文記車仔麵 (福榮街)

今日lunch同同事出左深水埗搵食😋第一次去呢間大排長龍既車仔麵店！呢條間有四間都係呢間車仔麵😲有兩間比較新既，有兩間就懷舊D，懷舊D呢間就比較多人排隊啦，而今次我地都係選擇黎呢間比較懷舊既店到食既。呢到既落單方法係，先嗌野食比錢，之後再安排入座。我地等左大約15分鐘。今次既麵底我就揀左車仔麵最夾既油麵，餸就揀左豬腸、白蘿蔔同埋瑞士雞翼。油麵配車仔麵真係無得輸，煮得岩岩好，唔會太軟或太硬。而豬腸咬落有彈性，白蘿蔔好甜！而瑞士雞翼就係同事推介既，我見到好似９成既人都會嗌，入口有瑞士汁甜味，唔會太咸，有驚喜！枱上面有好多其他調味料比客人用，如果下次再去會再試埋其他餸！…查看更多

Bad dining experience, I came to this restaurant because i always see many people lining up, it is never empty and at entrance there is signs of Michelin stars. But after my first try, I am disappointed and left with a stomachache and diarrhea. My Chinese is not good and I couldn't fully understand the menu, and at the end i found hair on the pig trotter and a human hair on my beef. I am starting to think this restaurant didn't win the Michelin star, it can be bought.差嘅用餐體驗，我嚟呢間餐廳係因為成日見到好多人排隊，從來都冇空枱，入口仲掛住米芝蓮星嘅牌。 但係第一次試之後，我好失望，仲食到肚痛同埋肚瀉。我中文唔好，睇唔晒個餐牌，最後仲喺豬手上面發現咗毛，同埋喺牛肉上面發現咗一條人頭髮。我開始懷疑呢間餐廳根本唔係攞到米芝蓮星，而係可以用錢買返嚟嘅。…查看更多

今日同朋友遊車河喺深水埗食宵夜，文記車仔麵喺深水埗已經好多年，以前住附近都成日去，幾年已經冇嚟過食嘢，原來已經多咗兩間分店，味道依然！自己叫咗西洋菜、蘿蔔、魚蛋同牛筋，牛筋好入味，蘿蔔煮得夠淋，西洋菜新鮮，魚蛋彈牙，得閒經過再來。…查看更多

呢一間車仔麵出咗名多人食，每一次去到嘅時候都好多人排隊，輪候時間15分鐘以上，今日去開深水埗呢一區，就特登過嚟幫襯一下，睇吓水準有冇維持到！佢嘅豬皮非常入味，而且比嘅份量都好多，我每一次都會叫呢一個餸，係我車仔麵其中一個最鍾意食嘅餸，真係做得唔錯！佢嘅螺肉亦都非常好食、好少有車仔麵可以提供，我都係第一次見，整體嚟講都係好食，而且姐姐非常重手，每一次都俾得好多，雖然佢每一個餸係比較貴，但係份量都係成正比例.最後介紹佢嘅雞翼，非常入味，大大隻非常好食🔥…查看更多

平日中午12點經過深水埗已經見到舊店現金支付嗰間排緊隊, 好彩呢間用電子支付嘅分店有位拿拿林走入去。嗌咗一個三餸車仔麵，必點酸齋 大大舊又入味；鍾意食豬腸既同樣不能錯過豬腸 都係非常入味 仲要有肥膏既香味; 另外陳皮魚蛋都係一個不錯既選擇，細細粒但係味道十足。今次其實已經係短期內的二訪，上一次食南乳豬手都係入味同好食，仲要有三大舊，認真抵食。鍾意食油面既可以叫瑞士汁同辣汁，甜辣味道夾。車仔面嚟講呢個價錢好抵食兼滿足，大推！…查看更多

員工態度惡劣衛生環境欠佳飲完支豆漿後腸胃炎 肚痛肚屙咗兩日豆漿味道奇怪且極甜！唔知擺咗幾多日員工態度差非繁忙時間！落單時三番四次清楚表明環一支豆漿+一罐雀檸、然而員工則拿了一罐無糖可樂，在我表明沒有嗌無糖可樂而係嗌豆漿+雀檸後，員工堅稱並屈我嗌錯😅其後才不情不願地為我更正。…查看更多

