新嚐泰泰國餐廳

營業中

休息中

喜歡食泰國菜， 有朋友介紹灣仔呢間樓上舖味道真係唔錯泰式生蝦 新鮮生蝦配上特製醬汁，味道酸辣，蝦肉新鮮爽口彈牙推薦椰子雞湯除咗椰汁嘅香甜仲有南薑， 檸檬葉， 同香茅味雞肉都多而且好滑辣度剛好又無冬蔭功咁刺激飲落濃郁開胃小食拼盤 魚餅、蝦餃、春卷、肉丸生菜包＄138 嚟講非常抵食蝦餅肉質彈牙春卷香脆， 用咗素菜餡料手打魚餅肉質緊實， 咬落彈牙好味肉丸生菜粒，小小辣惹味好食芒果糯米飯 溫熱糯米飯配上多汁甜鮮的芒果配椰奶中和芒果嘅酸味糯米飯口感帶嚼勁所有菜式都食得令人滿意員工好NICE SERVICE好好

新開嘅上樓泰國菜，地點容易搵但喺樓下要撳鐘開門呢樣麻煩少少，但都好快應門，比較特別係開咗窗坐窗邊卡位有陣陣涼風吹入嚟，明明坐室內但有啲戶外嘅feel~ 😆😆🔘炸蝦餅 $82全晚最愛嘅菜式，蝦肉非常彈牙，點埋甜酸醬食好好味!! 🔘柚子蝦沙律 $108有四至五隻大蝦，柚子份量都幾多，個醬汁偏濃味唔太辣!! 🔘海南雞半隻 $98全部去咗骨，雞髀加雞胸部位，肉厚幾滑!! 🔘黃咖喱豬跟薄餅 $98咖喱可以揀配搭豬、雞、蔬菜或者海鮮，咁今次揀咗豬肉片，黃咖喱同港式咖喱感覺有啲似，個汁幾惹味，專登叫多咗白飯嚟點咖喱汁!! 🔘椰青 $48大大個椰青，味道清甜，兩個人share飲都冇問題~

因身體抱恙Christmas Eve不能外出同朋友晚飯🫣然後得知一間近期非常欣賞嘅泰國菜剛登陸外賣平台，立即行動。。order咗蟹肉omelette 同菜, omelette 👍🏼👍🏼🎄一人前可以好幸福😋

朋友介紹灣仔新開咗間隱世樓上泰國菜館，餐廳牆身畫上泰國風情嘅油畫，仲有木製裝飾擺設噴靚咖哩雞配薄餅 💰9️⃣8️⃣呢款口味嘅咖哩第一次食，顏色似黃紅咖哩混合版，入口先品嚐到香辣味較突出，但又唔會蓋過咖哩嘅椰香味，配上酥化薄餅好滿足😍小食拼盤 💰1️⃣3️⃣8️⃣包括有蝦餅、魚餅、春卷同肉丸生菜包蝦餅蝦肉彈牙，炸得香脆春卷嘅素菜餡料，有好多粉絲，有口感手打魚餅好彈牙，有驚喜肉丸生菜粒，微微香辣夠惹味脆炸盲鰽配青芒絲,辣椒魚露 💰1️⃣8️⃣8️⃣係一款手工菜比較少有，上菜就已經覺得好有氣勢，魚片脆炸好香口，配魚露更加鮮味，夾雜青芒絲食有好清新嘅感覺凍青檸可樂 💰3️⃣0️⃣椰汁冰 💰4️⃣0️⃣🎈新嚐泰泰國餐廳🎈灣仔石水渠街10-12號匯富閣1樓

隱世樓上《新嚐泰》今晚同好姊妹試新餐廳，估唔到有驚喜，樓下等搭lift有d似住宅既私房菜，一入餐廳，牆上有壁畫，裝修幾有特色，亦播梗泰式歌，加埋燈光氣氛，真係覺得好似去左泰國咁，Menu唔算貴，而且好多選擇，主廚係正宗泰國人主理好吸引，每碟食物份量都好多，絕對物有所價，我地2個人，叫左勁多野食XD，馬拉盞炒通菜 $78：可以揀通菜，芥蘭或者椰苗的。我地揀咗通菜，辣辣地好惹味，不過越食越辣，柚子蝦沙律 $108：沙律入有4-5隻蝦，肉質爽口，柚子帶點清新，而且唔酸，當中混合左泰式酸辣汁，花生、蝦米及各樣配菜等等，非常醒胃，成個柚子蝦沙律既味道配搭好豐富，令人想食完一啖再一啖，好岩食，酸酸甜甜十分開胃，泰式燒豬頸肉 $98：份最多，每片都薄薄一片，加上酸辣醬，味道非常夾，小食拼盤 (魚餅、蝦餃、春卷、肉丸生菜包) $138：呢個拼盤真係超級多，份量係夠4個人食XD，魚餅好香泰國香料味，蝦餅炸得外脆內軟，春卷都炸得唔油，肉丸生菜包就好爽口，不過真心有小小辣，串燒沙嗲六串 $88：我地揀左雞肉，每串都好大串，加嘛個沙嗲醬，絕對係一流既配合，今晚所有野都好好食，無論你坐邊一個位，餐廳都有打卡位，

