新墟咖啡

EMI搬左去大西北都好幾年, 呢間由搬入黎bookmark左到最近終於有機會去了! 呢度環境好chill, D野好好食, 仲係pet friendly嘅添!佢地收6pm, 我地去到已經4pm了, 有部份野食都已經冇左, 今次主食就叫左個新墟All Day同埋No.1還原豬柳強Pancake配邪惡芝士脆薯格~all day breakfast有佢地自家製嘅sour dough, 好軟熟! 至於個還原豬柳強Pancake呢, 冇記錯佢地早係香港mcdonald未有mcgriddle都已經出左呢個pancake, 有對比下我覺得佢仲好食過mcdonald, 佢冇咁甜而且香軟好多!! 🥞咖啡我地就叫左花生奶蓋鮮奶咖啡同埋手工焦糖脆脆凍鮮奶咖啡, 花生奶蓋都比我想像中濃, 都幾唔錯~☕今次MVP一定係特濃開心果煉奶西多, 佢完全做到港式西多嘅feel, 只係入面花生醬轉左做開心果醬, 除左夾心之外面頭都仲有一層醬, 食落好濃郁好香果仁味又唔會死甜, 配搭埋vanilla雪糕完全係綿上添花, 大推🤌…查看更多

剛去完屯院抽血要搵食，近虹橋嗰邊，去有特色嘅小店食個早餐、嘆杯咖啡先。原塊魚柳Bell Pancake配邪惡芝士脆薯，熱辣辣，好香，魚柳脆脆，有沙律醬，芝士，配上班戟，鹹甜加上脆口，多重口感，現炸的薯格加上芝士醬的鹹香呀。Dirty咖啡苦中帶奶香，唔落糖都覺得好飲，這店會有二刷的可能。…查看更多

繼續發掘屯元天既cafe今日入左屯門 #新墟站 搵食又係叫左我最愛既All day breakfast 同埋Dirty🥰呢個All day真係極極極豐盛，除左有牛排之外仲有煙鴨胸、三文魚、牛角窩夫、薯餅等等…每樣野份量都好足又好食。@fathung423 揀左最出名既豬柳強，切開隻蛋係半熟架，配埋芝士薯格真係好邪惡呀！#cafe #dirty #latte #alldaybreakfast #屯門 #新墟 #屯元天 #美食 #打卡 #新墟咖啡 …查看更多

屯門人都搵日去試一下，下午3點去到已經得返芝士蛋糕，唔食芝士就完全無野食，主要是男女職員都是年輕及態度自己想像，希望他們自己是老闆，生意賺蝕多少他們可以自行負責。…查看更多

