新奇香冰室

營業中

休息中

我是一個不愛在外吃通粉的。但奇香冰室（現在叫新奇香）改變了我。很久很久以前，朋友帶我吃過後，從此便愛上他！以前是一對老夫婦經營的，後來以經交給明哥接手。現在更有下一代幫忙。希望味道一定要延續下去！我最愛食雞牛通粉（$27+$7）😋😋😋，另外便是牛肉燴意加蛋加芝士😋😋😋！個茶走也是茶味香而不甜 （$16）恰到好處！越正！ps 有時候仲可能見到d 明星嚟光顧添！🤩

我幫襯了這間冰室已經有廿多年，我非常喜愛他們出品的港式燴意粉，特別是那道蕃茄牛肉燴意粉加太陽蛋加香腸，再配以熱奶茶一杯，確是一件樂事！意粉是即叫即炒，充滿港式風味，其餘如蛋牛治，西多士也是我的至愛。此外，我亦鐘愛這裡的湯意粉，無論是配雞絲或牛肉，都非常美味！飲品方面，港式奶茶香濃，鴛鴦和紅豆冰都是我的最愛。從前曾住在附近，經常駕車停在勝利道，吃一個美味早餐，然後再開車上班，實在是一件美好回憶！廿多年過去，這條勝利道多了很多新樓宇及新店鋪，唯獨新奇香依舊經營，我一有時間便會過去幫襯享受美味食品，順道感受一下昔日的情懷！

早餐周围都有得食，各种各样嘅早餐也有，西式中式亦有，而今次家姐就带我去食一间舊式餐厅早餐🤣雖然第一次去但原来有好多街坊去的！早餐只得A 或B, 而我叫左A餐…… 送上时一吃就知是即叫即做🍜熱辣辣好好味！

勝利道的餐廳充滿住我嘅中學回憶 德國熱狗 勝利小廚海南雞飯 仲有我最愛嘅奇香冰室燴意粉🍝 好幾年無去 佢都只係加左一兩蚊 親民價而且充滿舊式冰室嘅情懷✨我每次必叫三寶 (雞絲 蛋絲 火腿絲) / 牛肉燴意粉加煎蛋同芝士🥳 燴通粉都好好食而且喺其他地方比較難搵到意粉掛滿酸酸甜甜嘅茄汁 好開胃調配得啱啱好 加埋蛋汁同芝士十分之滿足呢☺️P.S. 鍾意食辣嘅就一定要加佢嘅辣椒醬

幾年前嚟過呢間奇香冰室，一直都印象深刻，唔係話啲嘢食特別好食，而係好鍾意呢種舊式冰室嘅情懷😛記得之前係食燴意粉😘今日一早嚟到試吓佢哋嘅早餐先☺️同店員傾傾吓計先知原來燴意粉係全日都有得嗌架😍我嗌左個早餐A💕即係三寶通粉，火腿三文治🥪，奶茶少奶😘😘三寶即係火腿絲雞蛋絲同雞肉絲，看似普通嘅材料，但食落又唔係甘簡單嘅味道，配上淡淡嘅湯底，看着店內全是老街坊的對話，吃的就是那份親切感😊奶茶相當出色，溫度掌握絕對係水準之作，小奶突顯奶茶嘅茶底😘😘另外在帶咗牛肉奄列😊😊😊牛肉係用新鮮牛肉，配埋濃濃胡椒粉味道，再用蛋皮包住，雖然唔係話好出色嘅炒蛋，但係牛肉卻為此加上不少分數👍🏻👍🏻👍🏻

細細個住亞皆老街，阿爸阿媽已經成日帶我黎呢間冰室食晏。而家到我有男朋友，我都想佢認識下我以前住嘅小區，順便帶佢黎試吓呢度馳名嘅繪意粉。我同佢都比較貪心，知道呢度嘅繪意粉可以雙拼同三拼，佢通常就嗌餐肉🐔絲加煎蛋，而我就會叫火腿🐮繪意粉。呢度嘅味道係其他地方搵唔到，就算你加幾多個餸成件事都好夾。如果未夠飽不妨加件占奶油多🤤另外佢杯熱奶茶茶底都夠濃。所以我基本上一個月都至少會黎一次。如果你想搵一間懷舊既冰室而味道又有保證就一定要試吓新奇香冰室。包你讚不絕口!

