捌神燒味冰室

營業中

休息中

今早到此餐廳吃早餐 吃了一個粉麵套餐 配長仔炒蛋 奉上蛋都凍冰冰 欠缺一份蛋 本人摧促（侍應生）補回 點知她服務態度不禮貌 （叫等下先）😡 再等一等 又再摧促 還未到 其他客人的食物已到齊 差不多吃完 他的樣子態度禮貌不友善 😡 才補給一份及侮氣態度大力放上枱面 甘樣員工服務超差 沒有下次再光顧 差差差

捌神燒味冰室捌神燒味冰室係天一商場，係天一入面除左連鎖餐廳既早餐選擇🤣🤣，供應時間時間為上午7:00 -11:30 。早餐分為懷舊原味（粉麵類）、歐陸豐味（扒類）、全日早餐（魚柳加酥皮牛角）同滿足港味（雙拼公仔麵同三文治），主打一個乜都有啲🙈🙈，今次食左懷舊原味早餐b餐。🍜沙嗲牛肉公仔麵 💰36（凍飲+3）每份懷舊原味早餐除咗主食既面類之外，都可以係［腸仔、煙肉、餐肉及火腿］揀一款，另外都配有牛乳炒蛋及牛油多士或方包。沙嗲牛肉公仔麵 😋😋😋好食，沙嗲汁撈均碗麵，有啲三色豆做配料。今次揀左午餐肉，塊肉好薄，味道正常。牛乳炒蛋同牛油多士都正常發揮。整體黎講，食物質素ok，價錢合理👍

#鼠尾草食飲玩 #sagefoodiehk蜜香😚 × 好味🤤 × 叉燒🔥呢間燒味舖真心出乎意料💖！本身諗住入去食個快lunch，點知叉燒嘅質素好食過出面，會掛住佢嘅叉燒🥹。配埋瀨粉好正。而且呢個價錢仲有埋餐同餐飲，都幾唔錯🫶🏻。如果喺附近返工返學嘅人都推薦嚟食，不過見到午餐時間已經幾多學生會嚟呢度食🤣。💰 雙拼燒味飯/粉麵($58連餐湯餐飲)🥢 捌神燒味冰室 @yagami20200907🗺️ 天水圍天秀路8號天一商城地下G001號舖

第一次食文昌雞下午茶碟雞上枱第一時間覺得唔妥，用义輕輕推開，70%係雞皮 雞油 雞骨🤮我即叫侍應，問可唔可以轉餐，轉午餐都得，女侍應話上咗枱就唔可以轉，我話算，叫佢收走碟雞（佢唔收），依個女侍應就唔睬我了，極冇禮貌月過咗幾分鐘，有個比較有禮貌嘅男侍應過嚟講咗一堆廢話⋯⋯$38一個下午茶係平，難道平就要比咁嘅嘢人食？本來仲想第日中午可以過嚟食lunch ⋯⋯唔敢啦⋯⋯⋯⋯⋯差差差

喺大埔買完海鮮，拎埋啲燒烤嘢準備嚟濕地公園個朋友屋企燒烤。屙到半死嘅情況下佢話呢度係美食嘅沙漠，冇乜嘢好食。我就話想食茶餐廳沙嗲牛米嗰啲類型嘅東西。跟住佢又突然間諗起附近有間燒叉燒幾好，咁我就去試試啦。下午茶時段入到去，入到去冇咩人，打開個餐牌又揀唔落手，感覺好似伏伏地本來想走。但係實在太攰唔想再搵其他地方食，所以就嗌咗個燒肉瀨粉嚟食。但係又好肚餓，所以另外加咗隻炸髀拼細多士。先上咗個燒肉瀨，望落去肥瘦均勻，都好似幾好，跟住食落去。懂左一聲，脆到不得了。我可以好肯定咁講，比起好多酒樓佢做得更加出色。食完個奶粉真係唔夠喉，好彩嗌咗個炸髀，個西多士細細份啱啱好唔會太膩，如果中間搽返少少花生醬就不得了。個炸髀都好驚艷，隻雞髀炸完之後都仲好多肉汁，唔太乾身。一間咁好食嘅冰室真係唔知點解冇乜人食，如果佢有多啲分店就好啦。

