敏華冰廳 (如心廣場二期)

營業中

休息中

其實從來未幫襯過敏華，因為look Threads見到黯然銷魂飯做緊堂食優惠$35（原價成$7X），所以就決定去試吓叉燒有5片，3片係半肥瘦，另外兩片偏瘦，加兩隻半熟蛋。份量唔算多，味道中規中矩，都唔錯。反而我想讚下班員工，唔知關唔關做緊優惠事，下午未到三點，門口都要排隊，食客一個接一個出出入入，下午茶時段都算忙，但由門口帶位到送餐每個員工態度都好好。會主動幫食客搵地方放大件物品，亦會幫推BB車嘅食客指引路線。到最後我埋單時，收銀姐姐做緊野，帶位姐姐怕我等都有主動幫我用自助收銀機付款。感覺呢間鋪啲員工應該做得幾開心，個個態度都唔似香港飲食業嘅員工😂😂😂

一向對敏華餐廳印象都係一般，已經好耐無去。最近再去返，更加對佢地嘅管理感到相當失望。一到門口就睇到好長條排隊人龍，但無任何排隊安排，叫人入座太細聲，導致客人打尖，覺得非常混亂。雖然已經耐心等待，但員工嘅態度亦讓我十分無奈。佢地似乎對顧客嘅抱怨無動於衷，表現得有啲漫不經心。落單後，我足足等了40分鐘先等到上菜，咁樣嘅等待時間令我對餐廳的整體印象大打折扣。雖然食物的質素還算可以，但喺咁差嘅管理和服務質量下，實在令人難以享受用餐嘅過程。敏華餐廳如果唔改善排隊管理和員工的服務態度，恐怕將難以吸引回頭客。我對今次嘅用餐經歷感到非常失望，未來唔會再光顧。

超愛敏華冰廳每個禮拜都會跟朋友一起過來吃套餐真的都多到吃不完😍而且好好吃聽說蛋塔也是熱賣的品項下次也想嘗試看看😊而且結帳時店員姐姐們人都超級好，說話超級溫柔以後也會常常來敏華用餐的！

老公話茶餐廳都寫食評😅 係呀！我寫食評就好似寫日記咁樣，順便記錄一下食咗啲嘢，影低餐牌，我覺得呢啲都係幾好的參考資料嚟㗎！今天原本沒什麼胃口，故求其選了常餐來食，敏華有5款常餐，其中夠薑豬膶牛肉湯米粉較有特色。我少吃內臟，故選了最受歡迎的沙茶牛肉，可併火腿/香腸+炒蛋/煎雙蛋：🌸 潮式沙茶牛肉公仔麵 併 火腿煎雙蛋 $57意外地好吃的是厚多士，烘得香脆，塗上牛油包的熱力使其熔化，好正！雙蛋煎得剛剛好！沙茶牛肉正常，反而麵就煮得太林了🌸 敏華黯然銷魂飯 $71即係半肥瘦叉燒加煎雙蛋，今次啲叉燒唔得，太瘦，賣$71就唔係咁值呢個價🌸 奶茶係好飲嘅，茶香奶滑！

敏華餐廳真係一間好舒服嘅食肆，無論係服務態度定飲品質量都做得幾好。入到去，服務員總係面帶微笑，幫你點餐時都好有耐性，唔會急急忙忙，令你感覺好輕鬆。佢哋對餐牌好熟，遇到問題都會好樂意幫你解答，讓你覺得受到重視。至於佢哋嘅奶茶，真係相當好飲！奶茶嘅味道香濃，茶味同奶味平衡得好好，唔會太甜，飲落去好滑順。每一口都好享受，無論係熱飲定冰飲，都可以滿足到你嘅需求。特別係熱天，來一杯冰奶茶，真係幾開心。整體而言，敏華餐廳不單止食物美味，服務亦做得好到位，無論你係想同朋友聚會定係家人一齊食飯，呢度都係個好選擇。如果你未試過，真係可以考慮一下，保證唔會失望！

服务很好，食物也很好吃。我和家人点了糯米饭，炒蛋肠仔多士，和西多士。全部上菜都很快除了西多士有点慢，可是也不影响它很好吃。最后吃的蛋挞很酥很香。虽然很多人排队可是进去蛮快的。最后点评一下饮料，奶茶是不错蛮丝滑，咖啡也巨香

已有一段時間無去敏華如心二期店，過往主要是去食多士早餐(滑疍火煺 or 腸仔)，當中最好味是塊厚厚烘得熱脆脆的多士，鬆脆及入口即溶口感是主要亮點。 可是，今早去吃這最好味的多士早餐，怎料大失所望：1) 鬆脆口感完全失去，入口即溶口感也變成糊口難食又唔係好熱(相信好大可能是宿短烘多士時間以加快流程)，吃了一半已吃不下了2) 而且滑蛋份量也比過往少了約3份之13) 其實腸仔外皮亦相對厚又唔脆，煎唔夠熱會感到肥膩難吃希望敏華可以改善(特別係多士)，否則又失去這亮點。

