新光燒鵝餐室

經常都有人排隊嘅人氣燒鵝店～ 終於都食到啦～ 可能因為筲箕灣少人啲， 店員都懶散啲 😆 入到去佢睇我唔到 😆😆 又可能因為筲箕灣租平啲，燒鵝髀都平啲 😆😆 見到openrice的餐牌 其他分店燒鵝髀飯係賣緊$108～原隻燒鵝髀飯 $93～ 飯轉做瀨粉 燒鵝另上～ 食一啖 終於知道點解咁多人排隊😀～因為真係好香 煙燻味 同燒鵝肉味道好襯 ～ 外皮脆卜卜， 燒鵝髀係肥 又Juicy 🤤 偶爾覺得肥膩 便沾少許 梅子醬  酸酸甜甜又再開胃返曬 😍  近腳掌的位置 脂肪較少 接近腳骨 肉味更濃 食到舐舐脷 🤤🤤🤤 ～ 所以下次嚟都係要食番鵝髀 🤩🤩飢 point : 9.5 / 10…查看更多

心血來潮好想食燒鵝，上網搵推薦。放工就過咗黎柴灣搵棋哥。呢間新光都係棋哥嘅(我估)，因為 Openrice 放埋一齊，同埋有棋哥燒鵝。我叫左棋哥燒鵝(少飯)，老公就叫咗熏蹄飯。燒鵝係出色嘅，皮係脆，係堅脆。就咁睇相都可以見色澤係靚嘅。我叫少飯，都食唔哂個飯熏蹄都ok，肉同肥膏唔會分離。老公話佢啲欖菜好食喎！呢度食物雖然未至於好食到飛起，但係都算唔錯。有時想簡單食個燒味飯，都可以一試。兩個人食，一百蚊剛好有找。…查看更多

食個外賣都食到一肚火，要搵途徑黎發洩，唔係想唱衰你地，但你地真係太離譜，左汁啲右汁啲砌埋比人食，兩舊肋，兩舊脾位，肥膏多過肉，第一眼都睇都已經唔開謂，愈食就愈嬲。師父，你都是打分工姐，我真係唔信個老細叫你咁刻簿。我又無得罪你，洗唔洗要我40蚊食淨米粉，洗錢唔緊，買到返去食肚氣，你咁做人小心有報應，你都有屋企有老婆仔女，第日你出去食野，人地左汁又汁啲垃圾比你食，你真係要諗返你都曾經咁對人。唔講師兄，呢間野啲鵝我覺得本來都唔得，唔好咁大期望。…查看更多

我知香港百物騰貴，但係都起碼似樣，食得飽呀，55蚊燒鵝飯都冇一両肉，六七舊5件背骨，得兩件有D肉。真係有病。例湯除咗味精重少少，花生硬D外，都可以接受。cause u have to set a very low bar for this, 而且8蚊，都好難有要求，最好唔好寫冇味精例湯啦，今時今日有商品說明條例。落到咁重手，好難唔發現喎。不過想食鵝，都係去西灣河食啦。雖然得外賣，呢度就算吧啦，食完都係要第二度吃過，正常好難飽。…查看更多

加左錢要胸，來到吾係俾胸，同個侍應講，仲要吾想換，價錢已經吾係平，確實無下次!!!!!!!!!!!!!!!!!!!!!!!!!!!!!!…查看更多

餐廳係食燒味為主，而我每次黎都係因為買斬料加餸。佢嘅燒鵝雖然有啲貴，但係真係好有水準整隻燒鵝都燒得帶煙燻木味，肉質細嫩但係今日黎試嘅並唔係佢嘅燒味，而係佢嘅常餐。依度既常餐10點後先有供應，而今日時間尚早所以就來試一試佢。常餐有叉燒湯意粉,炒滑蛋及多士。先來試試炒滑蛋，蛋好香滑，不過師傅應該落得比較多油所以有少少油膩感。多士烘得均勻脆身，口感唔錯。哩個叉燒湯意粉就唔講得笑，叉燒皮帶光澤，雖然話係燒味餐廳叉燒理應好食，但食落去依然係覺得驚喜非常，或者其他茶餐廳用嘅叉燒實在普通，所以顯得這個叉燒湯意粉簡直係極品，啲湯底亦都能夠試到有淡淡的魚味。作為一個茶餐，奶茶都係一個不可或缺的，呢度嘅奶茶都做得唔錯，頗有茶味，當然同一啲奶茶出名的茶餐廳上有少許距離，不過整體都係好好味…查看更多

