文利餐廳 (已結業)

去在幾日早餐11：15收51 之前去光頭叔叔同老細都收我$40,一入去阿姐態度好差,阿姐同廚房嘈交好大聲,超誇張期間在枱大力放可樂好大聲,以後唔去,以前都間唔中食下,可能大家樂D態度仲好得多,茶餐廳伙記嘈交,客人食曬阿姐怨氣…查看更多

見門口寫住40年，諗住老字號唔會太差，睇食評都寫得幾好，入去座位都ok，見到廚房唔多企理，唔緊要，叫野食先。叫左個2人餐，好似好抵。嚟到見到碟雞，呆一呆，2人份量？！黎埋小菜，問佢係咪有油菜，佢話喺度啦，冇分開上啫。.....OMG！平時用嚟墊底嘅，竟然已經係油菜，海南雞面頭「搽」晒薑蓉，頂，我唔食薑蓉㗎！！你比得碟薑蓉我點解仲要搽落去！！！有冇下次？ 無！食後感：雞鞋，餸少，孤狗寒！…查看更多

歷史悠久的茶餐廳，主要係街坊生意。生意唔錯㗎，但出奇無人寫食評！十幾年幫襯都抵食夾大碟，雖然唔貴，但係食物質數好OK 㗎！平時D晚市碟頭套餐每次都大大碟，大廚好有心機煮㗎，鑊氣十足又好味，食完唔會口渴，都係$5x-$6x，包埋湯，飯及飲品，而且次次都食唔晒要打包走！今晚母親節，沒有在外訂位晚餐，見老闆做咗個母親節套餐，就試一試，果然沒有失望！又係好食抵食及大碟！大廚梗係落足心機去煮，茶餐廳竟做到酒樓嘅質素，鮑魚和班球都新鲜爽滑，火喉啱啱好，焦鹽蝦每次都做得好香脆，隻雞唔肥而且好入味，其他幾味水準都食得出係用個心去煮！走時都唔記得多謝大廚，最後攬住個肚，又係食唔晒拎著兩大袋外賣離開！…查看更多

越做越差？食客有同感，老員工努力四十年，霓虹管換了，看得出老闆做生意誠意，街坊聊聊亦挺受落。廚房功力不比從前，食物味道遜色了，過了年，别家加價二成，文利仍然保持價廉品質合理優良口碑。老伙記麗姐、蘭姐、隆叔、宗叔等陸續走了，近年請都是流水作業式，服務態度有待改對。上年自稱亞姐的一位及頸卷髮老大姐，落單問兩句半老闆娘模樣撐行，這樣沒有，那樣沒有，櫃面埋單六十五元，誤把兩個五毛當了一元用給罵臭，朋友在旁側目，另一次顧客給了千元大紙，不是餐廳都會接受，不必脾氣向顧客發泄。斯文人吃飯好處攢名聲幸運的話未嘗不可。玻璃窗貼上名人合照，佩兒，安德尊員，比上鏡漂亮。路過排迴看看也覺得happie。…查看更多

真心推介呢間茶餐廳 —— 文利🍴17:59入去都照做下午茶比我地❤️ 係人情味☺️佢個招牌黑白西多士真係好正😋 份量好足👍🏼好正好juciy 朱古力醬同煉奶配合得好好西多士炸得外脆內軟上錯野飲即刻補過杯🤣 結果每人free左1杯🍞加埋杯火山🌋美祿恐龍🦖 埋單價$32下次有機會一定會試埋其他正餐嘢食😊…查看更多

原先前排見到佢寫住結業, 跟住休息兩個星期又開返, 諗住支持下, 睇下係咪有新原素、新驚喜啦。答案係冇嘅, 而且差過以前少少。<吉列豬扒腸飯> 吉烈豬扒ok略嫌肥咗少少; 介紹多餘嘅場就大鑊喇, 我估計應該係擺雪櫃擺得太耐, 有啲已經變味, 而且腸身乾乾黑黑, 唔敢食!<京都豬扒飯> 都ok, 冇乜特別。汁及菠蘿好酸。<熱奶茶> 同區最大杯。 好飲嘅, 但茶味味道淡咗少少。<美綠暴龍> 好飲。午餐時段, 得一個侍應, 撲來撲去, 真係唔知點講好。唔想畀差評, 希望佢可以改善下, 繼續做返好啲啦。…查看更多