今日4:00行過，見到有燒味瀨粉下午荼，入去試吓，叫左兩份，一個燒鵝瀨，一個切雞瀬，每份33元，冇想過，一間專賣燒味既茶餐廳，D燒味差成甘，D雞完全唔得， 燒鵝，唔得，講到自己甘巴閉，真係唔明，食完出去行上樓上，見到又有間燒味茶記，門口排哂隊買外賣，燒味靚好多，甘我明白。佢門口真係拍烏蠅，甘既質素，賣唔去第二又比人食，隔幾夜既燒味梗系唔好食啦。祝佢好運。

每次想食燒味飯都會諗起捌神燒味冰室，黑毛豬叉燒超惹味，今日經開發現原來有下午茶，試一試先🤭下午茶價錢好抵 ，一個餐先33蚊，絕對係我 li d窮人恩物，今次分別叫左3個套餐❣️抵食就真係抵食 ，但味道同平時的確係有d參差，不過如果對比起大x樂 美x果d連鎖店，質素仍然係好好多！燒鴨 比較多肥膏同少肉，但鴨味唔騷 肉質都唔錯，點埋個梅醬 都仍然好惹味到頭抽五穀雞 賣相好靚仔，味道同平時一樣，雞肉都係好嫩滑，頭抽味道都好出最令我 驚喜 係魚柳沙律外層酥脆魚肉唔係好薄果種，沙律就是平常什果沙律但超多料 ，另外其實仲可以選擇配薯條或者迷你西多士，作為正宗下午茶餐，我下次都應該會揀，或者炸雞皮都唔錯🤭🤭🤭

#搞串個pantry講到食 #燒味 🔥，好多燒味舖都有自己特色嘅燒味招牌整法😍。今次我哋就嚟到位於 #天水圍 嘅一間 #茶餐廳 🇭🇰，佢係以現代風裝修🛋️，坐得幾舒服，今次就嚟試下佢嘅燒味啦😆。我哋嗌咗🔴燒味雙拼飯($58)，🟫黑毛豬叉燒配🟨豉油雞，另一個係🔵燒鵝雙拼飯($68)，配🟫黑毛豬叉燒、轉🟧撈公仔麵底。午市套餐仲有配餐湯同埋飲品🥤。黑毛豬叉燒配豉油雞飯🌟🌟🌟🌟黑毛豬叉燒🐷嘅部位揀得啱啱好，食落有叉燒嘅油香味🤤，同時間肉質嘅部份都軟腍🫦。豉油雞🐔亦都合乎預期，豉油味同雞油味都充足🍗，口感正正常常。燒鵝配黑毛豬叉燒撈公仔麵🌟🌟🌟🌟黑毛豬叉燒🐷真係唔錯，無論味道定係口感都好滿足😋，加上出面好食嘅燒味🔥都賣得幾貴💰，如果嚟呢度食燒味飯建議嗌叉燒😍！而燒鵝🪿亦都夠邪惡，好有鵝油香味🥳，肉質同樣係正正常常。公仔麵🍜嘅質地都ok，有味粉🧂自己調配鹹度。

突然想食燒味飯同女友黎左呢間 ，未試過就試下晚餐時間勁小人都心感不妙，不過是但啦 燒味飯可以點樣伏 都係個d野 差極應該有個譜，點知一黎到 個切雞飯賣相勁差…仲慘過我買外賣擺雪櫃第二日拎返出黎既程度，又柴又乾仲要一夾就散….食落完全無味…連d飯都好似擺左勁耐既隔夜飯咁 硬硬地 定唔知係咪唔熟…真心未試過咁普通既飯可以整到咁難食…永無下次…真心覺得呢間野再唔改善好難繼續做落去好多人話服務態度差呢樣我又感受唔到，因為都無人理過我地😂只係落個單叫左好耐