Hidden in the alleyways of Sun Hui Village, Tuen Mun, Sun Hui Cafe may call itself a coffee shop, but its diverse food and drinks make it so much more. 隱身於屯門新墟村，新墟咖啡雖然叫「咖啡店」，但餐飲款式多元又有驚喜。🍳 SUN HUI ALL DAY | 新墟 ALL DAY This signature platter is full of flavor and balance. Duck breast, smoked salmon, Nürnberger sausage, sunny-side-up egg, mushrooms, greens, and toasted sourdough — each element plays its part beautifully. The greens cut through the richness of the meats, and the sourdough toast adds a satisfying crunch.呢份拼盤真係好足料：鴨胸、煙三文魚、紐倫香腸、太陽蛋、蘑菇、沙律菜同微煎酸種麵包，全部都煎得啱啱好。肉類油香配上蔬菜嘅清新感，整體味道好有層次。🥞 Pork Patty & Egg Pancake Burger with Cheesy Hash Grid Fries | 豬柳蛋班戟漢堡配薯格 A nostalgic yet upgraded take on the McGriddle. The pancake buns are softer and less sweet, pairing brilliantly with the savory pork patty and melty cheese. The hash grid fries are crispy and drenched in cheese sauce — absolutely indulgent.好有 McGriddle 既影子，但係好明顯升呢咗！班戟冇咁甜，夾住鹹香豬柳同芝士好夾。薯格超香脆，加上芝士醬真係好邪惡，食完仲想再叫！🥗 Signature Steak & Avocado Salad | 招牌牛排牛油果沙律 Fresh, hearty, and keto-friendly. The seared steak is tender, the avocado creamy, and the salad greens crisp — ideal for anyone into clean eating, gym gains, or just feeling light yet satisfied.沙律夠新鮮又唔單調。牛排煎得好香唔乾，牛油果滑又正，加埋爽口沙律菜，好啱做 gym 或者食 keto 嘅朋友！食得清清地，但又夠飽。☕ LatteA smooth and rich latte topped with beautiful art. It’s those little details — the crema, the presentation — that make me want to revisit again.咖啡味濃順滑，拉花精緻，飲落口感超好。呢啲小細節就係我會再返嚟的原因 🫶。🐾 Pet-friendly & 🥦vegetarian-friendly 毛孩＆素食友善Sun Hui Cafe is both pet-friendly and vegetarian-friendly — a rare combo that makes it stand out in Tuen Mun’s café scene. You can bring your furry friend along for a relaxed afternoon, and vegetarians will love the all-day options like the Green All Day Breakfast. Their coffee also has the option to upgrade to oat milk (add-on), making it a welcoming spot for every kind of eater.呢間 café 毛孩同素食人士都啱晒！🐶 可以帶毛孩一齊嚟慢活下午；素食選擇亦好齊，例如 Green All Day Breakfast，仲可以加錢轉做燕麥奶 ☕，無論你係食清啲、唔食肉、乳製品敏感都照顧到，真係好貼心 🙌。…查看更多

下午茶時段見人少少唔使排隊即刻入去試吓，叫咗iced coffee tonic，好大杯，分層做得都唔錯，咖啡豆偏酸，同tonic好夾，唔錯唔錯，性價比高。Cafe環境頗有特色，可見店主放咗好多心思去粉飾間cafe，慢慢坐都幾舒服，店員亦好friendly。值得一讚係呢間cafe係pet friendly，今日都有幾台客帶咗佢哋啲貓貓狗狗去嘆下午茶，適合有貓狗人士帶同寵物一齊去，值得再幫襯試吓其他嘢食 👍🏻…查看更多

The cafe is quite hidden, though convenient, by light rail it’s just 1 min walk from the Sun Hui station. The QR menu is only in Chinese even when you select the English. The staff are not friendly, no smiles. The cutleries were somewhat dirty, not washed properly.The pancake patty burgers do taste like McGriddles, except it’s a little dry (at least for my order), and the pancakes weren’t that soft. I would still got back to give it another try.The CrissCut Fries were good with cheese while it’s hot, once it cooled down, the texture changed, became chewy and little hard. The Pistachio Chocolate drink was ok, I didn’t really taste much of the pistachio The Pistachio French Toast was delicious! Good balance of Pistachio and Vanilla Ice Cream.…查看更多

屯門復古咖啡小店香辣炸雞牛油果Pancake配邪惡芝士脆薯格 $88估唔到Pancake夾埋炸雞呢個配搭咁好食！香辣炸雞外脆內嫩，與柔軟的牛油果Pancake相結合，口感層次豐富。薯格都脆卜卜，加上芝士醬，真係勁正，讓人一口接一口。真。特濃開心果煉奶X港式西多X雪糕 $88畫面好澎湃嘅開心果醬！西多外層香脆，裡面充滿滑順的開心果醬，搭配雪糕口感絕配，真係一試成主顧，讓人回味無窮。開心果奶蓋朱古力燕麥奶凍 $52口感滑順，開心果奶蓋更添風味，甜而不膩，適合喜歡健康甜品的朋友。意大利朱古力 $36濃郁香滑，巧克力控必試！性價比其實唔算高，不過入嚟坐下打吓卡影相都OK，環境復古舒適，非常適合約朋友聚會或小憩。新墟咖啡 (屯門)屯門新墟徑新墟村2台33號地舖…查看更多

