敏華冰廳 (荃錦中心)

營業中

休息中

他家早餐沙爹牛肉米粉、炒蛋厚多士我幾乎每天必點，QR Code手機落單好方便，唔使麻煩阿姐寫單。但最好能優化一下個APP，堂食的同時也可以下單外賣，自己吃完就可以順便拿外賣走。

星期三 非紅日 早上09:46落單 個碗麵 10:15先上到，仲要係問侍應先入廚房拎出嚟 我明白唔係得我一個食，不過廿幾分鐘煮一個麵，自己衡量啦！冇下次，廚房唔夠人就請人啦，如果請唔到就反省下點解請唔到

今天晚上，到了敏華餐廳食晚餐，其間見其中一個餐漏左個剪蛋多士腸仔未到，諗住追單，招手並叫一位女侍應幫手追單。那位女侍應睇到我招手同埋叫唔該，但轉頭走左出去收錢。她返返入黎，再去叫她，佢又見到都唔理走左去幫人執枱。佢明明見到兩次，都唔過來幫手，完全唔知佢相點。最後，另一位食緊飯嘅侍應見到我叫左兩次主動來幫我跟單。呢位叫左兩次都唔理的女侍應姓祝，戴眼鏡的中年女侍應， 希望敏華見到呢個食評可以跟進一下。

今日星期六去荃灣食晚餐，夜晚6:00見都冇咩人，平時星期日中午係需要排隊，今日經過見到唔需要排隊就入咗去試食，同小朋友一齊揀咗一個火鍋，同埋咖吔多士，個火鍋出場同餐牌張相係一樣，豬肉有五塊，然後成鍋都係菜，因為所有配菜都唔會另上，所以等咗好耐先熟，煮嘅期間，不停漏啲湯出嚟，等好耐同埋煮得好辛苦，如果肚餓就千祈唔好叫呢個餐，同埋個湯底係好飲嘅，但係偏向淡口，如果鍾意重口味嘅都唔適合，最後一大一細都食唔晒呢一個火鍋，可能因為個多士食飽咗！成鍋都係菜，最後食唔晒，性價比唔算話好高，因為除咗幾快豬肉之外，冇任何肉類！另外，架央多士都唔錯，牛油好香～會再嚟試多一次雖然嗰日唔多人，但係樓面都比較忙，好難先搵到一個人，但佢哋都有禮貌會提醒小心熱水，期間我主動掉位，佢哋即刻換返張單俾我，有一個是侍應姨姨仲請我食個小朋友食糖果～

今日嘅中午飯吃一個久違嘅經典，白色奶撻。同餐肉煎蛋飯。呢兩個都係童年嘅經典回憶。敏華因為係集團所以米飯一般都係泰國大米 沒有。沒有什麼特別好啊特別壞就是適中。這個對於集團來講還是基本的操作。主要還是他們的餐肉厚切這一方面是符合一個餐蛋飯的基本原則。而且他們的豉油也是甜甜的那種醬油味道。很有小時候的味道。不過其實性價比就真的很一般。不過雞蛋也是荷包蛋這個把握力度还是可以。最後他們的白色那個蛋撻真的很滑。一直回味那個感覺10分優越。整體來講還算滿意就是消費較高，不過在商場地區沒有辦法

大年初二買蛋撻返去同親戚開心🥳share，難得敏華有開，酥皮蛋撻正，$7.5一個，$14兩個，一開始已諗住買4個，點知去到真係得番4個酥皮蛋撻，其餘係蛋白撻，貴過蛋撻，同埋我冇興趣。買埋最後4個蛋撻，仲有個蛋撻盒一盒4個拎返屋企。返到屋企仲有微溫，但俾大囡一拎跌咗落地就碎咗d，不過overall都睇落靚仔，襯仲有微溫就快d食，酥皮好鬆化，蛋撻有蛋味，如果唔係親戚開心share，我估我可以😌食哂4個，推

下午茶時段本身經過敏華想食下炒蛋多士，見到下午茶餐有黑椒牛肉炒意粉，又想試下。平時食開蔥油煎蛋豬扒飯，覺得幾大份而且味道唔錯。依家連茶餐廳都有得手機落單，而且仲有set到走洋蔥依個選擇，非常好。一上到枱見唔到干炒牛河果啲五顏六色嘅配料就知道係我嘅野🤣第一啖放入口差啲辣親個口，超級新鮮，即炒起熱辣辣。牛肉唔韌不過當然唔好要求佢會有牛肉味啦，香口有穫氣新鮮熱辣已經加分。餐飲要左熱檸水可以去下油膩，一眼望見有4-5塊檸檬就知一啲都冇慳皮。下午茶時間見佢keep住會有酥皮蛋撻同菠蘿包新鮮出爐，2樣都有啲興趣，不過食完炒意粉再食個包好似有啲heavy，所以就叫左個蛋撻算。平時都唔係特別鍾意食酥皮蛋撻，係見佢新鮮出爐，點知一食落去都唔鬆脆，都唔係一層一層嘅酥皮，而且個底好似未熟完啲粉發唔起咁，透透地色，亦都唔覺得有蛋香味。我覺得依個價錢同質素黎講，屋村平價麵包舖啲蛋撻都好食過佢。