**深水埗文記車仔麵食評** 今日專程去深水埗試吓人氣爆燈嘅「文記車仔麵」，三間分店中揀咗中間嗰間，店面光猛乾淨，而且好方便，可以用信用卡、支付寶同微信支付，唔使特登撳錢！ 我自選咗蠔皇小花菇、魚片頭、龍蝦丸、牛腩、清甜蘿蔔同腸仔，配烏冬同牛腩汁湯底。小花菇入味厚身，魚片頭彈牙，龍蝦丸鮮味十足，牛腩軟嫩唔韌，蘿卜清甜無渣，腸仔就係經典童年味道！牛腩汁湯底濃郁得嚟唔會過鹹，撈烏冬一流。飲品加咗杯凍檸檬茶，茶底夠濃，酸甜解膩。 埋單$97，價錢合理，份量足料，難怪長期大排長龍！下次再嚟要試吓其他配料！…查看更多

深水埗的文記車仔麵已經係深水埗出哂名要排隊，但每日仲係有好多人去排隊食。首先，文記的車仔麵選擇性非常多，可以選擇不同的粉麵、配料和湯底。我今次揀左呢d送，玻璃魷魚，手打魚肉，蘿蔔，生菜，仲有每次都嗌既炸墨魚卷配料方面，玻璃魷魚新鮮，口感滑嫩，咬落去有一種海鮮的鮮味。手打魚肉則非常滑口。蘿蔔吸收了湯底的精華，食落去清甜，為整碗麵增添了一份清新感。而生菜更係脆口。至於炸墨魚卷，因為岩岩新鮮炸起外脆內軟，口感特別，真係好好味！另外，今次等候時間亦唔算長。總括來講，文記車仔麵無論係味道、選擇都令我非常滿意，下次一定會再來，試下其他配料！如果你係深水埗，記得一定要試下呢個地道的美食啊！…查看更多

個麵裝完放枱面 後面排隊人人落單就對住啲嘢食噴口水🤢一啲間隔都冇 勁唔衛生 手掂完錢又掂嘢食 眼見運送餐不是時常有蓋着 食物直接由一間鋪吹住塵拎去隔離分店收銀較年輕個位員工態度勁惡劣 表達能力差 唔係期望咩服務態度好 但語氣暴躁 令人難以接受麻煩你下次啲嘢冇得賣or 唔賣 請你表達清晰啲 講一次「冇」 ，而唔係講三次「仲未有」 令人誤會需要等候 中文表達能力有代改進🙄價錢上漲 但食物質素下降 …查看更多

食咗好多年嘅文記車仔麵質素冇變！變咗好多間分店同埋升咗價😖不過我依然間唔時都會食佢，天水圍出嚟真係好遠！因為實在好食啦～好鍾意佢哋自家製嘅酸菜，酸酸辣辣好開胃！每次必點餸菜一定少不了瑞士雞翼同埋豬大腸～佢哋嘅豬大腸真係洗得好乾淨同埋大大嚿好彈牙～車仔麵嘅醬汁一定要揀腩汁或者瑞士汁！兩款都令到湯底好濃郁鮮甜美味😋夏天炎熱一定要點返一杯鹹柑桔七喜！…查看更多

夜麻麻喺深水埗食咩好？行咗去高登嗰邊見到最多人排隊就係呢間傳說中嘅車仔麵。見有啲肚餓就揀咗三餸：瑞士雞翼、蘿蔔同埋酸齋，整體都係好食嘅，餸嘅份量都算多；最特別係佢有腐皮麵揀；第一次食，其實應該就係烚熟左嘅腐皮，不過夜晚食覺得幾健康同冇咁高卡路里，推介比健身同減肥人士選擇。…查看更多

