敏華冰廳 (荷里活廣場)

喂喂，我係個食過無數茶記嘅老江湖，敏銳嘅味蕾一試就知貨！今次專程去敏華冰廳，點咗幾樣經典，食完直呼過癮。頭炮係荷蘭煉奶花生醬心心西多士，麵包烤得金黃脆口，內裡塞滿濃郁花生醬同甜甜煉奶，咬一口心形爆漿，甜度啱啱好，唔會太膩，完美下午茶選擇！🍞 脆皮雞翼就不得了，外皮脆到響，肉質鮮嫩多汁，灑上蒜蓉辣椒，辣辣地提味，食完仲想encore！🔥 熱奶茶暖呼呼，茶底香濃，奶味滑溜，配埋早餐超match，尤其係寒天飲落暖心。凍奶茶就涼浸浸，茶香一樣勁，解暑一流，夏天嚟講係必點！呢間茶記裝修懷舊，侍應親切，價錢唔貴，係正宗港味天堂。強烈推介大家嚟試！…查看更多

敏華冰廳的黯然銷魂飯外賣點了敏華冰廳的黯然銷魂飯, 港式系列的精選, 荷包蛋加叉燒加飯, 相當滿足咧。喜歡甜口的叉燒, 吃起來又juicy又嫩, 美味非常。荷包蛋的蛋汁是必殺技, 讓白飯吃起來不會太乾涸, 而是有蛋香, 相當滋味, 不用加額外的調味料已經很好吃, 因為叉燒和荷包蛋的化學作用, 所以都可以理解為甚麼九十八元, 是值得一吃的, 建議點個蠔油時菜, 因為外賣都可以吃得比較健康的。喜歡奶茶的話也可以點他們的凍奶茶, 是跟餐的, 只加三元, 相當合理, 並沒有嚴重剝削。…查看更多

黯然銷魂飯五件叉燒, 真係厚切, 真係梅頭肉, 所以肉質軟淋, 其中兩件有少少根, 呢個價錢, 可以接受, 冇投訴.兩隻煎蛋, 雖然賣相唔靚, 但冇影響個味道, 面頭上面嘅豉油, 份量啱啱好, 唔會太鹹包熱飲：揀咗茶走茶味唔濃, 勝在煉奶 分開提供, 可以自己倒入.見有人排隊 先知道有哩個優惠呢個限時優惠真係唔錯雖然得幾日但會做到夜晚七點半…查看更多

之前在餐廳堂食招牌黯然銷魂飯還可以的，是外賣關係嗎？今晚留在家中好好休息，叫個招牌黯然銷魂飯加杯凍檸茶，一見盒飯d义燒就有d失望，食落果然失望，好結實吓。如果堂食就可以反映一吓！還有一個疑問就係究竟依家d餐廳用咩米來煑飯？當然係吾滿意先咁問啦！今晚仲叫左另一份黑椒汁豬扒飯，豬扒是可以的，正常！個黑椒汁完全冇辣味，建議可以加d辣度，食得黑椒汁應該鍾意食辣嘅我認為。希望餐廳用心d做好食物，本身食物價錢吾平，願意比呢個價錢就係想食到好食嘅野。…查看更多

中午出來吃午餐，黯然銷魂飯同埋叉燒四寶飯好好吃！敏華嘅叉燒從來不會令人失望。期間我老公出去接個urgent工作電話，之後不愉快嘅事情就發生啦。一位店員站在我哋餐檯邊細細聲罵我哋霸抬，說等陣仲要趕著收檯。我人生第一次試過，邊食飯邊被人罵！之後我老公返來好快食完飯，佢仲要等我哋飲完湯。我哋都冇霸住抬，仲要被店員罵。好唔開心嘅就餐經歷，唔會再來幫襯…查看更多

敏華冰廳(荷里活廣場)下午時段2点鐘，有新野發現炸豬扒冬蔭功米粉配原滑奶茶盛惠38蚊，湯府好味大碗無得輸在南蓮園池隔離無乜人唔洗排隊可以去試試，唔夠重可以試埋新鮮出爐蛋tart奶茶亦保持水準之上☕️😋👍…查看更多

咕吱最近迷上西多士，Zaza緊係要帶佢試吓 唔同餐廳出品嘅西多士啦🥰試咗十幾間餐廳，咕吱最愛就係敏華冰廳嘅西多士😋 呢到出品嘅西多士，比其他餐廳厚重，大大塊，所以完美做到外脆內軟嘅口感😍 加上方包中間塗滿厚厚嘅花生醬🥜，每啖都洋溢香甜味，係Zaza暫時食過，最好味嘅西多士呀👍🏻除咗西多士其實呢度嘅燒味飯，同埋咖喱飯都做得非常出色，但係由於今次只係食下午茶，所以就冇order到正餐食物，如果有機會再影俾大家睇，同大家開心share😀…查看更多

今日年初四又係公眾假期早上去鑽石山敏華食早餐。坐低之後發現原來今日+1服務費。 農曆新年年初四又係公眾假期+1服務費都無可厚非。不過唔知敏華呢個企業係咪會同員工分享呢個+1服務費？如果收咗客+1服務費會俾返員工嘅，咁就係一個良心企業，如果唔係就賺到盡 。雖然食物保持水準。服務水準都好。食肆成日話請唔到人點樣對啲員工其實都好重要。 今日吃了濃雞湯火腿通粉，煎太陽蛋。同埋茶走。只係今日太陽蛋隻蛋煎得太生 ，雞湯火腿通粉味道好。茶走保持水準。…查看更多