這間冰室中學時代周不時都會黎食lunch，因為這裡價錢不算很貴，味道也不錯!冰室不是很大，裝修都比較舊式。從前點餐大大聲叫出想食的食物便可，現在都可以不用，有店員幫忙落單!雞絲燴意粉，茄汁味道十足，除了有雞絲，還有蕃茄肉和青豆一齊炒，份量都幾多，酸酸地幾開胃!牛肉燴意粉，牛肉比較韌，但是好有牛肉味，一樣也是有蕃茄肉和青豆，味道惹味!西多士，炸得剛剛好，唔會過火，也不會太油!厚薄適中，西多士內有花生醬，再配上蜜糖和牛油，十分美味!蛋牛三文治(烘底)，這裡的牛肉不是鹹牛肉，是鮮牛肉，炒蛋嫩滑，牛肉味濃，牛肉和蛋比例平均，口感十足!檸樂煲薑，由於有少許唔舒服，所以點了這杯飲品，飲落甜甜酸酸，還帶有薑的辣味，令喉嚨十分舒服。紅豆冰，非常大杯，而且紅豆份量很多，紅豆亦很大粒，豆味濃郁!這個中學時代的回憶真的不得了，有機會一定會再回來品嚐!

明明企咗喺門口等位 一直無理我不特至 仲一見到4位熟客就叫佢哋入去剛剛吉咗嗰張卡位 人哋都問有人排緊隊喎 嗰個收銀都係當我透明😡 仍然望住嗰4個客咁我祝你好運 睇吓你咁嘅食物質素會有幾多熟客！

原來成功將自己心水推介俾人會好開心㗎😅事緣依間罕有嘅燴通粉冰室係我推介俾我前同事既，到我依家離開咗舊公司佢偶爾去開training都會去食，仲會cap張圖俾我睇吓羨慕吓。事實上我而家去到嘅機會都真係比較少，新公司返工又唔係響附近，佢又唔會開到好夜，正常放工都未必趕得切去食！我見依家好多懷舊冰室都相繼結業，希望呢間能夠堅持住啦，我會繼續撐你㗎！附圖就係朋友send俾我，佢自己一個人食咁多野😅😅！

呢間絕對係我地最愛既飯堂 基本上每次出旺角就會食佢 必叫燴意———————————@牛肉燴意 $34牛肉感覺係用上新鮮牛肉 不是軟滑的牛肉 但吃得到濃郁的牛肉味 每條意粉都被茄汁包住 惹味香濃———————————@三寶燴意 $34同樣係燴意 但因為用料不同 兩種燴意既味道係唔同 相對地 牛肉燴意係比較酸甜 三寶燴意可能因為材料比較多 所以中和左啲茄汁酸甜程度 會無咁多汁味道無咁濃郁 但味道都十分好 係剛剛好既味道 可以視乎你鐘意咩程度既濃味去揀喜歡吃辣既朋友一定要試下加佢地既辣椒油 好好味 不過只建議加落三寶燴意或其他湯粉中 因為牛肉燴意本身太濃郁 同辣油味唔夾————————————@西多 紅豆冰 $18 + $20兩樣只係不過不失 就係隨便一間都食到既味 順帶一提 佢係沒有花生醬/好少好少(不敢確定) 個種西多黎 反正就係吃不出有花生醬味吧 所以可試可不試 但好多人叫佢地既奶油豬 我未試過 喜歡既朋友可以試下

