探魚烤魚

沙田探魚｜九十八蚊一人烤魚套餐勁抵食🔥 終於試咗呢間紅咗好耐嘅探魚‼️ 今次黎沙田新城市呢間分店，一坐低就被個「一人烤魚套餐」驚呆🤯 九十八蚊居然有一整鍋烤魚仲跟埋白飯🍚 完全唔係「一人份」嘅細細份，兩個人share都夠飽，抵到喊啊😱 先講個烤魚🐟 今次叫咗鮮青椒爽麻味、香辣味同日光番茄味：✅ 鮮青椒爽麻味：麻勁夠晒但唔會嗆，青椒香滲晒入魚肉入面，魚皮脆卜卜，肉質滑捋捋仲冇骨，食落啖啖鮮香🌶️✅ 香辣味：辣度岩岩好，汁底勁惹味，撈飯簡直絕配🍚 食到停唔到口✅ 日光番茄味：酸甜開胃，番茄肉煮到溶晒，魚肉吸晒濃郁茄汁，唔食辣嘅朋友必點🍅 仲叫咗個土豆泥烤雞🍗 土豆泥綿密到好似雲咁，烤雞皮脆肉嫩，肉汁鎖到滿滿哋，配埋土豆泥食，口感層次勁豐富😋 仲有個彭彭小酥肉，外脆內嫩，香到隔幾張枱都聞到🤤 講返探魚嘅來頭啦📜 呢間店其實由內地紅過黎，主打川味烤魚，夠晒地道又夠創新，開咗十幾年，成日都排長龍，而家香港都有分店，終於唔使專登過關食啦🇭🇰 總結：九十八蚊一人套餐真係抵到冇朋友，份量足、味道正、性價比爆燈💥 下次想食烤魚一定再黎！各位沙田友快啲衝🏃‍♀️ #探魚烤魚 #沙田美食 #香港食評 #一人套餐 #抵食推介 #烤魚控…查看更多

第一次喺香港去「探魚」食 lunch. 兩個人叫咗以下嘅食物, 唔貴. 共$485 不過係食唔曬嘅. 金銀蒜香味烤魚 ~ 烤魚好味, 魚身金黃, 魚肉滑溜不腥, 湯底鮮美, 帶有濃郁蒜香. 入口惹味. 搭配豆腐、豆皮及娃娃菜等, 好味又夠飽. 爆漿鴛鴦滋粑 ~ 呢個甜品好好食, 脆卜卜, 又有啲煙韌. 其實我唔知係咩嚟, 但係覺得好食. 醬香味烤魚 ~ 醬味令魚香味更明顯, 醒胃味鮮. 配搭豆腐、豆皮及娃娃菜等, 加多個白飯, 好開胃. 可樂、低糖紫米豆漿、澎澎小酥肉、黃金組合、海陸空把把燒天團、蒜泥青瓜. 樣樣都幾好食, 不過味道稍濃, 食飽飽就要飲多啲水啊. 解辣冰粉自助區的配料不少, 包括紅糖汁、酒釀、桂花糖、白珍珠、葡萄乾、桃膠、山楂等等, 食客可自由搭配挑選. 探魚 ( 沙田店)新界沙田區沙田新城市廣場1期6樓626室…查看更多

星期日諗食辣的東西, 就諗起呢間, 間中去沙田都會經過。等左冇幾耐就有位, 位置幾好, 裝修幾特別。條魚味道太濃, 其實冇乜魚味, 叫了配菜, 原來本身已經熟的, 好似怪怪地.飲品好大好特別, 味道就一般。全程係烤魷魚有驚喜, 可惜58蚊得6條仔…查看更多

真係好鍾意食探魚，忍唔住又嚟食！我哋叫咗兩個set：鮮青椒爽麻味烤魚一人餐(小麻小辣):烤魚完全冇骨好大條，而且魚肉好滑，啖啖肉，加埋黑椒味湯底，帶點麻辣，娃娃菜，腐皮，好入味😗小酥肉：剛剛炸起，炸粉少，好鬆化😎配無糖可樂酸菜味烤魚一人餐：海陸空飽飽燒天團，少辣: 有魷魚鬚、牛肋條、掌中寶，魷魚鬚煙靭好食，牛肋條肌肉唔會好硬好入味，加埋辣粉，超好食，雞軟骨好脆口，加埋醃料，超正！咁香烤花菜：有椒鹽味，比較乾身，唔會太鹹，算新穎爆炒香辣牛蛙鍋小辣：個鍋都好大，牛蛙都唔少，好入味😎紅椒青椒、西蘭花、蓮藕好爽海陸空把把小天團：有魷魚鬚、牛肉串同掌中寶各5串，共15串，好岩一大班朋友食，即叫即燒，好香好野味！一定要試…查看更多

好多年前喺廣州食過探魚，一直念念不忘😍！好開心近年香港都有分店，而且我屋企附近嘅沙田新城市廣場就開咗一間，真係超方便，所以我已經成為咗熟客仔～每次嚟親，我一定係全魚宴！魚肉真係超級嫩滑，仲要係冇骨㗎，食極都唔會厭，真心推介！🤤必點之選： 🐟 金銀蒜香味烤魚蒜香爆棚，味道濃郁又唔會蓋過魚嘅鮮味，鍾意蒜香嘅朋友絕對要試！🐟 醬香味烤魚一人餐一個人嚟食嘅話，叫呢個套餐就最抵，醬汁入味，魚肉依然保持滑溜，抵食！🍖 澎澎小酥肉脆脆哋又唔油膩，點埋辣粉食更加開胃，係完美嘅小食配搭～🍧 白涼粉甜品每次嚟都必食！$9一位就可以任食，清涼爽滑，食完烤魚之後食返碗，解膩又滿足～👍…查看更多