新寶牛雜粉麵專家

營業中

休息中

上網睇啲人都話呢間好平抵食入到去覺得環境唔錯 好少牛雜舖又有紙巾又有晒呢張仲要有咁多卡位咁整齊好開心以為佢有葉菜食 原來喊到飛起落咗落去碗麵直程要到少啲湯今日三點先食嘢，轉頭要去食晚餐 唔想食咁多細分嘅淨牛雜好少有得咁樣淨係揀好晒分嘅牛雜$65睇落細細份，但係份量都幾足九三片牛蒡同埋好多金錢肚 牛費份量都唔少 食得好滿足不過未到就麻麻哋 佢呢度所有嘢都偏鹹 唔之後買啲嘢唔夠新鮮要用下鹹味嚟遮蓋 不過服務質素OK嘅雲吞又5粒，碗麵都幾多！我不過雲吞味道都麻麻 整體而言其實呢間牛雜嚟過麻麻哋 過吓口人OK嘅

而家好多食店去到夜晚10點都閂晒，想搵食除咗搵app之外，傳統嘅粉麵店都好唔錯㗎～喺鳳琴街體育館附近，雖然寫住係牛雜粉麵餐廳，但其實佢嘅雲吞、魚蛋同墨魚丸都大大粒同埋好好味㗎～完全食到係新鮮包新鮮做，如果覺得好食仲可以買一打半打返屋企打邊爐都仲得😋仲有係份量仲唔少添，一舊水兩碗麵仲有菜加嘢飲，CP值都幾高👍個人推薦嘅宵夜喜愛名單😄

近日廖孖記風波腐乳負與負評新聞成日講令我心思思好想食腐乳😆行過新寶牛雜粉麵餐廳見到單拼面加油菜加飲品只係$44非常抵咁就坐入去食🍜牛雜河走腸有金錢肚牛蒡同牛肺全部都炆得好腍，好入味河粉算滑溜，湯頭🆗不過嗰啲鹹菜真係超級鹹千祈唔好加油菜梗係揀咗🥬腐乳通菜🥬通菜鮮脆可口但腐乳醬汁太稀太少😅我鍾意杰身嘅腐乳醬凍飲就凍檸茶走甜茶味OK仲有4片檸檬

經過元朗。有的餓。見到新寶。但冇車位。唯有買外賣。講完食乜。聽到靚女事頭婆講幾錢。嚇我一跳。重以為聽錯。42蚊？腐乳通菜。牛什河多蔥。凍0茶。你話我知邊度有呢個价。食物都可以。又夠熱至系重點對我黎講

新寶牛雜係元朗好有名氣牛雜我覺得係幾好食 但其他例如魚蛋 雲吞 就正常發揮 OK啦食呢間 為既通常都係距坐得舒服少少 又價錢合理一個套餐33蚊 有飲品 有面 都OK呢間既姐姐侍應都幾有人情味算係平民之選

【元朗區】【新寶牛雜粉麵專家】行到元朗雞地嗰頭，上次我就入咗一間叫有米冰室嘅茶記食嘢，仲寫返嘢畀大家睇，希望大家冇忘記到。不過唔記得都唔緊要，今次我再行入啲，見到啲嘢都閂到七七八八。大部份開嘅，都係啲未必適合一個人食嘅。咁呢個時候我見到銀河粉麵，再耐啲之前寫過佢天水圍俊宏軒嗰間，今次未必想即時寫佢另一間，只做後備方案。皇天不負有心人，終於搵到另一間仲開住而且適合一個人食嘅餐廳，就算一樣係粉麵店都算啦，照殺，入去啦。見店名話自己牛雜專家，就用 $40 叫碗「牛腩牛雜粗麵」，質素唔算太差，以四十蚊嚟講我覺得算係幾有交待，只能詬病佢少咗啲，但都係嗰句，四草嘢算係咁。加 $5 要杯「凍豆漿」，味道都唔差喎，甜甜哋又有豆味咁。未飽，叫多碗 $45 嘅「淨四寶」，有扎肉、魚餃、魚蛋、墨魚丸、肉丸、魚角，味道都幾好，魚皮餃唔差，仲有紫菜喺側邊，我覺得唔錯嘅。上次見杯凍豆漿幾好飲，所以我都唔轉喇，$5 要多杯，五蚊杯凍豆漿，仲有咩講呢。食晒之後侍應哥仔走嚟收碗，佢忍唔住講咗句「嘩你真係食晒架，仲肚唔肚餓呀」，都幾爆趣，我答佢餓，不過冇錢食，佢笑笑口行開咗。不過係呀，呢餐都食咗我 $95，笑我茶記 fo

