撒冒小面

撒冒小面晚餐:到將軍澳吃晚餐, 想不到找到這間小店, 真心相當抵食, 小食類全部才九元. 香港堂食九元實在是喜出望外, 小食的份量相當良心合理, 薯仔都有六七件, 相當夠食又不會太飽, 炸過的皮帶點咬口又不會太韌, 而且配上甜甜辣辣的醬汁, 非常開胃惹味, 真想再點一碟。另一款小食脆奶都好吃, 暖烘烘的, 脆口, 不油膩, 而且餡料很香, 味道不假, 亦不會過分漿口, 比想像中好吃, 九元絕對抵食。原本還想點紅糖糍粑和小酥肉, 但都賣光了, 實在可惜。還點了冒菜, 這款有點辣, 所以不能吃辣的人要小心, 這則不過不失, 沒有很好吃亦沒有很抵食, 跟小食類相比, 小食真心驚喜。還點了雞絲粉皮, 要大讚的是麻醬很足夠, 所以很夠味, 青瓜爽口, 清爽能解膩, 好吃, 比較漿一點, 可以加點冒菜的湯開一開, 會更容易入口。總體來說, 服務很好, 店員親切, 我們二人都能座四人卡位又不用搭枱, 安排得相當好, 是可以光顧的一間好店。…查看更多

想食下啲重口味嘅野，所以就揀左呢間主打重慶嘅撒冒，店面細細，都算坐得舒服選擇都多，除咗唔同麵食、炸物、串串，仲有冰粉自助區，自己調配任食，另外亦有免費自助茶水供應，價錢都唔貴➤重慶小麵份量多，湯底麻辣，但辣得嚟唔會話太刺激，食得太辛苦，肉碎調味唔錯，麵條偏幼身➤干拌抄手雲吞抄手皮厚度適中，𥚃面包左豬肉餡，起碼有八九粒，超級飽肚➤串串叫左唔同款式嘅串串，有五花肉、黃牛肉、牛胸、小香腸等，一份五串，十幾蚊一份左右有個爐仔保溫住啲串串全部叫晒小辣，調味粉好足，有孜然味，全部都細細串，作為小食過下口癮唔錯，但有啲偏肥➤酥脆小酥肉外皮酥脆，面頭灑左椒鹽，幾惹味➤脆奶外脆內軟，唔油膩，入面嘅奶偏軟心，唔錯➤紫米同黑米豆漿獨立樽裝，衛生，解辣必選_🍽味道指數:★★★☆☆📷環境指數:★★★☆☆🛎服務指數:★★★★★💰抵食指數:★★★★★😋推薦指數:★★★★☆📍撒冒小面…查看更多

留意👀到將軍澳廣場中庭新開左間四川重慶口味餐廳 今晚一於試下! 冒菜：揀咗藤椒湯底- 藤椒帶來獨特既香麻味，麻感突出，層次感豐富。主食揀咗小麵- 吸收左藤椒湯汁既精華。葷菜-基本款2款：牛柏葉：口感爽脆；肥牛：薄片肉香另加左小酥肉，浸係湯底 半軟腍 半酥脆。仲有湯底自帶配料：油麥菜、蓮藕片、青筍片、金針菇、豆腐粒、海帶片紫米豆漿：紫米增添穀物香氣同埋Q糯口感，豆漿本身濃郁微甜，非常解辣解膩。黑豆漿：相比普通豆漿，黑豆漿豆香更濃郁，營養價值都好高，係搭配重口味餐點既好選擇。乾拌抄手雲吞：搭配麻辣紅油、蒜泥、花生碎等調料，少少香辣麻鹹既風味，雲吞皮滑，餡料足。烤串系列 (種類豐富，各具特色)：五花豬肉串 (5串)：肥瘦岩岩好，烤到焦香，油脂滲出，口感豐腴不膩。半肥黃牛肉串 (5串)：牛肉香氣突出，半肥部位帶出油潤感，肉質有少少嚼勁。牛胸標串 (5串)：特色部位! 預期係口感彈牙 帶點爽脆，油脂香氣濃郁。黑椒雞腿肉串 (5串)：雞腿肉嫩滑多汁，黑椒醃料入味。魷魚鬚小串 (5串)：Q彈，仲有燒烤焦香。黑椒豬肉串 (5串)：豬肉搭配黑椒，鹹香微辣，係經典既燒烤風味。…查看更多

今次專程踩入將軍澳玩～晚餐就選擇呢間主打重慶風味嘅「撒冒」，由湯底到串串都充滿川味靈魂！ 🔥 鎮店冒菜揀咗 藤椒湯底，一上枱就聞到麻香撲鼻，湯底青花椒味突出，麻而不燥，飲咗一啖喉嚨微微顫抖好過癮！配料方面： - 嫩牛肉 薄切滑溜，掛滿藤椒汁又保留肉香 - 牛百葉 爽脆度滿分，吸湯能力一流 - 豬頸肉 厚切有嚼勁- 小麵幼身又彈牙，嗦到停唔到口 🍢 串串系列（每款5串）全部即叫即燒- 牛胸標串 - 油脂爆炸！焦脆邊+奶香肥膏，罪惡感MAX - 黑椒香豬肉串 - 辛香惹味 - 魷魚小串 - 刷咗層麻辣醬，彈牙得嚟夠惹味 - - 半肥黃牛肉串 - 肉汁鎖得靚，肥瘦比例剛好 🍧 自助冰粉 任裝山楂片+葡萄乾+椰果，麻辣後即時降溫～📍撒冒將軍澳唐德街1號將軍澳廣場1樓Kiosk A…查看更多

好耐冇過黎將軍澳，路過見到呢間好似新開於是入左去試下，本人超級鍾意食麻辣野，呢間既口味岩晒我，個擔擔麵相當正宗，麻麻辣辣好過癮，價錢相宜而且份量好多，有個小蠟燭熱住，食到最尾都仲係熱辣辣。呢間既串燒都好好食，一律要小辣，調味粉好足，食落完全就係經典川渝既味道，每份係5串，用蠟燭仔熱住上，一串接一串停唔到口，搭配上可口可樂或者佢既9蚊自助冰粉一齊食仲可以解辣，簡直完美，鍾意食辣既朋友一定不能錯過！！…查看更多