老實的，我好日都唔幫襯，今日喺附近有嘢做，又要等人，所以搵間餐廳食個早餐先。客觀來說，唔熟路真係唔會識去呢間餐廳，其實佢本身餐廳位置係面向馬路，我好少嚟鑽石山，所以就睇路牌，鑽石山荷里活廣場寫住係一樓，咁我就以為好正常咁樣入咗商場裏面搵啦，不過成個圈都搵唔到，最後都係要問客戶服務先至知道原來餐廳係喺外邊入。幾經轉折入到餐廳門口，首先我就唔介意冇人招待我嘅，但我都好有禮貌，喺門口望入去睇吓有冇位先，咁見冇位就喺門口等下啦，其實後邊都開始有人排隊㗎啦，等下等見到有個服務員揮手示意叫我進入，入到餐廳見到剛示意我的服務員正在執拾枱面，我覺得正常人會以為佢之前係我坐呢張枱，但係好出奇嘅係當我埋位嘅時候，呢個服務員竟然話冇位，仲叫我出去排隊，但其實我本身係出邊排緊隊係見到佢示意我先入嚟嘅，我當然好無奈啦，我仲以為自己睇錯跟住我行返出去門口，幸好本身排我後面的男顧客也表示見到是服務示意我進去餐廳的，也表示已習慣餐廳服務員的服務態度，咁即係唔係我冇睇錯啦，係個服務員有問題啦，不過都唔緊要啦，反正我一年都未必會幫襯一次，但對這次的服務表示不滿，所以才打出這段文字。BTW ，敏華餐廳個沙嗲牛麵的確不錯，炒蛋都很香，奶茶都很滑，但服務員工作態度有待改善。…查看更多
