摩豆 (已結業)

今晚約左表兄弟姐妹係旺角食飯，一見到係旺角食，即刻諗起，Yeah~可以順便去試雞蛋仔😂😂間鋪唔算好難搵，係太子落車，行哂第一段花園街，就到嚕～去到見到貼左個牌出黎，望下隻錶見到係17:42，所以就決定企定定霸頭位～等緊既時候，就諗下飲咩好～（因為係黎之前已經決定左，一定係食流心蜂蜜雞蛋仔） 18:05可以落單喇～除左雞蛋仔，仲叫左極品班蘭伯爵茶～ 佢有五部雞蛋仔機，一部吹風機，所以都唔係要等好耐～ 整蜂蜜雞蛋仔，佢會有一個工具，一推，係工具入面的蜂蜜爆珠就會跌入蛋漿。令爆珠可以平衡分佈。 等左五分鐘到，有得食喇！ 拎到之後，一聞，好香蛋味，但應該係因為太多人的關係，整完之後吹風唔夠，所以完全唔脆～雖然有工具幫手，所以爆珠分怖都算平均，而且好足料，有d兩粒有d三粒，但係都食到一粒係無爆珠既😂爆珠蜜糖味好重，好味～唔係太甜～ 呢杯極品班蘭伯爵茶，就真係好失望～淡到同水一樣，好彩因為連雞蛋仔四減左四蚊，都叫係抵番d~（原價$14（中杯）） 整體：除左飲品好失望之外，個流心蜂蜜雞蛋仔，真係要一試～😏

網絡大熱，梗係要去朝聖一下。第一日去到，店員話太多人客等緊，整唔切雞蛋仔，暫停落單。唔心息既我，第二日再去過，等左兩個鐘，終於買到手。流心蜂蜜雞蛋仔 $23之所以流心，只係因為有粒爆爆珠。食落其實好普通，糖漿太甜。見要等咁耐，淨係買一底雞蛋仔好唔抵，所以就試埋積及橙朱古力餅雞蛋仔。完全就係積及橙餅既味，味道濃郁，每粒都食到溶左既朱古力，呢款仲好食過享負盛名既流心蜂蜜味。

專登到來都是為了流心蜂蜜雞蛋仔。 排左四五個人，到我嘅時候，他告訴我要等35至45分鐘，所以買完後便去咗附近始創行街。行完返嚟攞，剛剛叫到我的號碼。 可能我行開得太久，所以雞蛋仔唔太熱。蜂蜜其實就是一粒粒蜂蜜珠仔，咬開便有蜂蜜流出來，不會太甜，亦唔會整到成手都"立次次"，非常好。 其實還有其他好特別嘅雞蛋仔，例如羅宋湯味、橙味，下次要再試！

之前網上見到咁多人排隊食嘅雞蛋仔就係呢個流心蜂蜜雞蛋仔今次終於有機會試下 點知好失望流心蜂蜜雞蛋仔 $23想話嘅係 兩者完全唔夾如果蜂蜜本身係好味嘅蜂蜜都算但係唔之點解食落有少少膠味感覺好奇怪 而且啲蜜糖粒唔凍唔熱令到成個口感有啲複雜嘅感覺同埋可能係蜜糖味偏甜都搶咗雞蛋仔嘅蛋香雖然我不嬲都支持新食品發明但係今次真係難啲俾好評反而之前食過佢嘅橙朱古力就真係唔錯

睇雜誌見到Modos推出唔同味道雞蛋仔，而且好吸引，點可以唔試呀！星期日下午黎到唔係好多人等緊，見到咁多隻味都心思思唔知揀咩好呀！ 芝士又想試，蜂蜜又鍾意，鳳梨酥又好味，但胃得一個，所以今次就買鳳梨酥味啦！店員話要等15分鐘，所以比完錢就去左花園街睇下衫，消磨下時間！果然係15分鐘喎，返到去下一個就到我喇！熱辣辣出爐好脆口，咬開一半見到鳳梨酥餡係入面，微甜而不膩！好快就食晒喇！ 價錢尚可，下次會再試埋其他味道架！

