新德里餐廳

營業中

休息中

首次去到尖沙咀重慶大廈，果然好似深入敵陣咁，去到門口就不停有唔同餐廳嘅人招攬你去佢哋餐廳，不過只要你一早選擇好，同佢講聲，就自然會有人帶你搭電梯去餐廳。二人晚餐，點選了芝士薄餅，咖哩羊，雞肉沙律同椰汁炒飯，同兩杯飲品。頭盤雞肉沙律，雞肉有少少辣，配落青瓜生菜度異常地夾，順帶一提雞肉係熱，並唔係好似平時嘅沙律咁係凍嘅。芝士薄餅配埋咖哩羊肉，十分惹味，羊肉唔蘇，肉質唔韌，薄餅有芝士餡，令餅心軟綿綿，口感一流。椰汁炒飯比較差，甜味配落飯度好奇怪，唔建議去叫。飲品叫咗Mango Lassi同Strawberry Lassi，值得推介，奶昔類飲品，酸甜度調校得適中。埋單$264，唔算太貴，會有下次，但會叫等二款飯。

呢一間係我第一次去重慶大廈食嘅餐廳，從來都未入過去重慶大廈嘅我，啱啱入去嘅時候有少少驚，不過上到去之後個感覺又令我有新嘅睇法，入到去餐廳都幾大入邊都有一啲香港人喺度食緊野，我哋俾人安排到一個比較角落嘅位置，餐廳播住一啲印度式嘅純音樂都令人覺得幾輕鬆，侍應都好熱情咁樣介紹餐單入邊嘅食物亦都有一啲推介，我今次揀咗食新德里炸雞、芝士煎餅、咖喱燴羊肉、青檸梳打同埋芒果乳酪。整體食物都幾好食，特別係芝士煎餅，因為個人特別比較喜歡一啲香口嘅食物，呢個煎餅點㗎呢非常之夾。題外話，喺食物嚟之前餐廳侍應會比一盤薄餅，而嗰個薄餅係可以點枱面嘅兩種醬汁，我相信一種係燒烤汁，而另一種應該係辣豆醬。嗰隻炸雞其實都幾好食，唔係嗰種炸到好乾身嘅炸雞，而係入邊都有滑溜嘅感覺。個羊肉相對上有啲遜色，雖然個咖喱汁都好好味但係個羊肉就有啲乾。不過整體來講，其實呢一間餐廳CP值都幾高因為都好平同幾好食，但你叫我食多一次我就會寧願揀其他印度餐廳。

店舖喺重慶大廈入面，其實會有啲難搵！環境乾淨，店員都識講廣東話，沒有溝通問題。但係一個羊肉咖哩要百幾蚊有少少貴，一定要送飯或者烤餅！另外佢嘅芒果乳酪好濃郁！feel到係新鮮芒果！整體都唔錯～～

The food in this little cosy authentic kitchen is wonderful. We love to order fish tikka and cheese naan, these two dishes are wonderful! Every time I have a down day, I go here just to get my mood up: the staff is so friendly and the food is sooo good! true family kitchen!

I hear this restaurant for a long time, they are famous because of their food. We have a little bit worried about the location before, however, it makes me really surprise. Firstly, the value for money is very high and we just spent $100 per person tonight. Secondly, I have never receive such excellent service, staffs here are really nice and passion. I feel warm and really love the beautiful Indian decorations. We order chicken curry and Naam. Food here are very delicious and hot. I am sure tha

Whilst we were apprehensive going into CK mansions this restaurant is worth the visit! We waited a while for the lift to go up to the restaurant but once out of the lift the restaurant is right in front of you. We ordered a mixed grill platter for starters and all the meats were seasoned well and very tender. We ordered two curries and some naan. The curries were fragrant and spicy- tasted very authentic! Ordered some julab jamen for dessert which is always a winner! Super sweet and a perfect en

重慶大廈其實不是想像中那麼神秘，來吃飯也沒有感覺到任何危險（不過也不敢一個人獨自來）。重慶大廈的咖哩，我吃來吃去只吃兩家，某間很多明星去吃的，及3C新德里，覺得兩間都很好吃，尤其是naan薄餅。咖哩由不辣至大辣都有。3C新德里必吃的，是芝士naan薄餅，不貴，只需$22，用來沾比較不辣的masala咖哩很不錯，我一個人可吃掉一整份。