我成日都以為呢一間餐室係同新光有關，原來 一啲關係都冇，佢係棋哥開嘅。最近又改返叫棋哥燒鵝餐室,好混餚。價錢都唔平呀!係米芝蓮價， 唔知食物嘅質素係咪米芝蓮呢?店舖都幾光猛，不過啲枱就好貼呀。燒腩仔飯都係合格咋!個皮係好脆，腩位嗰度啲肉都唔係最嫩嘅， 豉油同鹹菜撈埋啲飯又幾好味喎!份量太少。師傅刀功真係厲害， 厲害在佢可以將嗰燒鵝髀切成兩份呀！ 所以個燒鵝髀得好少肉，不過皮脆肉嫩，係新鮮燒嘅，有油份，不過啲份量同飯就真係少咗啲啦!好似唔係好抵食囉!檸水和咖啡都ok呀!…查看更多

話說昨天約了朋友去鶴咀，咁去之前梗係要食飽飽先有氣力行。在車站附近最多人就是這間餐廳，通常多人都應該好食。去到剛剛兩點，正正是下午茶時間，下午茶餐牌也有招牌最出名的燒鵝飯選擇。正呀。上枱之後，感到非常高興，竟然有脾食，肉質很鮮味，層皮仲索曬炭火味，有又油香，仲要唔算多肥膏。配以自家製的酸菜，粒粒都爽口彈牙。另外，呢度的酸梅醬也有畫龍點睛的效果，啖啖都充滿新鮮的梅味。白飯雖然唔知產地，但是都食得出是上等靚米。總括來說，就是超出預期的好。…查看更多

一年前曾經在筲箕灣食過新光燒鵝，一試難忘，只不過實在嚟我屋企離太遠，我個人比較懶，所以之後都冇機會再試！最近又經過筲箕灣，終於有機會再食，水準還是保持一樣，而且好似裝修過，比起上年的時候 鋪面比較光身！還多了一些茶餐的選擇，記得上年的時候是沒有的只有普通的粉面飯！還有豐儉由人的下午茶，最貴也不到＄40元！茶餐的炒蛋很香滑，應該是用了農場蛋！火腿也很大片，多士香脆！😋我最喜歡吃多士了，香脆的麵包加上淡淡的牛油香！正叉燒通粉就普普通通吧，叉燒通粉就普普通通吧！叉燒肉質比較諗，這點比較失色！至於凍咖啡，也一般！我叫的棋哥燒鵝瀨粉，＄38不過燒鵝的份量比較少，4塊，燒鵝比較貴也沒辦法，而且這個是招牌菜！燒鵝皮脆，而且肉質很鮮嫩，還有淡淡的炭香，加上 梅子醬，簡直一流！👅👅 所以平時不喜歡吃油膩東西的我，也想一吃再吃！因為我喜歡吃辣所以 ，叫給了我辣椒 醬！的味道 又香又辣，質地有點像豆瓣醬，因為裏面是有一粒粒的肉粒，幾特別，和外面餐廳普通的辣椒油很不同！應該是自家製作我叫了杯凍奶茶，一般，茶味奶味也不濃郁，不過奶茶不是招牌就算了！埋單＄84，其實最後還叫了一個燒鵝下 莊，外賣 128＄，堂食138＄，為什麼堂食比較貴？因為外賣他會把一些 燒鵝 頭頸 給你，可以食肉的部份比較少！堂食 他盡量會給一些多肉的給你，所以＄10的分別就在這裏了！…查看更多

同屋企人行經新光，有下午茶食，就點咗燒鵝瀨同燒腩仔飯，燒鵝皮脆，肉味香；燒腩脆皮，重點係有炭燒味，真係好耐無食過呢陣味，好正呀！呢喥都係祺哥燒鵝，但係比鵝頸嗰間平幾蚊添…查看更多

一朝早，我們沒有吃什麼便到鶴嘴遊玩😜直至2點半左右返到筲箕灣，看見這間燒鵝店，二話不說便進去。由於肚子太餓，我們看見$38的燒鵝瀨及燒鵝飯也沒有點，我們點了正常飯餐的燒鵝瀨（$55)及燒鵝飯（$55）。驚訝的是😳與對方（搭枱客）下午茶餐份量一樣😅與店員說後，她端走了我的燒鵝瀨，再來一份加了3、4件燒鵝塊的瀨粉😅總算有跟進。至於，燒鵝飯的份量也可以吧！感想：下午茶點下午茶餐吧！燒鵝瀨$55（包熱飲）燒鵝飯$55 （凍檸茶加$3）…查看更多