前1日行過見到呢間新寶粉麵店新開張，睇返資料應該係搬鋪，門口見到個好抵食既抗疫餐牌，12點前落單$40有麵有菜有野飲，今日一於就黎試試啦。入去坐底環境都乾淨企理，坐位都算坐得幾舒服，睇返餐牌除左d潮式牛雜湯粉麵之外仲有飯類，豬排雞排果d都有，款式都算幾多，價錢同1般茶餐廳差唔多。抗疫餐開始啦，分別叫左碗牛腩河，牛什拼牛筋河（雙拼加9蚊），油菜要通菜同芥蘭。先講講牛腩，唔識睇係咩腩但一定唔係坑腩，切得都幾靚但同事話比較瘦有d韌，我果碗牛什算正常，無咩特別，牛筋相對唔錯，淋得黎有咬口，但河粉就真係扣分位，碎濕濕夾唔到，要用匙羹黎食。湯底味精都幾重，跟餐油菜都有d份量，40蚊黎講係抵食的，相對返環境同價錢性價比係高既。

只需 $40 的抗疫套餐，包一碗自選麵食，自選菜，自選飲品，凍飲也不加錢，店主能有多小利潤？良心低價有咸菜脯任食，免費纸巾，非常貼心~牛雜粗麵~絕對沒有將貨就價，牛雜份量多，蔥一大羹，再加麵食，非常滿足。~腐乳通菜~ 味道偏鹹 ,若加少許糖調教腐乳醬汁 ，就更正。再追加炸魚皮~$9食後感食物保留原汁原味，但普遍味道偏鹹，而奶茶若能再加多小小奶就更香濃。這樣貼地的價錢，而且店員個個也很有禮貌，所以也沒有什麼要求了，值得支持的小店

今晚突然好想食中式酸酸甜甜既炸醬麵，係元朗附近見到呢間粉麵店坐滿晒人心諗“應該都幾好食掛”就入左去試下～粉麵店黎講裝修算唔錯，坐得舒服👍我叫左個炸醬撈粗，朋友叫左三寶河，加左碟細蠔油芥蘭苗同一杯豆漿 (唔知點解杯豆漿只係一蚊🤔)炸醬麵送既湯幾香唐芹同香蔥味，不過湯底幾重味精，一般般炸醬麵賣相唔太吸引，醬汁味道正常但太稠而且太少，完全唔夠撈啲麵。。👎肉絲都唔多，有一半其實都係榨菜黎。。。。而肉絲口感就唔韌既朋友話牛筋唔會太淋有少少咬口，牛腩都算淋，味道正常芥蘭爽脆無澀味👍豆漿唔太甜但都無乜豆香味 (加一蚊就算啦😂)總括試一次便可，因為對我一心黎食既果個炸醬麵都有點失望🙈

元朗雞地新寶牛雜以有一年多吧每星期都幫襯1次水準都保持到牛雜用新鮮雜的牛腩就算可以一,味道比得住嘉園但價格比其他店相宜套餐40元包油菜及凍飲,店舖坐位較小環境衛生都可以員工服務都很好希望元朗多一些這樣的良心食肆！