是但問個香港人都知重慶大廈的印度野最出名，而如果你問我邊間最好食？我會答你係新德里。可能大家睇得多《重慶森林》，會以為重慶大廈係一個有關殺手、罪惡、槍林彈雨之地而卻步（我細蚊仔個陣都係咁諗）。畢竟重慶大廈的確有自己生態（詳情可以睇下我老死中大人類學教授麥高登著作：《世界中心的貧民窟：香港重慶大廈》），明明是香港地方，一搭入大廈一步，周圍的顏色氣味都唔同曬。而且一入去就勁多印度人sell野好唔舒服，自己行的話，地面個層得印度鋪同找換店行到暈陀陀。我自小係尖沙咀成長，對於去重慶大廈食咖哩，都算有d心得，我可以話比大家聽，唔洗怕，去食新德里，係有攻略。你只要係大廈門口講句：新德里！之後就會有好友善的印度手足親自帶你上餐廳。先睇下menu。落完order就會送餐前小吃papadam。Papadam脆扑扑，不過就咁食就咸d，所以可以點埋枱面的薄荷醬同燒烤醬。免費小吃，不過不失啦。作為多年新德里fans的話，芝士烤餅係必食的！而作為多年新德里fans，我覺得芝士烤餅＋菠菜芝士的味道是最夾的！只是那拉絲芝士足以把玩四個小時，拉到我樂而忘返！仲叫多份蒜蓉烤餅。蒜蓉味充足，不過就真係太大塊，仲大過我塊面

早幾個月去過印度，不單對佢地嘅藝術美學深深吸引，仲對佢哋嘅咖哩留咗深刻印象。朋友對咖哩有情意結😂😂😂另外幾個又未試過去重慶，一於帶佢地去試下啦。其實之前都有試過第二間重慶人氣咖哩餐廳，我覺得不過不失，好普通下。所以今次聽公司食家同事試下呢間新德里。同平時一樣，去到重慶門外已經好多餐廳員工向你招手😂😂😂，揾啱新德里啲伙記，佢就會帶你去搭電梯😂😂，出電梯後見門口有少少舊，一入去嘩！同人氣餐廳差好遠，靚好多！有少少宮廷feel，可能時間尚早唔係好多人，但入面全部都係外國遊客。冷氣好夠，清潔整齊👍我地小食叫咗咖哩羊肉角，唔覺有辣羊肉好香炸得好脆唔會好多油，洋蔥圈都係炸得好好同非常大碟，係精選嘅小食👍。另外仲叫咗燒烤五香雞件，呢個好好食，有燒烤味，雞肉唔嚡，小小香料味👍，飲品我叫咗芒果乳酪，覺得似蘋果芒嘅味道，甜酸度啱啱好，又可以解辣。主菜就梗係咖哩啦，叫咗瑪莎拉雞，味道好正宗同印度食有8成似，雞肉嫩滑👍，新德里燴羊肉，小小辣，個汁好好味，都係有少少似咖哩味，淨食汁都可以😂😂，腰果汁燴魚，其實都係有少少咖哩味，不過顏色淺啲，有Creamy 感覺，魚肉肉質都幾實，唔會係雪到梅嗰種，👍。其實全晚最好

其實chungking mansion 有勁多東南亞餐廳可以揀，試呢間既原因主要系因為睇咗網上一啲人介紹，話呢間唔錯......🤔 之前第一次黎重慶大廈係有少少嚇親嘅，因為你一入大廈門口會有一大班南亞裔人向你sell 野，圍住你.......😌 不過去多次之後，就會發現去之前一定要揀好餐廳，然後喺門口大叫你想去嘅餐廳名！之後就會有相熟嘅人帶你去嗰個座數嘅𨋢口!!有時仲可以比到一啲discount 你添!!!!!!🤩 食物方面，如果你吾係食開印度野嘅，就不過不失；但係如果你鍾意食印度野或者香料味重嘅食物，就一定要試下啦!!!! 價錢仲吾貴添!!!!!! 👍🏼

A friend was leaving Hong Kong to a whole new country so the group of us decided to get together for a good bye dinner. She wanted Indian in Chung King Mansion as it brought back fond memories  for her so that is where we went.There are many Indian restaurants in Chung King Mansion so we chose the most popular one: The Delhi Club. I've been here before and it seems every time I  go to this building for Indian, this is the place we choose. No matter who I go with, we always end up here. It's not

