新之食 (物華街)

營業中

休息中

今日又去咗觀塘APM行街，不過就想搵吓啲小店食個lunch ，上網搵咗一陣就揀咗呢一間。招牌扎肉肉丸手工麵肉丸Q彈，帶有微微的香料味和鹹香味，扎肉香脆。手工麵有彈性，咬下去時有嚼勁，搭配湯汁味道不錯。香茅雞扒拼扎肉飯重點嘅香茅雞扒外脆內嫩，香茅的香氣十分誘人。扎肉味道可口，難怪係招牌菜之一。煎韭菜餃子餃子皮煎得金黃酥脆，內餡鮮嫩多汁，咬下去時口感豐滿，韭菜的清香在口中散開，值得一吃。補充少少，其實佢就裕民坊對面，所以都好容易搵到。

夜晚手工有時都會幫襯，多數都係吃麵多，不過不失，價錢合理，第一次試下佢地嘎咖哩，叫左個咖喱牛腩飯，咖哩真係得喔，咖哩汁夠傑，夠濃真係出乎意料，牛腩就見仁見智了，有雞扒，豬扒，雞翼等選擇

公道啲講麵係好食，但係啲小食嘢飲就真係搞唔掂。員工服務態度差。念住食好小小，叫左個酸辣手工麵配肥牛黑毛豬。再叫個韭菜鍋貼，同杯柑桔蜜特飲。個麵就冇投訴，係幾高質，肥牛同黑毛豬都幾好食。但係佢所謂嘅嗰杯金桔蜜原來鹹柑桔！！我唔飲鹹柑桔，佢話冇得換。杯鹹柑桔要加$7 ，我飲咗兩啖都係搞唔掂冇飲到。其實一開始餐牌你寫係鹹柑桔，我根本唔會嗌尼飲。你仲要死撐話啲柑桔唔係鹹。真係火都嚟。至於個韭菜鍋貼就真係難食，又係搞唔掂。

觀塘新之食 ☀️蘿蔔炆牛腩👀這道菜選材上乘，牛腩軟爛而不失嚼勁，輕輕一抿就有豐富的肉汁流淌出來。更令人稱贊的是搭配的蘿蔔，吸滿了牛腩的鮮美，吃起來是既鮮又甜，味道非常均衡。燉煮的過程似乎格外講究，讓牛腩和蘿蔔完美融合蒜蓉菜心🤩菜心鮮嫩，蒜香四溢，吃一口就能感受到那股清新的蔬菜香氣。蒜蓉的加入更是讓這道菜錦上添花竹笙酸辣刀削麵🙌🏻✅麵條勁道十足，竹笙的加入為這道面增添了一絲特別的口感。酸辣湯底更是點睛之筆，酸中帶辣，開胃又解饞。

同朋友一齊嚟咗呢間粥粉麵飯店諗住簡單食個午餐🤣$59「特式潮州蠔仔粥配豬潤」：「蠔仔配豬潤」呢個配搭幾特別😋，蠔仔細細隻有好多隻，蠔仔粥粥底味道夠晒濃，特別鍾意餐廳加咗大量薑絲😋$40「煎餃子雙拼（10隻）附有 韭菜餃、菜肉餃」：餃子煎香咗，底部脆脆哋😋，韭菜餃子🥟有韭菜味，菜肉餃子🥟有豬肉味，好食😋$29「東坡肉」：煮得超級軟熟，好食，好豬味🤣$15「蒜蓉菜心」：蒜蓉打咗個芡加喺菜心上邊，幾特別🤣$15「蒜蓉生菜」：都係蒜蓉打咗個芡🤣跟餐加 $7「檸檬可樂轉零度可樂」：凍冰冰又甜甜哋，好飲🤣；跟餐加 $3「熱檸水」：簡簡單單🤣

二十幾年歷史嘅手搞面專門店🤩 今日終於試到啦😆 依間小店做街坊生意，好受歡迎，食物選擇豐富，簡單又好味馬來沙嗲湯底 配手攪麵必食招牌手攪麵！麵質真係一流，彈牙又掛湯，香濃花生味的沙嗲湯底搭配豐富的配料，回味無窮😍😍 我加咗腿蛋、鹿茸菇、竹笙及水餃，款款配料都好正！香辣肉碎飯 $59超惹味🔥 使用香辣肉碎搭配熱騰騰的米飯，每一啖都充滿濃郁的味道，仲配有煎蛋，份量多十分飽肚煎餃子雙拼（10隻）韭菜餃菜肉餃 $40推薦！外皮煎得金黃酥脆，內餡鮮美多汁，配搭醬汁更加香口惹味泰式豬頸肉 $38豬頸肉香氣四溢，肉質鮮嫩。配合酸辣醬的味道，開胃又美味，讓人回味無窮～蒜茸生菜 $15清脆的生菜搭配香濃的蒜茸，爽口滋味😋