同朋友一齊吃下午茶，她點了午餐的鹹魚雞粒炒飯，而我點了下午茶的西式炒飯她的跟了一碗湯和飲料，我的就只有飲料湯是紅青蘿蔔豬骨湯，略淡，但不會有味精味炒飯都很足料，性價比高！…查看更多

這餐廳在同一地段不算小，足足有兩個大型鋪位的面積。無論下午茶或午餐及晚餐的份量都很足，由於師傅時有更換，所以質量和味道方面在不同時間去都有所差別。襯weekend有空，尊誠去文利一試聞名已久的黑白西多，它的賣相非常漂亮，媲美大酒店級數，黑白均代表了朱古力醬和煉奶，一般西多用上糖漿，按個別喜好淋上西多，這份黑白西多的醬量由廚房定，略嫌不夠甜（可以加甜），多士亦沾不夠蛋醬，內涵較為淡口，不夠一般西多爆醬和焦香，漿料方面，還是用上傳統糖漿味道夾一點，不過這個價錢，連飲品已經無話可說。整體中規中矩，未去過的朋友很值得一試。…查看更多

係咁嘅, 正常情況下我都唔會寫茶餐廳食評之不過,今晚食嘅茶餐廳我就俾幾高分,咁都老實講,講嘢食喱度就真係唔係殿堂級,但人情味喱度就真係好有啦其實我係睇中佢個黑白多士而黎,但最後太飽所以試唔到咁就叫左個98蚊嘅2人套餐,有海南雞,一個小菜,一個時菜,2碗白飯同兩杯嘢飲,其實仲有2個例湯嘅應該,不過可能員工見我地一坐低就飲緊啤酒所以就冇俾到,咁其實我都冇想飲湯所以亦到冇叫到先講個餐海南雞有dddddd失望,因為佢冇我想像中的嫩滑,不過都ok啦,有個薑蓉拉返分椒鹽豬扒,我男人就好鐘意喱味餸,賣相都幾靚仔呀菜心咁由於我地係大食怪,所以再見左個小菜叫左個黑椒腰果炒牛柳粒,而家先發現冇左腰果,不過都唔緊要啦其實我地叫左啤酒,但我好鐘意飲港式奶茶,所以都點左,都ok香喎喱度係一間好舊式嘅茶餐廳,但員工都好friendly 好有禮貌亦都好熱情,睇得出大部份嘅客人都係熟客,嘢食質素ookk但人情味加晒分,有機會一定會再黎,下次一定要食到佢個黑白多士！Btw,以上咁多嘅食加埋4支啤酒,賣單260幾,真係好抵食!…查看更多