朋友知道我愛食泰菜，介紹佢附近的灣仔新嚐泰泰國餐廳，味道質素不錯，現易名正新開張。整間餐廳充滿泰國風味。今晚比較早食，人不是太多。雞肉濕炒粉 $88泰式的濕炒粉都是很多湯汁，這個也一樣，粉也是一大片的，湯汁非常好味，粉煙煙韌韌口感軟滑，沾著滿滿的湯汁，令人食到欲罷不能，粉的份量多一些就更好。醃鳳爪沙律$85食泰國菜，怎少得了這個醃鳳爪沙律，沙律裡面有頗多香芹菜、芫荽、蔥、蒜及紅蘿蔔絲……等，鳳爪沙律份量頗大碟，味道小辣帶甜酸，清爽惹味。黃咖哩跟薄餅 豬肉 $98這個薄餅很特別，裏面很軟腍煙韌，外脆，黃咖哩非常香濃，是我食過的咖哩中最好味之一。泰式炒通菜 $72泰式炒通菜好惹味，通菜好脆口，不過稍為有少少硬身。椰汁冰椰汁冰滿滿的一大杯，好香椰味。椰青椰青頗大個，裏面滿滿的椰青水，很清甜。

邊個話食泰國菜一定要去九龍城㗎！聽同事講灣仔石水渠街有間新開泰國隱世樓上餐廳好抵食，於是約咗好姊妹一齊去試吓！呢度地方唔大，但係枱與枱之間有一定嘅距離，牆上仲有一幅好得意嘅tuk tuk畫好有泰國特色，首先我哋叫咗一杯龍眼冰（$45）同一杯凍咸檸七梳打（$45）原來都幾大杯喎！龍眼冰清清地唔會太甜，另外杯咸檸七喜都好好飲。食物方面我哋叫咗沙爹串燒六串🐔一半雞🐷一半豬（$88）原來都好大串，熱辣辣加上甜酸汁味道唔錯！跟著叫咗燒豬頸肉（$98）切得薄薄一片，加上酸辣醬，味道好夾！另外再叫咗一碟泰式炒通菜（$72 ）份量亦都好夠，跟住再試埋佢哋個菠蘿海鮮炒飯，佢哋並冇用原個菠蘿裝住，而係有一串菠蘿響旁邊，飯上面再加左一塊芝士，而腰果同埋肉鬆就擺響側邊等你自己食時再撈，炒飯充滿咗🍍菠蘿肉，仲有臘腸及其他配料口感十足，份量更加比其他餐廳大。去得泰國餐廳梗係唔少得叫埋飯後甜品芒果糯米飯啦（$68）一上枱已經聞到好香嘅芒果味🥭加上有三大粒糯米飯配上椰汁，啲芒果好甜好正！為呢一餐劃上完美嘅句號，味道正宗我哋兩個食到超飽😂埋單嘅時候先知道，原來佢哋新張期間今個星期做緊七折，而嚟緊呢兩個禮拜亦都會做八折，

大頭蝦冬陰功 味道香濃，微辣椰奶味香，有兩隻大蝦，有手掌咁大，肉質爽口彈牙，配料有秀珍菇，有火㷫住，冬天飲熱辣辣湯，成個人都暖哂。醉酒佬辣炒豬肉碎肥粉用泰國闊身河粉，河粉煙韌，炒得唔油夠乾身，入面有豬肉片、芥蘭、蛋碎等。口感有層次不單調，整碟炒得香口有鑊氣。 柚子蝦沙律 入面有3-4隻蝦，肉質彈牙爽口，柚子果肉帶清新甜香味，混合埋泰式酸辣汁，花生、蝦米及各類配菜，十分醒胃！沙嗲串燒雞肉、豬肉各三串，烤得好嫩，沙嗲醬可以濃味d就更好。珍多冰 估唔到咁大杯，珍多冰椰味香濃，珍多粉條質感爽滑。

