新城餐廳

營業中

休息中

希望老闆可以提醒一下接外賣電話既姐姐，注意一下態度，叫外賣好似得罪佢咁，呼呼喝喝，都對屋邨茶餐廳唔會有好高要求，但起碼吾好咁惡劣嘅態度對客人，睇到留言好多人都有相同嘅睇法，老闆應該應該正視一下吧

佢地啲人明知自己部電話收得唔好又唔換，成日叫人講野大聲啲，好心贊咁多錢就換過部電話啦，無論我無用自己部電話，定係用人地部電話，定係人地打電話過去，用平常講電話既聲量都係聽唔到架佢地，係都要講到好似嗌交咁樣呢間啲野食唔多好食係人都知架啦，但無計啦無第間可以揀我唔係針對所有接電話既姐姐，只係得一位係咁

美田邨只有呢間茶餐廳。真係唔休做。話說我叫外賣。叫左個楊州炒飯。點知送到黎係鹹魚雞粒炒飯。我即刻打電話同個丫姐講啦。丫姐仲屈返我轉頭。態度其差。最後我叫外賣姐送返落去鋪頭。我話唔要喇。所以我以後都唔會幫襯呢間野。幫襯你仲要受氣。貼錢買難受。

吃過午餐兩個鐘後，我們來到大圍的美田邨。一個遠離閙市，自成一角的公廿共屋邨，雖不多食市，食店的裝潢一般，但總算有一個地方坐下來,懷舊一下。我點了一個茶餐B, 西式扒餐。整體來說，豬扒口感不錯，不太韌，有肉汁，而個麵包是新鮮烘的，熱辣辣，加上一般熱檸水，消脂消膩，這個配搭，perfect.悠悠閒閒，到處吃喝玩樂，不枉此生。

希望新城餐廳的老闆會看到：其實自己一向好少寫食評， 但因為叫外賣時個呀姐既態度差到我要即刻登記成為open rice 會員去表達意見。 真係好似吾想做生意 又要重覆幾次， 講得快又會比拒鬧， 點解叫個外賣都要受人氣。。。 😫

唔知係咪因為成條美田邨得呢間茶記, 態度完全係唔休做,然後聽電話講外賣, 個阿姐仲要掛住個電話係度3分鐘先聽,中間不斷聽佢地之間係度傾計,  然後聽返電話就不斷話我講野細聲,又叫我要對住個電話, 大佬, 我唔對住個電話講野, 唔通對住個喇叭講野咩仲要同話返我轉頭, 講個外賣講成十幾分鐘, 耳聾就唔好聽外賣啦, 啲外賣員又奇怪, 送到黎比錢佢, 條友收左錢企係度唔找錢唔走,係度等我講比TIPS佢咁, 你既叫外賣果度差到咁, 你又咁遲先黎仲想我比TIPS? 唔好玩啦, 呢間野我大大話話都叫左10次左右我無話一次就唔比機會, 一次又一次咁樣真係好失望今次之後寧願去美林都唔會再去新城, 呢間野真係好差 又貴

每次叫佢地外賣都好辛苦好辛苦好辛苦，同一句說話要重複幾次...樓下得一間餐廳，唔係冇選擇真係唔會食你，改善下啲服務質素先啦，佢貴甲唔飽仲貴過灣仔的茶餐廳...我決定以後都唔叫!!!

本人認為聽外賣的某位接待員十分無禮貌，我無論用自己電話，朋友電話，屋企電話......佢都質疑我電話壞了，或者命令我講大聲啲佢聽吾到，又或者要求我換電話再打去！吾單止咁，因為屋企門鐘壞咗想要求拍門，我永遠講完地址立即Cut線，byebye都無句，之後啲阿姐上黎無人開門又鬧過！如果落下吾係得一間茶餐廳我肯定不會叫外賣！

打電話叫個外賣，重複左幾次都聽唔到不得之，仲要唔耐煩語氣差，簡直俾錢買難受，聽到都唔想食即刻取消。樓下得一間餐廳，唔係冇選擇真係唔會食你，改善下啲服務質素先啦，差！

