影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
優惠
95折
[太興、靠得住、敏華冰廳] $50 現金券 (即買即用)
$47.5
$50
今日出街做野。見到敏華餐廳。入左去食午餐。看到最平係嫲婆豆腐。就試下啦。飯到了。先講飯。poster 話用金鳳米。食落都似。我家都是食金鳳米。飯粒完整。不是碎米。有彈性。而且煮得剛剛好。好食。再說嫲婆豆腐。豆腐是煎豆腐。我覺得好過用滑豆腐。好食。至於嫲辣汁。少少辣。嫲味都有。但不濃。我吾鍾意太麻。嫲與辣味剛好。幾夾下。冇話嫲味或辣味過份突出。碎肉ok。總體來說。是好食。還有杯咖啡。好味。茶記即磨咖啡水平👍。49元午餐。低食。
繼續閱讀
一入門就感受到濃濃嘅港式茶餐廳氛圍，環境簡單乾淨，人聲鼎沸，好有煙火氣。🌟招牌黯然銷魂飯呢個真係招牌必點！大大舊嘅叉燒鋪喺飯上面，叉燒燒得恰到好處，外皮金黃微焦，咬落去又嫩又多汁，蜜汁滲入每粒飯入面，食落好滿足。太陽蛋嘅火候亦都控制得一絕，半生熟嘅蛋黃，戳破嘅瞬間，蛋液緩緩流出，將整碗飯嘅味道又提升咗一個層次。🌟牛油西多士西多士煎得金黃酥脆，醇香而不膩，黃油嘅味道完全突出咗。有兩種食法，第一種係等黃油融化咗再食，但個人覺得會比較破壞咗本味，更推薦係啱上就連著未融化嘅黃油一大啖食，絕對正!!!💎阿華田、凍檸茶阿華田好濃郁，一飲就知用料十足，入口綿滑，巧克力味同麥芽味完美融合。凍檸茶茶味濃郁，檸檬嘅清香又可以中和茶嘅澀味，飲落好清爽解膩。
繼續閱讀
今朝食咗敏華嘅早餐，點咗兩樣嘢試，包括沙嗲牛肉米粉同雞湯火腿通粉。沙嗲牛肉米粉嘅湯底非常濃郁，入口香辣惹味，牛肉質感亦唔錯，唔會一咬就散晒，保持住彈性，算係今次餐中嘅亮點之一。米粉方面夠滑，唔會過腍，岩岩好。另一邊嘅雞湯火腿通粉就冇咁出色。雞湯嘅味道偏鹹，而火腿亦係普通貨色，冇太多驚喜，感覺有啲失色。通粉煮得唔錯，口感唔會過腍，但整體嚟講，雞湯火腿通粉表現平平，無咩特別亮點。以價錢嚟講，每份大概$38，喺呢類茶餐廳嘅早餐價錢範圍內屬於合理，唔算偏貴。如果要我推薦，我會建議大家試吓沙嗲牛肉米粉，係比較值得一試嘅選擇，特別係對嗰啲鍾意重口味嘅朋友。整體而言，呢餐早餐中規中矩，唔會話太出色，但價錢合理，當一個簡單早餐嚟講都算ok。
繼續閱讀
排隊等位 見到你冇人理只係望住你 有個呀嬸直入比位佢 我問係咪唔使排隊？佢答我要 我問咁頭先入去果個唔使排隊？佢就即刻搵到個位比你 原來我前面有個叔叔都等緊位 其實裡面一直都有位 冇人安排完全
繼續閱讀
今日突然好想食沙嗲牛麵，咁啱附近有間敏華，係天意啊咁啱去到又冇人排隊，大把卡位任我哋揀。我哋叫咗兩份早餐，一個係榨菜肉絲米，另一個就係我嘅至愛沙嗲牛麵啦！雖然牛肉唔係好嫩滑，但係整體都食得下 $38有麵有蛋有包仲有嘢飲，我都唔會要求太多🤭而家好似周圍都係QR code落單，冇諗到呢度仲有code自助埋單，真係啱晒我呢啲鍾意貪方便既人。不過呢間餐廳入邊訊號唔係咁好， QR code落單有啲慢。我都係鍾意人手落單多啲
繼續閱讀