來到觀塘這個新舊交集的舊區，有時不想幫襯大商場，都會找些小店，吃個簡單的食物。這天我就幫襯了「新之食」，勝在食物款式多，又夠入味😋😋我點了辣醬爆豬扒炒麵（$65）🍲🍲作為主食。這道炒麵的麵條彈性十足，吸收了辣醬的味道，既有韌性又不油膩。豬扒外脆內嫩，肉質鮮嫩多汁，搭配辣醬的辛辣，提升了整道菜的風味，讓整道菜呈現出層次感。見到鄰座的餃子很美味，我又叫了一碟韭菜煎餃（$22）🥟🥟韭菜煎餃外皮金黃酥脆，帶些微焦香，餃子皮薄而有嚼勁，內餡的韭菜清香四溢，與肉餡的搭配恰到好處，口感豐富。新之食 (物華街) (觀塘)地址：觀塘物華街32號地下4A號舖

要喺觀塘市中心食嘢，好多人淨係諗去apm。識食一定係唔好喺商場食，抵食啲又好味啲。呢間新之食細細個已經成日行過，原來真係幾好食，唔怪得可以開咁多年。🌟酸辣雜錦米線$59 酸辣唔係川式嗰種，香得嚟辣度唔高。佢啲餸嚟講最好食係扎肉，炸得好香，味道都好濃。鐘意食菇嘅人實覺得正，因為有鹿茸菇同木耳。🌟馬來沙嗲湯底手攪麵 $49包一款$10嘅餸，所以豬扒要+$2。甜口嘅沙嗲，仲有少少椰汁香咁。仲以為係鹹到爆嘅港式沙嗲。早知我都食呢個湯。炸豬扒係上麵包糠嗰種，但係比起傳統嘅吉豬腍啲易咬啲，係好味嘅comfort food。🌟韭菜餃$22煎到脆卜卜，餃子餡韭菜味好濃，完全冇豬羶味。🌟香草雞翼$36想像以上嘅好食，脆又多汁，醃得入味。🌟蒜蓉菜心$15好多蒜蓉醬，比就咁烚菜好味好多。

🌟聽過新之食呢個名好多年，朋友極力推薦平靚正之選👍🏻今日終於去一探究竟。🌟餐廳係典型茶餐廳格局，主打手攪麵，馬來咖哩，雲南米線。餐廳menu 有一系列的粉麵選擇，仲可以自選湯底，麵底同配料。另外仲有精選飯類同特色小食。🍲酸辣小鍋湯底好大碗！湯底附有芽菜，韭菜同酸菜，湯頭酸酸辣辣重口味之選😍自選湯底已經包左一款$10配料，加左幾款蔬菜配料: 雲耳，鹿茸菇，海帶，竹笙，吸引晒湯的精華，好入味👍🏻而且份量超多，食極仲有。另外仲加左$12雞扒，分開上，有3大舊，煎得香口，真係超值選。揀左刀削麵，麵身較寬有口感。🐤千島醬焗雞扒飯有驚喜，飯係炒飯底，乾身有蛋香。千島醬汁好惹味，送飯一流。🐮蘿蔔牛腩牛腩牛筋好腍又入味，蘿蔔都好清甜無渣。🥟煎餃子雙拚有韭菜餃同菜肉餃，大大隻，煎得好脆，餡料都好重手，足料抵食👍🏻🥤檸茶加$3🥤檸樂加$7跟餐加購飲品真的好抵，而且冷熱同價😆🌟🌟總括嚟講，真係超高性價比的街坊小店，出餐快，份量驚人，朋友真係冇介紹錯。

今日喺觀塘返工收工嘅時候特別肚餓夜晚同同事去搵嘢食咁我同佢就揀咗出名嘅平民餐廳 #新之食依家餐廳全部都係手打面最出名除咗粉面仲有飯同粥早餐下午茶都唔錯 款式選擇多咁我同佢分別都叫咗兩碗麵🍜麻辣肥牛米線再加咗三個餸貢丸、竹笙、韭菜水餃 配菜選擇豐富份量十足 大大碗🥣味道好正👍🍜沙嗲金菇肥牛麵加咗豬潤同貢丸 面特別彈牙另外叫咗十隻鍋貼再加扎肉一份鍋貼煎到金黃 香香脆脆好滿足😍📍 新之食 觀塘物華街32號地下4A號舖

