶腸嘅朋友，極推介！好甘香，夠軟腍。至於燒鵝就一般般，皮唔脆，肉又太瘦...有啲失望🤦🏻‍♀️🤦🏻‍♀️🤦🏻‍♀️不過菜淥得太腍，不過咁多條送，算有誠意，就算啦～

同事之前幫襯過，極力推介，所以約了一齊再去試，我們預先訂了位，因為怕熱，所以選了室內有冷氣的蠔餅入面都有幾多蠔仔，都幾大塊，唔會炸到好漏，味道唔錯椒鹽鮮魷，味道ok, 但如果有腳位就更好豉椒炒蜆大大隻，味道ok來這兒必吃的燒鵝，話明燒鵝大王點可以唔試下， 燒鵝好入味，肥瘦適中，真係好好味呢味豬腸都好味總體而言，呢間大排檔d野食幾好，對比其他大排檔味道屬於中上，但由於人手唔夠，所以服務未能周到，點餐盡量一次過點完，但上菜速度快，而且價錢親民，可以值得一試

6月尾時, 疫情未第3波的時候,  當晚全場好滿座, 我地walk in, 所以坐最開報紙檔同髮型屋外的位位就唔係好好嫁喇, 有種被遺忘的感覺,  但冇咩所謂啦黎得呢間野, 睇店名都知必定要食燒鵝咁呢隻鵝呢, 其實都係冇裕記或者一樂個D好食的咁其實總結完LOL瀨粉OK的, 湯底都會係食開的水準個晚去水缸揀的游水瀨尿蝦同唔知咩班瀨尿蝦質地合理, 但其實個椒鹽係唔入味的即係又係椒鹽還椒鹽, 蝦還蝦咁好大問題的其實多肉的隻蝦本身, 但如果唔理D椒鹽, 其實隻蝦冇咩鮮味魚好食的, 亦好嫩好新鮮通菜都係正常水準-成餐飯千一蚊左右, 都OK但如果要食令人驚豔的海鮮或燒鵝, 就唔好去呢間但如果只係象徵式想有呢兩味野, 而又相對平D, 又唔會難食, 又夠飽咁呢間就十分適合

新志興的燒鵝真是食過返尋味，燒鵝新鮮皮脆，啖啖肉，四個人食一隻燒鵝是很滿足的，再加上可以自己帶紅酒去飲，不收開瓶費，看見大部份人都有叫砂礓豬手，於是也叫了一碟，可惜豬手不太淋，但是那碟砂礓香蔥豉油，超級好味。潮式煎蠓餅，非常香口。今次去要等位，下次一定要先預訂座位。

幾日前約咗幾個老朋友食飯，估唔到食飯當日之後，只可以四人同台食飯，都叫做好好彩呀。我哋有訂到枱，去到當時已經好多人，本着今朝有酒今朝醉的原則，政治經濟嘅嘢全部放埋一邊，今晚一定要大杯酒大塊肉。　講返食物，每一碟份量也超級足夠，而且價錢在九龍區來說可以算是合理，當然你唔可以同大酒樓相比，呢度嘅衛生情況只是一般，如果去廁所嘅話要行到村口嘅公廁，都幾污糟下。每一碟食物鑊氣十足，只是略嫌太過重手，可能預咗大家飲啤酒，酒類人士應該覺得10分好味。當晚就坐後叫咗兩支啤酒，之後即刻奉上一包消毒濕紙巾，總算彌補這裏衛生的不足。最後埋單1300，五個人食，抵食與否見仁見智，但是當晚我哋叫咗成10個餸同埋差唔多10支啤酒，所以叫做都好經濟，最重要係當晚有老細萬歲！

小巴由西貢返市區，總站到彩虹，由於太肚餓，老公提議附近醫肚好了。他帶我來到新志興，說上次和一大班同事吃過，味道很不錯，所以今次想試試他家的其他菜。這大排檔超旺超多人，都坐滿了人，好快店員為我們加枱，然後我打開菜單，可能太餓，感覺所有食物都好吸引因為我遲遲下不了決定，最後還是由老公發板。老公點了避風塘釀茄子，蠔餅和蠔仔粥。茄子到的一刻，有點驚呆，份量好大呀，眼看已經覺得可口了。果然，味道真心不錯，茄子釀了魚肉，每口都是脆脆的，但不會成口油，炸得剛好~避風塘風味果然濃！蠔餅上的時候，也是一大碟，二人吃真的太多了啦～但有小小失望，蛋漿實在太多，未至於每口都有蠔仔。而且兩款炸物，吃得有點滯。蠔餅，還是要吃潮州風味的好。蠔仔粥，由於點了兩款炸物，相比下，蠔仔粥就清得多了，可以舒緩下乾的嘴巴。蠔仔份量還可以，粥不腥，味道是不錯的~