2月10日龍年大年初一，揾食肥華和靚媽，買咗早埸飛，在荷李活睇賀歲片，因利成便就在此店食早餐，早知在新春假期，此店會收加一服務費，肥華唔介意，過年俾多少少消費，但肥華最介意係，此店將一張四人卡座嘅枱面，用膠板隔開兩面，即是強迫一啤啤嘅食客要，擠在一邊卡位進食，嘅然顧客願意俾多啲消費，為何比店唔俾個較好環境給顧客用餐，呢個安排祇有令顧客反感。至於肥華今早在此店食到嘅，早餐食物，係一碗牛肉冇味，個湯極咸，麵質尚好嘅沙茶醬牛肉公仔麵，加兩隻凍煎蛋及一塊肥華食咗一半就唔想再食嘅多士，和一杯份量少味道淡啲熱奶茶，呢個劣食早餐就係，揾食肥華在龍年的第一餐👎👎👎👎👎…查看更多

今日轉左去龍盤苑針灸，十一點針完，對於中意一餐當兩餐嘅我 敏華係不二之選，今次食五香肉丁公仔麵五香肉丁公仔麵香辣味撲鼻。五香肉丁聞落辣味十足食落恰到好處。讓肉質鮮嫩多汁。搭配上彈牙的麵條，整體味道十分美味。餐具一如既往污糟嘅問題，靠自己。經典敏華式炒蛋多士早餐通常唔會失望。多士外層酥脆，內部柔軟，敏華炒蛋發揮正常嘅話係十分美味。今次都正常發揮。而且感覺份量好似多過外賣…查看更多

敏華其實唔同分店都食過多次，都不是因為有什麼吸引之處，而是正正常常，水準不太好又不太差。通常都在商場內。香港依家在商埸內的食店大多不便宜，有時只想hea 食一餐就會走入去敏華。今日因為周圍都冇位泊車，就去了荷里活廣場敏華食，好在是早上，下午就發生了斬死人的大新聞。講返個早餐：個歐陸全日早餐餐牌寫有雞扒又有魚柳好似好豐富。嚟到就比較失望。雞扒同魚柳都好迷李，夾埋兩塊都冇手掌🖐️心咁大。唔喜歡佢啲軟多士，個人口味。沙牛米就大些，米粉多牛肉少，如果佢俾人轉腸蛋/腿蛋仲好，迫住人地隻腸/雙腿/雙蛋。奶茶杯佢訂做，內籠特別細，看得出佢賺盡心態。總結：會去，唔係佢好食，因為佢佔據咗市場，好多商場得佢一間茶餐廳。咁佢又唔太差。…查看更多

行完山，來到鑽石山車站附近來個下午茶，友人見到敏華招牌便即講要入食，其實個人覺得敏華麻麻的😅這間座位充足，因是平日星期四下午4點9，人不多，我們兩人都可以坐四人卡位，否則人多就要搭枱，當然中間有塊膠板。服務一般，價格略貴，下午茶餐選擇少。友人覺熱奶茶可以，我原本想飲好立克，但沒有供應，轉了華田，不算濃郁但尚可，有部分餐廳真係開得稀，味淡好似飲奶水。炒蛋多士睇落真係唔錯，多士香脆。朋友想入嚟就係想食佢嘅豬潤湯米，豬膶夠多，不韌，可口，薑夠多，但可能沒有拍薑，薑味不出。不過這是常餐$63，我就覺得貴囉。而我的榨菜肉絲麵夠熱，麵底不錯，雞翼就燶咗少少但尚可。…查看更多

今晚試咗招牌銷魂飯，d叉燒硬到死，一d都唔好食～以為好似佢個名一樣咁銷魂，點知d叉燒食得我差d冇咗個魂～切又切的得咁厚，切薄d可能好咬d上次試過黃金叉燒飯好食過佢，最少叉燒好咬d。…查看更多

當日同朋友行左五小時山，落山鑽石山荷里活廣場，我同朋友成日無食野，所以就入左去依間餐廳到食飯。我嗌左個超級大雞扒飯，我朋友叫左個常餐。⭕超級大雞扒飯，雞扒說是即點即，做比較薄身的雞扒也烤得皮薄香口，皮與肉不分離，但肉比較乾，加上蔥油醬撈飯，整體吾錯⭕我試左少少我朋友叫左個沙爹牛肉公仔麵常餐，好濃郁好杰身，每一啖麵都掛晒沙嗲汁呀，洋蔥味同花生味都幾突出，而且牛肉份量多，重口味人士必定鍾意。個人感想：凳同座位之間比較窄，服務員反應比較慢，環境好…查看更多

敏華在香港去過三幾間. 灣仔,銅鑼灣及堅尼地城.第一次去鑽石山荷里活廣場的敏華.發覺服務比其他幾間都好. 自動奉上熱水自動拿一小椅給人客放手袋. 因我們坐的是兩人位. 不是卡位.所以沒有地方放手袋.女侍應態度友善. 相比堅尼地城那分店好好多.…查看更多