夜晚去咗間樓上泰國餐廳，餐廳裝修好泰式，牆上有幾快的話，加埋啲特式嘅燈，而且餐廳嘅窗可以全部開晒，感覺更似去咗泰國青咖喱雞配薄餅青咖喱個汁好好食，唔會泰勒，啱香港人口味，最鍾意係個薄餅，外皮酥脆，超鬆化，雖然好邪惡，但係點埋啲汁食100分虎頭大蝦冬陰功湯蝦超大隻，而且好爽口，冬陰功湯好足料，飲得出落咗好多香料，正明爐青檸烏頭烏頭好嫩滑，一啲都冇魚腥味，放心處理得好好， 青檸汁好refreshing泰式炒椰苗椰苗炒得好有鑊氣，辣辣地，好嫩好食

餐廳位置好似好隱蔽 喺灣仔石水渠街10-12號匯富閣 但其實幾近地鐵站 餐廳裝修有特色壁畫 幾靚 職員好nice 🥰🍍菠蘿海鮮炒飯 $108佢一大串菠蘿 而且好甜 有好多海鮮 有青口蝦同魷魚 另外有片芝士放喺最上燒溶 同炒飯幾夾 最正係有大量肉鬆 臘腸粒同腰果🐔曼谷海南雞 $98曼谷海南雞嘅雞脾肉好滑 去左骨 雞肉醃得好入味 點左辣醬 好惹味而且份量好多 🍤炸蝦餅 $82蝦肉爽口 食到粒粒鮮蝦肉 炸得好香脆 擺左一陣間都仲好脆-🥬馬拉盞炒椰苗 $83可以揀通菜 芥蘭或者椰苗 我地揀咗椰苗 撈左辣椒炒 -🦐鮮生蝦 $98好新鮮 食落好甜 不過得7-8隻 唔夠🤣-📍新嚐泰泰國餐廳灣仔石水渠街10-12號匯富閣1樓

屋企人係灣仔果頭返工，話果邊新開左間樓上鋪係食泰國菜，佢地食過lunch話覺得好正好抵食，叫我一定要去食。😂我作為泰國菜愛好者，就約埋個朋友收工一齊去食。🤭位置都好方便，佢係由正宗泰國人主理，好吸引。食物種類都好多，價錢正常，但份量係超級多，所以性價比係極高！😍👍🏻食物質素係好高，我同朋友都超級喜歡🤤大頭蝦金邊粉 ($128)一上枱都好有驚喜，隻蝦好大，金邊粉到炒得好靚。賣相超吸引，食落都係超級超級正！🤤蝦肉好嫩滑，而且好實淨，啖啖肉！個Phad Thai都整得好地道，好香口，我地超鍾意。😍菠蘿海鮮炒飯 ($108)呢個菠蘿海鮮炒飯就冇用菠蘿蓋，但個擺碟都做得好吸引！🤩份量係超多。海鮮好有質素，仲加左好多我好鍾意既肉鬆，仲有芝士，完全係將個飯昇華。🤤🤤小食拼盤 ($138)小食拼盤超級大！！份量係夠4個人食😂有魚餅，蝦餅，春卷，肉丸生菜包。只可以話係每一樣都好高水準，係超級滿足！🤤肉丸生菜包我第一次食，好有驚喜，好爽口又帶小小辣，好過癮！👍🏻芒果糯米飯 ($68)芒果糯米飯我係超級超級鍾意，基本上食親泰國菜都會叫。😂所以我對芒果糯米飯有返咁上下要求，呢間我係俾高分的！😁芒果撞唔岩當造，

🉐私房菜級格局🉐正宗泰國人主理🉐份量大份又抵食依間泰國餐廳位於樓宇嘅一樓，地方寬敞，員工足夠，完全係私房菜級嘅享受💁🏻‍♀️而餐廳係由泰國人主理，係真正嘅泰國菜呀🤤〈醃鳳爪沙律〉🐤🥗分量超大，略略數過有成15,16隻鳳爪🤭鳳爪醃得好入味，酸酸辣辣好開胃😋〈噴靚咖喱跟薄餅（豬,雞,蔬菜,海鮮) 〉🥘🫓我哋揀咗海鮮，海鮮種類好多有蝦🦐，魷魚🦑，青口🐚同峴🥠。咖哩有好香椰香味，配上微辣既感覺配薄餅真係一流👍🏻薄餅即叫即煎，熱辣辣好酥脆💥〈曼谷海南雞〉🐥我哋叫咗半隻雞，份量都唔少，雞又好滑☺️無論係雞髀位定雞胸為都係一咬即斷💦，配埋佢個秘製酸辣汁味道更加昇華😆〈芒果糯米飯〉🥭🍚食泰國菜甜品點會唔嗌芒果糯米飯😌糯米飯好有糯米香又軟糯😍配上超甜嘅芒果🥭食完即刻滿足晒🥳〈椰青〉〈椰汁珍多冰〉🧉🍹飲品份量同食物分量一樣都係巨多🤩，一上枱見到個杯都真係嚇親，一開始仲以為自己會飲唔晒，但配上酸酸辣辣嘅泰菜，真係好容易就飲晒一杯嘢飲😝尤其佢個椰青好甜，不知不覺就飲哂嚕😎

