撒冒小面

營業中

休息中

去AEON shopping，發現有新餐廳，又見到冰粉自助任食，所以試下。冒菜      一碗有多種配料，可以解決選擇困難症。湯底三選一，基本六款配料，在肉類再選二款。藤椒湯底+寬粉+豬頸肉+川燒牛腩藤椒湯底，麻味重。但湯身較為液體，不易掛汁，要以湯匙來一拼把寬粉和湯底放入口裡。豬頸肉無食到，但成功偷來一件牛腩。雞湯底+小麵+魚片+黃豆豬蹄雞湯麵，自古以來已經存在，所以點這款配搭。麵條鹼水味不明顯，沒有影響雞湯原味。黃豆豬蹄 豬肉跟豬皮皆軟綿綿，無需太多牙力即可享用。  豬手不太鹹，配雞湯底很和諧。 黃豆口感似薯蓉豆沙，無牙阿婆都食到。魚片是一般火鍋配料那個黑魚片，滑溜無骨。個人覺得魚片放在藤椒湯底，更顯鮮味。來到碗底，要處理六款配料。蓮藕是粉紅灰色，沒有經過漂白，食得安心。個人更希望有更多青菜，仲要芫荽山。香脆小酥肉  九蚊一小碟，份量剛剛好。表面炸皮夠香脆，浸一浸藤椒湯底更美味。烤串串  一套有五支，細細支，可以大家分享，還有細火長期保溫。 每支竹籤都乾淨無油，雙手可以保持乾淨。玉米小串  一粒粒粟米串在一起，直接食，無需刨粟米，無需擔心有粟米鬚攝牙縫。 卜卜脆的粟米灑上鹹香辣調味

將軍澳區開了冒菜麵店了，在將軍澳廣場，好方便，以後可以多點來吃。➖冒菜(已包三餸)+ 黃豆豬蹄 $83必吃，一定要選寬粉，入口順滑辣味香。裏面仲有不同的蔬菜底，連肥腸很厚肉。➖秘製酸菜魚麵 $59麵很多，酸菜魚夠滑嫩，性價比高。➖串燒半肥黃牛肉串（5串）$18坨坨羊肉串（5串）$20掌中寶小串（5串）$18坨坨五花肉串（5串）$18玉米小串（5串）$9➖自助解辣冰粉$9/位，有冰粉自助區，可以按自己喜好添加配料包括紅糖汁、葡萄乾、桃膠、薄荷葉等多達12款配料，食冰粉解辣一流。總括嚟講係不錯的川菜麵店，平民食堂，下次一定會再來吃冒菜。

朋友話想食啲重口味搵到呢間將軍澳廣場新開嘅「撒冒」結果一試愛上！有重慶冒菜、川味小麵、炸物燒烤樣樣齊，夠晒過癮！餐廳地方唔大用QR code落單有自助水吧招牌冒菜我揀左藤椒湯底湯底濃郁香辣帶勁但唔會過火本身已有材料多樣有萵荀、蓮藕、金菇、豆卜再加豬頸肉、牛餐肉食落又香又惹味！我特別鍾意豆卜吸滿湯汁入口即爆汁好邪惡！川燒牛腩小麵紅油滲晒入小麵入口係標準川味香辣辣度近譚仔小辣怕辣人士慎選！牛腩粒燉到超入味軟淋唔鞋食一啖即刻開胃！小酥肉外脆內嫩炸得金黃香口灑上椒鹽更惹味！一口接一口停唔到價錢勁平叫多兩份唔肉痛！多款串燒一份有五串每串份量細細價錢唔貴同樣多叫幾款都得最好味係半肥黃牛肉串！辣度可以要中辣更惹味👍食完辣記得點個無限續添冰粉多款配料甜蜜滿足！

呢日黎到將軍澳呢間撒冒,成日都見到佢坐滿哂, 都好想試下佢好唔好食, 原來仲有好多中學生幫襯, 店員都好親切~ 我地都叫左好多野食, 分別係唔同類型既串燒同埋麵類,我地叫左一個冒菜,係豬皮再配魚配寬粉, 個粉配麻辣湯真係一流, 我而家打出黎都吞口水! 好好食! 另外我地仲叫左個牛肉擔擔麵,牛肉既份量都唔少, 個麵都幾好食! 我地仲叫左酥肉, 熱辣辣又炸到好脆咁! 一流! 另外串燒都非常之唔錯,佢又唔係好貴, 可以樣樣食D, 我地仲一人加左$9 任食冰粉, 雖然係任食, 但佢都幾高質,有好多料揀, 我地一人食完一碗都好飽, 食唔到第二碗, 但堅高質!