第一次嚟依到 有種遠離繁囂嘅感覺依到嘅擺設都好有心思香辣炸雞牛油果pancake $88配邪惡芝士脆薯格所有配料都係有厚度 食起上嚟有啲狼狽😂炸雞好嫩滑ho juicy!!! 仲辣辣哋 幾惹味Pancake有點甜 加埋炸雞 好夾好好食薯格熱辣辣脆卜卜 配埋芝士醬 咁樣邊有得輸🥹真。特濃開心果煉奶 x 港式西多 x 雪糕 $88oh wow 好澎湃嘅開心果醬 西多嘅外層好香脆入面仲有好多開心果醬成件事好。開心果再加埋一大球雪糕 係滿足🦦開心果奶蓋朱古力燕麥奶 $52凍意大利朱古力 $36正常發揮啦chilled chilled哋坐吓 都幾寫意…查看更多

同朋友都一齊被推薦食呢間Cafe，因為嗰陣佢出咗屯門版McGriddles😋對於McGriddles愛好者嚟講，當然要試試🤩🪴環境餐廳環境好乾淨，周圍都有擺放植物🌱木枱，木櫈配上度假風吊燈，令人感覺好舒服😌好鍾意呢種休閒風設計🤎陽光曬入嚟嘅時候影相好靚🥹☀️當時係萬聖節時段，餐廳擺放咗好多南瓜擺設去營造氣氛🎃仲有戴咗南瓜頭套嘅Usagi🐰🧡不過餐廳想容納更多客人，枱同枱之間比較逼夾💁🏻‍♀️🍴食物🥞No.1 神還原豬柳強 ($88)屯門版McGriddles😻不過size比起想像中細🤏🏼Pancake底做到鬆軟嘅口感🥞楓糖比起原版嘅McGriddles落得少，所以無咁甜👍🏼漢堡扒保留到肉汁❤️煎蛋香口得嚟仲有少少流心🍳隔離嘅薯格炸得好香脆🥔芝士醬非常非常濃郁！🧀🐣慢煮雞胸 All Day ($128)雞胸非常之嫩滑😭蛋沙律嘅調味做得啱啱好🥚串茄好Fresh又唔酸🍅而沙律菜嘅黑醋醬汁就落得多咗少少🤏🏼大啡菇有汁，如果溶一溶個芝士會更好🫶🏼🫕煙肉略嫌有少少乾🤏🏼不過都OK！💚全日青BB ($88)全部材料都好新鮮，好Fresh！🫶🏼🍰雙層開心果軟心巴斯克 ($58)非常之濃郁嘅開心果味！同埋巴斯克蛋糕味！無諗過佢味道咁濃😱口感好順滑，一啲都唔乾！點埋側邊嘅焦糖醬同埋cream，簡直就係一流嘅享受❤️😌🥛飲品🤎特濃意大利朱古力 ($32)香濃嘅朱古力味，入口順滑，甜度適中👍🏼🍫🍵小山園抹茶鮮奶 ($46)淡淡茶香，同鮮奶完美融合，好飲👏🏼🌿服務由於係掃QR Code形式落單，服務員送餐上枱🍽️自取餐具同水💧食完去櫃檯付款💵，所以無咩服務可言🤣安排入座，落單，付款過程流暢👌🏼✨推薦分數 : 9.5 / 10…查看更多