又霉又叔的牛扒雖然只是50幾蚊，不能抱太大期望，但是質素也不能這麼的差勁，牛扒真係又霉又叔，根本不能食，最初已好聲好氣要求侍應更換，但侍應只是敷衍答應，話會更換，仲笑住問你你想點，叔咗要求更換也是很正常，但侍應根本沒有要更換的意思，完全不理不睬，成班侍應好像睇戲一樣，完全企埋一邊，經理亦沒有給予交代，尤得你在等，等你自己走。整間餐廳的服務態度極為差劣，這家餐廳不會再有下一次！🤬🤬🤬😤😤😤

12點食飯見唔洗排隊就入黎食。 一坐底遞隻手出去叫埋唔該 5分鐘都冇人應 有個睇到都擰番轉頭。 有個女人話31枱叫人。 先有另一個女人唔情願咁慢慢行過黎。我話：要瘦叉煎蛋飯。 佢話：咩話？ 黯然銷魂飯瘦叉燒係咪呀！？ 我心諗咁難溝通架咩 係咪唔肯落單呀之後個飯黎左，又有另一個男人黎問 有冇湯？ 我話冇wa， 佢話： 我問你要唔要湯呀！？ 我話唔洗啦一個又係咁 兩個又係咁 個個都唔恨撈，呢間餐廳我以後都唔會再食 食你個飯送埋啖氣 我真係多x謝你lunchtime 到到食野都要排隊大把客人 唔怪得呢間野唔洗排 呢d服務態度抵你冇客

天水圍啲野食都食厭左 見到呢間燒味仲未試過就試下食啦 外面掛住啲燒味都幾吸引一入去 冇人招呼 但係下午茶時段都冇乜人喎 員工又唔係忙 咁咪自己坐低之後諗好要叫野食 隻手揮極都冇人理 收銀有個肥女人睇到架 都冇諗住叫人望下我呢邊算啦 食物都不過不失 都唔算受氣既點知埋單個陣 我問個肥女人收銀有冇得收八達通 佢唔理我 我以為佢聽唔到啦又問一次 佢話只收現金啊 仲反我白眼 唔知仲以為我冇比錢食野應該呢就永遠冇下次啦 相都唔想影 又唔係特別好食仲要串串貢 不了

本人多年第二次寫食評，雖然今日好忙，但唔訓覺都要寫少少……今期推廣：👍🏻👍🏻👍🏻👍🏻👍🏻「貴少燒味態劣二手牙線飯」（牙線已與飯合埋一齊，相信係一齊煮。）小評：🥲🥲🥲🥲🥲食物貴，份量少，服務差，衛生劣！估唔到個店名個勁，食物等可以咁極致。再睇番過去食評，遇番咁多過來人，先發現，原來自己已光顧「名牌食店」，希望藉著OpenRice 可以幫手做下宣傳，為遊客、街坊出一分力，多謝大家！🙏🏻🙏🏻🙏🏻🙏🏻🙏🏻有圖有真相😱

今日同屋企人黎到呢度試下佢嘅早餐，點知有d失望。我地都係叫左沙爹牛肉通粉，佢個通粉係清湯，冇咩味，而且個牛肉都冇咩沙爹味，認真麻麻地。。。跟餐有多士，蛋，同埋腸仔，都係正常餐廳嘅早餐。如果個蛋可以選擇其他煮法就好啦，例如煎蛋🍳，因為佢依家係set左炒蛋。值得一讚嘅係杯奶茶，係茶餐廳水準，好有港式風味🫖不過呢間餐廳係主打燒味，見d燒味掛出黎好似都唔錯咁，有機會會買黎試下。但早餐應該就唔會再有下次了。

鋪位轉了捌神都未試過，下午就去食個下午茶，炸雞脾加西多士，熱咖啡。要讚雞脾好入味，皮又脆口；西多士比大快活好；咖啡就一般茶餐廳味道。炸雞脾可以，下次試下炸薯條，熱奶茶。完