新德里已經去過好多次，但每次都掛住食而無影相。野食整得好食又平。質素可媲美Ashley Road樓上個d，但價錢只係佢1/3，當然是環境因素啦。 不過我地係用個胃黎感受，唔係用眼喎。前菜1: 洋蔥圈。佢d粉好厚，同中菜個d唔同style. 佢放左好多spice入麵粉入面，每口食落都有印度🇮🇳feel.前菜2: 炸魚。佢個粉同洋蔥圈一樣味，係texture唔同左，食完洋蔥圈咁厚粉，老人家👵🏻又頂唔順，要刮走d bread crumbs. 佢入面d 魚，真心好食。無骨又唔腥。主菜1: 羊肉🐑⋯⋯影相完全睇唔出好食。點左Roti配羊咖哩一齊食。我以為Roti係 Roti Canai😣 懶醒點錯左！ Roti 係麥造既，比較健康。不過你要知道健康既食物其實潛台詞係無咁好食😜 建議大家叫番Nann, 咩口味都好.....好在咖哩汁配夠，羊肉又嫩又唔羶。主菜2: 椰菜花🥦，比五粒星🌟🌟🌟🌟🌟（仲要識閃既！😂）呢道菜每次我必叫！ 中辣。唔識形容，你叫黎試下就知。⚠️小心⚠️ ⚠️有茜味⚠️⚠️接受唔到芫茜請考慮清楚先⚠️飲品： 菠蘿汁（幾fresh,唔酸）& Mesala Tea

印度菜👳印象中我系完全冇食過😳今次由朋友帶路食正宗印度菜🍛一定系黎重慶大廈。呢間最出名。如果自己1個女仔真系吾敢入去🙈朋友識得新德里老闆。識講廣東話咖。上網做過資料搜集。叫了杯人人都叫既mango lassi。比較杰。都ok。奉上免費小食印度脆餅。有小小辣。配薄荷醬。另一款紅色既醬就太甜。其他食品就由朋友發板。素咖喱角。几大隻。入面系薯仔。咖喱几香。呢款又系熱門食物。燒烤五香雞件。醃得紅紅的。香料味重。香口。瑪莎拉燴羊肉(中辣)。初初食吾辣。但之後有后勁。都几熗喉。羊肉就嚡囗。吾so。似牛腩。新德里特式燴雞(小辣)。係吾辣既。有洋蔥。味道ok。配上傳統naan。naan冇乜味既。印度d咖喱系吾同d既。比較重香料味。几香几特別。不過選擇來來去去只有雞肉,羊肉,同魚,一係什菜,炒飯之類。環境好大。闊落乾淨。服務吾錯。平日晚7:30去食只有約6,7成滿。7成香港人幫襯。仲有兩三枱日韓遊客。重慶大廈初体驗。冇想像中咁恐怖😂😂

親戚從遠方來香港，他們喜歡食辣，在英國食過很好味的咖哩餐，於是我們帶他們去位於尖沙咀重慶大廈一間由印度人開的咖哩餐館。坐下來，餐廳提供脆薄片配辣醬作小食。Mango Lassi 芒果乳酪 是我每次一定叫的飲品!印度瑪莎拉奶茶，有些香料味，幾特別，不錯👍🏻！鐵板烤羊架紅咖哩雞，辣辣地幾惹味，配芝士烤餅👍🏻呢個磨菇咖哩魚雖然不辣但我覺得幾濃，沾烤餅正！芝士雜菜印度炒飯玫瑰乳酪就麻麻，它不是真玫瑰花味，比較甜印度甜點，太甜了芝士烤餅

今日同左我個朋友特登入重慶大廈食咖哩～係我第一次黎重慶大廈炸，真係幾好奇入面係點。一入到去看更會問你想去邊到，你答佢邊間餐廳然後就會有人帶你去架啦！ 我地叫左一個masala chicken tikka 同埋新德里式羊肉, 同埋兩個Nan。兩個curry 都唔辣，雖然餐牌上面寫小辣。Masala chicken tikka 好似有啲蕃茄味，小小甜甜地咁，配埋雞肉都幾好食。 而新德里式羊肉就比較重咖喱味，比較上辣，羊肉唔太騷同韌，所以幾好味。然後兩個nan分別係蒜蓉同新德里式薄餅，新德里式薄餅係甜嘅，類似有椰絲。食完之後真係好飽。飲品方面嗌左一杯奶茶同埋mango lassi， 最後埋單只係241唔收加一， 其實好抵，下次有機會再嚟