早前在網上傳話的雞蛋仔。終於有機會經過去試試，看到店內有優惠就是買一杯飲料，那雞蛋仔價錢就可減去四元。剛巧有點口渴，於是就買了班蘭綠茶了。眼見很多人都在等待雞蛋仔出爐，等候時間大約是每個人最少等二十底雞蛋仔出爐，我就同朋友在附近逛逛才回去取食物。初時店員問我飲料是否跟食物共同領取，我就先取了飲料，不過後期就有點後悔，原因就留待食評尾段解釋。我點了就是車打芝士雞蛋仔及班蘭綠茶，先品評綠茶，班蘭味道超濃郁，但同時保留綠茶的香味；當加入了班蘭香味，令綠茶口感更細滑，令人非常放鬆。車打芝士雞蛋仔，平均每粒雞蛋仔都內有少量車打芝士，雖然份量不算多，但這樣做才不會搶走雞蛋仔的香味。而芝士味道有點兒咸，像吃緊咸味的雞蛋仔，感覺幾特別的。不過味道偏咸的時候，就引致有點口渴。所以一早喝清綠茶的我就有點後悔了，應該吃光雞蛋仔才喝綠茶，那就可以解決口渴問題。再品評一下雞蛋仔，它的蛋漿不算太香，而雞蛋仔邊位亦不算是脆皮，只是餡料比較特別，而且吃得出餡料不是一般的食材，食材方面就為雞蛋仔搶回一些分數。如下次再光顧，我會試確蘭味道，嘻嘻，但一定一定再飲班蘭綠茶！

近日網上有好多文章講起依間雞蛋仔！見佢流心蜂蜜好吸引，芝士又好似好濃咁，所以決心一試！其實我一共去左兩次的。第一次五點幾去到，竟然話已截單，下一輪七點 咁我廢事等咁耐，決定下次再試～！第二次接近七點去到，竟然又見同樣嘅告示，莫非係marketing想製造排隊效果 不過一場黎到就排下啦！今次就試流心蜂蜜+ 芝士， 除開每人24蚊～首先食流心蜂蜜...咦請問說好的流心蜂蜜呢？？？上網嘅圖明明係液體蜂蜜，點解會變左froyo嘅爆珠架好憤怒，啲味又假，好人工 唔推介！！芝士比較好，如圖中所見真係有較多芝士的，亦有芝士味。不過芝士份量亦無網上啲圖咁誇張啦... 芝士雞蛋仔都係想當年嘅超x好食啲！佢有好多其他味，我諗行過貪新鮮可以試下嘅，但預左同廣告圖有好大出入🤔！

🍍鳳梨酥雞蛋仔$28-Modos好失望既雞蛋仔😭 3點半去到好好彩買左最後一底鳳梨酥味,等左大概15分鐘, 點知味道同質感真係令人好失望!! 😐可能因為最後一底 醬汁唔夠, 鳳梨酥味非常之淡, 食到底幾乎入面無饀咁濟, 味道酸甜,感覺似果醬多過鳳梨酥🤔 蛋香味亦唔重, 質感偏稔身,似食緊蛋糕,亦未能做到外脆內軟, 性價比真係非常低😪rating:4/10

之前經過花園街都有留意到開左間新嘅雞蛋仔店，就係一直都無機會試。最近晌網上睇到有介紹呢間雞蛋仔店。前幾日同朋友交收完經過諗住試睇.....點知店員話要等最少1個鐘.......囧果下真係嚇親.....所以走左打算過多排先再黎.....點知男朋友星期六提起想試，於是決定搭車返屋企前去睇下。去到見佢貼住張紙「等候時間~20分鐘」。又等得過喎!呢間店嘅雞蛋仔有好多特別嘅味道。例如積及橙朱古力、香濃羅宋湯、土鳳梨酥等。最後我地揀左流心蜂蜜雞蛋仔。店員好好，提我地宜家要等30分鐘.....諗住都差唔多姐.....照等無所謂....結果到最後一等就等咗40分鐘.....= ="我地都明嘅.....傳媒嘅威力!流心蜂蜜雞蛋仔見住店員將雞蛋仔迅速從模具移落定型架度，然後吹涼30秒都無就入左落紙袋比我地。所以真係新鮮滾熱辣!! 熱到只能夠捉住紙袋。XD接過雞蛋仔，未開始食已經有一陣陣香濃嘅蜂蜜味飄出黎。附上一張雞蛋仔解剖圖~XD雞蛋仔入口唔係好脆，有D軟淋淋，始終吹得唔夠耐就入袋。不過雞蛋仔本身嘅蛋香味好夠，加返分啦~驚喜位在於咬落去嘅時候，一粒粒蜂蜜爆珠晌口中爆開！好有趣！同埋每粒雞蛋仔入面都有3、4