之前見報導介紹，所以今日專登山長水遠黎試燴意粉，入到去等左好耐都冇人過黎執枱，叫左一次個老闆娘就話等陣，等了又等，又再等多一陣，佢有望過我張枱，但冇過黎執枱的衝動，因為佢只顧招呼熟客，全部熟客都叫哂野食，當我透明咁，遲遲先黎執我張枱，我叫凍檸茶少冰，佢就同廚房講就凍檸茶就算，我提一提佢少冰喎，佢話得啦，我仲留意到隔離枱都係咁，其實講多句少冰有幾難？真心燴意粉係好食，但咁嘅態度你下次請我食都唔想食！生客熟客都係客，使唔使呀？

由細食到大的奇香冰室，換了新名叫新奇香冰室好耐無嚟過了，今早突然心血來潮嚟食個早餐。 但好似有好多人都話冇以前咁好食。叫咗A餐轉多士， 份量依舊衣然一模一樣， 多士同正常出麵茶餐廳的麵包及牛油，但因為新鮮烘底出嚟所以滋味無窮。三寶通粉有: 火腿，雞絲及雞蛋絲，通粉衣言美味，通粉不是淋滋滋 還好延身，通粉的湯依然保持著水準，但每次都要加適量的鹽。 在加上熱華田完成這早餐。下次再來試試他們的牛肉會意是否保持兒時的水準先。

週日要幫忙做義工，事前先到附近的茶記吃飽飽。「新奇香冰室」在勝利道，是典型的港式茶記，店內地方不大，座處有點擠迫。平日在茶記吃早餐，通常都有 ABCDE 餐，但這兒只做兩款。既然如此，小編最後散點了一客「奶油豬」及一杯「熱奶茶」，好友則要了一碗「牛肉湯通粉」。 「奶油豬」的重點在其熱辣香脆的口感，這方面的評價中等。 淺嚐了數口「牛肉湯通粉」，很有家的感覺。牛肉質感鬆軟，但又不會毫無味道。通粉外滑內彈，是討好的無坑經典款式。至於湯底，不用投放太多調味，單是牛肉本身已能滲入足夠的味道。「熱奶茶」茶重奶輕，質感薄身，好友欣賞，小編則喜愛奶香重一點的做法。「新奇香冰室」不論人與物皆予小編一種舊式茶記的感覺，並有一點家的味道，可以試試。

今日出左旺角，餓到暈，未落車已經搵定附近有咩食醫肚。睇人地d相，奇香冰室d意粉炒得好靚，又勁多茄汁，蕃茄控既我又點會錯過，一落車就去食，點知去到個地址，原來依家叫做新奇香冰室，位唔多得10個位度，不過d人都係食完就走，好快有位。牛肉燴意粉: $34呢個係我target 必叫的，食落係我鍾意食個種茄汁，酸酸地似係有用新鮮茄汁做出黎，意粉偏軟身，索晒d茄汁，所以好夠味。同女朋友share 一碟唔係好夠喉，後來聽到其他枱叫意粉，又叫加底，又叫加蛋、加芝士，明晒！下次我識點叫。公司三文治: $30因為呢間餐廳未食過，怕叫晒兩個意粉有伏，所以我地叫左一個燴意粉，一個公司三文治。睇落好似平常食既公司治，但個靈魂原來係塊酸瓜度，所有野一齊食，酸酸甜甜好夾好好食。餐牌食物種類唔多，但原來有好多野可以加。要熟客仔先知。好好味，只係有d唔夠喉，下次食意粉一定要加底。

聽勝利道必然記起嘅～一定係寵物店，寵物醫院。依條街有幾間歷史悠久嘅食店「新奇香冰室」就係其中一間，冇錯！仲係叫冰室，鋪頭細細間，只有數個人在工作，坐位比較逼夾。選擇不多...燴意粉，劃一收費，貪心既我就要左三寶燴意粉、有齊雞絲、火腿絲同蛋絲。意粉不會太軟，岩岩好，每條意粉都佈滿番茄醬，越食越開胃。每碟都會有雜豆，好似我唔鐘意食雜豆就記得走豆喇推薦大家加芝士同蛋，真係錦上添花見到E先生加左蛋，我好後悔冇加，煎到岩岩好，蛋醬、芝士、茄醬麵，原來可以甘夾。野食二～三十蚊，價錢好抵食🙈