雖然燒味飯唔係咁健康，但有時都會想放縱下自己，叫番個叉雞飯加凍華田，男人的浪漫一下。雖然燒味舖開到成街都係，但要搵好食，肥瘦適中，皮脆肉嫩既燒味就唔係咁易喇！呢間開係東大街入口，係正太興對面既燒味舖，就冇令我失望。環境：裝修新淨，應該唔係開左好多年，入內環境光猛，坐位唔算好迫，可以安安落落地食餐飯。服務：小小一間店就有4-5個侍應姐姐，所以落單上餐都好快。衛生：就算室內夠晒光猛都唔覺地方有污穢骯髒，清潔功夫做得唔錯！味道：左揀右揀，三心兩意下揀茶餐，貪佢多野食，樣樣都有d咁。諗住跟茶餐上既燒味份量應該會少d，但圖中可見原來一d都唔少，而且仲係舊舊肥瘦均勻！多士冇烘底，不過正合我個人口味；炒蛋比較實，如果可以再滑d就perfect！抵食：呢個茶餐連熱飲先至40蚊！比起對面太興，淨係嗌個餐蛋麵加熱飲都唔止呢個價啦！而且食物係茶餐廳黎講都幾有水準，40蚊絕對值得！…查看更多

我係食燒鵝好愛者... 細細就同老豆山長水遠揸車去深井食燒鵝！ 住港島區又要食用既捱貴燒鵝， 喺中環返工又要排隊食一x 燒鵝 終於畀我搵到 個好味過鏞x 嘅又唔使排隊嘅好味嘅燒鵝！今次避開多人時段,.睇下午茶時間食,仲有優惠價食燒鵝 ,我一生人第一次用三十三蚊就食到正燒鵝瀨粉呀！ 真係好似我男友話齋 老土講句 蔗渣價錢燒鵝味道。。。。 真。燒鵝。長崎良美。。。 有一個好去處啦！！ 燒鵝髀飯都只是88蚊一碗全港最抵..... 仲要湯底靚一啲都唔肥膩 仲要啲燒鵝畀肥瘦適中唔會肥冧冧食唔到!!皮脆肉滑!!!! 一個字正.!!!!!..會再嚟n core！！…查看更多

今日中午叫左個雞肶飯加個例湯拎走剛開張時食就唔錯直至有一次堂飯叫個雞肶飯得果4舊雞望到斬雞果位後生仔覺得佢係學徒唔識斬跟住好耐都冇去食直至今日中午去買個外賣返屋企食一打開大家自己睇數埋連埋雞棍果兩舊先斬六件有肉既得四件（如圖：未食過）食既d雞都食唔到兩啖飯佢呢個斬法係其他燒味店要雞肶雙併飯果隻斬法仲衰過去對面酒樓買既特價飯盒一定唔會再有下次…查看更多

前面剛嗒過大浪灣士多西多，搭了約十五分鐘車出到來筲箕灣。太太說倦，那我就遷就一下不走到東大街那邊，甫一下車，就走入這裡....人多到離晒譜，好不容易才找到個位。看餐牌，下午茶時間剛到，便宜慳儉一點，就來兩份三個人開心SHARE....叫得做"燒鵝餐室"，燒味一定是這裡最耍家之物。故此，當然要叫碗燒鵝瀨試試....燒鵝皮看上去擰立立甚引人，咬下去帶微微脆，不錯；肉厚身但稍微過韌不夠嫩，要扣分；瀨粉滑嘟嘟，吸盡沾了鵝汁香的上湯來食，看來比肉更吸引....母子二人則分享一個典型的茶記式常餐....叉燒望上去挺瘦色水暗啞的但食落卻覺甚軟淰易咬，若然蜜味可以重一點就更好了；油多一般，可以焗烘得更脆口的；炒蛋夠滑，不俗....不過埋尾的熱菜蜜卻是個反高潮 ---- 感覺就像在喝以前常飲的竹蔗茅根精，奇怪....邊食邊發覺越來越多人....看來還是馬上吃完埋單鬆人好了....…查看更多