每次去親深水埗的文記車仔麵，次次都見到大排長龍。文記有好多餸任選，我點左一碗四個餸的油麵麵的口感幾彈牙，餸就揀左豬大腸、豬紅、玻璃辣魷魚、瑞士雞翼。豬大腸其實唔似大腸似小腸多d，但都夠彈牙，仲有少少油脂，肥美甘香又冇怪味，必食推介。 豬紅口感偏脆口都幾滑溜。玻璃辣魷魚口感爽彈，但唔太入味，只靠個汁好在個汁辣辣地幾惹味。必食的大熱之選瑞士雞翼，我係為咗佢而去～ 雞翼夠入味，味道帶甜，肉質軟嫩，可惜縮左水好多～ …查看更多

大年初二來到深水埗附近拜年⋯順道帶媽媽一探星級米芝蓮文記車仔麵一嚐…😋正值大年初二，週圍食肆都沒開舖，文記當然如常大排長龍⋯沒事做就順道一試吧！價目如下：首先食物環境欠奉⋯沿著人龍逐人先點餐後付款⋯麵有職工為客人奉上，不過會指定客人用餐位置⋯不得選位，有欠自由車仔湯底尚算出色，不過又未至於勁好食，可能期望太大吧！人稱車仔麵天花板嘛⋯⋯鹵水雞翼是招牌餸⋯食得出鹵水的應該都是本店出色之作⋯不過又未至於勁好食牛孖筋夠冧，牛腩雖冧but有少渣⋯價錢略貴⋯正正常常的一家不太差的車仔麵餐，一試無妨吧！👌🏻…查看更多

Man Kee Cart Noodles, located in the vibrant Sham Shui Po district, is a standout gem in the Hong Kong street food scene and has earned a coveted spot in the 2024 Michelin Guide Hong Kong. Known for its authentic che zai meen (cart noodles), this restaurant brings a rich history and a deep love for Hong Kong’s street food culture to every bowl served. What started as a mobile cart in the 1950s has since evolved into a Michelin-recognized dining experience, maintaining the essence of its humble beginnings while offering a contemporary twist on a classic dish. Whether you're a local or a visitor, Man Kee promises a flavorful journey through the heart of Hong Kong’s culinary heritage.I dare to say every bowl of noodle that Man Kee made is unique - The highlight of having a bowl of cart noodle was the interactive, customizable nature of the dining experience. Being able to choose your favourite type of noodles, toppings, and broth makes the experience feel personal and tailored to your cravings. This time I went with fresh egg noodles, paired with beef tendon, beef tripe, soy-braised pork intestines, seaweed, and sweet radish, all swimming in a rich beef sauce with just the right touch of spice. The noodles were perfectly chewy and absorbed the bold flavors of the broth, while the toppings added depth and complexity to each bite. Every spoonful was a satisfying blend of textures and flavors, making each bite a rewarding experience.What sets Man Kee apart is the vast selection of sauces that allow you to further customize your bowl. From chili sauce and vinegar soy sauce to deep-fried garlic and soy sauce, there’s something for every palate. My personal favorite was the homemade chili oil, which added a burst of spice, complemented by the fish sauce and a drizzle of peppercorn oil. This combination brought an extra layer of complexity to the dish, enhancing the overall flavor and keeping my taste buds engaged throughout the meal. The rich broth, tender beef tendon, and spicy kick of chili oil made every bite feel like a new discovery. The versatility of the dish and the ability to craft something unique every time you visit is what truly makes Man Kee Cart Noodles stand out.For anyone in search of authentic Hong Kong-style cart noodles, Man Kee is an absolute must-visit. With its recognition in the 2024 Michelin Guide Hong Kong, rich flavors, and customizable options, it delivers an experience that feels both traditional and innovative. Whether you’re a local or a visitor, the delicious, hearty bowls of noodles here are sure to satisfy. I left feeling full, content, and already planning my next bowl.…查看更多

被譽為米芝蓮嘅車仔麵，專誠遠到而來。食第一口就覺得中伏，湯底十分「重口味」。食完飲咗兩支解茶才沒有咁口渴。餸菜一般跟其他店舖沒有大分別，只係多選擇。職員態度麻麻不會再光顧…查看更多