前日去元朗諗住食間好出名嘅台灣店，點知去到話得返外賣🥡，唯有留返下次先食啦......左望右望見到打對面有間粉麵舖，$40就有麵、菜同飲品😨於是狗衝入去醫肚！#牛雜米配油菜 $40 7/10————————————呢個係朋友食，而我就試咗牛肚加米粉，牛雜足料。牛肚都幾大嚿又爽口，不過米粉就完全無味，有啲失望🤷🏻‍♀️#魚蛋麵配通菜 $40 7.5/10————————————成碗麵共有3粒白魚蛋同3片魚片，值得一讚係魚蛋同魚片都非常彈牙👍🏻😍只可惜個麵同平時食開嘅生麵唔同，呢個似係蝦籽麵嘅質感，唔夠彈亦無任何梘水味，而我個人係比較鍾意食梘水麵😆菜方面，雖然而家唔係通菜季節，但我竟然覺得通菜比生菜更好食，可能係腐乳作怪？😛題外話，店內有個疑似係太子爺嘅男仔見我拎部相機喺到影相，就係咁同我傾攝影同相機，明明係第一次幫襯，但感覺好似熟客咁😂

之前有次ot到成夜晚1點幾先返屋企，行過雞地諗住睇下有咩飽肚嘅野食，就比我發堀到呢間牛腩麵！平時雞地咁多食肆都冇乜留意有咩新餐廳，食完呢間一次之後，就即刻變左我宵夜之選😋最鐘意佢個牛腩麵，加脆卜卜魚皮😍每次去都差唔多咁叫，有時會加碟菜～牛腩都算係我喺元朗食過咁多間牛腩麵店入邊最入味👍🏻肥瘦均勻，又唔會韌，真係好唔錯！之前都試過口痕叫淨魚蛋同魚片，都好好食，爽滑彈牙同一般粉佔多嘅魚蛋唔同～推薦推薦！

一向附近三間粉麵店，新寶是我的首選，特別是牛雜很不錯，無耐今天之後決定告別了。事原今天點了一碗 牛腩米線，一碗大約有六件牛腩，但其中有三件的70%是脂肪把我嚇了一跳，當然明白，牛腩有小部分脂肪是常事，但70%未免太嚴重，肥到這程度真的不能入口，於是禮貌向店員反映，請店員可否更換掉太過份的那幾塊，但是，我見廚師將上面的牛腩全部夾起丟掉，給了全部新的。麵再送到我的桌上，聽見廚師口中喃喃說到：「可以當然是可以，但個個好似你咁就死得...」。我想，如果廚房連這麼高比例脂肪的牛腩都可以毫不猶豫送上給客人，把這樣的出品給客人，店家是因你才是好快死得，客人吃得多也是真正好快死得。（雖然牛腩已換，但此仍然是食之無味，同時自己也決定將此店列入黑名單。）以上內容全部屬實，可恨沒有拍照，因為深知小店難做，本人甚少給劣評，出品偶有失蹄在所難免，劣作我甚少留影，反映後改善了便算，想不到廚房認為如此出品乃理所當然，作為常客的我，在此表示深感失望。

一個人唔知食咩好 最好梗係食呢啲香港快餐本身諗住食雙拼 但係要加8蚊又覺得唔係好抵所以我叫左碗墨丸麵 加8蚊要碟菜墨丸入面有啲爽既野 口感似馬蹄 我就麻麻地面就幾好食既 爽口通菜配腐乳一流 好味

某次行過門口香噴噴，終有機會一試，點了牛什河及牛腩河本來心想有香濃腩汁陪襯，當麵上枱時，發覺大失所望，沒有腩汁。不過喝一口湯，竟有意外驚喜，清湯味，鹹度適中，無味精，啖啖麵都用一匙湯送入口，吃完完全不覺得鹹和口喝，牛什更有驚喜，不是街邊牛什的貨式，沒有濃汁醃製，但有該內臟應有的味，可見是新鮮及煮的方法很好，沒有搶去其原味。牛什包括牛腸，牛膶，牛肚等牛腩河湯底跟牛什河一樣，牛腩亦跟牛什類同，沒有濃的調味，但有牛腩本身的味道及鮮味，肉質嫰但不會過淋。至於河粉則普普通通