呢間餐廳喺觀塘物華街，主打港式茶餐廳嘅食物，價錢都算合理。蒜蓉菜心 ($15)呢個菜心炒得好爽脆，蒜蓉味香濃，份量都唔少，性價比高。煎韭菜餃子五隻 ($22)餃子皮薄餡靚，韭菜味香，煎得金黃香脆，值得一試。*酸辣小窩湯底 ($49)湯底酸辣開胃，而且有芽菜、韭菜、酸菜，配料豐富。可以加 $10 添餐肉蛋，不過太飽，所以只係加咗呢樣。另外，佢仲有豬大腸、肥牛、雲耳、水餃⋯⋯可以加。茄汁焗豬扒飯 ($59)豬扒煎得香脆，飯真係粒粒分明，醬汁夠味夠多，呢款茄汁係似以前大排檔嗰種茄汁，可撈晒成個飯！算份量十足。*所有粉麵飯飲品加 $3 起，特飲只係加 $7。* 一般有咖啡、奶茶、檸茶、阿華田、鴛鴦，罐裝有可樂、雪碧…特飲有柑桔檸蜜、鹹檸七、鹹檸樂⋯⋯呢間餐廳食物質素價錢合理，適合一家大小。

位於觀塘的24小時營業的連鎖麵食、碟頭飯店，招牌主打手攪麵。宵夜時段有不少食客光顧，真是越夜越精彩。自選湯麵套餐：酸辣小鍋湯底自選湯麵套餐：酸菜湯底自選配料：餐蛋、韭菜餃、墨魚丸、海帶湯底不太酸，微微帶點辣，配料有大量酸菜、蔥花、蘿蔔絲及芽菜。手攪麵跟米線粗幼度差不多，口感更加煙韌及挺身，更加吸湯。韭菜餃皮較厚，浸在湯中或夾起來也不易破掉；墨魚丸爽彈；海帶爽口。桌上面還有辣菜脯，可以自行加些在湯麵裡面，更惹味呢。自選配料：墨魚丸、竹笙、雞扒 湯底可以選擇辣度，辣中帶微酸。附有酸菜、韭菜及芽菜。雞扒分開上，煎得油香，外皮脆口，內裡保留肉汁，有驚喜。竹笙加添爽口感。麵底同樣也是手攪麵。特色小食：蒜蓉菜心菜心烚熟後，上面淋上蒜蓉醬。

今日lunchtime係公司附近隨便揾野食😌，見附件兩間大家食都幾多人、幾受歡迎，所以就試下啦～😋＊＊＊＊＊🐔🍜竹笙雞肉手攪麵 $59🥟🥬煎餃子雙併（10只） $40有韭菜餃、菜肉餃各5隻～🥕🐮蘿白牛腩（小食） $33🍋🫖檸水（熱）啲野食賣得好平，估唔到份量都好大份，男人都完全夠食！🥸我叫左個麵同餃子🥟，最後都食唔晒打包左😚餃子有兩款口味，又煎得好香脆，十分高質！另外蘿蔔牛腩好入味、煮得夠淋🥳＊＊＊＊＊

叫了外賣平台外賣，好快送到。每次都選豬骨湯手攪麵。好多餸選擇，每樣都好想食，最後選了豬油渣東坡肉水餃手攪麵。豬油渣一定選，好食份量足，正到爆。東坡肉好少食店有，半肥瘦適中，入味，好味，水餃大隻不錯。送了包好正辣菜莆撈住的麵食 。

今日落雨，就費時再搵野食，見裡面有位就隨便入左去呢度食。去到叫左碗雞扒米線。出餐個時比我見到我碗米線上面浸住張飛！個啊姐拎出黎可以見到張飛係浸濕左三分之二！重點係佢仲若無其事照出碗米線比我，我唔知張飛係咪收銀姐姐出既+掂過，收錢對手幾污糟啊⋯但無論點都好，有張飛浸係米線湯裡面已經好噁心！而我都費時出聲照食⋯ 難食到呢⋯ 塊雞扒咬落去係淋啤啤，好明顯唔係新鮮，米線又軟淋淋，一啲咬口都無⋯ 小辣亦都完全唔辣，湯底好淡⋯ 下次唔會再入去食！