影片
已經幫襯左好幾次，真係忍唔住想幫佢寫個食評等多啲人識👍🏻招牌燒雞，肉嫩多汁、即叫即整，外賣自取返屋企路程大約20分鐘時間、全程隔住個包裝都聞到燒雞嘅味、香到爆！次次返到屋企食嘅時候都會俾啲雞汁燙到手😂超級熱辣辣，仲要成隻雞都係$60！唯一要彈嘅係希望除左泰式辣醬之外，可以試吓有其他醬汁選擇用嚟點雞食🤣題外話個芝心牛肉漢堡排都好正，勁多芝士、勁流心，都係一流！跟埋意粉都係$39，抵到爆👍🏻
繼續閱讀
揸開車過黎天水圍，醒起之前有人提過呢間新開嘅小店，咁就順便買一個試下，先試炸髀白汁撈丁，但我轉咗意粉，雞髀即炸，我見人地買漢堡，攪到我心大心細想買埋，但我食唔哂會，下次先試，佢雞髀幫我起咗骨，個汁分開上的，圖只係我倒咗落去先影，估唔到個意粉都幾多，食哂我好飽，個汁似金寶果隻忌廉湯味，炸髀我拎到返屋企都仲有啲脆，仲要包埋野飲郁係$39，真係好抵，下次再試其他
繼續閱讀
店舖位於1樓劉振強醫生醫務所斜對面，不太難搵。店舖為外賣店，不設堂食。燒賣自己整，好大粒，大粒過戲院賣既好多，有4種餡，仲有少見既蝦味燒賣，20蚊已有8粒記得試埋特辣辣椒油，不過如果第一次去就試少少，驚頂唔順。奶茶係店主自己調配，有驚喜，好好飲，下次先試埋椰果梨茶及椰果葡萄茶。烤雞以58蚊隻嚟講算幾大隻，仲大過一隻手掌。去嗰陣薯格同薯條遇啱剛剛炸好，買埋，真係好鬼熱👍👍👍，一個餐48蚊有麵、小食、飲品，加多樣小食已夠兩個人食。必定會再幫襯，不過如果多人買時最好排隊時諗定買乜
繼續閱讀
您可能會有興趣的...