新偉城粥麵店 (已結業)

因為個名本身以為係食粥麵，點知原來主打穫氣小炒，而且大有來頭！老闆娘話係土瓜灣九龍居大排檔搬過嚟，難怪樣樣野都穫氣十足！真係大件夾抵食！野食方面，首先海鮮新鮮乾淨就得，唔多講；九肚魚外脆內軟十分出色、金菇肥牛嫩滑得黎有口感，食得出無用鬆肉粉、最最最出色係西檸雞，呢度唔會太甜，雞件夠熱香口無油益味！整體95分，環境如果再企理啲會更好～估唔到門面一啲都唔起眼既小店，原來係隱世穩氣小炒名店！下次會再叫多啲人黎食，咁就可以試多幾樣啦～

話說呢間小店,係牛頭角係極唔起眼位置,門口又細又窄個老闆仲愛理不理但佢既粥底,係我咁多朋友食過都係好滿意既一間小店淨係食白粥都好味到不得了,香又滑,11蚊碗大大碗我真係未食過白粥都可以味道咁豐富,原來係落左好多心機限量供應!仲有炒粉麵,牛河42蚊,牛肉粥30,好似係用鮮牛肉,特別嫩滑第2間貴一倍都食唔到呢個水準,牛河夠獲氣只係有幾條炒唔上色,但好大盒,夠2個人食新偉城粥麵店 牛頭角安華街2-8號兆景樓地下A1號舖

今日約了朋友食嘢，常常聽他說偉城是他的飯堂，所以今天就去了。一行三人没有過限聚令那裏的價格十分平民，我们叫了啤酒6支、召盬鮮鱿、鼓椒炒蜆、淨根腩和菜遠炒班球。那牛根好爽和入味，合晒我口味，炒蚬都好新鮮冇沙。整体食物的質數都ok 。朋友還説这裏可以自買海鮮來加工或可以叫老闆代訂長腳蟹等海鮮，收費也很合理。他説待疫情冇咁嚴重再約班波友一齊再来，自己買海鮮來挍大食会。歡樂的時光过得特別快，差不多到6点，我哋亦要走了，多謝$500元找數，以这價錢算得上是合理。朋友真冇介紹錯，我一定会再來。

這一間粥麵店，是我每次來九龍灣必食的。這間店的麵不算貴，牛腩麵，南乳豬手麵都只是$27，但每一碗的材料十分豐富。我這次叫了一碗餛吞河，河粉份量比其他店多，還有幾條菜，裡面有5粒大餛吞，每一粒裡面都有整隻，或者兩隻蝦，還有滿滿豬肉，每一粒餛吞都有一隻匙羹咁大，貨真價實，比起大型連鎖餐廳好。上菜速度非常快，落單2分鐘後就送到了。由於位置都不是近大型商場，午膳時間大部分都是附近工作的叔叔和街坊落來食，感覺很親民很貼地。而且每一張檯都有一卷紙巾，十分方便客人

飲品一般, 但雲吞大大粒, 有肉汁, 夠鮮味, 麵身軟硬適中彈牙, 仲有菜.老實講, 咁嘅超筍價錢已經難搵, 仲要有番咁上下水準邊處搵? 如要求環境同服務質素不如吾去街坊生意小店, 只要吾係吹毛求疵者, 吾喜出望外都定必滿意.

店名：偉城粥麵店 Weu Shing Food Shop地點：牛頭角安華街2-8號A1號舖，電話: 2379 1872(1)    叉燒炒粗麵，共一人享用本餐，合共三十八元正。食物的色香味如何：雖較油膩，但很可口，尤其叉燒夠肉香，也有爽口的椰菜，不致太膩。環境：普通街坊格局。服 務：較一般，店員很市井，如看馬經及禮貌麻麻。衛生：一般。抵食：價錢廉宜。

時候應該系15-01-29 去完牛頭角郵局寄野行出黎肚餓見到有間茶記就入去試下…坐底就叫左碟「雪菜火鴨絲炆米」，大約5分鐘左右碟野拎黎 嘩! 比距嚇左一跳…超大碟! 如果食量吾大足夠2個人食! D米粉無過淋 入面 有:燒鴨絲+韭黃段+辣椒絲+蔥段 味道吾錯岩岩好吾會過鹹!15-03-22 是日落街市買野煲湯未吃午餐就入左黎坐底碟由於我自己吾食牛肉所以叫左「干炒排骨河」都系同上次黎食一樣$36蚊，同上次一樣超大碟! 一樣有 韭黃段+蔥段+同埋有差吾多10粒排骨 D河粉吾算油 排骨食得出有醃過 ，味道吾錯…米粉同河粉食過下次試第二樣想食炒粉麵一定會黎過! 總結36蚊可以食到飽仲到質素吾錯既餐廳呢一區無邊幾間!發現新大陸!

這一天，又來到九龍灣一帶等太太放學。我在淘大巡視了一圈，滿是連鎖店的地方令我提不起勁去入任何一間食肆。我，看一看手錶，時間是充裕的，決定穿過佐敦谷的巴士總站，而且要行入內街，尋找隱世的味道。結果，讓我看見了這一家隱蔽的《偉城粥麵店》。沒什麼突出的店，做的是附近街坊工友的小生意，而晚上，大多數都是一些無暇煮食的二、三人家庭，或是像我一樣，單人一支公的吃一人晚飯。來這些店飲食，隨意一點好了，隨意地點上了炒粉麵中的炒豬頸肉上海麵。這一個粗炒上海麵的確是很粗，而且味道偏淡，油也夠重手，食用後不得不多喝水來清油。豬頸肉算是不少，但只覺得油同咸，肉咸而麵不咸，完全失敗。在外用膳，少有食菜，可是當我發現這粗炒的弊處後，我決定要清淡一下口腔，故多要一份油菜，而且是我在家少有機會食的芥蘭。清爽甜口，這菜剛好中和了我對炒粗麵的不滿。這街坊小店，不突出，不出色，不出眾。只默默地硬著頭皮做附近住民的生意。多一間唔多，少一間唔少，也許就是這一帶茶餐廳的生存之道吧。因為，中午，總有源源不絕而要求不高的學生及工友。