十年唔黎一次屯門 今次試左新墟咖啡 環境舒適都坐得幾舒服同埋好chill 好天仲有陽光照入去 ⛅️-1. No.1 神還原豬柳強 ($88)同McGriddles 差唔多嘅嘢 整體認為俾 McGriddles 好食啲 (價錢方面就偏貴💰)個pancake底整得唔錯 口感鬆軟 食完又唔會話好濟 size 就比較細少少 (但係加埋薯格一齊都好夠飽) -2. pancake 系列配牛油果芝士太陽蛋 ($88)相對上冇咁夾 因為有芝士🧀同埋pancake 🥞 一掀一甜 仲有啲牛油果係中間 味覺有少少衝突😂 但係隻蛋🥚流心都做得好靚～-3. 蜜糖檸檬🍋(熱) 4. 開心果奶蓋朱古力燕麥奶 (凍) 奶蓋好厚身 份量都多 飲落開心果味重😋-❌加一推薦指數: 🦐🦐🦐🦐性價比指數: 🦐🦐🦐.5…查看更多

第一次幫襯新墟咖啡，場內嘅環境非常舒適，又乾淨，會有一種令人想坐多一陣嘅感覺。食物選擇嘅種類都好多，詳情你哋自己去睇Menu，今次揀咗前排大熱嘅熱香餅豬柳蛋，再加一杯開心果奶蓋朱古力燕麥奶，成個set都非常好食，個熱香餅包比香港Mc個個好食十萬倍！另外再要大讚一下杯野飲，開心果勁香濃同滑，真係要推介一下成個餐比大家（埋單好似係$130），真心要一試，場內既餐具，水，調味料都係自助，人流都幾多下，去食前可以打去問下有無位…查看更多

雖然位置有啲偏遠，但木系原素Cafe，使用大量玻璃透光，好開揚好好光線；而且位置都幾闊落，好多打卡位值得一去熱香餅漢堡配芝士薯格完美還原連鎖快餐店的豬柳蛋，而且更好食😋，芝士好濃，薯格新鮮炸起好脆，食完一個都覺得唔夠。黑松露蘑菇S忌廉意粉Creamy加上好多黑松露，但唔會好漏！意粉煮得軟硬適中！花生奶蓋latte 好特別！花生醬做了厚奶蓋，聞落好重花生味！攪拌飲落仲有粒粒花生，口感特別；而家賣相OK，做出漸層效果！…查看更多

朋友想食返落咗架嘅熱香餅漢堡，而得知屯門嘅新墟咖啡有，就走去食啦，順便去chill下慢活一下。餐廳係一間小店，需用QR code落單並自助形式的取餐具，餐廳環境舒適悠閒，讓人感放鬆熱香餅漢堡配芝士薯格熱香餅漢堡內包含炸雞和牛油果，炸雞外層香脆，肉質鮮嫩多汁，略帶微辣，讓人非常開胃。另外內裏的牛油果清新爽口，配搭甜味的熱香餅，形成了複雜嘅口感，非常有創意。配菜的芝士薯格非常香脆，芝士醬亦非常濃郁。粒粒意大利煙腩肉卡邦尼意粉卡邦尼意粉掛滿蛋汁，非常入味，煙腩肉炒至焦香，提升整道菜嘅香氣，而且煙腩肉份量十足，但整體味道稍微有點淡花生奶蓋latteLatte上的奶蓋有花生碎，非常有咬口及口感，奶蓋亦非常Creamy入口細膩，先是咖啡嘅苦澀味，後來又帶出花生嘅香甜，層次分明令人驚喜…查看更多

位置於新墟村村口嘅一間小店，帶有標誌性嘅綠色外牆。成個氛圍都好chill、好寫意。炸雞牛油果Pancake配芝士薯格 ($88)Pancake鬆軟，幾香牛油味。味道主要嚟自舊炸雞，辣辣哋、炸得好香口。成件事口感好豐富，有脆辣混搭香腍再加埋牛油果，好惹味。芝士薯格更加出色，芝士咸香味好突出。開心果奶蓋椰青水 (凍, $46)上層奶蓋綿密香滑，開心果味自然、突出。配椰青水，清清哋之餘又唔會太heavy。…查看更多