Hello 大家好👋🏻！今日我嚟到位於荃灣荃錦中心嘅「敏華冰廳」，我已經係常客，貪佢唔花巧又簡單乾淨， 食物質素有保證。今次同大家分享一下佢哋嘅補鐵午餐「夠薑豬膶牛肉湯公仔麵+炒滑蛋+歐式軟多士」。個名就夠長啦，不過確實可口😆。美食攻略：先講下件歐式軟多士，自問對餐包類都不感興趣，唯獨敏華呢個軟多士我唔會嘥，外脆內軟嘅厚多士配牛油一絕呀。 豬膶爽口薑味充足，一啲腥味都無。 襯埋個滑蛋，呢餐又鐵質又蛋白質，營養價值豐富嘅一餐💪🏻。至於敏華個奶茶，唔洗多講啦，佢有幾出色人人都知啦。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌚🌚賣相：🌝🌝🌝🌚🌚

供應香港傳統「冰室」,略帶西式風味的餐食麵包為自家制點了全日供應的常餐～味道很贊👍喜歡這種厚厚的烘多士烘烤的酥脆的皮又有柔軟的內心吃著超治癒！還有店家推薦的夠姜豬潤牛肉米粉一定要點！不愧是招牌推薦！米粉和豬潤牛肉品質和味道都很好，姜味也不辣但夠香！熱奶茶也很香滑，茶香不澀，奶的比例感覺也剛好～菜單上還有好幾款推薦想再去吃！之前打包過四川榨菜肉絲米粉味道也很棒！個人覺得這家店的原材料能吃的出使用的不錯，而且份量真的蠻足！價格也不貴，算是性價比很高了！

今日放假想岀街食個豐富早餐，就黎左敏華啦！平時食黯然銷魂飯就食得多，反而早餐就好少食。今次終於有機會試下！黎到實叫番個蛋撻，同梯係好酥軟，蛋漿好滑同夠蛋味，不過真係唔夠熱，只可以叫暖暖地，略為失色。沙茶牛肉公仔麵都幾好，牛肉有7塊左右，沙茶醬似似地沙嗲牛肉咁😂，都幾惹味嘅炒蛋都幾岀色，好滑同好香蛋味，係想再食嘅食飯；多士都唔錯，外脆內軟，不過都係唔夠熱通粉啲湯係飲得岀忌廉味，不過似罐頭忌廉湯，就無咩特別

今日去咗敏華冰廳食晏，平時都係食早餐多，早餐質素一向唔錯，希望今日嘅午餐都唔會令人失望。早啲去到，好好彩唔使等位，餐廳環境都算開揚同企理，最緊要係乾淨。叫咗敏華最出名嘅黯然銷魂飯，六十幾蚊其實都幾貴，不過唔緊要啦，新年前食好啲！我好欣賞佢嘅叉燒，肥瘦啱啱好，厚切大大件，肉質有彈性，一啖咬落去好滿足。佢嘅燒烤醬亦好惹味，甜甜的，好正！佢亦配有兩隻太陽蛋，其實撈飯食係好食嘅，蛋黃可以令到啲飯食落去更滑更軟，不過我比較鍾意成隻蛋放入口再咬爆佢，流心嘅感覺好正。甜豉油都好香，撈飯食一流！貴得都叫有少少道理嘅。

娘娘突然說很想在茶餐廳吃現製蛋撻，於是跑了兩條街到這裡，幸好不用等多久就有空桌了。現場有廣播，提醒食客“十分鐘後有出爐蛋撻 ...！”，我們等到還有三分鐘時跟侍應姐姐說要三分鐘後的出爐蛋撻，她果然記得！不過，其實剛出爐的酥皮還是熱辣辣，未冷卻，水分未完全揮發，所以皮還是軟軟的，不是最好吃、酥脆的狀態，但蛋撻本身的質量高，香、滑，這個東西是不能share的！我還點了“旺角冰火菠蘿油拼炒蛋套餐”，菠蘿包是暖的，也什堅挺，菠蘿包中間切的一刀只得一半，所以只有半個菠蘿包塞著牛油，那就不會每口菠蘿包都有牛油😔，但娘娘不想吃牛油，所以剛剛好，她吃包，我“幫”她吃菠蘿油，香、脆，一口冰牛油，大滿足！

如題 + 茶走 $69外賣個樣係冇咁好睇既都有5件叉燒 好好食 有微微焦香 肥瘦均勻叉燒汁好香 雞蛋🥚好滑 兩隻太陽蛋都好靚 流心蛋黃加豉油係完美既配搭普通茶餐既質素不錯 對得起個價錢加飯好夠兩個人食

味覺普通，侍應生禮貌，相反上司無禮貌和太態度差。旺角/將軍澳/沙田整體都妳過那間分店。那間分店荃灣西站海之戀商場內，太興集團要留意那間分店上司太態和禮貌極之差，相反職員比好。

態度極度惡劣嘅女侍應，簡直趕客。雖然唔係高級餐廳唔駛星級服務，但基本禮貌都冇。一早想食一個豐富早餐，去到呢間餐廳，星期日還早嘅時間唔需要等，門口的女收銀叫我坐左邊的中間位去到嘅時候，另外一位長頭髮扎馬尾嘅女侍應用好差語氣命令式語氣叫你哋坐中間，態度極度惡劣，以後唔會再去，唔想做生意不如直接講啦