文華雞飯(新加坡)

營業中

休息中

其實我係呢間海南雞飯嘅老顧客啦，一個月都會食兩三次，以前成日亂食，因為覺得佢繼續無骨之餘，燒雞仲特嚟香口，同埋好欣賞佢嘅油飯。但係最近一次同憂慮，就令我大失所望。突然燒雞變得唔再香口，同普通油雞冇乜分別，而且又返變得好軟，冇乜口感，真令人失望。

今日一班同事一行十幾人黎試下呢間文華雞飯食之前已經聽過好多關於呢間餐廳既好評，所以都有啲期待好彩我地特登早左出黎，喺門口等左一陣，好快就有位不過十幾人可能真係太多喇，結果都係要分兩張枱坐入到黎大家都緊係想試海南雞啦，佢地有白雞同燒雞揀。白雞就係平時見開嗰種，燒雞個皮就因爲燒過就會香口啲餐牌上套餐同唔係套餐既分別係套餐會有個細肉骨茶同一碟菜。嘢飲係要加錢既套餐既海南雞份量足，雞都幾滑，加埋甜醬油好滋味👍🏻👍🏻👍🏻油飯夠乾身，食落咬到一粒粒既飯。飯有薑味同油香細肉骨茶—引用馬拉同事既comment就係「有新加坡肉骨茶既味道」有同事就試左叉燒飯。我冇食到，不過外表睇唔出同廣東或者港式叉燒有乜嘢唔同😂呢度既食物都唔錯，鐘意食海南雞既可以一試😋

本來想去大角咀既上海飯店食小籠包，點知門口掛住東主有喜休息12日😮 行前少少見到文華雞飯個🇸🇬 色彩門面就貢入去醫肚🍽️一長排既深啡色枱, 同天花上既吊燈風扇 💡, 加埋泛黃燈光，古典味既呈現😉 成間舖應該坐到30零人，周五晚上七點鐘左右黎到都係一半滿Menu 比較簡單，都係雞飯🐔 （白切雞/燒雞, 大細肉骨茶🐽, 只係套餐定單點，仲有啲嘢食🍛同嘢飲🍵飯先黎，記住，叫乜餐都好，要食油飯，油飯，油飯🍚 泛黃既飯油光閃耀，一小啖扒入口，由薑誘發既咸味，一吋吋咁佔領味蕾，單獨食未覺搶口，但就咁夾埋套餐既蔬菜去扒，已經令你想將佢地直達胃部，一啖又一啖咁吞晒再有白切雞燒雞雙併🐔🐓燒雞表面有啲焦香，但呢份味同油飯唔多夾🙄反而又pure 又true 既切雞同咸香油飯夾啲😂 海南雞既份量真係好足，其實未必需要點套餐😋記住枱面上係有醬油，辣醬同薑蓉比你，但個人覺得佢啲雞非常出色，滑嫩夠味👍 舖頭既雞飯，媲美新加坡既水準，亦係暫時我係香港食過最好既❤️❤️❤️肉骨茶🐖比起之前幾間（蘇媽，麥金，捌哥）未算突出，但佢既茶湯較為踏實，無咁重藥味，似湯多啲，特別既係佢用好多菇🍄🍄肉黎講份量都好足飲品要提一提有優多，用益

夜晚晚大角咀雖然仲有好多野食，但喺見「文華雞飯（新加坡）」經常俾人吹捧，所以今日就嚟試下。白雞飯套餐，改雞脾抵食唔食我就唔敢講啦😂😂不過的確喺憶起洗式白切雞飯貴嘅。份量方面都唔見得特別多。雞油飯食落好香，食完碗飯，碗底唔會成兜油，證明有用心地慢慢加雞油慢慢撈，撈到米粒同雞油比例啱啱好。而且雞油飯食落有好重嘅薑香味，呢點喺出面小食到嘅。雞肉肥瘦適中，有厚厚嘅雞皮位，但唔會有厚厚嘅雞油癡住。雖然雞肉好嫩滑，但其實出面好多店都做到咁嘅效果，所以無咩特別。感覺上食過一次就得，並唔喺特別到要食好多次。