在現今租金高企的年代，雞蛋仔店買少見少。如今，美味可口的雞蛋仔十指可數。最近在Facebook看到旺角出現創新雞蛋仔店，於是我與友人在空餘時間到來一嘗，究竟這間雞蛋仔能否帶給我驚艷感覺？店鋪不難找，在旺角站出口沿行人天橋即可方便到達。那時正時正值下午茶時間，需輪候十多位顧客，眼看吸引不少老幼年少購買，好不熱鬧。 等了十分鐘，終於從店員接下雞蛋仔。當我看到雞蛋仔後，有點兒失望因為它沒有"熱到出煙" , 當時天氣頗凍，正常新鮮出爐的雞蛋仔絕對能做到，可是理想不過理想。其實雞蛋仔的味道才是重點，我們買了芝士雞蛋仔。 當我在扯下一角落的雞蛋仔，我發現那雞蛋仔做不到鬆脆的口感因為扯下雞蛋仔時的聲音硬朗，不清脆利落。果然，我的猜想正確了，雞蛋仔"實的的" 至於味道，雞蛋仔與芝士我也喜愛，但這個將兩者混合一起的雞蛋仔我不太喜歡。首先芝士味蓋過蛋味，是芝士味太重？或蛋味不足？ 我認為是後者。 蛋味與芝士味層次不分明。加上雞蛋仔內空氣成份不夠，我想是雞蛋仔不夠鬆脆的其中一個原因吧。總而言之，雖然雞蛋仔味道創新，別具一格，但雞蛋仔的根本須努力改善。否則，風朝過後，還能否吸引大量顧客？ 對我而言，我欣賞這份

近來無論在Instagram、Facebook或飲食節目等的社交網絡均會看到討論得最多、最大熱的雞蛋仔專賣店，就是位於旺角花園街橫街交界，弼街在卓悅化妝品店對面的Modos。究竟有什麼魅力會吸引如此多人排隊呢？就小妹而言，其出品之一的流心蜂蜜雞蛋仔，在網上看見粒粒蜂蜜爆漿瀉出的賣相，完全俘虜一眾最鐘意呃「like」的潮男潮女。聲勢如此一來，必然有了心理準備要排隊潮聖。就晚上七點，到達橫街，其實不用再搵店舖位置於那方，總之你會看見零零舍舍出現一條長長的人龍、而那裡卻又不是排隊等小巴的地方，正正就是你所想去的Modos雞蛋仔店。收銀處的叫號碼牌上寫上要等待20分鐘，乖乖地排隊付款後，店員才說要等大概50分鐘。50分鐘，為了一件雞蛋仔你可以去到幾盡？幸好，同行的姐姐有先見之明，一早「狗」衝去排隊落單，繼而乖乖去行逛整條花園街的女裝店，最後才慢慢等吃小食。餐廳熱賣的雞蛋仔，一共有10款，包括有土鳳梨、流心蜜糖、甜薑味、斑蘭味、原味朱古力、特選芝士、積及橙朱古力、斑蘭味、原味紅豆，仲有估佢唔到的香濃羅宋湯味。味道有甜有咸，感覺有點九唔搭八，但勝在夠創新、有gimmick。除了雞蛋仔外，餐廳更加供

雖然依底雞蛋仔足足要我排45分鐘😔😔 流心蜂蜜雞蛋仔不過佢真係有少少令我喜出望外，係蜂蜜檸檬味，味道好濃蜜糖味，好得意😊本身以為係好似佢張poster咁流哂岀黎，一開始仲擔心會浸到好淋，但現實中比較好，佢係好似一粒爆珠咁，裡面有蜂蜜係入面🍯，你要咬落去先會有🙈因為佢有檸檬味中和，所以吾會太甜

Before Eggspectation and Modos came along, I have probably had at most 10 eggettes in my life because they don’t particular taste good in my opinion and often too sweet or eggy.I began to appreciate eggettes when Eggspectation opened in Tsuen Wan, so I trekked all the way for it and it was good as expected.Since it is quite far away, I haven’t really been back since.Later I tried Modos’ pandan eggette because I love pandan and it was really nice but didn’t really get it again until a few weeks a

雞蛋仔一向得我心但好吃的現在很難揾近來市面的越來越多新花神好像非要不注滿餡料醬料才夠吸引縱使新鮮感滿分很多餅底卻已失真其實好吃的話雞蛋仔本身已很吸引一邊脆一邊軟很夠口感但坊間一般不是太脆就是太厚粉是日要去花墟一行經過摩豆傳來一陣雞蛋仔香立刻起心癮買來一底班蘭的止口痕班蘭的香味很怡人難得吃下去還脆薄煙靭算近期吃過的最高分沾著雪糕吃來應該更清新待天氣轉暖再來試一份

這店開在旺角花園街，十分方便女士一行到一半街可以買小食吃。摩豆 Modos之所以吸引到我買是因為想試試積及橙朱古力怎樣可以加入雞蛋仔中。價錢都略貴，平常食開的原味雞蛋仔只是十幾蚊，至於積及橙朱古力雞蛋仔要23蚊等了差不多7-8分鐘，終於到手，個貌相雖然不是太好看，但每一粒雞蛋仔真是做到內脆外軟的效果積及橙味就不是太明顯，朱古力粒味道較濃郁。整個雞蛋仔配合得很好，好正!!!