友人今晚帶我去灣仔食泰菜，係灣仔街市石水渠街行左2轉，原來係上一樓，真係眼大睇過龍。餐廳內既牆壁好有泰國風情，部分店員都是講泰文的，近窗位置亦會把窗打開，有點自來風，感覺很舒服。 大頭蝦冬陰公(S) $128份量都好夠，分到二人享每人兩碗。湯味酸辣開胃，飲落又有鮮甜味唔會死辣，大頭蝦兩隻蝦肉新鮮彈牙，湯料有多樣香料及秀珍菇，味道非常濃郁。 串燒沙嗲(雞、豬)$88串燒可淨選雞、豬或雞豬雙併共6串，好大串啖啖肉，串燒肉嫩有肉汁好易撕開，蘸埋沙嗲醬花生味好香好有風味。馳名炒黃咖喱軟殼蟹配薄餅 $188黃咖哩汁唔辣帶點甜有蛋香，而且煮得不太稀，用來配埋薄餅一齊食一流，軟殼蟹份量不少，外皮微脆，2個人話甘易清晒成碟。 芒果糯米飯 $68擺盤精緻飯團3粒，半個芒果去皮切片，芒果味道清甜，不會甜到漏。糯米飯粒粒分明口感軟糯，將椰漿淋在糯米飯上，甜美好食。

🍀環境：友人係灣仔返工，話呢度新開左間幾隱蔽既泰國菜，係一條巷仔既二樓，果然有d難搵，咁都比佢發現到😂😂餐廳半開放形式，當日我地坐係床邊，涼涼地既微風，餐廳播緊泰式歌，有一秒覺得自己去左泰國河濱餐廳🥺～～～～～～👅味道：🌟 大頭蝦炒金邊粉$128可以講係香港食過既金邊粉入面最好食果批☺️金邊粉好奇妙地炒得乾身但外面仲有少許醬汁掛住，所有調味都啱啱好，少d多d都唔得！大頭蝦好新鮮好多膏，依家講起都想再食啦😫🌟 酸辣青檸蒸魚 $172烏頭魚好新鮮，蒜香檸檬香同其她香料，十足泰式風味！魚湯湯底好酸，會越食越上癮😃🌟 馬拉盞炒椰苗$83呢度既野菜苗係長身既，馬拉盞炒菜都係咁，好惹味🌟 芒果糯米飯$68芒果非常甜，有一個芒果咁多，好抵食呀！🌟 咸青檸七喜 $45大大杯，一開始以為底d水係冰融左，所以倒走，點知後尾先知係檸檬汁😩大家記得唔好倒左

#新嚐泰 新開張，裝修有 feel，環境乾淨，而且食物質素都相當有水準👅👅 下次想食泰菜的朋友又多一個好選擇了🤙🏻🤙🏻柚子蝦沙律 $108呢款柚子蝦沙律屬於比較濃味，每塊柚子肉都充斥住濃濃的秘製醬汁，酸酸甜甜少少辣，開胃🌟冬陰功湯爐蒸脆炸烏頭魚 $188將原條烏頭魚炸到脆皮，再放入濃郁帶辣的冬陰功湯內蒸，加上超多泰國特有的配料，色香味俱全🥰 魚的肉質屬較為結實，夾落唔會散收收😄甲拋辣豬肉片炒飯 $88炒飯乾身夠鑊氣，特式醬油配半肥瘦豬肉片，食落相當惹味！加埋新鮮辣椒碎，岩哂鐘意食辣既人😋芒果糯米飯 $68芒果糯米飯係泰國菜的靈魂，應該無人會異議，依間的芒果糯米飯都依然出色👏🏻👏🏻 芒果份量夠曬誠意，仲要超甜🥭🥭 而糯米黏度適中又夠煙韌，唔錯唔錯👍🏻