新城餐廳

營業中

休息中

早上，落左呢間新城食早餐。餐牌唔同哂，D野食都多左，又有越南野，又有泰國野。我叫左個奄列餐，好多蛋醬流出來叫了個香矛雞扒同公仔面。雞扒雖然好食，但好细塊。。。。面好似少個以前，唔飽

呢間野幫襯左成4~5年，水吧個四眼仔坐鎮既時，炒蛋同炸豬排就係"賣飛佛"，未加價前既特餐，俺列，豬排米沙嗲汁加杯熱奶茶真係打低好多茶仔記。不過今日唔知轉左老細定咩事，我隊左個垃圾級既早餐;首先落單前見到個餐轉曬，嘩正，有新野食，叫左個方包，奄列，沙嗲牛面跟0T(熱檸檬茶)。野食上枱次序係，沙嗲牛面，方包奄列，0T……識食既你見到個次序都知出事，沙牛面，個面低發定曬，有人叫就加湯加沙嗲牛即出，你試過即食面發到意粉咁大條嗎，一入口成pat野咁，食左兩啖成碗唔要，沙嗲牛方面份量雖然小左但係ok無問題(註一)。算，開開心心食個奄列，奄列同炒蛋一直都係我good morning既開始，早餐有隻蛋，全日都好有energy咁，今日個奄列…個奄列…個奄列未熟架，佢唔係有蛋汁果種，佢係未熟啊，D油仲多到反光，油浸奄列啊大佬!啊唔係，係D油同蛋既溶液放上碟，再用蛋皮包住D火腿，之前我會用方包夾半份奄列，再直接食半份奄列，今日一夾入方包，滴水啊大佬點食啊，但係又收成33蚊，我當飲滾水蛋算。好在杯0T都仲係鐵杯同夠滾，個口先無咁大陣蛋腥味。始終幫襯左咁耐，都唔想俾負評，不過真係太失望啦。註一:臨走見到對面果炸

最終去完新加坡避世返來,都係找唔到答案,又返來面對生活,突然好想食個簡單快餐,就是但入一餐,叫左個西班牙鴛鴦扒餐,我就唔覺得似西班牙,最多叫茄汁雞扒朱扒飯,汁多,飯都ok,朱扒明顯急凍,雞扒尚可,送例湯,飲品,例湯似加過多次水,冇味,凍茶就正常,總結快餐我都係麻麻,吃細半就算了..

這間餐廳由於是除酒樓外村中獨市, 所以這幾年也經常會幫襯作為沙田區屋村餐廳, 價錢從以前相宜, 變得越來越高, 普通一個午餐都接近四十.而且近年的食物越來越難吃, 連豆腐班腩煲的班腩也可以是腥的....這也算了, 原本也不想寫臭佢, 但最不堪的是連服務質素也差了很多, 沒禮貌, 連打個電話叫外賣, 問下價錢都話唔得閒計跟住被人掛線...真係好無奈...你忙我可以等下, 或者你講句"唔好意思唔得閒"都好...這間餐廳真是令我好失望...真希望村中有其他餐廳....

在新城已經幫襯了五年,由餐廳未轉手到家陣轉手都幾年了,每日都會帶女兒來吃早餐,下午茶,不用煮飯的時候,有時...晚餐也是這兒一手包辦,無它的,因為.....近,不用刻意開車出去食嘛~. 今晚冇煮飯,一家三口又落嚟食飯,我同囡囡叫了鴛鴦炒飯,好味又夠大碟,蝦又彈牙,足夠我同囡囡兩個人食. 而老公就叫了Set Dinner"魚柳珍寶腸配薯菜","魚柳炸得剛剛好,不會過燶",共$91蚊,但...,因為餐飲轉了汽水~所以,埋單$98蚊.