佢哋呢度有好多款唔同嘅粉麵，我哋最後就揀咗冒菜 $68，每碗冒菜可以免費揀兩款餸菜，除咗兩款餸之外，入面已經有好多唔同嘅配菜，包括有海帶、蓮藕、油麥菜、金菇、萵筍、豆卜等，每一款配菜嘅份量都好多，非常大方！湯底方面，我就幾推介藤椒湯底，唔會好辣好油，但係又好惹味！！😋佢哋呢度仲有好多款唔同嘅串燒，大部份都十幾蚊就有五串，見佢咁抵，當然要嗌返幾款試吓啦！🙈🙈我哋分別揀咗 坨坨五花肉串（5串）🐷$18、半肥黃牛肉串（5串）🐮$18、魷魚須小串（5串）🦑$28，雖然每串嘅份量唔係好多，但係除返開大約$3 一串，真係冇咩好挑剔～飲品方面除咗有一般嘅汽水可樂之外，仲有比較少見嘅紫米豆漿 $18，加咗紫米嘅豆漿會比平時嘅更加飽肚🤰🏻～怕佢哋嘅粉麵同串燒太辣❓❗️呢一度加$9就有得任食冰粉🍧，仲有好多款唔同嘅配料可以選擇，$9就可以任食勁抵！

今晚同媽媽去屋企附近食晚飯，食到唔知食乜好，醒起有間餐廳開咗幾個月都未試過，一於就試下先😋 𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃 酥脆小酥肉 🥓 外皮炸到金黃酥脆，咬落去肉汁爆出，調味啱啱好，食到停唔到口，媽媽都話下次要encore🤤 四川擔擔麵 🍜 麵條彈牙，湯底香濃帶微微麻辣，花生醬同肉碎撈勻食好惹味，估唔到份量咁大，底下仲有蠟燭保溫，真係好貼心😍 坨坨羊肉串🐏羊肉串烤得香口，肉質嫩滑微羶，孜然味濃郁，食落好有風味，啱晒鍾意重口味嘅人😋 小香腸小串🐖香腸外皮脆卜卜，咬落去肉汁豐富，帶少少甜味，食落好過癮，一串接一串停唔到口🤩 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 小食份量剛好，可以叫多幾款試下，岩晒三心兩意嘅我🤭 而且價錢仲非常親民🤑成個用餐體驗都好滿意，媽媽都話下次要再嚟試吓其他菜式🙌🏻 🤑 人均消費：～$56🤩 推薦指數：8 / 10📍 餐廳資料：撒冒小面 (將軍澳)將軍澳唐德街1號將軍澳廣場1樓Kiosk A☆.。.:*・°☆.。.:*・°☆.。.:*・°☆.。.:*

喺將軍澳廣場1樓Kiosk A嘅撒冒小面，真係一個隱藏版美食天堂！今次我嚟到呢度，試咗幾款招牌菜，真係令人垂涎欲滴，無論係賣相、香氣，定係味道，都令我感受到咗食物嘅魅力。## 金湯酸菜魚麵首先，金湯酸菜魚麵一上枱，金黃色嘅湯底就已經吸引咗我！湯面上飄浮住幾片酸菜，仲有新鮮嘅魚片，令人忍唔住想即刻試食。湯底香濃，酸酸辣辣，配合魚片嘅鮮味，真係一個完美嘅組合。食落口時，魚片滑嫩，湯底嘅香氣瞬間充滿口腔，令人回味無窮。## 黃豆豬手小麵接住嚟，黃豆豬手小麵就更令人驚喜！豬手燉得非常入味，肉質軟滑得來仲保留住啖啖肉汁。麵條吸收咗豬手嘅精華，整體味道層次分明，真係一啖接一啖，令人唔想停口。## 雞湯抄手再試下雞湯抄手，湯底清澈而鮮美，抄手皮薄餡多，雞肉嘅鮮嫩完全融入湯中，每一口都感覺到雞肉嘅鮮香，真係暖心又滿足。呢種簡單嘅美味，令人忍唔住想再嚟一碗。## 惹味小串燒最後，惹味小串燒絕對係一個驚喜！五花肉串嘅脂肪和瘦肉比例剛剛好，燒得香脆，配上特製醬汁，令人一試成主顧。而黃牛玉串更係肉質緊實，口感豐富，各種風味交織，真係食得令人陶醉。## 健康飲品飲品方面，紫米豆漿同黑米豆漿，唔單止色澤吸引，仲帶