同老婆行完山 諗住醫下個豬肚 因為好少嚟彩虹呢邊 所以就求其搵間小菜 點知咁就撞到好嘢燒鵝真心一絕 皮脆 夠油但唔膩 個汁好送飯 酸梅汁都一流西芹炒爽肉就略嫌鹹咗少少 送酒都ok嘅 蠔餅冇得傾 夠脆 最正係係邊位 好似薯片咁 同埋最緊要唔油 又冇油益味另外價錢公道 上菜都算快 好滿意嘅一餐

【新志興至尊燒鵝大王】『九龍篇-黃大仙區』再承上一個食評，事緣呢餐DINNER係我地已經行完東壩筋皮力歇既時候，幫我地差差電打打氣。行到落山腳之後，咁岩有個巴士站可以搭96R巴士經過彩虹，當然二話不說即刻BOOK位食呢間神級大排檔 - 新志興至尊燒鵝大王。如果無BOOK位既話，基本上係想食都無得食。呢間神級大排檔晚晚都會爆哂棚，所以如果大家經過彩虹又想食既話，一定一定要BOOK位啊，親。我地抬左30mins 巴士黎到之後個成間大排檔都爆哂棚，就算有BOOK位都要等20mins。雖然我地真係好肚餓，但係為左食呢間神級大排檔，我地並唔會咁輕易就放棄。等左20mins 終於到我地啦，雖然比人發配邊疆，但係認真真係值。一坐落台由於團友們行完山已經極度肚餓既關係，所以二話不說先叫左個豉油皇炒麵。之後我地Order既餸有黃金魚皮、脆皮炸大腸、酥炸桶蠔、志興秘制燒鵝、啫啫雞煲、馬拉盞炒芥蘭同埋避風塘釀茄子。由於每道餸都十分出色，所以我唔每道都講啦，直接打大佬啦。先講個酥炸桶蠔先，好食唔在講。個SIZE真係大到嚇死人，成隻手掌咁大。再講個口感，你以為成舊都係炸粉，少年你太年輕了，其實個炸粉Layer

暫時新志興係我心目中No.1大排檔我認為有幾道菜一定要試：1. 招牌燒鵝 燒到脆的鵝皮加上甜酸醬 諗起都流口水 新鮮出爐更加正到冇朋友🤤🤤2. 金沙炸魚皮（咸蛋魚皮）🐟魚皮脆卜卜 啖啖好香咸蛋黃味 不得了3. 酥炸筒蠔 🦪蠔身好厚 啖啖肉 外脆內軟🤤4. 避風塘茄子 🍆做到避風塘的味道茄子入面仲有魚肉 用料好大方去過好多次，仲試過炸豬大腸、蒸蝦、白切雞、各種煲類等等，每樣都幾出色，但上面四碟係必叫！同埋，新志興主要做街坊生意，價錢公道，份量十足，絕對食到你捧住個肚走👻👻#香港#hongkong#hk#香港美食#hongkongfood#hkfood#彩虹站#彩虹#彩虹美食#牛池灣 #牛池灣美食#新志興至尊燒鵝大王 #新志興#大排檔#hkfoodie#foodporn #foodstagram #foodblogger#hkfoodblogger#hkfoodblog#foodblog#燒鵝

這天晚上和家人一起外出吃晚飯，聽聞這間燒鵝大王的燒鵝很出名，即管來這間餐廳試一試。燒鵝皮脆肉滑，用紅酒襯托一起吃，很好味。西洋菜陳腎燉豬骨湯，沒有味精，真材實料，好有住家風味。小炒王有韭菜、腰果、辣椒等，炒出風味特色。楊州炒飯很香，蒜蓉蒸海中蝦，蒜蓉襯托下的鮮味，簡直一流。下次會和別的朋友一起來再食。　

一班朋友完成10條麥徑👉🏻100Km 慶祝果晚回程係彩虹，咁就係隔近搵食有山友提議話好想食"焗魚腸"即刻上網搵，咁就搵到呢間大排檔風味好彩去到等十分鐘有位，當時大約19:00呢間野真係好旺，好多枱放晒成條後巷當入坐時我留意周邊人叫咩餸多數叫"燒鵝" or "乳鴿"我地一至話想食"乳鴿"好耐冇食👍🏻😋當然叫"焗魚腸"啦👍🏻😋柚子骨👎🏻竟然有"馬介休炒菜"👍🏻好少大排檔有薑蔥魚腩煲一般啦，比我發現有糥米飯😱叫咗一碗👉🏻都係一個湯麵碗咁大👍🏻👍🏻😋😋總結：可以再去👍🏻

打完波同朋友一齊食宵夜竟然誤打誤撞搵到間幾有鑊氣既餐廳燒鵝甘出名梗係要點下黎食真係唔錯播皮薄同脆口皮連住既脂肪又唔多食落又啖啖肉小炒皇炒得好香口配飯一流乳鴿皮都好脆口唔係細細隻 點埋個椒鹽絕配啦咕嚕肉 甜甜酸酸好開胃 唔會太過甜同酸 味道適中同埋咕嚕肉整得好香口 👍🏻