清假關係，這陣子日日睡至自然醒，而這天起床後大概已經2時了，草草吃點東西，便開始在家執屋，不知怎的，在假期裏時間總是過得特別快，左忙右忙差不多5時，便與爸爸媽媽到處逛逛及吃東西。我們沿奧海城一直走，來到佐敦一帶「搵食」。文利餐廳位於文蔚街，舖面看起來不算吸引，但菜式選擇極多，而且價錢親民，二人餐也只是HK$92，所以決定試試。由於餐廳的佔地挺大，所以很容易就找到坐位入座，查看餐牌時，發現下午茶時段竟然至 6pm為止，對我來說實在是一個驚喜。店員表示這裏的"黑白西多士"非常出名，見價錢不貴，那就點一個試試。黑白西多士送上來時，真的令我看呆了眼，因為賣相精緻得能媲美高級餐廳出品，而它的價錢只是HK$24連飲品。西多士切成一粒粒大小相同的粒粒，一層一層的疊高，形成了一個小形金字塔，再以朱古力漿及煉奶打圈點綴，西多士挺厚身的，而且每粒都炸至金黃色，入口外層香脆，內層鬆軟，一點都不油膩，加上香甜的煉奶及朱古力，一啖一粒的相當滋味，我和爸媽都給它滿分。另外，單點任何主菜，都會跟送白飯、例湯及咖啡／茶。 是日例湯是粉葛湯 - 粉葛具清熱、去骨火作用，而且纖維豐富，有助清理腸胃，粉葛湯湯底濃稀適中，湯面有少許油份，而它的味道相當鮮甜，帶有濃郁的肉香味道，與媽媽平日煲的老火湯非常相似。涼瓜肉碎煎蛋角 - 這裏的小菜可以用「大件夾抵食」來形容，送上來是滿滿的一大碟，份量足夠2人享用，而苦瓜帶有清熱解暑作用，味道苦中帶甘，入口爽脆，而肉碎令味道變得更香口，每一口都散發著蛋香及淡淡的焦香味道。 大家看看，連白飯都是裝得滿滿的，怕浪費食物，可以在落單時要求減少份量。 魚香茄子煲 - 這個茄子煲真的超級好吃，煲內的茄子數量極多，全都煮至淋淋滑滑，而且吸引了醬汁後，變得非常入味，入口充滿鹹香，煲內更放了大量炒香了的肉碎，令口感層次提升，惹味非常，用來佐飯一流。 鹹牛肉三文治 - 這個三文治同樣是真材實料，內裏放了大量鹹牛肉，感覺相當實在，而鹹牛肉味道濃郁，做成三文治，麵包就能中和鹹度，當然，相香口一點可以要求烘底，這樣口感會更好。 跟餐轉熱飲只需加HK$2，我們各自點了蜂蜜梨茶及蜂蜜生薑茶，說實，一般茶記若把餐飲轉為滋潤熱飲，通常都會收取（HK$6-HK$9），但這裏只是額外多加HK$2，實在令我有點意外。蜂蜜生薑茶 - 這杯滋潤飲非常潤喉，不但味道香甜，而且薑味極濃，喝後喉嚨會感到微微的刺熱，既滋潤又補身。…查看更多

晚餐既小菜平均50蚊，唔太貴送例湯 白飯同飲品，其實好抵西洋菜排骨湯好多料，飲落都唔覺有味精叫左條豉汁倉魚好鮮甜，魚肉都滑，豉汁有少少辣椒喺度好惹味家鄉雜菜粉絲煲好多料，蝦米好香，仲有超多魷魚菜有好多款 都好新鮮最後食個甜品呢度新推出咗黑白西多個西多包鬆軟，黑同白分別為朱古力醬同煉奶雖然有別傳統西多，但呢個都幾特別 幾好味最鍾意佢一粒粒 唔洗切唔洗煩…查看更多

家住佐敦的朋友帶我食好東西明星都來幫襯的茶餐廳卻又便宜又好食總覺得茶餐廳非常利害廚房煮到極多不同菜式就如叮噹的百寶袋林林總總什麼都有備料豈不很複雜？晚餐附送的合掌瓜湯沒有去掉合掌瓜的外皮卻已煲得很軟淋可以同吃湯幾夠味同唔太咸西蘭花炒班球$63西蘭花好翠綠新鮮其獨有的菜香濃 很喜歡軟淋適中 保留蔬菜水份同爽脆班球竟然有這麼多片餐廳能賺錢嗎？班球有魚鮮味 軟淋無骨啖啖肉好正但這個菜較濃味適合拌飯吃海南雞飯$49好好彩有雞脾食雞有雞味 是認真的只是肉質不如想像中滑溜雖說是海南雞但我竟吃到有點沙薑味？黑白西多士$24堆成山丘般以朱古力醬圍起賣相好靚 似cafe店作品份量好足口感超鬆軟炸過的麵包不覺油膩加上香濃的朱古力醬同煉奶邪惡的美味如果醬料可以多少少就更好蜂蜜檸檬柚子茶沖到好濃郁的 沒有在省還有一片青檸想要多酸由自己話事…查看更多