今次主菜揀咗：🌶 #冒菜，麻辣湯底，搭配米線、小酥肉、燒牛脯同香滷肥腸。湯底麻辣味足，小酥肉炸得香脆。  另一個要了🐟 #秘製酸菜魚麵 酸湯味道唔錯，酸辣開胃，魚肉滑嫩無刺。 小食的🥔 麻辣鍋粑土豆，第一食，外脆內軟，好味！串燒🍢 ：坨坨五花肉串 & 坨坨羊肉串五花肉油香十足，羊肉冇膻味，🌶 黑椒香豬肉串口感也唔錯。不過豬肉串的肉不知為何明顯小了點。飲品🥤 黑豆漿是樽裝的，飲唔曬可帶走飲。另外亦有免費自助茶水提供。自助解辣冰粉$9無限潻。🍧可以自己喜歡的配料，有解辣效果。喜歡冒菜和串燒的人可以試吓，部分菜式調味稍重，建議搭配飲品或冰粉一起食用。

係將軍澳想食冒菜嘅時侯，就比我發現依間撒冒所以我就叫左一碗碗雜麵，碗雜麵原來係一種撈麵，配上小辣便會有香辣嘅味道。我個人更喜愛佢嘅串燒，坨坨羊肉串，肥美適中，淡淡羊臊味，再加上辣椒粉非常之香。藤椒雞尖串，藤椒味好香，而且炸得好脆。魷魚須小串，魷魚非常之彈牙。一份小酥肉小食都只係需要$9我另外仲叫咗一份甜品，川渝紅糖酒釀丸子有淡淡酒香味，小丸子就好似飲品中嘅小丸子一樣大小，好容易入口。至於飲品方面，我推薦紫米豆漿和黑豆漿，有益健康又好飲。

˗ˏˋ 撒冒小面 ˎˊ˗川菜以麻辣鮮香見稱 🌶️「撒冒」主打的正是最具代表性的美食重慶小面和成都冒菜✨鍾意食辣嘅一定唔可以錯過！最特別嘅係店內設有冰粉自助區，可以按自己喜好添加配料包括紅糖汁、葡萄乾、桃膠、薄荷葉等多達12款配料任君配搭🤤🥄 冒菜：魚片午餐肉麻辣湯米線 麻辣湯偏重麻香味 米線比起一般食開嘅米線粗身 但勝在夠煙韌彈牙🤤魚片大大塊而且冇骨 午餐肉夠厚切所以吸晒啲湯！🥄冒菜：小酥肉午餐肉藤椒湯薯粉小酥肉炸得夠香脆 而且藤椒湯香濃但唔辣 配上掛汁嘅粗薯粉🫶🏻🥄串燒✨五花肉串：每一寸份量係一口size同埋勝在肥瘦均勻牛肉串：偏向乾身少油脂 但幾香脆 ！魷魚鬚串：比較食到食材本身嘅味道 偏向比較清淡啲嘅口味！粟米串：反而依個有驚喜 每一粒粟米串上竹籤 咬落有肉汁！‎✎ܚ𝗡𝗼𝗻-𝗿𝗲𝘀𝗽𝗼𝗻𝘀𝗶𝗯𝗹𝗲/ 𝗽𝗿𝗼𝗳𝗲𝘀𝘀𝗶𝗼𝗻𝗮𝗹 𝗺𝗮𝗿𝗸𝗶𝗻𝗴 ᝰ✍︎꙳⋆Recommendation: 7/10 | Environment 6.5/10 | Services: 6/10 | Tasty: 8/10 | Cp Value: 8/10 ⸝⋆將軍澳唐德街1號將軍澳廣場1樓Kiosk A

川燒牛腩小麵～揀咗小辣，好香而且份量都唔少，麵條係幼身的，非常吸汁😋冒菜～湯底可以選麻辣/雞湯/藤椒，本身已包含大量蔬菜，然後再自選兩種肉類，麵底還可以選寬面，份量都幾多，非常惹味👍秘製酸菜魚麵～魚片滑嫩，啖啖肉，湯底酸酸地很開胃😄乾拌抄手～大大粒皮很薄，餡料滿滿的，好食😋麻辣鍋粑土豆～外層酥脆甜甜哋帶點微辣，入口口感軟綿👍還有不少烤串種類可供選擇，我哋揀咗黑椒香豬肉串和半肥黃牛肉串，調味調得好好，微辣惹味👍自助任食冰粉$9/位，備有多款配料，如桃膠、果乾、山楂等等，最後加埋桂花糖水/紅糖水/椰糖水，解辣好味✨

