呢個商場有三期，要係度搵食開餐絶對無難度。不論菜式價錢定位都有唔同選擇。小資女平實之選就去咗呢間。呢客賣相咁靚嘅煙三文魚凱撒雜菜沙律拌脆炸巴馬火腿 ($68)，點估到係出自茶餐廳。成幾大塊煙三文魚，底層係大量雜菜沙律及煙肉脆粒，沙律醬可自由加配。份量都幾多，細食嘅都可以當一份主食。係諗緊食咩時，傳來後面枱嘅咖喱香味，咁就一於叫個咖喱做主菜。呢客係印度皇室咖喱牛筋腩 ($62)，可選跟飯/意粉。好多咖喱汁，絶對夠晒撈飯。味道偏甜，似加咗椰奶。牛筋腩炆得夠腍，喜歡牛筋嘅膠質感，滑嘟嘟送飯，兩種唔同口感。只有將軍澳店限定嘅經典鐵板西式餐叫咗客鐵板香煎美國極品T骨扒 ($128)，跟餐包埋餐湯，牛油多士。紅湯開吓個胃口。另加$9可轉特飲。炎夏日子飲杯果味又有氣嘅就岩晒，大大杯嘅荔枝梳打，香甜有原粒荔枝肉及椰果粒，好飲。熱辣辣嘅鐵板T骨扒上枱，醬汁選擇燒汁。自己倒醬汁落去，發出”滋滋”聲，食鐵板餐就係要有呢個儀式感。件扒唔算太厚切，但就好大塊，肉質幾鬆軟但無梳打粉味。選薯菜仲有個焗薯，性格比相當唔錯。壓軸出場叫咗客西多士作為另類”甜品”，未食糖漿及牛油香味已散出黎。中間夾住花生醬，甜中帶少咸，二人分享岩岩好。配埋杯餐飲熱奶茶，茶餐廳出品當然有返咁上下水準。成餐埋單都唔駛三百，由餐湯，沙律，主菜去到甜品都食埋，難怪得到街坊嘅支持。…查看更多
泰皇冬陰功肥牛通粉、腸仔煎蛋、凍檸茶走甜
腸仔煎蛋，普普通通，不過塊麵包值得一提，有烘底唔使加錢，麵包軟軟
冬陰功肥牛通粉酸辣開胃，湯底濃郁，微嗆的辣度和檸檬草香氣完美融合，可惜肥牛太韌
可以再好啲，通粉吸滿湯汁，每一口都過癮。凍檸茶走甜清新解膩，有三片檸檬，檸檬酸度恰好，冰涼爽口，食完重口味野飲就岩哂。整體份量十足，味道層次分明，性價比高，適合喜愛港式茶餐廳風味的朋友。
奶茶用返舊款杯裝，好懷舊
奶茶茶味夠，奶厚滑