今日有同事提議想食海南雞飯，於是就黎左文華雞飯。之前都喺網上見到有人讚，諗住今次終於有機會黎試。裡面鋪頭唔算大，我地5個人黎食要同人地搭檯坐。睇下menu其實價錢一啲都唔平，套餐有四款，都要$80幾蚊，除左雞同飯之外，包左油菜同肉骨茶/飲品。我無叫餐於是就單點左個白雞飯$60，如果要飲品嘅就再加$5。雖然無包野飲，但係就有附埋雞湯。啲雞湯都幾濃郁，仲有幾條菜。雞飯都好快黎到，雞黎講唔算好多，大概6，7舊，不過都幾滑。反而我覺得啲飯算多同埋個油飯都幾香。雖然味道係ok，但係始終覺得有啲貴，同埋又唔覺係比其他鋪特別出色。大角咀都有其他海南雞飯可能會更加抵食。

今次想介紹一間專門食海南雞飯嘅飯店叫文華雞飯，一間係喺大角咀鋪頭其實平時經過你可能唔會為意到有間咁嘅嘢食😂但係你去到食過就會有意外驚喜。今次就同左屋企人去食呢間，由於兩個人食所以我哋都係叫咗兩個套餐兩個人埋單只係需要大約＄150左右👍🏻所以係非常抵食。講完價錢咁其實我就開始講返食物嘅質素啦。其實呢度除咗海南雞飯好食之外佢嘅肉骨茶都好好味首先佢個肉骨茶係冇味精啦而且亦都食到好重料。比着你係出邊食一個肉骨茶加個海南雞飯可能分分鐘都要＄100以上🤦🏾‍♂️而且佢嘅海南雞飯亦都係好多料同大碗 👍🏻所以非常推介大家食依一間😁

大角咀其實都好多隱世好西架~今次就同大家介紹下呢間文華雞飯，佢既正宗海南雞飯真係令人食過返尋味架😋😋🐥海南雞有白雞同燒雞揀，仲可以雙拼，白雞滑，燒雞惹味，兩者雞味非常濃同新鮮，加埋佢佢係枱頭任加既酸甜醬，甜豉油同薑蓉，直係一流 !😍😍(飯都有得揀要油飯或白飯架，著重健康既朋友都岩👍🏻👍🏻)除左海南雞，佢肉骨茶同樣出色，藥材味較重，加埋爽脆既肉骨同煲到非常入味既菇片豆朴，真係勁正😍😍 隔離枱個叔叔仲話係元朗特登揸車出黎飲佢😱😱🔸白雞燒雞飯套餐 ($85) (包括雞，油飯，油菜，細肉骨茶或飲品)🔹肉骨茶套餐 ($73) (包括 大肉骨茶，白飯，油菜)另外佢地既叉燒都好出名架，大家黎到都可以試下😎 😎

大角咀一帶好多美食，有齊中西日韓美食！不過新加坡馬拉菜就選擇唔多既，同老媽子就食呢個肉骨茶出名既文華雞飯啦！雞呢要食咩位最好？一d人話雞胸唔夠滑雞脾位先正喎！本就太懶了雞胸淡淡肉最好呢！餐廳有套餐或散叫，個人應為套餐最化算！雞飯配小肉骨茶套餐78蚊，雙拼加3蚊！價錢屬中等間啦，同d 翠x 、果d差不多！口味就個人應為呢間好d ！雞胸肉及皮都滑唔肥膩同埋不乾身都幾入味！燒雞同白雞都好食，燒雞皮脆既同埋都幾香！個人對肉骨茶無乜研究但味道不過不失！想食新加坡口味可以try下 ：）

一間平民海南雞飯店午市各款雞飯餐包白雞或燒雞、油飯、油菜、肉骨茶或飲品海南雞的確嫩滑但整碟雞都非常油膩 真係好油味道亦欠奉 唔沾醬簡直係完全冇味 有點失望燒雞完全係誤導 雞皮完全不脆 根本就是醬油雞🙄但這個起碼有醬油味 未至於白雞完全冇味平時海南雞飯的醬料會很快點哂這裡剛好相反 雞份量有點少只有薄薄幾件3款傳統醬料卻在桌上任添結果有醬冇雞點 😂 以$82午餐而言 唔抵食亦唔好食雖一安慰係難得這裡有雞什($23)我這個內臟控 梗要叫一碟🤤有雞腎雞潤雞心 全部口感都算不錯