凍冰冰想食麻辣川菜～去咗將軍澳廣場「撒冒」小食有麻辣鍋巴土豆，加少少甜辣醬～炸薯仔又軟糯又易入口冒菜揀左藤椒湯底，連同蓮藕、萵筍、豆卜、豬頸肉、牛肉作配料，主食嘅寬粉超級大片，一人食一碗已經好飽紅油抄手用辣椒、醋、蒜調味，味道鮮香，可當主食又可以當開胃小食，咬落啖啖肉😍朋友同我都未聽過重慶碗雜麵呢啲當地嘢～有蜜豆，大量蒜蓉，蔥以及肉碎嚟乾撈麵，份量超多！叫咗好多款串燒同friend邊食邊傾，其中坨坨羊肉串勁推！羊獨有嘅臊味好正！特別粗嘅竹籤穿住間肥間瘦嘅羊肉，好有街頭小食嘅感覺黑椒香豬肉串食落好Juicy!所有菜式同埋串燒下面有蠟燭keep住食物溫度加$9仲可以任食紅糖冰粉，以桂花蜜同埋紅糖作主要調味，配料有我最鍾意嘅提子乾+桃膠!

冒菜有幾個湯底可以揀，中意食辣當然係揀麻辣底，唔食辣嘅朋友亦可以選擇雞湯。主菜都有得揀，但食冒菜我覺得最夾都係寬粉，可以吸滿曬成個麻辣湯汁，而且十分有嚼頭。雖然價錢好平，但應有嘅都有齊，而且分量唔少。配菜有土豆片、金菇、蓮藕片、海帶、青笋等等，都係經典嘅配菜。另外仲可以揀多2個餸菜，推介魚片好滑。麻辣鍋巴土豆即炸，外皮薄薄地一層，非常酥脆，入面口感軟綿。味道甜甜地少辣，非常推薦！乾拌抄手雲吞份量非常多，外皮非常薄，餡料係滿滿嘅豬肉，味道比一般市面上更加麻。最後一定要加$9自助冰粉，多達十幾款配料選擇，例如紅糖汁、葡萄乾、桃膠、薄荷等等。冰粉食落好似果凍咁，主要靠配料同糖水嘅味道，口感冰涼，非常解辣。隔離仲有個茶水區，有唔同嘅茶包，例如玫瑰荷葉茶，呢D出面要十幾蚊嘅野，呢度係完全免費，非常抵！

在將軍澳廣場Aeon購物後，見剛開左間#撒冒，老友話係大角嘴食過，味道正宗好好味，見有位便即時入座囉。小鍋冒菜，湯底㨂了麻辣（小辣），選了入口幼滑的酸菜魚同新鮮牛肉，配菜還有豆卜、海帶、萵筍、金菇菜….，麵底要了麵質較粗的小面，麻辣（小辣）對於我哋嘅來講都算辣，而且份量很足夠。秘製酸菜魚麵，魚片幼嫩滑口，冇骨啖啖肉，湯底酸酸的令人食得開胃，配搭爽彈口感的幼麵都很捧啊。老友至愛的四川擔擔麵，要了bb辣，有肉碎同蔥花，拌勻底下的花生醬，見佢食得好開胃喎。乾拌抄手，抄手皮薄又夠滑，豬肉結實有咀嚼感，麻辣味好惹味。小香腸小串燒得香口，坨坨羊肉串，加埋孜然粉，非常滋味。黑豆漿，紫米豆漿，低糖夠健康。自助解辣冰粉，配料可按自己的喜好加進冰粉內，有紅糖汁、葡萄乾、桃膠、爆珠…等多達10款，抵食又可解辣。

撒冒小面 (將軍澳).將軍澳廣場角落開左間細細地嘅小店，見近近地又平就入去試下.▪️秘製酸菜魚麵▪️.酸菜魚肉好多，但略嫌唔多酸.▪️自選冒菜▪️.個底叫左寬粉底，餸叫左豬腸，牛柏葉，豬頸肉佢本身已經有萵荀，蓮藕，金菇等配料，湯我唔太食得辣就叫左雞湯！.▪️乾拌抄手▪️.夠香夠辣，份量仲要幾多下！.📌 撒冒小面 (將軍澳)將軍澳唐德街1號將軍澳廣場1樓Kiosk A.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️