我們於19/10（六）早上約七點四十五分左右到達，人流不多，可選位置。八點開始多人，要排隊，不過餐廳入面其實仲有些位置，不過職員可能唔想開個d座位住🤣我們叫了2個早餐，包飲品。❶濃香雞湯火腿通粉 拼炒滑蛋及歐式軟多士（$38）：火腿通粉幾大碗，火腿絲都多，歐式軟多士已經走邊，有烘一烘👍🏻，滑蛋就碎咗啲，不過都大份。❷榨菜肉絲湯米粉 拼 香草腸及歐式軟多士（$38）：榨菜肉絲湯米粉都好大碗，榨菜比出面多，香草腸就不重胡椒味，幾結實。男侍應服務態度幾好，食物又大件，幾抵食，開始明白點解平日都咁多人排隊。埋單仲可以自助埋單，方便快捷。

真係好唔明 明明入面好多吉位 但出面還是排長籠 明明果4個位吉左好耐 但10分鐘都唔叫人入去 呢啲係咩安排 💩💩💩唔係第一次 點解都無進步 係唔係需要再培訓 公司係唔係要有一個準則

去敏華食下午茶☕️，QR code落單，叫左馬來三叔公咖吔多士配沖繩黑糖珍珠咖啡☕️（加$14），仲有荷蘭🇳🇱練奶西多士配凍檸茶。西多士同凍檸茶5分鐘上枱，西多士有心形🧡牛油🧈。咖吔多士10分鐘先上枱，咖吔多士舊牛油🧈都好正😊。珍珠咖啡最遲，15分鐘先上枱，好頸渴，珍珠咖啡☕️比想像中💭好飲，冇冰同埋珍珠甜Q。埋單新安裝小伙伴apps減$10，仲有BOCpay優惠減$5，成個師奶仔咁🤣

記得晌年初，同老婆喺V Walk嘅「敏華」食過一次晚飯，無論招呼，抑或食物嘅質素，都覺得幾好，幾滿意。不是我哋週六都會過嚟「荃新天地」嘅英皇睇早場，之後再周圍食埋晏先返歸，好多時經過呢間「敏華」都有條小人龍晌門口，所以，增加咗我哋返兜嘅信心，但喺，呢次嘅體驗就真喺幾失望。雖然門口有人龍，但始終喺茶記，人流快上快落 ，我哋都喺大概等五分鐘就有位。內裏嘅格局唔多講，都喺一般茶記設定，唔花巧，最緊要喺乾淨企理就算，不過，枱面仲有好多漬，明顯未抹乾淨。 枱面玻璃下就攝咗成張餐牌，而枱邊亦插咗一啲特別推介餐牌，然而，呢度就唔興提供是日午餐已，定價方面亦都比一般嘅茶記為高。 每張枱角都有個二維碼，所以，落單都喺用佢直接落單，不過，有樣嘢好搞笑，當落豬扒飯嘅時候，除咗少飯、多飯，仲有個走飯，我心諗有無人真喺走飯叫淨豬扒呢？如果走飯，我相信亦都唔會俾多舊豬扒你。 餐具、簡單調味料、紙巾就放晒枱側嘅拉櫃桶之內，自由取用。 咖哩雜菜蛋飯 $58左揀右揀，老婆卒之晌 港式人氣咖哩套餐埋手，因為有一份全素嘅咖哩飯最合佢心水，不過呢，嚟到非常之失望，可以講跟餐牌嘅圖片差天拱地，有眼你睇，啲蔬菜真喺得咁少，仲要喺

買個早餐外賣，等足三個字。眼見堂食客遲過我黎都食緊。原來個麵出咗，但放起水bar位完全無人理。當問個女(細細粒短頭髮)，佢就話外賣係耐D。佢咁嘅態度同回應，令到我即時火起。這間公司不會再幫襯。

本人公司lunch time 1:17分叫外賣單 足足等了30分鐘 公司同事打來吹我 因為lunch time只有一個鐘 諗住喺冰室出餐快10分鐘搞掂 ，而我亦都係只係嗌一個好普通嘅餐肉煎蛋飯凍檸茶 蛋足足等了30分鐘 服務員工態度欠佳 你吹單佢會黑面 完全沒有 簡直唔相信係一個集團完全冇系統 垃圾以後都唔會再幫襯 食物份量又縮水 完完全全冇下次

今日趁星期五Happy Friday, 我見時間尚早，就去左順路敏華幫趁，點知一d都唔Happy. 事原我早去到，就先坐了張大枱，之後靚女服務員問我：“你幾多個人？” 我話“1個” 佢就問我轉去第二度單邊位，我話“好啦，你幫我轉番張枱，因為我落左單了” 過左一陣，我問佢攞杯水，之後佢話“ 我會俾杯水你，你唔駛樣樣野都來轄制住我！” 我話：“我只係問你攞杯水，我點樣轄制你？ 駛唔駛講到咁嚴重呀？” 之後佢無出聲，我食完之後特登走過去經理同佢講再見，因為好早前幫襯時，佢問我點解無見我咁耐唔去幫襯，但我想話佢講聲呢次真是講再見，以後都唔會幫襯呢間敏華，我來食早餐，唔係食一肚氣。

本人剛剛3點左右入敏華食lunch,因為是公司lunch時間，已經是特意在3點人流夠少的時間才去。15:06下單(如圖)，15:36送來，由於luch時間只能快快用5分鐘吃完返公司。期間1530左右已經催服務靚姐說因為是公司lunch時間，太久的話等不了，然後阿姐一句抱歉都沒說過，只答了有下單，你等就是了，然後再過3分鐘問及要多久才能上，店員都黑面了。真係好勞氣。食個飯都要甘的服務，以後本人保證不會去這個集團的餐館。