今日要去佐敦拎野，由於太快拎完時間尚早，剛好下午茶時段，立即約飯腳問下tea time茶記嘆下啦。友人推介呢間「文利」，話真材實料又好味，我見海南雞飯都好吸引，但怕太飽，最後點左特色下午茶餐。一坐低就送上例湯，正喎！甘好既，難得下午茶都有個湯濕下個咀，不過我個碗就多油，友人的就走油。 冬瓜湯下火滋潤，暖熱不咸。黑白西多士 $24，比一般西多的賣相精美，炸得金黃色一磚磚好整理，還疊高好睇又份量多。有八件切好方便進食，黑白的意思就是黑朱古力及煉奶醬，兩者雖甜，但味道各有特色。西多士好酥香鬆軟，而且不油膩，吸盡蛋汁才炸，所以好有蛋香。黑白脆豬 $24，都是黑朱古力及煉奶，分別塗上脆豬，不算特別，但味道好好。脆豬烘得鬆脆不硬，好易咬入又仍有脆感。加煉奶都常食到，但配朱古力醬比較少見，味道也好夾。炸雞脾配沙律 $31炸脾熱辣辣，炸得少少over，但只係邊位，所以接受到，同時正因為炸得夠透，雞樣脆卜卜又薄好似脆過薯片咁。雞脾算係好大隻，絕對夠飽。沙律加了點甜，調味不太重，味道合格有餘。咸檸檬七喜 （套餐加$6)，友人叫開我又叫，所以乂家都飲呢款，咸檸檬醃得夠咸，酸味卻退了點，配甜甜汽水，的確好清爽好順喉。…查看更多

我係講緊碟黑白西多，朱古力醬同煉奶一齊溝埋碟西多士，西多士係厚切，金黄香脆嘅外層，麵包喺炸過之後仲係鬆，佢嘅雞蛋味係好香。現實睇佢係比張相仲靚，可能係温度嘅問題，真實嘅黑白西多士係有感染力，食完一件到另一件。…查看更多

連續兩天來佐敦上 Training Course，下課後繼續到附近覓食。前一天吃了拉麵，所以今日就一於約埋同事走遠一點，去渡船角一帶找間茶餐廳 Hea 吓，順便吃頓下午茶。見這間位於文蔚街的《文利餐廳》店面頗大，佔兩個相連單位，而且地方整齊企理，決定入內一試。用餐區分成左右兩邊，選了右邊較多的座位，安頓後再環顧四周，佈置是一貫的茶記格局，裝潢簡潔光猛，舖面設有散座及卡位，而牆身則掛有幾幅花草繪畫。先拿起檯面餐牌細看，下午茶餐選擇非常豐富，有粉麵飯、特式茶餐、香脆豬包、小食茶餐、三文治茶餐、公仔麵/通粉茶餐、雙拼公仔麵餐、雙拼扒麵餐、英倫風味餐、多士餐、鮮油菠蘿包餐等。至於散點方面，就有中/西飯餐、中廚小菜、廚師精選、鐵板精選、百搭西餐、焗飯精選、原味煲仔菜、鑊仔葡汁蛋炒飯、惹味小炒王、炒粉/麵/米/意粉餐、炒粉麵，開胃精選餐、單叫粉麵/小食及常餐等。經商議後，決定各自點一客下午茶餐，再加多份公司治大家開心 Share。同事揀的洋蔥豬扒包 ($32) 率先送上。豬仔包 Size 中等，烘得暖笠笠，吃起來外香脆內軟熟，而夾著的豬扒亦十分鬆軟，完全沒嚡口或乾巴巴的感覺，加埋入面的茄汁洋蔥絲，既豐富又美味。至於我點的黑白西多士 ($24)，成品上碟時已切成粒粒狀，可以輕易地成粒放入口，感覺極爽！先拉前細看，粒粒色澤都呈淺金黃，面頭平均地沾上朱古力醬和煉奶，而碟邊則擠上巧克力醬作裝飾，單看賣相，已知不簡單。立即叉起一試，西多粒外形厚身四正，入口鬆軟帶脆，而且炸後亦不感油膩，加上以煉奶及朱古力代替糖漿，實在非常滋味，滿足度爆燈！公司三文治 ($37)，這裡的公司三文治絕對能體驗到茶記用料，雖然食材唔算講究，但大堆頭之餘亦夠曬豐富。至於味道方面，多士稍嫌烘得唔夠脆口，不過入面㚒滿餐肉、蛋、番茄、火腿、生菜和芝士，份量足又好吃，已算交足功課。跟餐點了凍檸茶 (凍飲+$2) 和凍奶茶 (凍飲+$2)，檸茶甜度有點偏高，幸好檸檬夠酸。沒試同事點的凍奶茶，據說味道不俗，入口順滑又不苦澀。如果下次再經過這邊，會再來試試餐廳的小炒。…查看更多