今日叫咗份好唔惦嘅早餐，個五香肉丁通粉仲有罐頭汁未融架，求其成咁，都唔只第一次😤！呢間餐廳係屋邨唯一嘅餐廳，毎次叫外賣都好辛苦，一係叫到好似嗌交咁，一係上到嚟d食物少咗d，又或者變咗第二樣，聽外賣嘅姐姐永遠都係「你大聲d，好嘈，聽唔到」，又勁冇禮貌😤以為轉咗老闆，食物質素、服務質素會好d，唉，只係轉個殼有鬼用咩，錢就越收越貴（曾試過無端端計多$1、$2）都算，你都比返d似様d嘅質素嚟啦，唔該！

每次叫佢地外賣都好辛苦，同一句說話要重複幾次先聽得晒。仲要次次都唔講多謝/byebye就收線，非常無禮貌。我唔明白點我係客人比錢買都有禮貌過佢地。真係每次叫都一肚氣，如果唔係因爲佢近我屋企，都唔會幫襯。如果老闆見到呢個post, 麻煩處理一下。實在係忍左好多次。

有個星期日晚探完朋友的BB就來了樓下商場食飯, 原來個商場得一間酒樓和一間茶餐廳..間茶餐廳門口放滿易拉架banner貌似好多款式選擇, 就食佢啦! 這間茶餐廳是快餐店式付款點餐, 再返回座位等侍應送來的. 我在門外已經望見一個好吸引的"健康蕃茄之選"banner, 所以點了"蕃茄滑蛋濃湯米線配炸魚柳"! 約十分鐘左右, 我碗米線就送上了. 賣相幾討好, 湯底望落都幾濃, 有好多件蕃茄, 還灑了些香草碎在碗中間! 第一啖當然要試試湯底先啦, 飲落雖然唔係好濃稠, 但作為米線湯底的話這種質地已經合適了. 味道酸甜適中, 幾開胃. 入面份滑蛋都唔算細份, 但比我想像中煎得熟了點, 開頭我以為係大家樂早餐好滑嗰種, 不過我都幾喜歡煎蛋的口感.  隔了幾分鐘, 我的炸魚柳都送上了, 即炸熱辣辣, 幾香脆, 點埋沙津醬食都唔錯. 包埋熱飲要四十多元, 價錢都合理既, 不過如果價錢三十幾應該會吸引D.

呢間垃圾新城茶餐廳，做左咁多年轉左老闆啲外賣都係垃圾處理，雞比（雞比又黑又濃）竟然放埋入西多有糖漿的盒入面（應該分開紙袋），仲要西多變左型。奶茶又整濕左入面。唔明點解領匯到領展，仲有咁多人食。。外賣做到咁垃圾。當啲客係咩！

早兩日去呢間美田村茶餐廳同友人食晚飯, 睇份餐牌都好多選擇, 除了茶餐廳常見既野之外, 仲有打邊爐又有鐵板餐,  望望下仲見到竟然有越南嘢添! 最後叫左個越南飯餐, 任揀一個飯一個小食再跟飲品$60, 價錢經濟, 最後就叫了一碟香茅雞翼飯+越南春卷黎試下啦...喺完全冇期望之下有少少驚喜喎, 越南春卷食得出係即炸的, 皮薄又香脆, 入面餡料都好足, 可惜既係其中有兩條唔知點解特別鹹, 可能師傅落多咗鹽, 不過起碼新鮮炸出黎有誠意!另外一碟香茅雞翼飯都OK喎, 有4隻雞翼 份量都OK! 雞翼又係即炸熱辣辣, 幾夠香茅味, 加埋蔥油撈飯食, 正呀!飲品要左熱奶茶, 呢度既奶茶都幾好飲!服務方面, 茶記黎講呢度算相當不錯了, 地方都幾乾淨!

次次去到大圍,都等客多,又成三個鐘,佢放飯,今次又來到呢間先付後食的茶餐廳,今次叫了個客家鹽焗雞飯,其實即鹽水雞飯,有例湯送,今次例湯幾甜幾多料,係冬瓜豬骨湯,一碟雞配白飯,雞好滑,汁又夠味,幾開謂,可能佢中餐好過西餐,凍檸茶都唔錯,凍量適中