今晚到香港經典文華吃雞飯。點了燒雞飯套餐。有三種醬汁點。幾多人。燒雞幾好味，也嫩。但份量較少。油飯不太油。合我口味。但最突出的是肉骨茶。濃濃的藥味，十分熱。吃完飯後喝仍然滾燙。內有胡椒，吃完全身發熱。冬天喝最好。門面有少少特色，但裡面裝修有點舊。價錢因為雞的份量較少覺得有點貴。總的來說雞飯不算特別。但肉骨茶就非常出色，留下印像。

老實講我係常客，食物水準系唔錯。環境同氣氛都企理。但收成九十蚊一個套餐；服務態度系出其地求其。有一次我買外賣，收銀同我講要收四蚊。我話平時收一蚊點解今日收四蚊。佢話因為上次收少左。我問如果買十個飯盒系唔係收十蚊；佢話總之一個盒一蚊......咁你寫明吖嘛，咁你D員工又容易D跟，客人又可以自俾飯盒。最令我唔滿意系佢地成日將我既野食比錯左其他人轉過頭又比返我。今次又將我既肉骨茶比左隔離枱，但佢係咁同隔離枱道歉，一句說話都無同我講.......我決定唔食，其實我掙扎左好耐，因為我覺得好浪費，我又擔心hurt 到隔離枱感受因為唔關佢地事，我一路等隔離枱走左之後我先走，個阿姐行埋黎問我點解唔食呀，好多人系新加坡飛黎食㗎，阿姐啊，我無飲過呀，碗湯留返比你吖，將心比己，你都唔敢食啦。呢個除左係衛生既問題亦都係態度既問題，你幾次都系咁，我好難相信你有用心去做食物，今次會系我最後一次黎食......

收銀兼服務員的姐姐及同我講bye bye的先生，都有親切的笑容😊我叫外賣，當時唔滿坐，姐姐叫我自己搵位坐住等外賣，又比杯水我飲，坐坐下先知套餐加10有特飲，我就後加左杯薑汁奶茶，薑味濃郁又夠辣，可惜自己唔記得講走甜，被呢件事沖昏頭腦，唔記得品嚐有冇茶香，記憶只剩下甜、薑、滑。油飯滿滿，油香有味道，可口肉骨茶足料，每碗都有豆卜及排骨，湯味很好，有藥材味有夠辣白雞好滑又香燒雞鞋少少，但係多一份惹味，各有千秋叉燒並唔係我哋食開嘅燒味叉燒味道，瘦叉燒但係肉質是軟的口感，味道偏濃，很熟悉的味道但係我想不出煮什麼的食物相似！

吃過天天海南雞飯有點失望，隔一天找了另一間再試，希望滿足心癮。不錯的海南雞飯，配肉骨茶和菜心，午餐豐富。雞肉嫩滑，但欠鮮雞味。油飯很香，入口卻不會油膩。醬汁反而一般，黑醬油偏甜，薑蓉的薑味夠重，辣醬不夠辣。肉骨茶內有豆卜和排骨，但沒有期待的藥材味，而且偏甜。喇沙椰香適中，米粉撈米線，兩重口感，雖然配較硬的油麵會更佳。新加坡叉燒，調味跟港式叉燒不同，看似很乾，肉質卻不嚡不韌，值得一試。以小店來說，服務都不錯。

白雞飯套餐 $75🐣🐣🐣🐣無骨就最基本啦😌 就算來左雞胸都好滑。。係唔錯既😋😋😋😋呢個價錢仲有跟埋一個細既肉骨茶同碟菜性價比高🤟🏼 肉骨茶-美味雞雜 $20加左個雞雜🤔用左秘製醬汁鹵水得來有鮮味👍🏿有最愛既雞腎，仲係爽口既😍😍

Chicken with rice is the standout... soft meat with an oily glaze, although it is “white chicken” it can be eaten without sauce as it is already flavorful enough on its own... chicken rice also with heaps of chicken flavour, not too oily as some shops will make it, you can tell it was cooked with the chicken essence as it should be Bak kut teh is in herbal style (rather than peppery)... a little bitter with a sweet after taste... can also eat the ribs in the soup with fall off the bone meat... l